Për ish-lojtarin e Monako interesohet edhe Mançester Junajtid. Djajtë e kuq janë treguar konkretë me atë çka kërkojnë dhe kanë telefonuar drejtuesit e Çelsit. Blutë e Londrës nga ana e tyre do duhet të vendosin bashkë me lojtarin. Në ditët në vijim mesfushori dhe Lampard do të kenë një takim, ku do vendoset përfundimisht e ardhmja e Bakajoko.

“Janë tri pikë shumë të rëndësishme. Në këto pesë ditët e fundit pashë zemërim në sytë e lojtarëve ndaj meje dhe u kërkova që këtë zemërim ta tregojnë në fushë. I falënderoj të gjithë. Nuk ishim të shkëlqyer, por fitorja na gëzon”.

“I thashë Bakajokos të fillonte nxehjen dhe u vonua, prandaj vendosa të zgjidhja Maurin. Prioriteti është që t’i bëjmë gjërat siç duhet dhe jo egoja e Gatuzos. E prita shtatë minuta, nuk vendosi as mbrojtëset e këmbëve, më pas zgjodha Maurin. Qëllimi  im është që t’i marr më të mirën lojtarëve”.

“Lojtarët mund të më thonë çdo gjë, e rëndësishme është që në dhomat e zhveshjes të mos mungojë respekti. Polemikat patëm dhe pas ndeshjes derbi, por u rikthyem duke dhënë më të mirën në fushë. Notat për çdo lojtarë do i vendosim në fund të sezonit, atëherë do të shohim kush u soll mirë dhe kush u soll keq. Kur të mbyllemi në një dhomë, të provojë të më çojë në të sëmës, ai dhe kushdo tjetër! Nuk dua të flas më shumë dua ta mbyll në dhomat e zhveshjes, me mënyrën që di unë”.

KARTONI I KUQ I PAKETËS – “Më bezdisi, por është shumë i ri. Vuri duart te arbitri pa vetëdije, por kjo është pjesë  e të qenit i papjekur akoma. Na duhet të përmirësohemi. Sot 7 lojtarë luajtën me probleme s’po kalojmë një moment të mirë. Falenderoj tifozët që nuk na vërshëllyen”.

Lacio luajti në “Stadio Olimpico” mbrëmë përballë Udinezes dhe mori një fitore 2-0. Përveç festës së tifozëve lacial, ata lëshuan dhe disa kore raciste kundrejt Bakajokos, i cili bëri veprim të shëmtuar me fanellën e Açerbit një javë më parë.

“Kjo banane është për Bakajokon”, ishte vetëm një nga thirrjet raciste që përdorën tifozët lacial. Mesfushori i huazuar nga Çelsi ka qenë një ndër lojtarët më të mirë te Milani këtë sezon, por shpesheherë ka qenë problematik jashtë fushave.

Kjo gjë ka bërë që dhe tifozët kundërshtarë t’i dalin shpeshherë kundër, por kjo është hera e parë që Bakajoko ofendohet me kore raciste, e për më tepër, nuk ishte fare në fushë.

Pas ndeshjes, Bakajoko dhe Piakte u paraqitën në një foto, në të cilën të dy rrinin pranë njëri-tjetrit dhe bënin festimin ‘pistoletë’, e cila është mënyra sesi Piatek feston golat e tij. Mbishkrimi? Shumë origjinal: “Bang, bang x2!”, duke iu referuar dopietës së shënuar nga sulmuesi polak.

 

View this post on Instagram

 

Bang bang bang X2 ???? @acmilan

A post shared by Tiemoué Bakayoko 14 (@bakayoko_official14) on Jan 29, 2019 at 2:36pm PST

“Do më duhet të shoh nga stoli dhe të shpik diçka. Nuk mund ta quajmë veten të mundur pa zbritur akoma në fushë”, tha Gatuzo kur u pyet për planin pas pezullimit të dy mesfushorëve.

Shpëtimi i vetëm për Milanin mund të jetë veterani Rikardo Montolivo dhe italiani tjetër Andrea Bertolaçi. Të dy mesfushorët nuk janë aktivizuar në asnjë ndeshje të Serie A deri më tani dhe një pjesë e tifozëve të Milanit e kanë harruar se ata janë ende pjesë e skuadrës. Një tjetër opsion për mesfushën është dhe 22-vjeçari Zhoze Mauri.

Një gjë e përbashkët e tre emrave të lartpërmendur, është se kontrata e tyre mbaron në fund të ketij sezoni. Tani lojtarët e dalë jashtë planeve të skuadrës kanë për detyrë të tregojnë se janë profesionistë dhe një paraqitje e mirë ndaj Fiorentinës do të linte një shije të mirë te tifozët, të cilët për momentin  i shohin me skepticizëm emrat e tyre.

Në Angli janë të sigurt që Bakajoko do të lërë Serinë A që në janar dhe kjo do t’u krijonte mundësinë drejtuesve të Milanit për të kursyer paratë e nevojshme për një tjetër lëvizje në merkato.

Çesk Fabregas është një dëshirë e hershme e Milanit dhe po punohet që në janar ta marrin lojtarin nga londinezët. Kuqezinjtë e duan me ngulm mesfushorin spanjoll dhe pritet të shihet se si do të shkojnë bisedimet për transferimin e tij.

Kroati Haliloviç   nuk është përdorur qoftë dhe njëherë nga Gatuzo dhe divorci në janar duket mëse i sigurt. Sipas raportimeve në mediet spanjolle për 22-vjeçarin janë të interesuara disa ekipe në vendin iberik dhe transferta e tij mund të bëhet përkundrejt një kostoje simbolike.

Çështja e Bakajokos është më e ndërlikuar. Për të u shpenzuan pesë milionë euro për ta huazuar nga “blutë” e Londrës dhe rroga e tij është ndër më të lartat në skuadër. Mesfushori nuk po arrin të përshtatet në futbollin italian dhe gjasat që Milani të aktivizojë klauzolën prej 35 milionë eurosh janë inekzistent, të paktën për momentin. Nuk përjashtohet mundësia që lojtari të kërkojë largimin që në janar, në mënyrë për të pasur minuta në një ekip tjetër, por për këtë atij do i duhet të paguaje nga xhepi i tij.