Bajer Leverkusen

Gjermani “lë thatë” Juventusin, gati firma me nënkampionët

Sport Ekspres — Mon, 20 May 2019 12:53:52 +0000

Zgjedhja e trajnerit të ri do të zhbllokojë edhe merkaton e Juventusit. Megjithatë, bardhezinjtë duhet të shohin për një mesfushor ofensiv tjetër, pasi një nga objektivat ka bërë një zgjedhje ndryshe.

Julian Brandt është pjesë e Bajer Leverkuzen prej verës së vitit 2014, ndërsa numëron edhe 2 gola të shënuar në 24 ndeshje me kombëtaren gjermane. 23-vjeçari, i cili bën mirë edhe krahët e sulmit, ndiqet prej kohësh nga Juventusi, Atletiko Madrid dhe Borusia e Dortmundit.

Ai ka vendosur të largohet nga “Aspirinat”, por nuk do të ndryshojë kampionat. Sipas gjermanes “Kicker”, Brandt do të transferohet në “Signal Iduna Park”. Babai i tij ka zhvilluar kontakte intensive me Dortmundin dhe Brand pritet të vishet verdhezi sezonin e ardhshëm.

VIDEO | “Aspirinat” kalojnë në overdozë Frankurtin, 6 gola në 34 minuta!

Sport Ekspres — Sun, 05 May 2019 17:16:46 +0000

Bajer Leverkuzen ka shpërthyer me gola në takimin e sotëm ndaj Ajtrahtit të Frankfurtit. “Aspirinat” zhvilluan një pjesë të parë të pabesueshme duke shënuar 6 gola në 34 minuta, po po, 6 gola në 34 minuta ndaj Frankfurtit të vendit të katërt.

Gjithçka e filloi talenti gjerman Kai Haverc dhe u mbyll 34 minuta më vonë nga autogoli i austriakut Hintereger.

Haverc 2’

Brandt 13’

Alario 23’

Aranguiz 28’

Alario 34’

Hintereger 36’ (aug)

Dembeli Kisling zbulon sekretin: Testet fizike mi kalonte gruaja

Sport Ekspres — Fri, 07 Dec 2018 09:20:06 +0000

Stefan Kisling dha dorëheqjen nga futbolli profesionist në fund të sezoni të kaluar. 34-vjeçari e kuptoi se trupi i tij nuk mund të përballonte më intensitetin e ndeshjeve të Bundesligës dhe vendosi ta mbyllte njëherë e përgjithmonë.

Në një intervistë për medien gjemane “Sport Bild”, ish-sulmuesi i Levekuzen zbuloi se gjatë të gjithë karrierës së tij kishte qenë lojtari më dembel në skuadër. Një prej historive më interesante ishte se si kishte përdorur gruan e tij për t’u shmangur stërvitjes së diferencuar.

“Para se të fillonim fazën përgatitore gjatë verës, përgatitësi atletik na bënte disa kontrolle të fizike me anë të një jeleku me çip që na maste rrahjet e zemrës. Sa më të këqija të ishin rezultatet, aq më i intensiv do të ishte programi që do t’i nënshtrohesha gjatë muajve të ardhshëm. Për të shmangur këtë, jelekun ia vesha gruas sime, që është një vrapuese shumë e mirë. Testet ishin të shkëlqyera dhe nuk bërë stërvitje shtesë. Përherë kam qenë futbollisti dembel, rrallë kam shkuar në palestër, ndërsa në stërvitje leja gjithmonë disa ushtrime pa bërë”, tha Kisling

Monako akord me Leverkuzenin, 20 milionë për mbrojtësin e kombëtares

Sport Ekspres — Sun, 26 Aug 2018 15:48:37 +0000

Benxhamin Henriks është një nga talentët e Bajer Leverkuzen. Mbrojtësi 21-vjeçar, i cili bën mirë dhe rolin e mesfushorit, është pranë kalimit në kampionatin francez. Monako është e interesuar për shërbimet e lojtarit, i cili ka zhvilluar dhe tre ndeshje me kombëtaren gjermane.

Ai debutoi në moshën 19-vjeçare me “Pancerat”, në ndeshjen përballë San Marinos dhe në miqësoren me Italinë. Klubi nga principata ka arritur akordin me Leverkuzen duke afruar 20 milionë euro për kartonin e Henriks, siç citon “Sport 1”.

Ky i fundit luan me “Aspirinat” që nga viti 2015 dhe ka zhvilluar 61 ndeshje me ekipin, ndërsa tashmë është gati për të nisur aventurën e re në Liga 1 dhe mbetet vetëm zyrtarizimi i marrëveshjes.

E kërkonin në ishull, por rinovon me “Aspirinat”, Beili: Falenderoj Leverkusen për besimin

Sport Ekspres — Sun, 19 Aug 2018 17:33:00 +0000

Leon Beili ishte një nga objektivat e Çelsit dhe Arsenalit, por 21 vjeçari xhamaikan ka rinovuar kontratën me Bajer Leverkusen deri në vitin 2023 Ai ndihet i lumtur që do të vazhdojë karrierën me ekipin gjerman dhe flet fjalët e para

“Ky rinovim i kontratës është demonstrimi se sa e kam vlerësuar mbështetjen që kisha dhe gjithmonë e kam shprehur se ndihem i lumtur te Leverkuseni. Kemi një ekip të ri dhe mund të arrijmë larg.

Objektivi im është që të shpërblej besimin e dhënë, duke bërë ndeshje të mira dhe të rritem akoma dhe më shumë” përfundon sulmuesi ofensiv i “Aspirinave”, i cili shënoi 9 gola gjatë sezonit të shkuar.