Në fund të takimit, Balaj foli për mediet austriake ku zbuloi se në përshtatjen me kampionatin austriak po e ndihmon Hamdi Salihi, një sulmues ky që ka lënë gjurmë në futbollin e atjeshëm. Trajner Nestor El Maestro nuk i kurseu komplimentet për “bomberin” e rij, ndërsa shpjegoi se Balaj mund të kishte çuar shifrat në 2 – 0, po të mos kishte qenë për gjendjen jo të mirë fizike, diçka e pritshme kjo pasi Balaj vjen nga më shumë se dy muaj pa stërvitje.

“Ndeshja e parë, goli i parë, tre pikë. Ishte një fillim shumë i mirë, por mund të kisha bërë akoma dhe më mirë, gjithsesi gjëja më e rëndësishme është që morëm tri pikët. Sot mora përshtypjet e para mbi futbollin austriak. Nuk dija shumë mbi kampionatin, por Hamdi Salihi më ka dhënë disa këshilla dhe informacione mbi klubin dhe futbollin në vendin tuaj. Ai ka shënuar shumë gola këtu dhe të njëjtë gjë dua të bëj dhe unë”, tha Balaj pas ndeshjes

“Skuadra ime bëri një paraqitje shumë të mirë. Ishte një ndeshje e luftuar dhe këto fitore vlejnë shumë. Jam shumë i kënaqur me Balajn, është një sulmues dhe e bëri punën e tij. Pati një rast të shkëlqyer për të çuar rezultatin në 2 – 0, por nuk është ende në formën e duhur dhe u lodh shpejt”, tha trajneri i Shturm Grac.

Një kundërsulm i shpejt i skuadrës së Grac dhe një asist perfekt i Filip Huspek bënë që Balaj ta kishte të lehtë realizimin e këtij goli kundër vendasve të Volfsberger.

Një vit më parë futbollisti nga Mali la Skënderbeut për t’iu bashkuar klubit të divizionit të parë turk, Hataispor, ku u aktivizua në vetëm 11 ndeshje, kjo më së shumti për shkak të një dëmtimi që e mbajti përreth pesë muaj jashtë fushave të blerta.

Kalimi në Bundesligë e parë austriake mund të mos i sigurojë futbollistit të njëjtat të ardhura si në Turqi, por përsa i përket imazhit, ky kampionat është një trampolinë shumë herë më e mirë.

“Asnjëherë nuk është e lehtë të gjesh sulmues cilësor. Jam mëse i gëzuar që arritëm të bindnim Bekim Balajn për të ardhur te Shturm Grac. Është absolutisht një sulmues i një niveli të lartë. Krahas fizikut dhe atleticizimit, ai është një lojtar që vrapon shumë dhe i fortë në lojën në ajër”, tha drejtori sportiv Gynter Kraisl

“Shturm Grac është një klub tradite i Austrisë me fansa të zjarrtë. Kjo është diçka që më pëlqen. Tani e rëndësishme është që të integrohem sa më shpejt me pjesën tjetër të grupit. Mezi pres të filloj seancën e parë stërvitore”, tha Balaj

“Trajneri Nestor El Maestro vlerësoi sulmuesin shqiptar duke veçuar karakteristikat e tij fizike dhe eksperiencën e 28-vjeçarit. “Bekimi është një sulmues i fuqishëm,i cili me gjatësinë e tij na bën akoma më të fortë në lojën në ajër. Ka eksperiencë të shumtë në arenën ndërkombëtare që me siguri do të nevojë në ndihmë”.

Bundesliga austriake është kampionati i gjashtë i huaj në karrierën e 28-vjeçarit që më parë ka luajtur në Turqi, Çeki, Poloni, Kroaci Rusi. Balaj do të jetë gati për ta ndihmuar skuadrën e re në takimin hapës të Bundesligës, këtë të diel ndaj Sankt Pëlten.

Transferimi i Balajt tek ekipi austriak u krye me kosto 0 pasi kontrata e sulmuesit me klubin çeçen Ahmat mbaroi në fund të këtij sezoni.

Në takimin tjetër të këtij grupi, Danimarka mundi 2 – 0 Serbinë, por fitorja nuk u shoqërua me festë pasi golevarazhi i danezëve është më i vogël se sa i skuadrës italiane, çka do të thotë se ata s’mund të marrin një biletë për në gjysmëfinale si vendi i dytë më i mirë.

Gjermani 1 – 1 Austri
Shënues: Valdshmidt 14′, Danso 24′

Danimarkë 2 – 0 Serbi
Shënues: Brun Larsen 21, Rasmusen 51′

Përveç Serbisë që nuk numëron asnjë pikë dhe ndodhet në vend të fundit, Gjermania, Austria dhe Danimarka kanë nga 3 pikë, prandaj fitorja e “Pancerave” sot në mbrëmje përballë Serbisë shihet si detyrim. 21-vjeçarët gjermanë shihen si favoritë përballë ballkanasve dhe pas fitores së Danimarkës, shanset e tyre për një triumf përballë Serbisë, janë shtuar tepër.

Euro 2021, U21

Danimarkë – Austri  3-1
Maehle 33’ 77’, Olsen 90+3’ / Lienhart 47’

Lojtari i Red Bull Salcburg shënoi golin e parë të takimit në minutën e 37’, por në minutën e 73-të, Volf pësoi një dëmtim të frikshëm në kyçin e këmbës pas një ndërhyrje të Jovanoviç. Pak minuta pas kësaj ngjarje Austria shënoi golin e dytë me anë të Horvat.

Serbi 0 – 2 Austri
Shënues: Volf 37’, Horvat 78’

Kroacia e nisi mjaft mirë ndeshjen, teksa vetëm pas 13 minutash kaloi në avantazh me anë të Ante Rebiç, i cili shfrytëzoi mjaft mirë një rrëmujë në zonën e vendasve.

Gjithsesi, Hungaria arriti të reagonte në minutën e 34-të, ku Adam Szalai mposhti portierin Subashiç me një diagonale të bukur.

Në pjesën e dytë, ishin përsëri vendasit, të cilët shtangën ballkanasit, duke përmbysur gjithçka me anë të mesfushorit Patkai në minutën e 76-të.

KUALIFIKUESE EURO 2020
GRUPI E

Hungari – Kroaci      2-1
Shënues: Szalai 34’, Patkai 76’ / Rebiç 13’

Ndërkohë në Grupin G, Izraeli ka befasuar Austrinë në shtëpi, teksa e ka mposhtur me shifrat 4-2, ku Eran Zahavi dhuroi spektakël me një tripletë.

Austria e nisi mirë takimin, pasi në minutën e tetë gjeti avantazhin me anë të Marko Arnautoviç, i cili shrytëzoi në maksimum një pasim të Zulj, duke u treguar i saktë përballë portierit.

Vendasit arritën të reagonin në minutën e 34-të, me sulmuesin Eran Zahavi, i cili “dogji” mbrojtësit austriak pasi kërceu mbi ata, duke goditur me kokë dhe baraspeshuar shifrat.

Në fundin e pjesës së parë, Izraeli përmbysi gjithçka dhe autor i golit ishte përsëri Zahavi, i cili shënoi në zhvillimet e një goditje dënimi.

Në fraksionin e dytë, Zahavi e vijoi spektaklin e tij, pasi shënoi një supergol, duke i dhënë qetësi kombëtares së tij dhe duke plotësuar tripletën personale.

Në minutën e 66-të ishte radha e Munes Dabur, i cili fundosi akoma më tej Austrinë, duke e thelluar rezultatin në 4-1.

Nëntë minuta më vonë, ishte Austria që shënoi golin e dytë, me autor përsëri Marko Arnautoviç.

KUALIFIKUESE EURO 2020
GRUPI G

Izrael – Austri      4-2
Shënues: Zahavi 34’, 45’, 55’, Dabur 66’ / Arnautoviç 8’, 75’

KUALIFIKUESE EURO 2020
GRUPI I

San Marino – Skoci      0-2
Shënues: MekLin 4’, Rasëll 74’

Në një intervistë për medien austriake “Laolo”, Vallçi tha: “Është e vërtetë që së fundmi kam pasur kërkesa nga federatat e Kosovës dhe Shqipërisë për të qenë pjesë e përfaqësueseve të tyre. Gjithsesi deri sa të zgjidhen procedurat ligjore do të jem krejtësisht i fokusuar te puna me skuadrën e Salcburgut. Kam pak kohë këtu dhe pavarësisht fillimit të mirë kam ende shumë gjëra për të mësuar”.

Qendërmbrojtësi 191 centimetra i gjatë u transferua gjatë merkatos së janarit te Red Bull Salcburg që pagoi 750 mijë euro për të blerë kartoni e tij nga skuadra modeste e Vaker Insbruk. Vallçi ka lindur në Austri dhe disponon shtetësinë austriake, por asnjëherë nuk ka qenë i grumbulluar me kombëtaret e moshave të Austrisë.

Qendërmbrojtësi me origjinë nga Kosova është 23 vjeç dhe transferimi i tij nga Vaker Insbruk te Salcburgu u krye gjatë merkatos së janarit për 750 mijë euro.

Vallçi mund të konsiderohet si ato futbollistë që kanë pasur një shpërthim të vonë, pasi ka vetëm pesë muaj që po luan në elitën e futbollit austriak. Në gjashtë vitet e tij të mëparshme si profesionist Vallçi është aktivizuar vetëm me ekipe të kategorive të dyta ose të treta.

Mbetet për t’u parë se cila do të jetë zgjedhja e të riut, i cili për momentin disponon vetëm pasaportën austriake. Një tjetër detaj i rëndësishëm është dhe fakti që Austria nuk i lejon shtetaseve dyshtetësinë, përjashto këtu disa raste të veçanta.

Kalimi te skuadra e Magdeburg, rezultoi një katastrofë. Vetëm katër aktivizime, madje dhe ato si rezervë në minutat e kohës shtesë. Rikthimi në Austri ishte i pashmangshëm, ndërsa së fundmi është prezantuar në një klub të ri.

Destinacioni i radhës i Berishës është klubi Rajndord Altash. Skuadra nga Austria perëndimore rrezikon rënien nga Bundesliga e parë dhe 20-vjeçari mund të bëhet të jetë tepër i dobishëm. Përsa i përket aspektit të kombëtares, Berisha ka refuzuar disa herë afrimet nga pala shqiptare, por edhe ajo kosovare.

Eksperienca në Bundesliga 2 nuk shkoi mirë për 20-vjeçarin, i cili luajti katër ndeshje me Magdeburgun. Shqiptari i lindur në Gjermani ka një kontratë deri në verën e vitit 2020 me gjigantët austriak, që besojnë shumë tek kualiteti i Berishës.

Shqipëria dhe Kosova interesohen prej kohësh për shërbimet e sulmuesit, por ky i fundit nuk ka marrë akoma një vendim dhe nuk ka zgjedhur akoma për të ardhmen e tij. Ai zotëron pasaportë austriake dhe zgjedhja midis Shqipërisë dhe Kosovës do ta detyronte të hiqte dorë nga pasaporta e vendit aristokrat.

Kosovan striker Mërgim #Berisha (20) will move on loan from @RedBullSalzburg to SC Rheindorf Altach in Austrian Top Division. Wishing him best of luck. [RB Salzburg]#Dardanian pic.twitter.com/mRGikCxso2

— Kosovan Football?? (@kosovanfooty) January 10, 2019

Hamdi Salihi është bërë sërish protagonist në Austri. Sulmuesi, aktivizohet që prej verës së 2017-ës te skuadra e Viner Nojshtadit, klub që militon në divizionin e dytë të futbollit austriak. Shkodrani ishte padyshim njeriu i ndeshjes në fitoren e sotme në transfertën ndaj skuadrës rezervë të Faker Insbrukut.

Skuadra e Salihit fitoi me rezultatin 3-1 me shkodranin, i cili realizoi dy gola, një prej të cilëve me anë të një 11-metërshi. Sezonin e kaluar 34-vjeçari shënoi 22 gola, duke ndarë vendin e parë në renditjen e golashënuesve bashkë me austriakun Sefedin Çaibi.

Dopieta e fundit e Salihit, datonte katër muaj më parë, por në atë takim Nojshtadi u ndal në një barazim 2-2. Objektivi këtë vit për Salihin është i njëjtë, sa më shumë gola, dhe pak fat arritja e promocionit në Bundesligë, ku vitin e kaluar u ndalën në ndeshjen “Play-Off” ndaj St. Pëlten.

Një garë për t’u harruar për Luis Hamilton dhe Valteri Botas, pasi të dy pilotët e Mercedes nuk e mbyllën atë. Largimi i Hamiltonit nga gara e Austrisë dhe podiumi i Vetelit ndryshon renditjen përfundimtare të pilotëve, pasi Vetel i merr vendin e parë Hamiltonit me një pikë më shumë. Gjermani ka 146 pikë në renditjen e përgjithshme, ndërsa anglezi 145.  Vendi i tretë për Raikonen me 101 pikë. Renditja e skuderive tashmë kryesohet nga Ferrari me 247 pikë, ndjekur nga Mercedes me 237 pikë.