Megjithatë, garën për kolumbianin e fitoi Vijareali, që ka zyrtarizuar sot afrimin e bujshëm. Baka do të bashkohet me “nëndetësen” për një sezon, ndërsa në fund të tij Vijareali do të vendosë nëse do ta blejë përfundimisht.

Në Spanjë Baka ka kaluar pjesën më të ndritur të karrierës, me 49 gola në 108 ndeshje për Seviljen, ndaj te Vijareali janë të bindur se kanë gjetur pasuesin e denjë për Roberto Soldadon, i transferuar në Turqi, te Beshiktashi.

#CVFNews | Y el ‘9’ del #Villarreal es…? ¡@carlos7bacca! #BenvingutBacca pic.twitter.com/0ocxSS0elU

— Villarreal CF (@VillarrealCF) August 16, 2017

Nikola Kaliniç drejt kalimit tek Milani, ndërsa Karlos Baka drejt largimit nga kuqezinjtë. Është kjo situata më e fundit në repartin e sulmit të Milanit dhe që pritet të qartësohet përfundimisht në orët në vazhdim. Tashmë mungojnë vetëm detajet që Nikola Kaliniç të vihet nën urdhrat e trajnerit Vinçenco Montela. Pasi ka gjetur marrëveshjen me lojtarin, Milani është fare pranë marrëveshjes dhe me Fiorentinën për transferimin e tij në pjesën kuqezi të Milanos. Ndërsa, deri pak ditë më parë Milani dhe Fiore ishin larg tyre, në orët e fundit, kuqezinjtë kanë shpejtuar në merkato dhe duket se kanë gjetur çelësin për të mbërritur tek sulmuesi kroat. Dy bosët e Milanit përgjegjës për merkaton e kuqezinjve Fasone e Mirabeli janë gati të pranojnë kërkesat e Fuiorentinës për sulmuesin, teksa Milani pritet të përfshijë në këtë marrëvehsje dhe Luka Antonelin. Sipas asaj çfarë bëjnë me dije të gjitha mediat nmë të rëndësishme italiane Milani është gati të paguajë 25 milionë euro dhe kartonin e Antonelit për të marrë nga Fiorentina sulmuesin Nikola Kaliniç. Nga ana e saj Fiorentina ka gjetur pasuesin e kroatit dhe ai është sulmuesi i Xhenoas, Simeone.   

Baka drejt Vijarealit – Por në Milano ka dhe largime. Milani më në fund duket se ka gjetur një blerës për sulmuesin e vet Karlos Baka. Kolumbiani është fare pranë lamtumirës nga “Djalli” dhe shumë shpejt pritet të transferohet në Spanjë. Por ndryshe nga çfarë flitej deri më tani, nuk do të jetë Sevilja skuadra e tij e re, por Vijareali. Kolumbiani ka lën seancën e djeshme stërvitore të Milanit, pasi po përgatitet për të mbyllur transferimin tij në Spanjë. Ai pritej të mbërrinte në mesditë në qendrën stërvitore të Milanit. Por ai ka mbërritur me mjaft vonesë në orën 16:30 ku është stërvitur vetëm për një orë dhe më pas është larguar, duke zbrazur edhe dollapin e vet e duke u ndarë me shokët e skuadrës. Për mediat italiani kalimi i tij tek Vijareali është një punë e kryer, teksa fillimisht kolumbiani do të huazohet për 2.5 milionë euro dhe më pas Vijareali do të ketë të drejtë të blejë plotësisht kartonin e tij për 15.5 milionë.

Sytë dhe nga Beloti – Milani nuk ka ndër mend të mjaftohet vetëm me kaliniç. Kuqezinjtë do të kërkojnë dhe ndonjë sulmues tjetër. Emri më i lakmuar është ai i Andrea Belotit. Sipas “Tuttosport”, kuqezinjtë pritet të futen fuqishëm në lojë për sulmuesin e kombëtares italiane fill pas “Ferragostos”.