Azerbaixhan

Asani: Kualifikimi 50 me 50, ja si e ndëshkojmë Karabakun

Sport Ekspres — Mon, 15 Jul 2019 14:14:03 +0000

Futbollisti i Partizanit, Jasir Asani, ka dhënë një intervistë për “Supersport” në prag të ndeshjes të së mërkurës, ku “demat” do të ndeshen në Baku të Azerbajxhanit me kampionët e Karabak. Futbollisti nga Shkupi vlerëson forcën e kundërshtarit, por nuk ngurron ta cilësojë çështjen e kualifikimit si 50 me 50.

“Jemi stërvitur pa ndërprerje. Na pret një takim shumë i vështirë. Shpresoj që më ndihmën e stafit dhe djemve t’ia dalim në Azerbajxhan. Do të bëmë maksimumin për këtë”.

“Në minutat e para do t’i presim, pasi Karabak ka një super skuadër dhe ne duhet t’i sulmojmë me kundërsulm. Mendoj se kualifikimi është 50 me 50, edhe ne kemi skuadër shumë të mirë, përse mos t’ia dalim. Nuk ka rëndësi kush do shënojë golin vetëm të fitojmë”.

Vlerësime në Azerbaixhan dhe Bjellorusi, shkëlqejnë dy “ish”-ët e Superiores

Sport Ekspres — Tue, 16 Apr 2019 15:11:12 +0000

Ish-futbollisti i Skënderbeut Xhejms Adeniji vazhdon të spikasë në Azerbaixhan me skuadrën e Gabalas. Në takimin e kësaj fundjave nigeriani shënoi një ndër golat e fitores 2 – 1 të Gabalës.

Goli dhe loja e mirë bën që 26-vjeçari të vlerësohet me një vend në formacionin e javës. Përgjatë këtij sezoni Xhejms ka qenë një ndër lojtarët më të aktivizuar tek ekipi i tij, ku 23 ndeshje ka arritur të shënojë 9 gola në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Zhvendosemi në Bjellorusi ku një tjetër “ish” i Superiores po kalon një formë të shkëlqyer. Elis Bakaj shënoi golin e vetëm për skuadrën e Shaktar Soligorks në ndeshjen kundër Slutskit. Teksa janë luajtur 3 javë kampionat, skuadra e shqiptarit kryeson renditjen e tabelës me pikë të barabarta me Dinamo Brest.

Dëmtimi e largoi nga Kukësi, mesfushori firmos në Azerbajxhan

Sport Ekspres — Mon, 11 Feb 2019 18:14:37 +0000

Mesfushori franko-algjerian Shafik Tigruxha ndërpreu marrëveshjen me Kukësin gjatë merkatos së janarit. Ditën e sotme 27-vjeçari është prezantuar te skuadra e Zirës në Azerbaixhan, ekip ku në të shkuarën ka luajtur dhe një tjetër “ish” i kuksianëve si Gerhard Progni.

Arsyeja e largimit të Tigruxhës nga Kukësi ishte fakti që mesfushori shfaqte dëmtime kronike në muskuj që kërkonin një ndërhyrje kirurgjikale për t’u rregulluar. Mesa duket lojtari ka vendosur të shtyje operacionin deri në fund të sezonit.

https://www.instagram.com/p/Btvi6Qmlwxp/?utm_source=ig_web_copy_link

Vetë trajneri Armando Kukësi u shpreh si më poshtë për largimin e Tigruxhës, të cilin ai e aktivizoi në 10 takime, të gjitha si pjesë e formacionit titullar:

“Cilësitë e lojtarit nuk janë vënë kurrë në dyshim. Ka shumë potencial dhe ka qenë armë e fortë për ne. Ndihemi keq për situatën shëndetësore. Kishim bërë llogari me të, afatgjata. Në futboll ka edhe dëmtime, duhet të përshtatemi dhe të shohim përpara. Rroca e kompenson pak a shumë Shafik. Është në bisedime, kërkohet operim. Kam biseduar me të dhe ia kam dhënë idetë e mia. Do doja të bënte ndërhyrjen dhe të jetë gati në verë. Do humbte kontratën nëse do e shtynte. Unë personalisht do ia jepja një votë që të qëndrojë, pasi ka potencial”, u shpreh trajneri i Kukësit.

Lajmi për fund karriere, tani flet Agolli

Sport Ekspres — Mon, 14 Jan 2019 10:09:26 +0000

“Ansi Agolli po mendon ta mbyllë karrierën në fund të sezonit. Për këtë arsye, sezoni aktual do të jetë i fundit për të te Karabaku“, shkruhej paraditen e sotme në një faqe tifozësh të Karabakut në Facebook. Një faqe e ngjashme me atë zyrtare, edhe për nga emërtimi, ndaj u krijua ideja se ishte një komunikim i klubit apo i vetë mbrojtësit shqiptar.

Megjithatë, legjenda e Karabakut sqaron të gjithë dhe mohon spekulimet, duke lënë gjithçka të hapur për të ardhmen.

“SportEkspres.com” ka kontaktuar mbrojtësin 36-vjeçar, i cili ka mohuar lajmin e përhapur ditën e sotme: “Ajo është faqe tifozësh, nuk është faqja zyrtare e klubit. Tifozët japin mendime, apo komentojnë zëra merkatoje, por gjithçka është në rangun e bisedave mes tifozëve. E vërteta është që nuk kam vendosur ende, jemi në kulmin e sezonit, në garë të egër për titull dhe nuk ka kuptim që të merremi me çështje të tilla në këtë moment“.

Futbollisti i famshëm i kombëtares sonë, me të cilën luan prej më shumë se një dekade, është pjesë e Karabak që prej vitit 2010, ka fituar 5 tituj kampionë në Azerbajxhan dhe ka qenë gjithnjë lojtar kyç, në fushë e jashtë saj.

Këtë sezon aktivizimi i tij ka qenë më “i llogaritur”, për shkak të kalendarit shumë të ngjeshur, por sërish Agolli ka luajtur 13 ndeshje në të gjitha kompeticionet dhe mbetet një lider te kampionët e Azerbajxhanit.

Goli i mbrëmjes, kolegu i Agollit nderon Azerbaixhanin dhe frikëson Kosovën

Sport Ekspres — Sat, 17 Nov 2018 20:07:24 +0000

Azerbaixhani nuk la vend për surpriza duke mundur Ishujt Faroe 2 – 0, rezultat ky që u mban gjallë shpresat për kreun e grupit. Të martën do të ndeshen ndaj Kosovës, në një “finale” që do t’u bëjë punë vetëm fitorja, në ndryshim nga vendasit që mund të pajtohen dhe me barazimin. Në 90-minutëshin e sotëm, trajneri i “dardanëve” Bernard Shaland e ka pasur fare të lehtë të dallojë lojtarin më të rrezikshëm të azerëve.

Mahir Madatov ishte protagonisti i takimit të sotëm. 21-vjeçari konsiderohet si talenti më premtues i futbollit azer. Mëgjarashi, i cili luan te Karabaku së bashku me Ansi Agollin, shënoi sot një gol fantastik nga më shumë se 30 metra. Pas këtij goli lojtarët e Kosovës me siguri do të jenë shumë të kujdesshëm ndaj të majtës së frikshme të Madatovit.

Arsenali niset drejt Azerbaixhanit, politika lë pa biletë fantazistin e “topçinjve”

Sport Ekspres — Wed, 03 Oct 2018 09:26:13 +0000

Stafi teknik dhe lojtarët e Arsenalit janë nisur para pak orësh drejt Azerbaixhanit, ku do të luajnë ndaj kampionëve vendas të Karabakut, ekip në të cilin aktivizohet dhe lojtari i kombëtares shqiptare Ansi Agolli.

Në këtë transfertë trajneri Unai Emeri nuk do të ketë në dispozicion mesfushorin, Henrik Mkhitarjan. Mungesa e armenit nuk vjen si pasojë e dëmtimeve ose pezullimeve, por nga kombësia e lojtarit të “topçinjve”.

Azerbaixhani ia ndalon me ligjin shtetasve armen hyrjen në territorin e shtetit të tyre, kjo për shkak të konflikteve që ekziston midis dy kombeve për shkaqe territoriale. Vlen të përmendet se kjo nuk është here e parë që Mkhitarjan është detyruar të mos udhëtojë me skuadrën e tij, pasi e njëjta gjë ka ndodhur në vitin 2014 kur Dortmundi u ndesh po me Karabagun.

Ndërkohë në horizont është një problem akoma dhe më i madh, pasi finalja e këtij edicioni të Europa League zhvillohet në kryeqytetin e Azerbaixhanit, Baku, çka do të thotë se nëse Arsenali arrin në finale Mkihtarjan s’do të mund të kontribuoj në takimin final të turneut.