Shakter Soligorsk i Bakajt do të udhëtojë më datë 8 gusht drejt Torinos ku do të ndeshet me ekipin “granata”, që eliminoi në raundin e dytë hungarezët e Debrecen me rezultatin e përgjishëm 7 – 1.

Zhvendosemi në Armeni ku qendërmbrojtësi Kristi Marku duhet të bëjë një udhëtim të gjatë prej 3000 kilometrash me armenët e Pjunik. Kundërshtari i radhës i klubit armen janë anglezët e Ulvërhempton.

Në një situatë akoma më të keqe ndodhet Kristi Qose, i cili ndeshet në Sofie ndaj skuadrës së Levskit që mundi Ruzomberokun në Sllovaki rezultatin 2 – 0. Transferta më e lehtë në letër është ajo e Elis Bakajt. Shahter Soligorsk, ekipi sulmuesit kryeqytetas udhëton drejt Maltës, ku do ndeshjet me Hibernian të cilët i mundi 1 – 0 në ndeshjen e parë në Bjellorusi.

Egzon Binaku nuk aktivizohet prej më shumë se dy muajsh te Norkoping për shkak dëmtimi. Mbrojtësi është rikthyer në stolin e skuadrës suedeze dhe ndoshta sot mund të marrë në fushë, teksa presin në tokën nordike irlandezët e Seint Patriks, të cilët i mundën 2 – 0 në transfertë.

Fitore mori dhe Norrkopingu i Egzon Binaku. Skuadra suedeze mposhti me rezultatin 2 – 0 në transfertë irlandezët e Seint Patriks. Mëngjarashu u rikthye në fushë pas thuajse 2 muajsh, kjo për shkak të një dëmtimi të pësuar në muajin maj.

Në ndryshim nga Binaku e Bakaj, Kristi Qose dhe Endri Çekiçi kanë dalë nga fusha me kokën ulur. Ruzemberoku i Qoses u mund 2 – 0 nga vizitorët e Levski Sofies. Të njëjtin fat ka pasur dhe Çekiçi me Olimpian  e Lubjanës, ku në fund të 90 minutave skuadra sllovaku u mund si pritëse nga letonezët e RFS-së.

 

View this post on Instagram

 

?? Edvan Bakaj rikthehet ne shtepi. Portieri 31-vjecar do te jete serish pjese e Tiranes. Sot ka nenshkruar zyrtarisht marreveshjen e re per nje vit. ?? Bakaj ka luajtur si bardheblu per tre vite dhe vjen serish si nje perforcim me vlera per porten. Ne sezonin e fundit ishte pjese e Luftetarit. #welcomeBakaj

A post shared by K.F.Tirana (@kftirana.al) on Jul 10, 2019 at 7:56am PDT

Bakaj luajti rol kyç në çdo gol të skuadrës së tij, duke qenë autori i një dopiete dhe duke shërbyer një asist. Loja e mirë e shqiptarit është vlerësuar dhe nga sportdashësit në Bjellorusi, të cilët e kanë votuar si lojtari më i mirë i javës së 14-të.

Në sondazhin e bërë në një prej faqeve më të mëdha rreth futbollit bjellorus, Bakaj ka marrë vendin e parë me 46.21% të votave. Në 13 aktivizime në sezonin aktual Bakaj ka shënuar 6 gola e regjistruar 6 asiste. Pas dy ditësh futbollisti kryeqytetas do përfaqësojë bjellorusët në arenën evropiane, teksa Soligorsk do të ndeshet me maltezët e Hibernian në raundin e parë të kualifikueseve të “Europa League”.

Bakaj fillimisht barazon rezultatin në 1-1 në minutën e 13-të me anë të një goditje dënimi. Pak minuta më vonë  një harkim në zonë i tij shfrytëzohet nga lojtarët e Shaktarit që përmbysin rezultatin. Kundërshtarët rikthejnë baraspeshën, por në minutat e kohës shtesë një ndërhyrje e gabuar e portierit të Minks sjell një penallti për Shaktarin, të cilën 32-vjeçari e ekzekuton me sukses.

Falë kësaj fitoreje skuadra e futbollistit kryeqytetas mbetet në garë për titull kampion me Bate Borisov dhe Dinamon Brest.

Zhvendosemi në Norvegji ku mesfushori Ylldren Ibrahimaj ka spikatur me 2 asiste në fitoren 2 – 0 të Viking kundër Lilestrom. Lojtari i përfaqësueses së Kosovës e ka nisur mjaft mirë sezonin e tij të parë në elitën e futbollit norvegjez, ku në 10 ndeshjet ka shënuar dy gola dhe shërbyer pesë asiste.

Paraqitjet e mira të Bakajt i kanë bërë që sulmuesi shqiptar të shpallet lojtari i muajit prill nga Federata Bjelloruse e Futbollit.

Mirëpo, krahas talentit të pamasë të 31-vjeçarit në Bjellorusi kanë filluar të zbulojnë një tjetër anë të Bakajt: gjaknxehtësinë.

Në takimin e Kupës ndaj Isloç Minsk, sulmuesi i Soligorskut u bë protagonist i një përplasje fizike me lojtarët e ekipit kundërshtar. Rastësia solli që dy skuadrat të ndesheshin sërish në kampionat pas pesë ditësh. Kësaj radhe Bakaj qëndroi në stol përgjatë të gjithë takimit.

Trajneri e justifikoi mungesën duke thënë se kishte pësuar një dëmtim të lehtë, por ndoshta ky episod në videon e mëposhtme mund të ketë qenë një arsye më shumë për ta lënë Bakajn pushim në këtë ndeshje ku lojtarët e skuadrës kundërshtare do të kishin motivim ekstra kundër tij.

https://www.instagram.com/p/Bw7huowgKfk/?utm_source=ig_web_copy_link

Sabien Lilaj dhe Xhejms Adenij janë kualifikuar për në finalen e  Kupës së Azerbaixhanit. Gabala, kishte fituar 1 – 0 ndeshjen e parë dhe humbja e sotme 2 – 1 mjaftoi që ekipi i dy ish-lojtarëve të Skënderbeut të shkojë në finalen e këtij kompeticioni.

Kampionati ka rezultuar një dështim për ekipin azer, që tani ka mundësinë ta shlyejë çdo që me fitimin e Kupës, trofe që u mundëson një biletë për në raundet kualifikuese të “Europa League”.

Goli dhe loja e mirë bën që 26-vjeçari të vlerësohet me një vend në formacionin e javës. Përgjatë këtij sezoni Xhejms ka qenë një ndër lojtarët më të aktivizuar tek ekipi i tij, ku 23 ndeshje ka arritur të shënojë 9 gola në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Zhvendosemi në Bjellorusi ku një tjetër “ish” i Superiores po kalon një formë të shkëlqyer. Elis Bakaj shënoi golin e vetëm për skuadrën e Shaktar Soligorks në ndeshjen kundër Slutskit. Teksa janë luajtur 3 javë kampionat, skuadra e shqiptarit kryeson renditjen e tabelës me pikë të barabarta me Dinamo Brest.

Bardheblutë ndodhen në një situatë më të sikletshme, teksa ndodhen në një garë të ethshme për mbijetesë së bashku me Kastriotin dhe Luftëtarin.

Gjatë viteve të fundit përballjet në “Niko Dovana” kanë mbizotëruar barazimet. Fitorja e fundit e 24-herë kampionëve në stadiumin e qytetin bregdetar daton më 12 tetor të 2014-ës.

Golin e vetëm të takimit e shënoi Elis Bakaj. Nga ai ekip, i vetmi i mbijetuar është Dorian Kërçiku, i cili si për ironi të fatit do të mungojë për shkak kartonësh. Te Teuta nuk asnjë të mbijetuar. Portieri Bledian Rizvani tashmë është pjesë e stafit të trajnerëve, ndërsa Erion Hoxhallari ka “ndërruar anije”.

Ai sezon rezultoi zhgënjyes për të dyja skuadrat. Teuta rrezikoi seriozisht rënien duke shpëtuar falë fitores në ndeshjen e javës së fundit ndaj rivalëve direkt të Apolonisë. Në krahun tjetër Tirana u rendit e katërta, pavarësisht se në kontingjent kishte lojtarë ndër më të paguarit në Shqipëri si Bakaj, Bushiç, Curri dhe Bulku.

Historiku i përballjeve Teuta – Tirana

Teuta 2 – 1  Tirana  (Luajtur në Shijak) 02/11/2018
Teuta 1 – 0 Tirana 28/01/2017
Teuta 0 – 0 Tirana 7/09/2016
Teuta 0 – 0 Tirana 29/04/2016
Teuta 0 – 0 Tirana 03/12/2015
Teuta 0 – 0 Tirana 16/03/2015
Teuta 0 – 1 Tirana 26/10/2014

“Nuk diskutohet që për mua është një sfidë më e veçantë sesa lojtarët e tjerë. Unë jam i gëzuar që rezultati ishte ky. Pas ardhjes së trajnerit, kanë ndryshuar shumë gjëra. Lojtarët e rinj që kanë ardhur këtu kanë bërë mirë. Për mua, më e rëndësishme është të qëndrojmë në Superligë, por do provojmë të dyja.

E vështirë është mbijetesa, pasi janë dhe 9 ndeshje. Nuk mund të bëjmë parashikime, është shumë e vështirë. Para ndeshjes me Partizanin, i thashe Ruçit qëndro i qetë se do të të çoj deri në finale dhe në finale do të luash ti, ndoshta kundër Tiranës (qesh).

Nuk fola me njeri pas ndeshjes, por dëgjova te dhomat e zhveshjes lojtarët e Partizanit që thanë se ishalla nuk luaj unë ndeshjen në kampionat se do të humbasin sërish (qesh)” tha Bakaj.

Bakaj ashtu si sezonin e kaluar vazhdon të mbetet një lojtar i padiskuteshëm në formacionin e nënkampionëve të Bjellorusisë.

31-vjeçari u përzgjodh në formacioni më të mirë të javës të publikuar nga sajti Federatës Bjelloruse të Futbollit. Përzgjedhja e lojtarëve bëhet në bazë të statistikave të mbledhura nga kompania e të dhënave “Instat”.

Bakaj iu bashkua skuadrës së Shaktar Soligorskut në janar të vitit të kaluar. Këta të fundit shpenzuan mbi 100 mijë euro për të blerë kartonin e tij nga Kukësi. Sezoni i parë i sulmuesit në Bjellorusi rezultoi një sukses, me Bakajn që ishte një ndër më të mirët në skuadër, duke regjistruar 9 gola dhe numrin më të lartë të asisteve në skuadër.

Edhe në takimin e sotëm përballë Rubin Kazanit, Bakaj ka arritur të gjejë golin. Në minutën e 33’ të sfidës miqësore, bomberi shqiptar shkëputet mirë në zonë dhe në shtyllën e dytë, ndëshkon portierin kundërshtar.

Goli i sulmuesit i dha avantazhin skuadrës së tij, por avantazh që nuk zgjati shumë. Rusët e Rubin Kazanit shënuan dy herë dhe përmbysën shifrat, duke përfituar dhe nga një karton i kuq i një prej lojtarëve të Soligorskit.

Miqësore

Rubin Kazan – Shaktar Soligorsk   2-1
Shënues: Poloz 35′, Salagov 53′ / Bakaj 33′

Ish-sulmuesi i Shpresave ishte autor i të dy asisteve, duke bërë një ndeshje të shkëlqyer. Një tjetër sulmuesi kuqezi ka arritur të jetë i rëndësishëm për ekipin e tij. Erlis Bakaj i Shaktar Soligorskit ka shënuar golin e vetëm për skuadrën e tij në miqësoren përballë Hajdukut të Splitit, që përfundoi me rezultat 1 – 1.

Një veçantë e këtij takimi ishte dhe fakti se përveç Bakajt në fushë kanë qenë dhe tre shqiptarët e skuadrës kroate. Mbrojtësi Ardian Ismajli dhe sulmuesi anësor dhe Emir Sahiti.

Ky ishte goli i tetë për 31-vjeçarin, i cili është dhe një prej idhujve të tifozerisë. Bakaj arriti që të merrte dhe çmimin lojtari i muajt tetor, nga votimi i tifozëve në faqen e klubit, me ish-lojtarin e Kombëtares, që hipotekoi 48% të votave.

Një fitore me shumë vlerë për Shaktar Soligorskin, që tani shkon në vendin e dytë, kur duhen dhe dy takime deri në fund të kampionatit. Skuadra e sulmuesit ka shanse të mira për ta ruajtur këtë pozicion deri në fund, padi do të takohet me skuadra që ndodhen në gjysmën  poshtme të klasifikimit.

Paraqitjet e mirë të 31-vjeçarit kanë bindur drejtuesit e skuadrës për të vazhduar bashkëpunimin me Bakajn. Ditën e sotme klubi zyrtarizoi rinovimin me futbollistin shqiptar dhe disa kolegë të tij. Statistikat e Bakajt në kampionatin Bjellorus janë shumë të mira. Në 24 paraqitje, ai ka shënuar 7 gola dhe ka regjistruar po kaq asiste.

?????? ?????, ????????? ??????, ????? ????? ? ?????? ????????? ???????? ????????? ? ????? ?????? ? ????? ?????????? ???????? ????? «???????». ? pic.twitter.com/PgA8rO8Jgv

— FC Shakhtyor Soligorsk (@fcshakhterby) November 5, 2018

Soligorskin tani e sheh veten në vendin e dytë me 45 pikë, por plot 9 pikë larg Bates, e cila ka një ndeshje më pak. Bakaj ishte në fushë për 90 minuta duke qenë një nga lojtarët më të rrezikshëm të skuadrës së tij. Në minutat shtesë erdhi dhe zëvendësimi për lojtarin kryeqytetas që të merrte dhe duartrokitjet e tifozëve të tij.

Ishte goli i pestë sezonal për 31-vjeçarin, i cili këtë edicion ka qenë në 20 ndeshje në fushën e lojës. Ish-sulmuesi nuk gaboi nga pika e bardhë e penalltisë në minutën e 76-të.

Më pas ishte radha e Mërgim Mavrajt, qendërmbrojtësit të kombëtares që debutoi me Arisin e Selanikut në derbin kundër PAOK-ut. Në fund skuadrat u ndanë në barazim 1-1 dhe morën nga një pikë. Nuk mund të mungonte “show” në tribuna, sikurse edhe tensioni.

Ndeshja ishte e vlefshme për Kupën e Greqisë. Ergotelis dhe Aititos Spara janë dy ekipet e përfshira në grupin 4, ku bën pjesë edhe Arisi. Festë për Elis Bakajn në Bjellorusi. Shaktar Soligorski është kualifikuar në çerekfinalen e Kupës pas gjuajtjes së penalltive. Ndeshja kundër Dinamo Brest u mbyll në barazim 0-0 dhe Bakaj me shokë u treguan më të saktë.

Nga Rusia në Belgjikë. Sindrit Guri e ndoqi nga stoli fitoren e skuadrës së tij Ostendes ndaj Eupen. Trajneri nuk i dha asnjë minutë lojtarit kuqezi në këtë ndeshje. Edhe Bakaj në Bjellorusi nuk ka mundur që të lërë gjurmë në humbjen që skuadra e tij Shaktjor Soligorskit pësoi në transfertë me Islosh Minsk.

Në Greqi, Andi Lila ka fituar derbin me Migjen Bashën. Kavajasi ishte në fushë për 90 minuta, ndërsa Basha u zëvendësua në të 80-ën. Aris u mund nga Janina nga një autogol, por në pjesën e parë nuk miqtë humbën një 11-metërsh. Mërgim Mavraj nuk ishte i gatshëm as për këtë sfidë.

Nga Turqi në Bjellorusi, Elis Bakaj po ashtu nuk ka arritur që të shënojë këtë fundjavë me ekipin e tij, Shahktar Soligorsk. Skuadra e tij ka marrë një barazim pa gola ndaj Dinamo Minsk. Kryeqytetasi ishte në fushën e blertë për 87 minuta.

Sindrit Guri në Belgjikë e nisi si titullar me Ostenden e tij, por nuk mundi që ta gjente rrugën e rrjetës gjatë 58 minutave që ishte në fushën e blertë. Edhe Azdren Llullaku ishte në fushë një ditë më parë me Astrën e tij për 90 minuta në fitoren në transfertë ndaj Dinamos së Bukureshtit. Llulaku është ndëshkuar në këtë sfidë me karton të verdhë.

Sulmuesi 31-vjeçar shënoi një gol në fitoren 3-1 të skuadrës së tij ndaj Dnepr Mogilevit të vendit të parafundit. Goli i sotëm është i shtati për Bakajn në po shtatë ndeshjet e fundit. Koha po tregon se paratë që drejtuesit e Shaktjorit shpenzuan për kartonin e tij ja kanë vlejtur.

Ekipi i Bakajt po lufton për një vend në kupat e Europës pasi skuadra e Bates është një “gjigant” që nuk mund të rrëzohet pa një mrekulli dhe shpenzime kolosale. “Lufta” e Shaktjorit është ndaj Dinamos së Minskut dhe Vitebskin.

Kryeqytetasi dita ditës, po u shpërblen drejtuesve të klubit bjellorus kur vendosën të paguanin 100000 për të blerë kartonin e tij nga skuadra e Kukësit. Javën e ardhme Shaktjor pret në shtëpi Dnepr Mogilevin e vendit të parafundit. Një ndeshje tjetër ku Bakaj ka shumë shanse të mbaj ritmin e golave.

Në javët e para, Bakaj u mjaftua vetëm me asiste, ku kryesonte renditjen e ligës, por golat kanë qenë gjithmonë në arsenalin e tij dhe ishte vetëm çështje kohe para se të fillonte të gjente formën e tij optimale.

I ka sjellë fat Connah’s Quay Bakajt, sepse brenda javës është ndeshur dy herë dhe ka shënuar 2 gola me këtë rival, si dhe shënoi në fushën e Dinamo Brestit, golin e parë sezonal në kampionat.

Ndërkaq, Sabien Lilaj ka dalë kokulur nga Europa League, sepse Gabala u eliminua nga Niderkorn i Luksemburgut, edhe pse fitoi 1-0 sot. Skuadra azere ishte mundur 2-0 në shtëpi, me Lilajn dhe Adenijin titullarë në të dy ndeshjet. Start i keq në Azerbajxhan, ndoshta në kampionat gjërat do ecin më mirë.

Ndërkaq, Grezda nuk ishte në fitoren Osijekut 2-1 ndaj Petrokubit moldav, pasi sulmuesi ynë mbetet i dëmtuar. Nga ana tjetër, sulmuesi Rubin Hebaj ishte në stol për Domzhalen, që ka kaluar në turin e ardhshëm pas 2 barazimesh ndaj Shiroki Brijegut.

Sulmuesi, sepse tashmë Bakaj po luan mjaft i avancuar, shënoi edhe sot, në fitoren e rëndësishme që skuadra e tij arriti në Brest. Goli i parë në kampionat për shqiptarin, që ka qenë një pikë kyçe e Shahterit deri tani.

Ishte një ndeshje mjaft delikate kundër Dinamo Brestit, në një stadium të mbushur, ndaj një rivali në formë dhe që gjithashtu lufton për majat e renditjes.

Në tribunë ishte për herë të parë edhe presidenti i ri i klubit, Diego Maradona, edhe pse ka firmosur prej 2 muajsh, ndërsa në fushë ishte ukrainasi i njohur Artem Milevski.

Pas 4 fitoresh rresht, Dinamo Brest e nisi mbarë, duke shënuar në minutën e 25-të, por 7 minuta më vonë erdhi barazimi dhe në minutën e 65-të Bakaj nga pika e bardhë heshti stadiumin. Në minutën e 73-të Bakaj u zëvendësua dhe në minutën e 85-të me një kundërsulm të shpejtë Shahteri vulosi fitoren 3-1, që vjen ngjitjen në kuotën e 32 pikëve në 36 ndeshje, 2 pikë larg vendit të dytë.

Sulmuesi 31-vjeçar, megjithëse nuk qenë produktiv me gola, ka arritur ta kompesojë falë asistimeve të shumta duke kryesuar renditjen e asistimeve në kampionatit bjellorus.

Dje Shahtjori fitoi sërish, 2-1 kundër Gomelit, duke regjistruar fitoren e tretë rresht dhe të katërtën në 5 ndeshjet e fundit.

Bakaj luajti si sulmues i avancuar, në mungesë të një lojtari në atë rol, ndërsa dha asistin e golit të parë, me një kros nga goditja e dënimit.

??? ????? ????????? ? ?????? «??????». ??? #????????????

?????: @BelFootFeder pic.twitter.com/Wq9OEKY6PO

— ?? ?????? ????????? (@fcshakhterby) May 27, 2018

Nëntë ndeshje, të gjitha nga minuta e parë, me disa asiste, ndërsa mungon vetëm goli për ish-sulmuesin e Kukësit.

Të premten do të vijë edhe mungesa e parë e Bakajt në kampionatin bjellorus, sepse do të jetë në Tiranë për arsye personale.

Elis Bakaj është kthyer në personazh në Bjellorusi pa zbritur ende në fushë, sepse interesimi nga mediat është i madh. Ditën e djeshme portali “tribuna.com” publikoi një artikull të gjatë në lidhje me ish-sulmuesin e Kukësit, duke analizuar gjithë karrierën e tij dhe duke zbuluar detaje interesante nga transferimi i bujshëm i Shahtar Soligorsk, që kryen një sforcim të madh ekonomik në limitin e merkatos, një muaj para fillimit të kampionatit, diçka e rrallë në Bjellorusi, sepse në përgjithësi klubet operojnë me parametra zero dhe i kompletojnë skuadrat që në janar.

TRANSFERIMI – Ecuria e Bakajt në Superiore në pjesën e parë të sezonit impresionoi drejtuesit e Shahtarit, që këmbëngulën gjatë për ta marrë autorin e 12 golave në Superiore, atë që edhe në këtë moment është ende shënuesi më i mirë në Shqipëri. Shifra e transferimit mbetet ende mister, sepse për burimet e gazetave sportive në Shqipëri ajo është rreth 120 mijë dollarë, por drejtori sportiv i Shakhtarit Smitri Koklov nuk është ashtu: “Nuk duhet besuar gjithçka shkruhet në media. Informacioni i mësipërm është absolutisht i pavërtetë. Ne kishim nevojë për një futbollist me fantazi, një lojtar me tipare sulmuese që të luajë si numër 10, në krah, ose si sulmues i dytë. Bazuar në këto kritere, nisëm kërkimin dhe kandidatë kishte shumë. Në rastin e Bakajt, askush nuk na e ofroi. Me atë ishte thjesht rastësi. E gjetëm vetë, morëm informacion edhe nga ish-trajneri i tij te Çernomorets Odesa, Roman Grigorçuk, pastaj kërkuam të kontaktonim me futbollistin”.

BAKAJ – Vetë Bakaj është shumë i kënaqur që ka firmosur për Shahtarin. Është stërvitur disa seanca, ka nisur të njihet me skuadrën dhe stafin dhe gjithçka duket se po shkon mirë. Bakaj nuk është shqiptari i parë që luan në futbollin bjellorus, sepse më parë ka luajtur Ardian Shala, i panjohur për ne, por edhe portieri Julian Gjeloshi, ish-portier shumë i talentuar nga Lezha, i cili deri në momentin që u ndal futbolli shqiptar në vitin e tmerrshëm 1997, luante për Flamurtarin dhe ishte një ndër yjet e kampionatit shqiptar, që në atë kohë kishte superlojtarë dhe financa të jashtëzakonshme. Gjeloshi ka lënë mbresa edhe në Bjellorusi, edhe pse luajti pak muaj në vitin 2004, tani e ka radhën Bakaj.

Pas lëvizjes së Elis Bakajt drejt Bjellorusisë qëndron agjencia EFA (Eagle Football Agency), që ka sjellë edhe mesfushorin gjeorgjian te Kukësi, Irakli Dzaria erdhi te kampionët në fuqi falë agjencisë EFA, me menaxherët Andi Matraxhiu e Florjan Biba që kanë mbyllur edhe transferimin e Bakajt në Bjellorusi.

????? ????? – ????? «???????». ?

? ????? ??????????! ?? pic.twitter.com/Rjb1yzDaKn

— ?? ?????? ????????? (@fcshakhterby) March 9, 2018

Një tjetër aventurë jashtë Shqipërie për Elis Bakajn ka luajtur te Dinamo e Bukureshtit, Çoronomorets Odesa në Ukrainë, Hapoel Raanana në Izrael dhe RNK Spliti në Kroaci, por ndoshta nuk e imagjinonte që në muajin mars t’i vinte një ofertë e tillë nga Bjellorusia: 150 mijë euro deri në fund të vitit, kur mbaron kampionati bjellorus! Në kontratë do të ketë edhe premio për fitoret, golat dhe arritjen e objektivave sezonale.

Rreth 100 mijë euro ka përfituar Kukësi, shifër e shkëlqyer, mbi të gjitha për faktin se Bakaj kishte kontratë një-vjeçare dhe në verë do të dilte i lirë në treg.

KLUBI I RI – Shaktjor është një klub i themeluar në vitin 1961, nga qyteti i Soligorskit, në qendër të Bjellorusisë. Qyteti ka rreth 100.000 banorë, ndërsa stadiumi “Stroitel” ka kapacitet prej 4200 vendesh. Shaktjor ka fituar titullin në vitin 2005, ka dalë 5 herë nënkampion i vendit, për herë të fundit para dy vitesh, ndërsa ka fituar 2 herë kupën dhe ka qenë 5 herë finalist humbës, përfshirë vitin e shkuar. Këtë sezon Shaktjor kërkon të rivalizojë BATE-n dhe Dinamo Minsk për kreun, pas vjet e mbylli vetëm 3 pikë larg kreut, duke humbur dy ndeshjet e fundit në mënyrë të pabesueshme.

“Jam ofenduar në kor, me familjen time që ishte në tribunë, ndaj e humba qetësinë. Kjoo nuk justifikon sjelljen time antisportive për të cilën mbaj përgjegjësi të plotë para gjithkujt”, shprehet Bakaj, i cili sqaron edhe një moment kur ka biseduar me drejtorin e Partizanit, Olsi Ramën.

“Përshëndetje, të nderuar miq dhe sportdashës! E ndiej si detyrim, në respekt ndaj jush, të shpjegoj situatën e ndodhur në ndeshjen e djeshme ndaj Partizanit. Në radhë të pare dua të sqaroj “përplasjen” e sajuar me z.Olsi Rama. Dua ta falënderoj atë për këshillat që më dha në ato moment, kur e kisha humbur kontrollin. Me qytetari dhe kulturë pata një bashkëbisedim me drejtorin e Partizanit. Ai me të drejtë më tërhoqi vëmendjen për veprimet e mia dhe, pasi unë i shpjegova arsyet, më tha të futesha në dhomat e zhveshjes. Pra, nuk ka pasur asnjë përplasje mes meje dhe z.Rama. Do t’iu lutesha mediave të mos sajojnë dhe amplifikojnë, për më tepër të mos politizojnë. Sa i takon momentit tim të nervozizmit, dua të sqaroj se, pa filluar ende loja, jam ofenduar në kor nga familja. Ta dëgjosh është e lehtë, por nëse vihesh për 1 sekondë të vetme në pozitat e mia, atëherë gjithsecili prej jush do të më kuptojë më mirë. Gjithsesi, kjo nuk justifikon sjelljen time antisportive për të cilën mbaj përgjegjësi të plotë para gjithkujt, por me mbingarkesën psikologjike që kisha nga ofendimet konstante gjatë gjithë ndeshjes, reagova në atë mënyrë. Dua të sqaroj se reagimi im ishte ndaj 2-3 personave në tribunën qendrore të “Selman Stërmasit”, të cilët po me shanin si individ gjatë gjithë kohës, edhe në momentin e zëvendësimit. Për më tepër aty ndodheshin edhe familjarët e mi, që janë konfliktuar (jofizikisht) me këta tifozë. Unë durova dhe nuk reagova ndaj pjesës përkarshi të tifozëve, që po më ofendonte pa ndalim. Por, në atë moment, të shikosh 2-3 individë që të ofendojnë familjen, nuk e pranoj. Nuk lejoj askënd të prekë familjen time. Atë, si çdo person tjetër, e kam të shenjtë. Nuk është shenjë frike, as servilizmi, por në jetë mund të ndryshosh gjithçka, veç të kaluarës tënde.

“Shikoj shumë tifozë që më sulmojnë sikur kam harruar Partizanin. Jo, Partizanin e kam në konsideratë! Aty mësova “abetaren” e futbollit! Por, më thoni çfarë të bëj nëse luaj për një skuadër tjetër, të mos i shënoj Partizanit?! Të gëzohem, kur ata më ofendojnë? Reagimet e mia janë të provokuara dhe imponuara nga të tjerë. Përse arbitri nuk e ndali lojën kur kishte thirrje masive ofenduese ndaj meje? Po nëse shahej familja e tij, a do ta ndërpriste ndeshjen? Unë nuk dua të marr shembuj të lojtarëve botërorë, që kanë bërë veprime të tilla. Padyshim kam gabuar me atë reagim, por nuk isha shkaku, isha pasoja e provokimeve të pandalshme ndaj meje dhe familjes sime. Në karrierën time sportive jashtë Shqipërisë mund të analizoni që s’kam pasur asnjë veprim antisportiv. Gjithashtu, edhe kartonët e verdhë kanë qenë të minimizuar, të kuqtë s’janë diskutuar fare. Edhe në ekipet kombëtare kam pasur sjellje korrekte, asnjë përplasje. Mund të kem bërë veprime të gabuara në të kaluarën time, kur isha ende i ri në moshë, por tani kam reaguar për diçka madhore, për familjen time, ndaj nuk kam asnjë pishman ndaj atyre që më prekin gjënë më të shtrenjtë që kam. Respektoj tifozët e vërtetë, por jo ata që vijnë në stadium me motivin e vetëm për të më ofenduar mua. Duke lënë veç gjithçka, edhe motivin e fortë që kisha për atë reagim, u kërkoj ndjesë shokëve të skuadrës dhe klubit tim, pasi mund të mungoj në ndeshjet e radhës”.

Elis Bakaj

Edhe pse nuk është sulmues i parë, Bakaj arriti të realizonte një supergol në ndeshjen e djeshme ndaj Teutës, ndërsa pas saj u shpreh: “Nuk ishte një ndeshje aspak e lehtë. Teuta ka një skuadër mjaft të organizuar dhe me mjaft cilësi. Ishte një trepikësh shumë i vlefshëm për ne”.

Gola me shumicë në Kukës: “Nëse ekipi do të ecë, edhe ne sulmuesit do të shënojmë. Arritëm të shënonim katër herë dhe e rëndësishme është që ekipi po fiton. Kemi ende punë për të bërë. Në këtë pikë ku jemi kanë shumë rëndësi pikët e marra”.

Ylli i Kukësit ka edhe një dedikim: “Golin ia dedikoj familjes time”.

Jurgen Zela

Kukësi u është rikthyer përgatitjeve pas humbjes me Skënderbeut. Pas dy ditëve pushim, skuadra është rikthyer në fushën e blertë. Normalisht që humbja në shtëpi me Skënderbeun e ka prishur disi atmosferën dhe në aspektin psikologjik vetë trajneri pas ndeshjes deklaroi se do ketë shumë punë për të bërë. Pavarësisht humbjes koha për të përgatitur ndeshjen e ardhshme nuk është shumë e madhe, pasi skuadra kampionët do të zbresin në fushë mesditën e së enjtes. Stafi teknik ka planifikuar disa ditë stërvitje të ngarkuar, kjo që skuadra të rritet akoma më shumë, por edhe për të korrigjuar gabimet e bëra përballë Skënderbeut. Stafi teknik që në ditën e parë kishte planifikuar dy seanca stërvitore, teksa lojtarët kanë zbritur në fushë që në orën 09:00 të mëngjesit në fushën e kompleksit “Internacional”. Po ashtu dhe pasdite në orën 16:00 lojtarët sërish janë grumbulluar në Pezë, për një tjetër seancë. Mësohet se së paku dhe për dy ditët në vijim ngarkesa do të jetë maksimale me dy seanca në ditë.

GJENDJA – Dëmtimet kanë qenë problemi më i madh i Kukësit gjatë këtij fillimsezoni, teksa timonieri Milinkoviç në asnjë takim nuk e ka pasur grupin e plotë, për shkak dëmtimesh. Edhe në seancat e djeshme stërvitore ka pasur mungesa të rëndësishme. Elis Bakaj ka qenë prezent në fillimin e përgatitjeve, por nuk është ndërruar dhe vetëm pas pak minutash nga fillimi i stërvitjes është larguar nga kompleksi sportiv. Sulmuesi kryeqytetas ka zhvilluar terapi intensive me stafin mjekësor dhe me shumë gjasa do të jetë nga minuta e parë në ndeshjen e ardhshme, pavarësisht se ende nuk është gati që të stërvitet me grupin. Nëse për sa i përket repartit të avancuar situata duket e qetë, në prapavijë gjendja ndryshon. Ylli Shameti nuk do të jetë i gatshëm  as për transfertën lushnjare. Gjirokastriti ndien ende probleme në këmbën e tij të djathtë dhe stafi mjekësor i ka komunikuar që nuk duhet të rrezikojë në ndeshjen e ardhshme. Një humbje e madhe për Kukësin, kjo pasi dihet që 33-vjeçari është një nga “shtyllat” kryesore të skuadrës.

MILINKOVIÇ – Para nisjes së stërvitjes, ka qenë trajneri Mlladen Milinkoviç që ka mbajtur një fjalim jo shumë të gjatë para skuadrës. Fillimisht timonieri i skuadrës ka komentuar paraqitjen me Skënderbeun, teksa ka prekur jo pak detajet e lojës dhe momente të takimit. Më pas tekniku serb është përqendruar te ana morale e skuadrës, për të vënë në dukje se duhet shumë punë për ta arritur suksesin e sezonit të shkuar, por njëkohësisht asgjë s’ka mbaruar pasi është luajtur vetëm java e katërt e kampionatit.

Java e pestë e Superiores e vendos Kukësin përballë Lushnjes, e cila vjen me moral të lartë, pas barazimit në kryeqytet, ndaj kampionët nuk mund ta cilësojnë kurrsesi si një përballje të lehtë. Një tjetër mungesë ka qenë ajo e mesfushorit malazez Milosh Kërkotiç, me 30-vjeçarin që ka marrë leje një ditë më shumë për të ikur pranë familjes dhe sot pritet që të bashkohet me skuadrën.

PROBLEMI – Alijev po luan në majë të sulmit, poshtë tij është Elis Bakaj që është në pozicionin e tij natyral, në krahun e majtë të sulmit Kale, ndërsa “i sakrifikuari” i madh është Sindrit Guri. Shkodrani, pozicionin e tij natyral e ka si sulmues pykë, pikërisht në vendin që po luan Alijev. Milinkoviçi po e përdor si sulmues krahu të djathtë, një pozicion që nuk e lejon të japë më të mirën në fushën e lojës. Shtatlartësia e tij nuk e favorizon në atë rol, pavarësisht teknikës dhe shpejtësisë. 23-vjeçari nuk po dhuron paraqitje të mira dhe fakti që po luan si sulmues krahu po e penalizon. Nga ana tjetër, Alijev nuk ka bërë asgjë për të rënë në sy për mirë. Loja e tij deri tani ka qenë zhgënjyese, pasi nuk po arrin të bëjë diferencën, e aq më pak të marrë ekipin përdore duke e nxjerrë nga situatat e vështira.

MILINKOVIÇ – Trajneri ka vështirësi në lidhje me këtë situatë, pasi është “i detyruar” të fusë Alijevin, pasi është afruar me bujë dhe besimi te ai është i madh. Megjithatë, me një zgjedhje të tillë po humbet Gurin. Kjo do të jetë një situatë që do e mundojë teknikun serb edhe në vazhdimësi. Kampionët e Shqipërisë kanë humbur me Skënderbeun dhe këto probleme kanë dalë edhe më shumë në pah.

GOLI – Kukësi po vuan edhe për të gjetur golin, pasi nga treshja e sulmit po arrin të shënojë vetëm Bakaj. Guri dhe Alijev ende nuk e kanë provuar shijen e golit, këtu nuk futet gjuajtja e azerbajxhanasit ndaj Laçit, pasi është cilësuar si autogol. Një tjetër emër, Elton Kale, po bind me paraqitjet e tij. Braziliani është në formë dhe po bën mirë në krah.

Siç bëhet e ditur, sulmuesi ndjente dhimbje dhe para takimit, ndaj kishte marrë injeksion, por pas disa përplasjeve e kishte të pamundur për t’u futur në pjesën e dytë. Kukësi humbi shënuesin e vetëm në pjesën e dytë, por shpreson që të mos ketë asgjë serioze, pasi dëmtimi është po i njëjtë, por me goditjen e marrë së fundmi mund të bëjë që situata të komplikohet. Fatmirësisht për kampionët, kampionati do të ketë një ndërprerje dy javore dhe shanset për rikuperim janë të mëdha, gjithsesi duhet pritur përgjigja e analizave të specializuara. Nuk duhej shumë për të kuptuar zhgënjimin e Bakajt në fundin e takimit, pasi realisht po gëzon një formë mjaft të mirë.

Kukësi është i përqendruar te ndeshja e javës së katërt, teksa përballë do të jetë Skënderbeu. Të hënën në “Zeqir Ymeri” do të luhet “finalja” e titullit të sezonit të shkuar. Në javën e parafundit, mes shumë polemikash kuksianët arritën të shkurorëzonin korçarët dhe të rrëmbenin titullin e parë në histori. Normalisht që tashmë situata ndryshon, megjithatë dhe fakti se të dyja skuadrat janë në të njëjtën kuotë pikësh, bën që të jetë një takim interesant. Përgatitjet për ndeshjen kanë nisur që dje, por sot skuadra është përgatitur me ngarkesën e plotë. Me grupin është bashkuar kapiteni Hallaçi, ndërsa Elis Bakaj ka bërë vetëm vrapime rreth fushës. Sulmuesi ende nuk ka marr garanci të plotë që do të jetë në fushë, por gjasat janë që të jetë në dispozicion të stafit teknik. Shameti vijon terapinë intensive dhe synon që me çdo kusht të jetë në fushë, megjithatë mbete për t’u parë nëse do ia dalë apo jo, pasi ka dhe shumë pak kohë në dispozicion dhe situata nuk është shumë premtuese, gjithsesi në Kukës e duan me çdo kusht në fushën e lojës.

Elis Bakaj la fushën lojës përballë Egnatias pa u mbushur 13 minuta lojë. Sulmuesi kryeqytetas mori një goditje në pjesën e sipërme të legenit. Edhe pse pas ndeshjes e kishte mjaft të vështirë që të lëvizte, kontrollet e djeshme kanë treguar se nuk ka asgjë serioze dhe sulmuesi do të jetë në dispozicion të stafit teknik për super ndeshjen me Skënderbeun. Një lajm i mirë ky, por që ende nuk ka sjellë qetësi në Kukës, pasi Ylli Shameti është në pikëpyetje për ndeshjen e me korçarët. Gjirokastriti u zëvendësua vetëm pas 45 minutash në ndeshjen me Laçin dhe u pa të çalonte pas ndeshjes. Stafi mjekësor dhe lojtari po bëjnë maksimumin që qendërmbrojtësi të jetë gati, megjithatë situata nuk është e mirë. Së bashku me Allën, Shameti formon një dyshe mjaft të fortë dhe mungesa në një ndeshje të madhe si kjo me Skënderbeun, bën që llogaritë të ribëhen nga stafi teknik. Kapiteni Hallaçi dhe portieri Koliçi do të jenë gati për ndeshjen e javës së katërt dhe me shumë gjasa do të jenë së bashku me pjesën tjetër të grupit që sot.

Elis Bakaj është autori i golit të parë të këtij edicioni. Goli i parë me fanellën e Kukësit, që ka një vlerë të artë. Sulmuesi kryeqytetas, pas ndeshjes për “Sport Ekspres”, u shpreh i lumtur për golin, por mbi të gjitha triumfin e arritur. Bakaj paralajmëron se kampionati do të jetë plot rivalitet, si ndeshja me Kamzën, për të cilën tregohet i sinqertë që nuk e priste të ishte një kundërshtar kaq i fortë.

E nisni me gol kampionatin me Kukësin, si e shihni këtë aventurë të re?

E kam thënë dhe më parë, që e kam pritur me dëshirën maksimale ardhjen time këtu te Kukësi. Është skuadra kampion. Është ekipi më i mirë, është ekipi për t’u mundur. Kam ardhur me kënaqësinë time të plotë këtu. Sot dua të falënderoj tifozët që në asnjë moment nuk na lanë vetëm. Tifozeria është një gjë shumë e rëndësishme për një skuadër futbolli, pavarësisht se patëm pak vështirësi dhe duhej ta zgjidhnim ndeshjen më herët, e rëndësishme është që morëm 3 pikët. Janë ndeshjet e para dhe të gjitha ekipet do të kenë probleme sa të arrijnë formën maksimale.

Kudo që keni luajtur keni arritur që të shënoni një sasi të konsiderueshme golash, besimi se ai ritëm dhe në Kukës?

Unë jam këtu për të ndihmuar ekipin. Në radhë të parë është ekipi, më pas pak rëndësi ka se kush shënon. E rëndësishme është që në momentin ekipi do të ecë, edhe ne lojtarët do të arrijmë të shënojmë. Parësor është ekipi dhe më pas vijnë individët. Nuk mund të jap një shifër se sa do të shënoj, por nëse nuk do të kem dëmtime, them se do t’i shënoj dhe unë golat e mi.

Pas humbjes në Superkupë, arrini një triumf të vështirë përballë Kamzës, sa ju ndihmon kjo fitore?

Ishte një fitore e vuajtur. Po të shohim të gjitha ekipet janë forcuar shumë, asnjë ekip nuk ka për ta pasur të lehtë, as ata që në letër janë pretendente. Përballë kishim Kamzën, që të them të vërtetën nuk e prisja të ishte kaq mirë. Është një ekip që do i hapë probleme të gjitha skuadrave, diçka që do e shihni në javët në vijim. Ne arritëm krijonim disa raste, por në futboll duhet të kesh dhe fat. E rëndësishme është që të merrnim tre pikë, dhe ta nisnim mbarë kampionatin.

Më parë ju kemi parë në rolin e sulmuesit të parë, ndërsa tani luani në krah. Në cilin pozicion preferoni ju të luani?

Pozicioni im është sulmues dhe dëshira ime është që të luaj si sulmues. Trajneri e ka parë të arsyeshme që unë të luaj në mesfushë dhe do mundohem që të jap maksimumin si mesfushor.

Keni një dedikim për golin?

Meqë ishte goli i parë, dua që t’ua dedikoj tifozëve të Kukësit që i ftoj të na mbështesin, pasi janë të mrekullueshëm dhe të japin një shtysë shumë të madhe.

Në pushimin e ndeshjes presidenti ishte në dhomat e zhveshjes, çfarë ju tha që në pjesën e dytë loja ndryshoi?

Presidenti është gjithnjë motivues ndaj skuadrës dhe bën mirë që vjen. Edhe ne lojtarë duhet të “shkundemi” ndonjëherë. E rëndësishme ishte që erdhi, na motivoi dhe e fituam ndeshjen.

“Penalltia? Mendoj se ishte penallti. Rëndësi ka që e shënova, jo për mua, por për ekipin.

“Rivali kryesor? E kam thënë edhe më parë që Skënderbeu është rivali kryesor, por edhe Partizani. Nuk e përjashtoj as Flamurtarin, por gjithë skuadrat janë të forta, edhe Kamza sot luajti shumë mirë. Do të jetë një kampionat i bukur e me shumë rivalitet, uroj që në fund ta fitojë Kukësi”.

Luhej në Kukës dhe kampionët duhej ta nisnin mbrojtjen e titullit me një fitore që do të fshinte edhe humbjen në Superkupë. Fitorja erdhi, loja jo. Ashtu si ndaj Tiranës, Kukësi luajti dobët, krijoi shumë pak dhe realisht përveç golin me 11-metërsh, asnjëherë nuk e sikletosi Kamzën.

Debutuesit luajtën mirë, shumë më mirë nga sa pritet nga një skuadër e rindërtuar në verë. Nuk erdhi pika, por do të vijnë shumë në vazhdim, nëse vazhdohet në rrugën e nisur.

E shtunë, 9 shtator 2017, “Zeqir Ymeri”, Kukës

Kukësi – Kamza        1-0

Goli: Elis Bakaj 63′ pen.

Kukësi: Koliçi, Imami, Hoxha, Shameti, Hallaçi, Zeqiri (Alijev 51′), Musolli, Kërkotiç, Shtubina (Ethemi 76′), Bakaj (Rrumbullaku 90’+4), Guri. Të gatshëm: Koci, Idrizi, Peposhi, Ethemi, Koldashi, Rrumbullaku

Trajner: Mlladen Milinkoviç

Kamza: Halilaj, Idrizaj, Fushtar, Leo Lelis (Raçiç 67′), Neziri, Zefi (Mustafa 64′) Arrabal, Fukui, Mehmeti, Imeri (Mumajesi 80′), Plaku. Të gatshëm: Gjonikaj, Frashëri, Ymeri, Rezi

Trajner: Ramazan Ndreu

Kartonë të verdhë: Shameti 50′, Musolli 84′ / Arrabal 67′

Gjyqtarë: Kridens Meta, Denis Rexha, Nertil Bregasi, Klajdi Kola

“Po punojmë shumë për Superkupën dh synimi është ta fitojmë. Gjithashtu, po bëjmë përgatitjen e duhur për sezonin e ri.

“Objektivat e mia? Rëndësi ka që të japim maksimumin në fushë, unë mendoj për synimet e klubit, jo ato personale. Nëse Kukësi ka sukses, do të kemi të gjithë.

Kukësi është sërish ekip pretendent serioz për titull, edhe pse është më e vështirë ta mbrosh sesa ta fitosh kampionatin. Do të bëjmë gjithçka për t’ia dalë mbanë.

Alijev partneri i sulmit: “Si fillim është pak e vështirë, sa të ambientohemi. Nuk është vetëm Alijev, është edhe Guri, sulmues mjaft cilësor. Tani duhet të punojmë shumë, të kuptohemi sa më mirë, sepse cilësitë janë në sulm.

Ofertat: “Më kërkoi edhe Flamurtari, me një ofertë të shkëlqyer, por dëshiroja të qëndroja sa më pranë familjes, në Tiranë. E falënderoj Flamurtarin, ka bërë një ekip të shkëlqyer dhe do të jetë pretendent për titull, së bashku me Skënderbeun e Partizanin, por natyrisht edhe Kukësin, që synon ta mbrojë trofeun.

“Një nga arsyet që erdha këtu është presioni dhe ambiciet e klubit. Presidenti Gjici do sukses, unë dua sukses dhe më pëlqen të luaj nën presion, për synime madhore”.