Azi

Futbolli në plan të dytë, përballje ferri në kualifikueset e aziatike

Sport Ekspres — Wed, 17 Jul 2019 20:26:40 +0000

Konfederata Aziatike e Futbollit ka hedhur ditën e sotme shortin përbashkët të grupeve të kualifikueset e Botërorit Katar 2020 dhe Kupës së Azisë 2023. Ajo që bie në sy është fakti se në shumë nga përballjet nuk do flitet në radhë të parë për futboll, kjo për shkak të situatës së tensionuar politike midis shteteve në Lindjen e Mesme dhe Lindjen e Largët.

Përballja që bën më shumë bujë është derbi i Gadishullit të Koresë. Megjithëse Koreja e Veriut dhe Koreja e Jugut fshehin tensionet kur vjen puna tek evenimentet sportive, por historia e veçantë midis dy popujve të të njëjtit gjak bën që kjo përballje të mos flasë vetëm për futboll.

Në grupet e tjera nuk kishte si të mungonin përballjet delikate midis shteteve të Lindjes së Mesme, duke marrë parasysh situatën e nxehtë gjeopolitike që ka shoqëruar këtë rajon gjatë viteve të fundit. Në grupin C kemi një përballje Iran – Irak, dy shtete këto që tri dekada më parë u përfshinë në një luftë të përgjakshme që solli mbi 1 milionë të vrarë.

Akoma më e rëndë situata në Grupin D, ku Arabia Saudite do ketë kundër Jemenin dhe Palestinën, të dyja këto shtete nuk gëzojnë prej vitesh raporte të mira me superfuqinë e lindjes së mesme.

Kashima përmbush misionin në Iran, japonezët mbeten “mbretër” të Azisë

Sport Ekspres — Sat, 10 Nov 2018 20:09:30 +0000

Kashima Antlers ka fituar për herë të parë trofeun e Ligës së Kampionëve të Azisë duke mundur Persepolis në një finale me dy takime. Skuadra japoneze udhëtoi Iranit me njërën dorë te trofeu, pasi kishin fituar ndeshjen e parë 2 – 0 dhe pas barazimit pa gola në stadiumin mitik “Azadi”, filloi festa e japonezëve, që vazhdojnë të dominojnë në këtë kompeticion. (vitin e kaluar trofeun e fitoi Urawa Red Diamonds)

???? @atlrs_official ???? pic.twitter.com/T2DS5qMaw5

— #ACL ?? (@TheAFCCL_jp) November 10, 2018

Në Teheran nuk mungoi spektakli në mbështetje të skuadrës së Persepolis. 78.000 tifozë të pranishëm në stadiumin “Azadi” nuk reshtën së mbështeturi skuadrën e tyre, që i duhet të kënaqet me medaljen e argjendtë në finalen e tyre të parë në kompeticionin më prestigjioz të futbollit aziatik. Fatkeqësisht në stadium nuk ndodhej as edhe një femër, kjo për shkak të ligjeve të rrepta që janë në fuqi prej vitesh në Republikën e Iranit.

Video | Gafë e pabesueshme, portieri merr në qafë “Ksavin &Co.”

Sport Ekspres — Mon, 27 Aug 2018 20:16:37 +0000

Gafat janë pjesë e pandashme e futbollit, ata ndodhin në një lojë të thjeshtë mes fëmijësh nëpër rrugicat e qyteteve, por edhe në stadiume të mbushur plot e përplot dhe me lojtarë që paguhen me miliona.

Rasti më i fundit ka ndodhur në takimin në kuadër të çerekfinales së Champions-it aziatik në ndeshjen midis Esteghalit të Iranit dhe skuadrës multimilionere të Al Sadit, ekipi ku luan Ksavi Hernandez dhe ish-kapiteni i Atletikos, Gabi.

Në minutën 12’ të ndeshjes, portieri i Al-Sadit, 20-vjeçari Meshal Barsham shkaktoi një autogol që do ta mbajë mend të gjithë jetën, duke mos kontrolluar siç duhej një top që iu pasua me kokë nga shoku i skuadrës. Video e gafës ka bërë xhiron e botës, por fatmirësisht për gardianin e ri, ekipi i tij arriti të përmbyste ndeshjen duke shënuar tri gola në portën e kundërshtarëve.

Legjionari i “harruar” lojtar i lirë, e thërrasin milionat e Azisë

Sport Ekspres — Thu, 19 Jul 2018 13:35:51 +0000

Jurgen Gjasula nuk është një emër shumë i njohur për publikun e gjërë shqiptar, por mesfushori i lindur në Tiranë dhe rritur në Gjermani ka një karrierë për t’u admiruar. Debutues qe 19 vjeç në Bundesligë, më pas një eksperiencë mjaft e mirë në Zvicër me St Gallen e Bazel dhe kthimi në Gjermani në Bundesliga 2 .

Së fundmi Gjasula mbylli aventurën e tij 3-vjeçare me klubin e Grojter Fyrtit dhe është lojtar i lirë në treg. Në një intervistë për “ transfermarkt.de”, Gjasula tregon se ka oferta nga ekipe të tjera të Bundesliga 2, si dhe nga kontinenti aziatik ku ka tërhequr interesin e disa klubeve indiane dhe tailandeze.

Në dhjetor Gjasula mbush 33-vjeç dhe ndoshta tani mund të jetë mundësia e fundit për të siguruar një kontratë me pagë të majme para varjes së këpucëve në gozhde. Futbollisti 32-vjeçar ka vetëm dy paraqitje me kombëtaren kuqezi dhe në të dy rastet si zëvendësues, me siguri meritonte më shumë se kaq, por fati i keq dhe disa faktorë të tjerë bënë që eksperienca e tij me kombëtaren të ishte jetëshkurtër.