Bakari Nimaga

VIDEO | Ekuban “specialist” i Kupës, Nimaga “skuqet” në debutim

Sport Ekspres — Wed, 16 Jan 2019 20:32:23 +0000

Në ndeshjet e zhvilluar sot të raundit të 1/8-tave të kupës së Turqisë kanë qenë protagonist dy “ish” të Kategorisë Superiore. Bëhet fjalë për Kaleb Ekuban dhe Bakari Nimagën, të cilët aktivizohet respektivisht me skuadrat e Trabzonsporit dhe të Hatajsporit.

Italo-ganezi, Ekuban, shënoi goli e parë në fitoren 2 – 1 të Trabzonsporit ndaj Balikesirsporit të kategorisë së dytë. Ish-sulmuesi i Partizanit ende nuk e ka nisur një ndeshje si titullar në kampionatin turk, duke u aktivizuar 12 herë nga stoli i rezervave, por në ndeshjet e Kupës ai ka qenë gjithmonë titullar, duke shënuar 3 gola në 4 takime e zhvilluara deri më tani.

https://twitter.com/haberhertelden/status/1085630065981960192

Ish-mesfushori i Skënderbeut Nimaga debutoi ditën e sotme me fanellën e Hatajsporit. Futbollisti nga Mali sapo është kthyer nga një dëmtim i rëndë, që e ka mbajtur për më shumë se tre muaj jashtë fushave. Fatkeqësisht debutimi i Nimagës u shoqërua një karton të kuq, pasi 24-vjeçari mori dy të verdha brenda 31 minutash në ndeshjen ndaj Instabul Bashakshehir, që u fitua me rezultatin 1 – 0 nga kryesuesit e Superligës turke.

Zyrtare: Gjyqi me Skënderbeun, FIFA vendos për Bakari Nimagën

Sport Ekspres — Thu, 20 Sep 2018 09:29:42 +0000

Mes Skënderbeut dhe Bakari Nimagës nuk ka pasur një ndarje të mirë. Mesfushori nënshkroi në Turqi me Hatajspor, ndërkohë që korçarët pretendonin se kishin kontratë me lojtarin. Gjithsesi pretendimet ishin të tjera nga malieni.

Ai e ka dërguar Skënderbeun në gjyq në FIFA dhe tanimë qeveria e futbollit botëror ka vendosur t’i japë “OK”-in Nimagës për të luajtur me ekipin e tij në Turqi. Vetë klubi turk e ka njoftuar diçka të tillë.

“Mosmarrëveshja mes Skënderbeut dhe Bakari Nimagas, i transferuar nga klubi shqiptar, u zgjidh nga FIFA. Licenca e lojtarit tonë u miratua nga FIFA dhe pengesat për të veshur uniformën tonë u eliminuan”, shkruan Hatajspor në faqen e vet në “Twitter”.

Bilgilendirme;

Arnavutluk’un Skenderbeu tak?m?ndan transfer etti?imiz Bakary Nimaga’n?n eski kulübüyle olan anla?mazl??? FiFA nezdinde çözülmü?tür. Oyuncumuzun lisans? F?FA taraf?ndan onaylanm?? olup, formam?z? giymesindeki engeller ortadan kald?r?lm??t?r. pic.twitter.com/Hd0tnuWvWP

— Hatayspor (@Hatayspor_FK) September 19, 2018

Lëmshi me Nimagën, mungon qëndrimi zyrtar

Sport Ekspres — Tue, 21 Aug 2018 07:18:15 +0000

Bakari Nimaga u zyrtarizua ditën e djeshme si lojtari më i ri i Hatajspor dhe kontrata e tij me klubin turk të ngjitur këtë vit në ligën e parë është vetëm 1-vjeçare. Shumëkush ka menduar se kemi të bëjmë me ndonjë huazim me të drejtë blerje të mesfushorit malien, por situata sa duket është ndryshe.

Klubi turk flet për transferim përfundimtar, kurse në Korçë akoma klubi nuk ka dalë me një qëndrim zyrtar. Me shumë mundësi do të ndodhë sot diçka e tillë. “Sport Ekspres” ka kontaktuar edhe me vetë Nimagën, por mesfushori nuk përgjigjet.

PRAGNDESHJA – Ndeshja e radhës e Skënderbeut është në transfertë me Kastriotin. Të dielën prej orës 16:45 korçarët do kërkojnë të marrin maksimumin e pikëve dhe për trajnerin Shehi grupi sërish nuk është i plotë.

Emiljano Vila është larguar në Greqi, ndërkohë që edhe Nimaga zor se do të bëjë prapakthehu. Për arsye dëmtimi është në dyshim edhe sulmuesi Ardit Hoxhaj. Vlonjati po punon i diferencuar dhe do të shihet gjatë kësaj jave gjendja e tij sportive për të vendosur më pas nëse do të grumbullohet për ndeshjen me krutanët apo jo.

Finalja e Superkupës, Skënderbeu me mungesa

Sport Ekspres — Sat, 11 Aug 2018 07:58:27 +0000

Skënderbeu e nis nesër sezonin e ri dhe luan për trofe. Përballë do ketë Laçin, skuadër që e mundi në finalen e Kupës së Shqipërisë me një penallti të kontestuar gjatë. Tanimë luhet për Superkupën dhe për të dyja skuadrat kanë ndryshuar shumë gjëra, duke nisur nga trajnerët.

Orges Shehi për sfidën e së dielës, që luhet prej orës 19:45, nuk do të ketë dy lojtarë për shkak dëmtimesh. Njëri është sulmuesi Ardit Hoxhaj, i cili ka pësuar një dëmtim dhe ende nuk është rikuperuar.

Tjetër lojtar me probleme është mesfushori Bakari Nimaga. Futbollisti nga Mali do qëndrojë jashtë fushave të blerta për 2-3 javë, duke humbur kështu edhe fillimin e kampionatit. Ndaj Partizanit të premten është e sigurt që mungon, ndërsa për më tej do jetë stafi mjekësor që do vlerësojë gjendjen e mesfushorit.

Pavarësisht këtyre mungesave, trajneri Shehi ka mjaftueshëm alternativa. Durrsaku po mendon për formacionin që do të hedhë në fushë dhe të gjithë në finalen e nesërme i kanë sytë nga Bregu, i cili pritet të jetë një nga liderët e korçarëve këtë sezon.