Nën urdhrat e Frenk Lampard, një nga ish-mesfushorët më të mirë në botë, pritej që Bakajoko të përmirësohej dhe t’i jepej një tjetër shans në Londër dhe pikërisht kështu ka ndodhur. Lampard e aktivizoi në miqësoren e sotme, por sërish Bakajoko bëri një sfidë për t’u harruar përballë një kundërshtari modest.

E për t’i vënë kapakun një paraqitje skandaloze, francezi bën një gabim amatoresk, duke e pasur topin jashtë, pa pasur presing dhe duke qenë i qetë në mesfushë. E ardhmja e tij duket shumë larg Çelsit…

Bakayoko yafu kill me oo!! Have been trying to support him lately but dis pass is something else ??pic.twitter.com/JV9dEMCApk

— R?????_JR (@vj_Raheem) July 13, 2019

Blerja e mesfushorit nga Çelsi duket një kapitull i mbyllur, pasi drejtuesit kuqezinj sipas gjasave e kanë vendsour që nuk do ta aktivizojnë të drejtën e blerjes. Nga ky fakt, po përfiton Interi, me Bepe Marotën, i cili ka bërë gati planin.

Marota kërkon të marrë Bakajokon përsëri në Milano, por këtë herë në kampin e Interit. Formula do të jetë pak a shumë e njëjta që përdori Milanin, huazim për 5-6 milionë euro dhe e drejta e blerjes për 32 milionë euro.

Pikëpyetja e vetme është Çelsi dhe Mauricio Sarri. Në rast se ky i fundit do të vijojë të jetë në krye të bluve, atëherë largimi i Bakajokos është thuajse i sigurt. Gjithsesi, një largim i mundshëm i Sarrit, mund të sillte ndryshime. Gjithçka mbetet për t’u parë në merkato, që pritet të ketë shumë zhvillime…

Këto spekulime, mesfushori i ka hedhur poshtë, duke bërë një postim në “Twitter”, si për të sqaruar të gjithë situatën, të paktën nga ana e tij. Bakajoko shkruan se kurrë nuk ka refuzuar të hyjë në fushë dhe se mundohet të japë gjithmonë 200% edhe sikur të luajë për pesë minuta.

pic.twitter.com/lD4ORPrleE

— T.Bakayoko14 (@TimoeB08) May 7, 2019

“Ka shumë javë që flitet për mua në shtyp, por nuk kam pasur kurrë gjë për të thënë dhe kam vazhduar të punoj. Ajo që ndodhi ndaj Bolonjës dhe interpretimi që kërkuan t’i bëjnë më detyrojnë të reagoj menjëherë, sepse nuk pranoj që të konsiderohem lojtar që refuzon të futet në ndeshje kur ia kërkon trajneri, duke mos respektuar klubin dhe shokët e ekipit.

Së pari, isha në stol, 200% gati, edhe nëse do duhej te luaja vetëm 5 minuta. Kur Bilja nisi të kishte probleme, m’u kërkua të bëhesha gati nëse do duhej ndërrim. U bëra gati me shpejtësi dhe për 2-3 minuta bëra nxehje, para se të kthehesha në stol. Kur u ktheva aty, trajneri m’u drejtua me fraza të pahijshme, ndërsa unë thjesht po përsëritja fjalët e tij.

Asgjë më shumë. Të jetë e qartë: Nuk kam refuzuar kurrë të zbres në fushë. Pamjet flasin vetë, unë doja të zbrisja në fushë, të jepja ndihmën time. Dëshira ime është të ndihmoj shokët e ekipit dhe të jap më të mirën, siç kam bërë deri tani dhe do vazhdoj ta bëj deri në fund të sezonit. Forca Milan!”

“Janë tri pikë shumë të rëndësishme. Në këto pesë ditët e fundit pashë zemërim në sytë e lojtarëve ndaj meje dhe u kërkova që këtë zemërim ta tregojnë në fushë. I falënderoj të gjithë. Nuk ishim të shkëlqyer, por fitorja na gëzon”.

“I thashë Bakajokos të fillonte nxehjen dhe u vonua, prandaj vendosa të zgjidhja Maurin. Prioriteti është që t’i bëjmë gjërat siç duhet dhe jo egoja e Gatuzos. E prita shtatë minuta, nuk vendosi as mbrojtëset e këmbëve, më pas zgjodha Maurin. Qëllimi  im është që t’i marr më të mirën lojtarëve”.

“Lojtarët mund të më thonë çdo gjë, e rëndësishme është që në dhomat e zhveshjes të mos mungojë respekti. Polemikat patëm dhe pas ndeshjes derbi, por u rikthyem duke dhënë më të mirën në fushë. Notat për çdo lojtarë do i vendosim në fund të sezonit, atëherë do të shohim kush u soll mirë dhe kush u soll keq. Kur të mbyllemi në një dhomë, të provojë të më çojë në të sëmës, ai dhe kushdo tjetër! Nuk dua të flas më shumë dua ta mbyll në dhomat e zhveshjes, me mënyrën që di unë”.

KARTONI I KUQ I PAKETËS – “Më bezdisi, por është shumë i ri. Vuri duart te arbitri pa vetëdije, por kjo është pjesë  e të qenit i papjekur akoma. Na duhet të përmirësohemi. Sot 7 lojtarë luajtën me probleme s’po kalojmë një moment të mirë. Falenderoj tifozët që nuk na vërshëllyen”.

Sipas Sky, Gatuzo i nervozuar urdhëroi Hoze Maurin të futej me urgjencë, edhe pse argjentinasi nuk luan prej muajsh.

“fuck off man” diciamo che l’esperienza rossonera di #Bakayoko può definirsi conclusa. (Comunque mancanza di rispetto ingiustificabile questa) #MilanBologna pic.twitter.com/fdFminKkEH

— Giulia Whites (@GiuliaCuchu) May 6, 2019

“Do flasim më vonë”, i tha Gatuzo Bakajokos, ndërsa ky ia ka kthyer: “Fuck off man”, nën shikimin e Kutrones, i shtangur! Më qartë se kaq, nuk ka…

Sipas asaj që shkruan edhe “Tutto Sport”, janë pesë lojtarë të cilët janë me një këmbë të larguar. Timue Bakajoko është emri i parë, me francezin që pas çështjes së fundit, ku u vonua në stërvitje, është kthyer në një të “padëshiruar”.
Drejtuesit nga Milano mendojnë se 35 milionë eurot që kërkon Çelsi janë shumë tashmë dhe sipas gjasave mesfushori do të kthehet në Angli. Emri i dytë është Xhakomo Bonaventura, i cili vuan një dëmtim të rëndë dhe mendohet të kthehet për sezonin e ardhshëm.
Gjithsesi, kontrata e mesfushorit skadon në fundin e sezonit të ardhshëm dhe drejtuesit kuqezinj nuk duan të nxitohen për sa i përket një rinovimi, pasi ndoshta “Xhek” nuk është më i njëjti pas dëmtimit.
Për të kaluar te treshja që ndoshta ngroh stolin më shumë se kushdo tjetër. Rikardo Montolivo, Andrea Bertolaçi dhe Hoze Mauri. Që të tre lojtarët do të largohen në fund të këtij sezoni, me largimet në mesin e fushës që shkojnë në numrin pesë.
Për momentin të vetmit lojtarë që duken të paprekshëm në mesfushë janë Frenk Kesi dhe Lukas Bilja, i cili pritet të rinovojë kontratën, pasi i skadon fundin e sezonit të ardhshëm.

Franezi u vonua më shumë se një orë, por arsyeja e vonëses nuk u mor vesh kurrë, të paktën deri disa çaste më parë. Bakajoko, i pyetur nga “calciomercato.com”, ka zbuluar arsyen e vonesës. Mesfushori tha se makina e tij kishte mbetur pa karburant.

Besojeni apo jo, kjo ishte arsyeja që dha 24-vjeçari. Të jesh një ndër lojtarët më të paguar në Serie A dhe të justifikohesh me faktin që makina mbeti pa karburant, ndoshta Bakajoko nuk e ka menduar të marrë një taksi ose të telefonojë klubin për të justifikuar vonesën…

Gjërat nuk janë aspak të qeta në ambientin kuqezi dhe ditën e sotme duket se ka shpërthyer gjithçka. Në stërvitjen e mëngjesit të sotëm, Timue Bakajoko është vonuar më shumë se një orë dhe në momentin që francezi është shfaqur, seancës stërvitore i kishin mbetur vetëm 10 minuta.

? #UltimOra #Milan#Bakayoko in ritardo di un’ora all’allenamento
Per lui in arrivo una forte multa#SkySport

— Sky Sport (@SkySport) May 1, 2019

Kjo vonesë e mesfushorit ka tërbuar trajnerin Gatuzo, i cili ka ndëshkuar të gjithë ekipin. Grumbullim deri në ditën e ndeshjes me Bolonjën. Vetëm hotel dhe stërvitje, asnjë dalje dhe asnjë takim me familjarët. Situata duket kaotike momentalisht te Milani…

#Milan, ritiro punitivo di #Gattuso.
La decisione è stata presa dopo l’allenamento. La ricostruzione ? https://t.co/Vet6bH5YuC

— Gianluca Di Marzio (@DiMarzio) May 1, 2019

Të dy lojtarët do të gjobiten me nga 33 mijë euro secili, ndërsa Milani do të marrë një gjobë 20 mijë euro. “Fatura” totale për “djallin” shkon në 86 mijë euro, me lojtarët që ia hedhin paq dhe nuk pezullohen për asnjë ndeshje.

Kujtojmë pas ndeshjes me Lacion, gjesti i bërë nga dy mesfushorët Kesi-Bakajoko bëri bujë kudo. Lojtarët e Milanit treguan fanellën e Açerbit përpara tifozëve, si për të bërë ironi me mbrojtësin italian, i cili kishte deklaruar se Lacio ishte një ekip më i mirë se kuqezinjtë.

Gjesti i Bakajokos acaroi jo pak ambientin lacial dhe Açerbi në rrjetet sociale kritikoi rivalin, duke shkruar se fanellën ia kishte dhënë për të bërë paqe.

Pas zhurmës së madhe mediatike dhe rrezikut të pezullimit të mesfushorit, Milani ka urdhëruar Bakajokon të telefonojë Açerbin.

“Kam respekt maksimal për ty. Është e vërtetë, ishte një vënie në lojë për humor, por nuk ishte me ligësi. Nuk donim absolutisht të ofendonim as ty dhe as skuadrën tënde“, tha Bakajoko, i përkthyer nga një zyrtar i klubit, raporton ANSA.

Ky i fundit ka postuar një mesazh të shkurtër në Twitter, ku ka sulmuar rivalin: “Më vjen keq, sepse ndërrova fanellën me Bakajokon për t’i dhënë fund historisë. Të ushqyerit e urrejtjes nuk është sport, por shenjë dobësie”.

Sono dispiaciuto perché ho scambiato la maglia per mettere fine alla questione, fomentare odio non è sport ma un segno di debolezza.#Acerbi #Ace #CMonEagles pic.twitter.com/hgZwt12py6

— Francesco Acerbi (@Acerbi_Fra) April 13, 2019

Menjëherë është përgjigjur në Instagram Bakajoko, i cili ka kërkuar falje: “Fitore e madhe sotnre, gjesti im ishte veç për shaka. Është thjesht një ndeshje, nuk do të thotë që nuk duhet treguar respekt ndaj kundërshtarit. I kërkoj falje mikut tim Françesko Açerbi, nëse është ndjerë i ofenduar”.

Massive win tonight! ??? Mine was just a playful gesture. It’s just the game. I didn't mean to disrespect anyone My apologies to me friend @francescoacerbi88 if he felt offended #forzamilan ???

A post shared by Tiemoué Bakayoko 14 (@bakayoko_official14) on Apr 13, 2019 at 2:43pm PDT

Një ditë më parë, Milani mori vendimin që t’i dënojë me nga një gjobë të dy lojtarët, por me sa duket afrikani nuk e ka pritur mirë vendimin që kanë marrë drejtuesit. Sipas raportimeve të fundit nga mediat italiane, thuhet se mesfushori po mendon për një largim nga “San Siro” në merkaton e verës.
Interes për 22-vjeçarin ka pasur shumë nga Premier Liga, me Totenhemin dhe Arsenalin që janë shfaqur të gatshme për të ofruar deri në 40 milionë euro. Gjithashtu, nuk përjashtohet edhe një futje e Çelsit në garë, me këta të fundit që do të përdornin edhe kartën Bakajoko për të mbërritur te Kesi.
Gjithsesi mbetet për t’u parë se si do të shkojë marrëdhënia mes klubit kuqezi dhe futbollistit afrikan.

Polaku foli pas fitores, duke shprehur lumturinë e tij për fitoren dhe formën fantastike që po kalon. Trajneri Gatuzo i vuri krahasimin Robokopi, por sulmuesi preferon atë të “pistoleros”.

“Unë jam Piatek, një pistolero. Në Poloni është më e thjeshtë të shënosh, por jam shumë i kënaqur që kam shënuar shumë me Xhenoan dhe Milanin. Tifozët e Milanit më duan shumë, jam i lumtur dhe dua të vazhdoj të shënoj“, është shprehur 23-vjeçari pas fitores kundër Kaljarit.

Bakajoko vazhdon të dhurojë paraqitje pozitive dhe drejtuesit e Milanit kanë vendosur të blejnë kartonin e mesfushorit në fund të sezonit. Çdo gjë është e përcaktuar në formulën e huazimit dhe kuqezinjtë duhet të paguajnë 35 milionë euro, nëse duan të sigurojnë shërbimet e Bakajokos.

Frenk Kesi mund të jetë zgjidhja dhe sipas mediave angleze Çelsi po mendon një skenar që mund t’i kënaqë të gjithë. Bakajoko në Milanelo dhe për shumë vite dhe mesfushori nga Bregu i Fildishtë në ekipin e Sarrit.

Në një intervistë të dhënë së fundmi për mediat në Itali, Bakajoko ka folur rreth formës së tij, të ardhmes si dhe klubit të Milanit. Mesfushori, duket se ka rënë në dashuri me ekipin kuqezi, teksa shprehet se ky klub, i përket një planeti tjetër. Gjithashtu, 24-vjeçari, ka folur dhe për marrëdhënien me trajnerin Gatuzo, të cilin duket se e vlerëson shumë.

FORMA – “Gjërat po shkojnë shumë mirë në këto momente, si për mua, ashtu dhe për klubin. Nuk ka lidhje pika e kthesës. Unë doja të tregoja se isha i mirë mjaftueshëm për një klub të madh si Milani, që është i një planeti tjetër.”

MILANI – “Në ditën e parë u përshëndeta me Maldinin dhe Leonardon. Kaq mjaftoi për të kuptuar se me çfarë klubi ke të bësh. Pastaj është atmosfera në San Siro, që është e jashtëzakonshme. Milani është një klub legjendë. Kush nuk do kishte dëshirë të qëndronte në një klub të tillë për një kohë të gjatë. Gjithsesi, nuk është e gjitha në dorën time për këtë pjesë”.

TRAJNERI – “Gatuzo ështe ai person që jep gjithçka për lojtarët e tij dhe trasmeton vetëm gjëra të mira. Është ashtu siç ka qenë në kohën kur ishte lojtar: i drejtpërdrejtë dhe i sinqertë. Nuk gënjen dhe gjithnjë e mban fjalën. Edhe pse ndonjëherë nervozohet, ai gjithmonë thotë gjëra për të mirën tonë.”

JETESA NË MILANO – “Jeta në Milano është e bukur. Gati e kam ndërruar të gjithë garderopën time. Moti është i ngjashëm me jugun e Francës dhe këtu haet mirë. Është vendi ideal për të jetuar.”

Gjithsesi, në ndeshjet e fundit, lojtari që është në pronësi të Çelsit, ka shfaqur një rendiment surprizues. Francezi ka qenë një ndër më të mirët në ndeshjet e fundit për kuqezinjtë dhe kjo gjë nuk i ka shpëtuar as trajnerit Gatuzo, i cili një ditë më parë ka thënë mjaft fjalë të mira për 24-vjeçarin.

“Unë i di aftësitë e tij teknike, por jam surprizuar shumë taktikisht nga Bakajoko. E kupton lojën, lëviz thuajse në të gjithë fushën dhe luan shpejt. E dashuroj sjelljen e tij. Në një farë mënyrë, ai “u zhvesh” dhe e dhuroi veten e tij tek unë dhe stafi.”

Gjithsesi, mesditën e nesërme kuqezinjtë do të presin Parmën në “San Siro”, në një sfidë që shihet si jo e thjeshtë, pasi emilianët kanë surprizuar jo pak këtë sezon. Në kuadër të ndeshjes trajneri Gatuzo, ka marrë disa lajmë të mira, teksa Frenk Kesi, i cili kishte një dëmtim, do të jetë i gatshëm.

Gjithashtu, në sfidën e luajtur në mesjavë ndaj Dudelanzh, pati probleme për Bakajoko e Kutrone. Të dy futbollistët do të jenë po ashtu të gatshëm, teksa lëndimet e marra duket se janë lënë pas. Gatuzos do t’i duhet të bëjë pa Higuain në këtë sfidë, i cili vijon skualifikimin për kartonin e kuq të marrë në sfidën ndaj Juventusit.

Kroati Haliloviç   nuk është përdorur qoftë dhe njëherë nga Gatuzo dhe divorci në janar duket mëse i sigurt. Sipas raportimeve në mediet spanjolle për 22-vjeçarin janë të interesuara disa ekipe në vendin iberik dhe transferta e tij mund të bëhet përkundrejt një kostoje simbolike.

Çështja e Bakajokos është më e ndërlikuar. Për të u shpenzuan pesë milionë euro për ta huazuar nga “blutë” e Londrës dhe rroga e tij është ndër më të lartat në skuadër. Mesfushori nuk po arrin të përshtatet në futbollin italian dhe gjasat që Milani të aktivizojë klauzolën prej 35 milionë eurosh janë inekzistent, të paktën për momentin. Nuk përjashtohet mundësia që lojtari të kërkojë largimin që në janar, në mënyrë për të pasur minuta në një ekip tjetër, por për këtë atij do i duhet të paguaje nga xhepi i tij.

LAKSALT – “Ardhjen te Milani e kam përjetuar si një ëndërr që po bëhet realitet. Isha shumë pranë Zenitit, por kur më kërkoi Milani, nuk u mendova dy herë. Është diçka e veçantë kur komunikon me figura si Maldini dhe Leonardo. Roli? Ajo pjesë i takon trajnerit, Gatuzo do të vendosë se ku do të luaj ”.

KASTIJEHO – “Emocionet nga San Siro? Kam qenë dikur me familjen vite më parë, ishte një eksperience e paharrueshme. Mezi po pres të luaj aty. Kam zgjedhur numrin 7, pasi është një numër që më pëlqen dhe ishte i lirë, gjithsesi këto janë gjëra dytësore. Roli? Më së shumti kam luajtur si anësor i djathtë. Do të bëj maksimumin për të luajtur kudo që më kërkon trajneri”

BAKAJOKO “Vij pas një eksperience nga kampionati anglez. Gjërat nuk shkuan ashtu siç e prisja, por mund të them se kam marrë shumë mësime. Tani jam i fokusuar vetëm te Milani. Krahasimi me Desajin? Pa dashur të tregoj mungesë respekti, ai ishte një mbrojtës, ndërsa unë luaj në mesfushë, gjithsesi shpresoj të arrij sukseset që ai pati këtu. Ka ngjashmëri midis Kontes dhe Gatuzos, e vërej këtë në stërvitje, por akoma nuk kemi folur për rolin tim, detyrat që do të kem etj… Futbolli italian është shumë i ndryshëm nga ai anglez. Besoj se më punë do ta përshtatem shpejt  falënderoj klubin, jam shumë i lumtur për këtë mundësi.

23-vjeçari francez kalon në Milano në huazim nga Çelsi, por me “Djallin” që do të jetë të drejtën e blerjes për një shifër totale prej 40 milionë eurosh.

Ish-ylli i Monakos kaloi te Çelsi verën e shkuar për të njëjtën shifër, por pati një sezon plot luhatje, ashtu si skuadra londineze.

Blerje e rëndësishme, por që nuk zgjidh hallin e Milanit për një mesfushor organizator dhe me cilësi të mira ofensive. Anësori sulmues Kastijeho është thuajse kuqezi dhe pritet vetëm zyrtarizimi, për të çuar Karlos Bakan te Vijareali në këmbim, por Leonardo e Maldini po punojnë për një goditje të fundit madhore.

Ëndrra sipas mediave është Milinkoviç Saviç, por ai kushton tmerrësisht shtrenjtë, ndërsa më i arritshëm duket talenti i PSG-së Rabio, i cili ka refuzuar rinovimin me klubin francez.

Kuqezinjtë do të shikojnë sivjet ecurinë e Bakajoko dhe nëse bën mirë atëherë do të vendosin nëse do e blejnë nga Çelsi apo jo. Për të bërë tyrin duhen paguar plot 35 milionë euro. Mesfushori është vetëm 24 vjeç dhe do kërkojë të tregojë vlerat e tij në Serinë A.

Në të shkuarën ai ka qenë pjesë e Monakos në Francë. Atje ai spikati dhe blutë e Londrës shpenzuan 40 milionë euro për ta transferuar. Afrimet e bëra këtë verë bënë që trajneri Sarri të jepte “OK”-in e tij për transferimin e Bakajoko, që tanimë do të luajë me një klub të madh si Milani.

Ne kontratë parashikohet që Milani të ketë të drejtën e blerjes përfundimtare për rreth 35 milionë euro. Bakajoko shkoi vjet nga Monako te Çelsi për 40 milionë euro, por nuk u ngjit në nivelin që ishte në Francë. Gjithsesi, sezonin e shkuar të gjithë vuajtën te Çelsi dhe Bakajoko është vetëm 23 vjeç.

Milani deri më tani ka bërë disa afrime, ku spikat Gonzalo Higuain i marrë nga Juventusi në huazim me të drejtë blerje. Kuqezinjtë kanë nisur të mendojnë për fillimin e kampionatit dhe ndeshjen e parë e luajnë kundër skuadrës së Xhenoas.

Klubi anglez ka paguar rreth 40 milionë sterlina për talentin francez, i cili ishte një lojtar kyç sezonin e fundit, ku Monako realizoi një mrekulli të vogël, duke zbritur nga froni PSG-në në Francë.

Bakajoko shënoi edhe një gol vendimtar në Champions League, në sfidat kundër Mançester Sitit, duke bindur Çelsin se po bën një investim të shkëlqyer, duke parë edhe moshën e re të mesfushorit.

Për Çelsin është blerja e dytë sezonale, pas qendërmbrojtësit Antonio Rydiger nga Roma.

L’AS Monaco souhaite le meilleur à @TimoeB08 sous ses nouvelles couleurs de @ChelseaFC ! Good luck ? #MerciBaka pic.twitter.com/YYA4L9cizB

— AS Monaco??? (@AS_Monaco) July 15, 2017