Megjithatë, të kuqtë besojnë te një mrekulli këtë fundjavë. Të besuarit e Pep Guardiolës përballën kundër Fulhemit, skuadër e cila ka sulmues kryesor ish-lojtarin e Liverpulit, Rajan Babel. Ky i fundit ka bërë mirë për Fulhemin, madje dhe i shënoi Liverpulit raundin e kaluar, por pa iu prishur punë sa i takon tre pikëve.

Këtë javë, Liverpuli shpreson që Babel të shënojë dhe t’i prishë punë Mançester Sitit, çka do të bënte që të kuqtë e Jurgen Klop të merrnin sërish frenat e kampionatit në duart e tyre.

Ish-sulmuesi i Liverpulit dhe Ajaksit ka pasur një ecuri mjaft pozitive edhe te Beshiktashi, por pavarësisht statusit të veçantë në ekip, duke qenë ndër veteranët e skuadrës nga Stambolli, klubi nuk ka ndërmend ta falë në lidhje me një gafë që sulmuesi ka bërë ditët e fundit. Një tifoz e ngacmoi në Instagram, duke shkruar: “A ke dëshirë të luash sërish te Kasimpasha, për 200 mijë euro në vit?”.

Provokimi nuk është kaluar me qetësi nga Babel, i cili ka reaguar shumë keq: “A do doje të dilja sërish me mamanë tënde?”. Natyrisht, tifozët i janë kthyer kundër sulmuesit pa edukatë dhe Beshiktashi nuk ka bërë sehir.

Me një deklaratë për mediat, klubi turk i k a kërkuar sqarim me shkrim holandezit, ndërkohë që e ka urdhëruar ta mbyllë faqen në Instagram. Në horizont është një gjobë e majme, por në mediat turke flitet se sulmuesi mund të pezullohet dhe të lihet jashtë skuadre për ca kohë.