Axurre

Bernardeski: Çmenduri nëse pezullohet Ronaldo! Ju tregoj ëndrrën time

Sport Ekspres — Tue, 19 Mar 2019 16:40:31 +0000

Federiko Bernardeski ishte një ndër lojtarët më të mirë në fushë në fitoren 3 – 0 të Juventusit ndaj Atletiko Madrid. Trajneri Masimiliano Alegri uli në stol Paolo Dibalën dhe i besoi italianit që ia ktheu mbrapsht me paraqitjen fantastike.

Lojtari, i cili tani është i grumbulluar me përfaqësuesen e Italisë, foli në lidhje me situatën të Juventusi dhe objektivat që ka me kombëtaren axurre.

FESTIMI I RONALDOS – “Nuk mendoj se duhet të ketë një dënim. S’është diçka që meriton shumë vëmendje, një pezullim për atë gjë do ishte çmenduri. Ishte thjesht një festim. Ronaldo është i qetë ashtu si pjesa tjetër e skuadrës”.

“Shkruam një pjesë të historisë së Juventusit. U ndjeva shumë i vlerësuar që trajneri vendosi të luaja unë në atë ndeshje. U mundova të jepja gjithçka në fushë”.

HUMBJA ME XHENOAN –“Një humbje nuk është asnjëherë e mirë, por vinim pas një ndeshje që na kishte lodhur shumë si në aspketin fizik, por edhe atë mendor”

ITALIA DHE POZICIONI – “Mendoj se jam i aftë të luaj si mesfushor qendre, gjithsesi vendos trajneri, çështja e pozicioni tështë diçka dytësorë. Më pëlqen fakti që jam i aftë ta ndihmoj kombëtaren në disa pozicione. Shpresoj që të bëhem një lider i ekipit, kjo është ëndrra dhe objektivi im”, tha Bernardeski.

Mançini grumbullon 29 lojtarë, ka vend dhe për “anormalin” Kualjarela

Sport Ekspres — Fri, 15 Mar 2019 17:39:42 +0000

Trajneri i kombëtares italiane, Roberto Mançini, ka shpërndarë 29 ftesa për grumbullimin e muajit mars. Në listë bie në sy prania e 36-vjeçarit Fabio Kualjarelës dhe 19-vjeçarit Moise Kean, të dy këta lojtarë plotësojnë repartin e sulmit së bashku me Imobilen, Lazanjën e Pavoletin.

Në mbrojtje risia është qendërmbrojtësi i Torinos Armando Izo, ndërsa mesfushë ka mbetur jashtë liste Lorence Pelegrini i Romës, në vend të tij i është besuar Stefano Sensit të Sasuolos.

Portierë
Alesio Kranjo (Kaljari), Xhanluixhi Donaruma (Milan), Matia Perin (Juventus)
Mbrojtës
Kristiano Biragi (Fiorentina), Leonardo Bonuçi (Juventus), Xhorxho Kielini (Juventus), Alesandro Florenci (Roma), Armando Izo (Torino), Xhanluka Mançini (Atalanta), Kristiano Piçini (Valencia), Alesio Romanjoli (Milan), Leonardo Spizanola (Juventus)
Mesfushorë
Nikolo Barela (Kaljari), Brajan Kristante (Roma), Zhorzhinjo (Çelsi), Stefano Sensi (Sasuolo), Marko Verrati (PSG), Nikolo Zaniolo (Roma)
Sulmues
Federiko Bernardeski (Juventus), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Muase Kean (Juventus), Kevin Lasanja (Udineze), Leonardo Pavoleti (Kaljari), Mateo Politano (Inter), Fabio Kualjarela (Sampdoria )

Darmian: Pres një ftesë nga Mançini, Italia më mungon

Sport Ekspres — Mon, 10 Dec 2018 19:16:53 +0000

Ardhja e Zhoze Murinjos në krye të stolit të Mançester Junajtid ka sjellë jo pak probleme për mbrojtësin italian Mateo Darmian.

Tekniku portugez preferon Antonio Valencian dhe Eshli Jang, ndërsa së fundmi në skenë ka hyrë dhe talenti portugez, Diego Dalot. Është e qartë që e ardhmja e 29-vjeçarit nuk është më te “djajtë e kuq” dhe këtë ai e bën të qartë në një intervistë për të përditshmen “Gazzeta Dello Sport”.

KOMBËTARJA – Darmian nuk fshihet aspak, për të është e qartë. Nuk ka shumë vite në dispozicion dhe i duhet të rikthehet sa më shpejtë në kombëtare: “Rikthimi te përfaqësuesja italiane është objektivi im. Mançini nuk më ka thërritur kohëve të fundit, por shpresoj ta bëjë këtë në të ardhmen”.

RIKTHIMI NË SERIE A – “Më duhet ta pranoj që më mungon shumë kampionati italian. E di që ndodhem në një prej klubeve më të mira në botë dhe kjo gjë më bën krenar, por Italia është vendi im dhe unë e dua atë”, përfundoi Darmian.

Italia zyrtarizon miqësoren, por vendndodhja i shtang të gjithë

Sport Ekspres — Wed, 17 Oct 2018 18:04:16 +0000

Përfaqësuesja e Italisë do të luajë më datë 20 nëntor një miqësore kundër Shteteve të Bashkuara të Amerikës. Takimi nuk do të zhvillohet në tokën italiane dhe as në atë amerikane, por në Belgjikë.

Stadiumi i qyteti të Genkut do të presë këtë takim midis dy kombëtareve, një zgjedhje kjo që ka çuditur tifozët e shumtë të kombëtares “axurre”, pasi Belgjika nuk është një vend që ka një popullatë të konsiderueshme italiane.

Stadiumi ku do të zhvillohet ndeshja

Gjithsesi vendimi është marrë tashmë dhe nuk ka kthim mbrapa për këtë vendim. Të shohim nëse qytetarët e Genkut do të jenë kureshtar, aq sa për të mbushur stadiumin për miqësoren në fjalë.

#Azzurri ??

The #LuminusArena in #Genk will be the venue on 20 November for the friendly between the #UnitedStates ?? and #Italy.#VivoAzzurro pic.twitter.com/J6wr7Zc9Ey

— Italy ???????? (@Azzurri_En) October 17, 2018

Ndryshime tek Italia: Zaza “out”, vjen debutuesi Lazanja

Sport Ekspres — Tue, 09 Oct 2018 19:50:30 +0000

Trajneri i Italisë Roberto Mançini vazhdon të prezantojë fytyra të reja në kombëtaren e Italisë. Dëmtimi i sulmuesit Simone Zaza i ka hapur derën sulmuesit të Udinezes Kevin Lazanja, i cili grumbullohet për herë të parë me kombëtaren “axurre”.

26-vjeçari shënoi 14 gola në 32 aktivizimet me skuadrën e Udinezes në sezonin e kaluar të Serie A. Hapat e parë të karrierës së tij Lazanja i ka hedhur në Serie D, pra rrugëtimi i tij drejt kombëtares ka qenë shumë më i lodhshëm se shumë lojtarëve të tjerë.

#Azzurri ??

After the withdrawal of Simone #Zaza, Kevin #Lasagna has been called up for the #ItalyUkraine ?? and #PolandItaly ?? fixtures. #VivoAzzurro pic.twitter.com/V5S98g2ity

— Italy ???????? (@Azzurri_En) October 9, 2018

Mançini, emocionet e Bolonjës dhe filozofia “anti-Ventura”

Sport Ekspres — Thu, 06 Sep 2018 21:58:02 +0000

Kombëtarja italiane do të luajë ndeshjen e parë zyrtare me Roberto Mançinin si trajner. “Axurrët” do të presin në Bolonjë, përfaqësuesen polake. Tekniku 53-vjeçar u shpreh se i ka të qarta idetë e tij për formacioni e kombëtares.

NOSTALGJIA E BOLONJËS – “Është një emocion i madh. Isha vetëm 16-vjeç kur debutova me Bolonjën dhe s’mund të përmbaja veten. Nesër do të kem emocione të ngjashme, pasi do debutoj si trajner i Italisë në një ndeshje zyrtare në po të njëjtin stadium”.

FORMA E SKUADRËS – “Kampionatet sapo kanë filluar dhe disa lojtarë kanë marrë pak minuta. Rrjedhimisht një pjesë e madhe janë larg formës optimale, por e rëndësishme për mua është mentaliteti që ata do të tregojnë në fushë, të tjerat mund të rregullohen me lehtësi”.

LIGA E KOMBEVE – “Mendoj se është më mirë që të luftosh për tri pikë se sa të luash miqësore. Mendoj se mund të na shërbejë shumë mirë, pasi më duhet t’i jap minuta lojtarëve të rinj në ndeshje kuptimplota. Jam realist ka skuadra më të forta se ne, por objektivi jonë mbetet fitimi i grupit”.

FILOZOFIA E LOJËS – “Duhet të luajmë gjithmonë në sulm, sepse vetëm në atë mënyrë fitohet. Ndaj Suedisë u eliminuam pasi nuk arritëm të shënonim, tani duhet që raste që krijojmë të mos t’i shpërdorojmë”.