Në një intervistë për “Corriere Dello Sport”, producenti i njohur shpjegon si qëndron situata me sulmuesin argjentinas, ndërsa zbulon dhe se ku kanë ngecur negociatat për transferimin e Hamez Rodrigez në Napoli.

“Muaro Ikardi është një lojtar shumë i mirë. Ne e vlerësojmë jashtëzakonisht shumë, kjo s’ka vend për diskutim, por ai kërkon të shkojë te Juventusi”.

“Hamez Rodrigez është lojtari më i njohur mediatikisht pas Nejmarit dhe Ronaldos. Ai kërkon të vijë në ekipin tonë, por Reali kërkon shumë për kartonin e tij. Ne s’mund t’i kalojmë limitet tona. Presim që të na ofrohet një çmim i arsyeshëm “.

Ndeshja u zhbllokua nga fantazisti i Napolit në minutën e shtatë. Fabian Ruiz shënoi një gol shumë të bukur dhe zhvilloi një kompeticion për kornizë.

23-vjeçari është rritur shumë nën drejtimin e Karlo Ançelotit dhe po kalon një moment psiko-fizik fantastik. Aurelio De Laurentis ka nxituar ta urojë spanjollin për paraqitjet, golat dhe trofeun e fituar.

“Komplimente Fabianit, lojtarit më të mirë të Evropianit U21 dhe të kombëtares spanjolle”, është shprehur shkurt dhe qartë kreu i klubit të Napolit.

“Kemi disa opsione në tavolinë dhe njëri prej tyre është edhe Hames. Do bëjmë atë çfarë është më e mirë për Napolin. Kemi gjetur të paktën pesë qendërmbrojtës, por nuk mund të na pëlqejnë të gjithë. Do të mundohemi të bëjmë zgjedhjen më të mirë, tifozët na e kanë besuar këtë.”

“Ne e pranuam kërkesën e Albiol sepse ajo ishte dëshira e tij dhe nuk e refuzonim dot. Deshi të largohej edhe dy vite më parë, por arritëm ta mbanim. Kemi Kirikles dhe Maksimoviç, që janë kandidatë për të qëndruar krah Kulibali. Po tentojmë të bëjmë hapa të tjerë para, por të shohim se ç’do ndodhë”, përfundoi De Laurentis.

Presidenti analizon ndryshimin midis Sarrit dhe Ançelotit dhe nuk i kursen “thumbat” kundrejt 60-vjeçarit të bardhezinjve.

“Maurico është një tip stadiumi, i cili ju pëlqen shumë tifozëve. Ançeloti është ndryshe, është një sipërmarrës. Do të jetë e bukur të shohim Ançelotin, kur të mposhtë Juventusin në fushën e blertë. Sarri? Ai vishet gjithmonë me tuta, duke ulëritur dhe mallkuar. Jam kurioz të shoh se si do të përshtatet me stilin e skuadrës së re”, përfundon presidenti i Napolit.

“Ikardi? Jo tani. E kemi ndjekur situatën e tij tre vite më parë. Tani kolegët e mi më thonë se Interi më kërkon mua të çmontoj skuadrën dhe se zikaltrit kanë kërkuar lojtarët tanë më të mirë. Por nuk kam ndërmend t’i shes ato. Insinje? Ai është një futbollist që mund të luajë në çdo ekip të madh evropian.”

“Për momentin është në Napoli dhe jemi të gëzuar. Kampionët tanë nuk janë në shitje. Kjo do të ndodhte vetëm nëse ne do të merrnim një lojtar më të fortë. Shumë njerëz flasin, por gjërat janë siç po ju them unë”, u shpreh presidenti napolitan.

Gjithsesi ky rinovim nuk mjafton për të plotësuar kriteret e UEFA-s dhe Napoli do të vazhdojë të luajë ndeshjet e Champions League në stadiumin e Bolonjës. Presidenti Aurelio De Laurentis u shpreh se stadiumi ka nevojë për ndërhyrje në strukturë diçka kjo që s’mund të kryhet pa bashkëpunimin  me bashkinë e Napolit, institucion ky që nuk gëzon marrëdhënie të mira me numrin një të klubit napolitan.

Kreu i klubit napolitan flet për ekipin e zemrës, thumbon Juventusin, ka një ftesë për Fabio Kualjarelën, i cili është një napolitan në zemër, dhe e mbyll me merkaton. Në stol është Ançeloti dhe De Laurentis ndihet për mrekulli me të. Ambiciet janë të mëdha dhe Napoli është në rrugën e duhur për të fituar trofe.

TITULLI – “Përveç epokës së Maradonës, Napoli nuk ka patur kurrë një rol ndërkombëtar kaq autoritar. Statusi ynë është i dukshëm. Vitin e kaluar e fituam ne titullin moralisht. Zhvilluam një futboll të mrekullueshëm dhe e di se ai titull na përket ne. Megjithatë, në futboll ekzistojnë edhe agjentë të jashtëm. Kur të mposhten këta faktorë, mund të flitet për besueshmëri.”

KUALJARELA – “Me Ançelotin kam nisur ciklin tim të katërt te Napoli. Jam shumë i lumtur me të dhe po ashtu ndihet edhe ai me ne. Dua të shpreh diçka. Kualjarela meriton ta mbyllë karrierën te Napoli. Nuk është çështje ekonomike, por romantike. I duhet dhënë mundësia për të jetuar këtu me gëzim.”

MERKATO – “E dimë që duhet të ndërhyjmë në mbrojtje. Nuk do e kemi të lehtë për të ndërhyrë në mesfushë, ndërsa në sulm kemi zemërimin e Zotit. Insinje? Kaloi një periudhë të errët, që ndikoi në psikologjinë e tij. Pas asaj bisede me Rajolën në shtëpinë e Ançelotit, çështja u zgjidh.”

REFUZIMI – “Një zotëri, disa ditë më parë, miqësisht, erdhi dhe më tha që kam një mundësi për të njohur me një blerës që ofron 900 milionë euro. Qesha dhe i thashë: Napoli nuk është në shitje.”

SITUATA ME INSINJEN – “Di vetëm që ai është një lojtari i Napolit dhe një napolitan. Insinje e ka treguar gjithmonë se ka një lidhje të fortë me këtë fanellë, por unë nuk mund ta detyroj të qëndrojë. Ka kërkuar të largohet katër ose gjashtë vite më parë, pasi më tha se nuk ndihej i respektuar nga tifozët”.

KRISTIANO RONALDO –  “Ronaldo është një lojtari i veçantë, pasi ka zëvendësuar trajnerin te Juventusi. Më thoni çka bërë Alegri këtë sezon. Ai është njeriu që motivon skuadrën. E kam parë njëherë të luajë me Portugalinë dhe po qëndronte në stol atë ndeshje. Bërtiste më shumë se trajneri në mënyrë që të motivonte lojtarët. Nuk mund ta merrja në Napoli. Prindërit më kanë mësuar që të mos shpenzoj më shumë se ç’i kam mundësitë”.

Më tej De Luarentis foli mbi idenë e futjes së një formati play-off në Serie A: “Për mendimin tim është një propozim i gabuar. Duhet një qasje tjetër dhe serioze për këtë çështje”.

Atmosfera në qytet është fantastike. Aurelio De Laurentis ka një ndjesi të mirë. Ai është zbavitur mbrëmë duke parë ndeshjen midis Sitit dhe Totenhemit. Spektakël dhe emocione, më saktë… futboll.

Presidenti karizmatik karikon ekipin e tij dhe nuk harron kurrë së foluri mirë për Karleton, trajnerin e ekipit. Napoli ka kaluar me sukses ndeshje më të komplikuara këtë sezon në Champions, aty ku ishte në një grup me Liverpulin e PSG-në dhe kualifikimi iku për një fije.

De Laurentis sulmon ashpër futbollin italian dhe mentalitetin që ekziston në vendin fqinj. Në fund Kristiano Ronaldo. Portugezi ka treguar kualitetin e tij edhe në Serinë A, ka shënuar shumë, por në futboll skuadra është më e rëndësishme se individi.

NAPOLI – “Kemi një grup të jashtëzakonshëm djemsh, të cilët kanë dhënë gjithmonë maksimumin. Gjatë një sezoni mund të ketë momente me mjegull, por unë nuk frikësohem dhe nuk jam tipi që shkul flokët. Ançeloti është një trajner me eksperiencë të madhe, është rob Zoti dhe për mua këto janë faktorë shumë të rëndësishëm.”

ARSENALI – “Do të shkoj në stadium në orën 18:30. Do pres ekipin aty dhe do kem kohë për të biseduar me Ançelotin. Në fakt nuk kemi se çfarë të flasim… Jemi përballur në Champions me ndeshje më të komplikuara se kjo, të paktën në letër. E kemi bërë në mënyrë ekzemplare, duke u eliminuar nga fati i keq në një grup ferri. Megjithatë, dolëm me kokën lart, ashtu siç kemi bërë edhe me Benitezin. Arsenali na kapi në kundërsulm, ndoshta u hutuam pak. Kemi nevojë për përqendrim dhe mund të bëjmë një surprizë të bukur.”

SITI-TOTENHEM – “U hap një botë e rë për mua, duke parë ndeshjen Mançester Siti-Totenhem. Ky është futbolli. Italia është parahistoria e futbollit. Më duket sikur ne nuk zbavitemi duke luajtur futboll. Spektakli i mbrëmjes së kaluar nuk ka shanse të ndodhë në Itali, aty ku fshihemi pas një dreq taktike. Ky është rreziku real kur përballesh me ekipet angleze.”

RONALDO – “Ai nuk shërbeu për të shpëtuar Juventusin. Futbolli është një sport grupi, skuadra fiton e gjitha bashkë. Skuadra duhet të dijë të lexojë ndeshjen, t’i përshtatet kundërshtarit dhe situatave me fat apo pa fat. Nëse Arsenali shënon një gol, duhet të luftojmë për të fituar me më shumë gola se sa e kishim imagjinuar.”

Aurelio De Laurentis është i lumtur me trajnerin e tij dhe nuk i kursen kurrë elozhet për të. Ançeloti u shpreh gjatë ditës së djeshme se dëshiron të qëndrojë edhe tetë vite te Napoli, ndërsa sot ka ardhur replika e presidentit.

Ky i fundit nuk mjaftohet me aq, por është gati t’i dhurojë pankinën derisa të tërhiqet, njësoj si rasti i Aleks Ferguson te Mançester Junajtid. Skocezi kaloi 27 vite në krye të stolit të “Djajve të Kuq”, përpara se t’i jepte fund profesionit në vitin 2013.

Në një prononcim nga Amsterdami, aty ku ndodhet në Asamblenë e Përgjithshme të ECA (Shoqata e Klubeve Europiane), kreu i Napolit flet për dëshirën e tij të madhe, duke e argumentuar se pse rasti i skocezit është i nevojshëm për një klub futbolli.

“Nëse kam marrë një trajner që e dashuron qytetin, qendrën tonë sportive dhe ka thënë që dëshiron të qëndrojë me ne edhe për tetë vite të tjera, atëherë unë e dua atë këtu për gjithë jetën. Njësoj si Fergusoni te Mançester Junajtid. Për mua trajneri duhet të jetë pika e referimit të një klubi futbolli, ai që e përfaqëson në gjithçka. Përveç menaxhimit të klubit, ekziston edhe menaxhimi sportiv, që është thelbësor për një klub futbolli”, përfundon presidenti i Napolit.

Aurelio De Laurentis ka komentuar duelin e fortë për “Corriere dello Sport”. Presidenti i Napolit vlerëson rikthimin e dy klubeve në nivele të larta pas problemeve të hasura në të kaluarën dhe sot do i kishte zili dhe çdo kampionat i Europës dy skuadra si Napoli dhe Juventusi.

Kreu i klubit napolitan ndalet dhe te trajneri Ançeloti. Ai nuk kursehet kurrë për t’i thurur elozhe Karletos dhe zbulon cilësitë e tij më të mira. Trajneri e ka shprehur gjithmonë dëshirën e tij për të qëndruar gjithmonë në stolin e Napolit dhe kjo do të ishte dhurata më e bukur që mund t’i bëhej De Laurentisit.

Në fund dy dëshirat e mëdha të merkatos: Lozano i PSV dhe Fornals i Vijarealit. I pari është 23 vjeç dhe bën mirë të gjitha rolet e repartit ofensiv. Po 23 vjeç është dhe spanjolli, i cili aktivizohet në rolin e mesfushorit të avancuar, por bën mirë dhe krahët e mesfushës.

JUVENTUSI – ‘Kjo është sfida e sfidave në dhjetë vitet e fundit. Napoli dhe Juventusi kanë arritur të ‘ringjallen’ pas trazirave të së shkuarës si: falimentimi ynë dhe Calciopoli i bardhezinjve. Këto ekipe mund të konsiderohen si dy mbretëresha të Europës për t’u patur zili dhe nga shtete të tjera.”

ANÇELOTI – “Më befason pa masë qetësia e tij, por kryesisht aftësia për të riprodhuar vetveten në çdo cep të Europës, diçka që nuk i përket gjithkujt. Shumë trajnerë nuk arrijnë të marrin rezultate në vende të ndryshme, ndërsa Karleto është gjithmonë i njëjti. Të ofron perceptimin sikur është gjithmonë i gjallë, edhe në mungesë të rezultateve. Qetësia e tij është ngjitëse, ai është shumë i përfshirë dhe kërkues. Mbi të gjitha ka dhe një staf të jashtëzakonshëm.”

E ARDHMJA – “Ançeloti gjithë jetën trajneri i Napolit? Do të më bënte dhuratën më të bukur të ekzistencës time dhe do të më lejonte të shkoja më shumë në Los Anxhelos për të realizuar atë që nuk kam mundur të bëj në 15 vitet e fundit. Kam dëshirë të them dhe do e them, pavarësisht kritikave që mund të marr: sa qindra milionë dollarë kam humbur në tre dekadat e fundit?”

MERKATO – “Është e vërtetë që më pëlqejnë shumë Lozano dhe Fornals, por kjo nuk mjafton. Çdo vit vijnë aktorë të rinj, të cilët nuk kishin fare vëmendje kohë më parë. Ne jemi pjesë e lojës, pavarësisht se agjentët i komplikojnë më shumë disa situata që duken shumë të thjeshta.”

ALEGRI – “I heq kapelen për atë që ka bërë dhe për trofetë që ka fituar. Nuk e di nëse ka ndonjë të përbashkët me Ançelotin, pasi ndryshojnë nga mënyra e të shprehurit të futbollit. Me Karlon zbavitesh më shumë, ndërsa Alegri më duket i fiksuar pas arritjes së rezultatit.”

“Oskarin do t’ia jepja Karlo Ançelotit. Ai erdhi në një territor shumë shumë kompleks e të ndërlikuar me një buzëqeshje dhe qetësi që ndikoi të të gjithë ne. Ai ishte i aftë të krijonte këtë atmosferë fantastike që ekziston tani. Ai pati aftësinë për të krijuar këtë grup”, u shpreh De Luarentis.

Që prej emërimit të Karlo Ançelotit në krye të Napolit gjatë verës së kaluar midis tij dhe presidentit De Laurentis është ndërtuar një raport që rrallë e shohim në klube të tjera. Pothuajse çdo javë njëri prej tyre lëshon një kompliment për tjetrin. Të shohin sa do të zgjasë kjo dashuri kaq e theksuar midis të dyve.

Siç raporton “Corriere dello Sport”, bisedimet kanë nisur dhe ideja kryesore e presidentit është rinovimi deri në vitin 2024. Diçka e tillë i pëlqen dhe Ançelotit, i cili e ka shprehur gjithmonë që ndihet mirë në jugun e Italisë. Marrëdhënia mes De Laurentis është shumë e mirë dhe palët nuk do të hasin probleme për të arritur akordin e rinovimit të kontratës.

Kreu i Napolit ka mbetur i impresionuar dhe nga Davide Ançeloti, djali i Karlos që punon si ndihmës i tij. Metodat e punës së Ançeloti Jr pëlqehen shumë dhe sipas “Il Matino”, De Laurentis dëshiron që në të ardhmen Davide të bëhet trajneri i parë i Napolit.

Presidenti i Napolit bën ironi me Piero Sandulin, kryetarin e Gjykatës së Apelit, i cili nuk e fali Kulibalinë, dhe fitorja kundër bardhekaltërve shkon për të.

“Zhvilluam një ndeshje të bukur, duke treguar se dhe me katër mungesa të rëndësishme skuadra di të luajë në mënyrë të jashtëzakonshme. Goditëm pesë herë shtyllën. Dua të falënderoj një napolitan të thekur si doktor Sanduli, e falënderojmë dhe ia dedikojmë atij këtë fitore.”

Pasi pati një telefonatë me presidentin e PSG, Naser Al Khelaifi javën e kaluar, De Laurentis është nisur sot drejt Parisit dhe mediat italiane zbulojnë shkakun e këtij udhëtimi. Në mes është mesfushori Alan, objektivi kryesor i PSG. Presidenti i Napolit do të dëgjojë nga afër ofertën e klubit francez, por nuk ka tolerime: nevojiten të paktën 100 milionë euro për kartonin e 28-vjeçarit.

Bazat e akordit janë hedhur dhe PSG do të shfrytëzojë lidhjet e ngushta që ka me qeverinë e Katarit për të siguruar fondin e nevojshëm për blerjen e Alan dhe për t’iu shmangur problemeve me FPF (fair-play financiar).

Dy ndeshje pezullim, njëra u shlye kundër Bolonjës, por Napoli shpresonte ta kishte të gatshëm për ndeshjen me Lacion. Një gjë e tillë nuk ka ndodhur dhe Kulibali do të mungojë përballë formacionit të Inzagit.

Vendimi nuk i ka pëlqyer Napolit dhe Aurelio De Laurentis nuk përmbahet. Presidenti i Napolit sulmon sistemi, i vjen turp dhe ndihet keq për mbrojtësin e tij dhe kërcënon me largim, nëse Federata nuk nis e tregohet e ashpër për zgjidhjen e çështjes së racizmit.

“Edhe një herë sistemi, i kuptuar si një organizatë, tregoi se nuk di të ndryshojë, duke dënuar viktimën. Më vjen turp që jam pjesë e këtij sistemi nga i cili do të dal shpejt, nëse Federata nuk do të përdorë grushtin e hekurt kundër racizmit. Kulibali u poshtërua më shumë nga kjo çështje. Ndihem i ofenduar për të. Gjykata e Apelit preferoi të zbatonte ligjet, kur duhet t’i interpretonte ato. Ky vendim është një demonstrim i mëtejshëm i papjekurisë dhe verbërisë.”

“Çfarë do të kisha ndryshuar? Nuk do e tërhiqja ekipin në ndeshjen kundër Interit. I njoh dobësitë e futbollit tonë dhe kam pranuar të luaj me këto rregulla, edhe pse janë të gabuara. Por kjo nuk më pengon të luftoj që këto rregulla të bëhen moderne.”

Në një prononcim për “Abc de Sevilla”, kreu i Napolit flet për ofertat e shumta për mesfushorin dhe ia lë në dorë trajnerit vendimin për shitjen ose jo të 23-vjeçarit ballkanas.

“Së shpejti do të kthehem në Itali për të biseduar me Karlo Ançelotin. Aty do të vendosim se çfarë vendimi do të marrim. Ka shumë klube të interesuara për Rog, por prioriteti i Napolit është mendimi i trajnerit. Nuk duam të shesim asnjë lojtar, nuk bën pjesë në filozofinë time blerja e një lojtari dhe më pas huazimi i tij. Të shohim se çfarë do të ndodhë në fund”, përfundon presidenti i Napolit.

21-vjeçari do të transferohet në fund të këtij sezoni në “San Paolo”, teksa deri në atë kohë do të jetë i huazuar te Xhenoa. Prezantimi i lojtarit nga Bregu i Fildishtë, thuhet se do të bëhet ditën e mërkurë. Te Napoli, Kuame do të përfitojë 500 mijë euro në sezon.

Sulmuesi afrikan, spikati me fanellën e Citadelës në Serinë B, ku verën e këtij viti u ble nga Xhenoa për shumën e 5 milionë eurove. Kuame u përshtat gati në mënyrë perfekte dhe me elitën e futbolli italian, ku ka krijuar një dyshe sulmi të frikshme, së bashku me Piatek. Tashmë, aventura e talentit do të vijojë në një nivel akoma më të lartë, duke nisur nga sezoni i ardhshëm.

Arbitri vërshëllen fundin e ndeshjes dhe të gjithë lojtarët, së bashku me trajnerin, shkojnë në dhomat e zhveshjes. Të njëjtën gjë bën edhe De Laurentis, i cili shkon të dëgjojë fjalët e Ançelotit, drejtuar lojtarëve. “Padroni” napoletan, sapo dëgjon fjalët e trajnerit, buzëqesh, në shenjë inkurajimi dhe mbështetje ndaj lojtarëve.

Pavarësisht tensionit të madh, ky moment duket se tregon “dashurinë” e presidentit për Napolin. Ai vendosi të mos qortojë askënd, këtë herë, si për të treguar se të besuarit e tij meritonin më shumë. Gjest ky i komentuar gjatë nga gazetarët  në Itali.

Megjithatë, Napoli vazhdon rrugëtimin në Ligën e Europës, ku do “gjejë” ekipe pretendente si Milan, Inter, Arsenal dhe Çelsi.

Aurelio De Laurentis ka vendosur të “nxehë” atmosferën. Presidenti i Napolit ka besim të plotë te trajneri Ançeloti dhe ekipi i tij.

“Do të shohim një ndeshje shumë të bukur dhe, siç thotë trajneri, duhet të zbavitemi dhe të tentojmë fitoren. Jam i qetë, Ançeloti, i cili është blerja më e mirë e këtij sezoni, është një person jashtëzakonisht i përgjegjshëm dhe me të po luajnë të gjithë. Luajmë prej 9 vitesh në europë, jemi zbavitur shumë, por sot duam të fitojmë për 40 milionë napolitanët e shpërndarë nëpër botë. Nëse eliminohemi? Asgjë nuk ndryshon”, përfundon kreu i klubit napolitan.

27-vjeçari është ndër më të mirët në rolin e tij dhe ofertat nuk i kanë munguar. E fundit vjen nga Anglia dhe, siç citon “Corriere dello Sport”, Mançester Junajtid ka ofruar 103 milionë euro për kartonin e tij. Murinjo po kërkon medoemos një mbrojtës kalibri, i cili bën dhe liderin e repartit.

Aurelio De Laurentis e ka refuzuar një ofertë të tillë dhe e ka bërë të qartë që Napoli nuk shet asnjë lojtar në janar. Kulibali ishte një ndër kërkesat e vetme të Karlo Ançelotit, kur erdhi te Napoli. “Kulibalinë e dua në skuadër”, insistoi trajneri dhe presidenti është i detyruar të refuzojë një shifër të madhe si oferta e Murinjos.

Problem mbetet rroga e lojtarit, i cili përfiton 3.5 milionë euro në sezon me kontratën e re. Junajtid nuk e ka problem t’i dhurojë një rrogë shumë herë më të lartë, por afrikani nuk do të lëvizë nga Napoli. Të paktën në janar, pasi vera është larg dhe nuk dihet çfarë ndodh.

Një ndër problemet më të mëdha të stadiumit është fakti se në të nuk ka restorante ose kioska që shpërndajnë ushqime, si në çdo stadium elitar në Europë. Pas vitesh të tëra vuajtje presidenti Aurelio De Laurentis mendoi një zgjidhje të rastit.

Një piceri e lëvizhme, ose më saktë një furrë e lëvizshme e vendosur mbi një mjet tregomësh, po qarkullon gjatë javëve të fundit në stadiumin “San Paolo”. Tifozët e kanë mirëpritur këtë risi dhe këtë e mbështesin 300 picat e blera gjatë pushimit të pjesës në ndeshjen Napoli – PSG.

Flasim për në verë, pasi në janar nuk do të ketë lëvizje. Edinson Kavani është ëndrra e tifozëve napolitanë, ndërsa presidenti i klubit shpjegon dhe mundësinë e vetme që bomberi uruguaian të rikthehet në “shtëpi”.

“Në janar nuk do të blejmë askënd, por në qershor do të vijë një lojtar me emër. Kavani? Nëse do të mërzitet te PSG dhe do të pranojë të fitojë më pak, do ta mirëprisnim me krahë hapur”, thekson Aurelio De Laurentis.

Ai ndalet dhe te stadiumi “San Paolo”, që është pjesë e rëndësishme e historisë së klubit. Është teatri i Diego Maradonës dhe De Laurentis nuk ka ndërmend të heqë dorë nga ky stadium.

“Po hyj në shumë situata interesante, nga bota e automobilave te Bari dhe mund të blej dhe një klub anglez. Kur shëtis nëpër botë, ndjej një interes të caktuar: jemi ekipi i 19 në botë dhe nuk kemi probleme me bankat. Ndoshta nuk do të arrijmë kurrë të thyejë Juventusin. Ku i dihet, nëse do të kisha unë atë qarkullim parash, do të kisha fituar 10 tituj kampion.”

“Stadiumi? Nuk do të ndërtoj një të ri diku tjetër. ‘San Paolo’ është pjesë e së kaluarës, që nuk dua ta harroj. Ai është teatri i Maradonës, por ka vetëm një defekt: nuk i përket qytetit”, përfundon presidenti karizmatik i Napolit.

“Do të jetë një mbrëmje magjike dhe shpresojmë të jetë për ne. Kam folur me Ançelotin, siç bëmë para ndeshjes kundër Liverpulit. Përsëritëm të njëjtat gjëra. Dua që napolitanët të kuptojnë se duke sjellë një trajner me këto vlera në Napoli, kemi hedhur një hap të madh në rritjen e cilësisë së ekipit. Kemi nevojë për tifozët, jo vetëm në stadiumet virtuale, sepse skuadra po arrin rezultate fantastike. Nevojitet ulërima e tifozëve sonte në ‘San Paolo’, por dhe në ndeshjet e kampionatit, sepse lojtarët tanë luajnë me zemër dhe duke nderuar bluzën. Shpresoj që tifozët tanë të rikthehen të shumtë, sepse djemtë kanë nevojë për ta”, përfundon kreu i klubit të Napolit.

Karlo Ançeloti është gati të hedhë të njëjtin formacion si në ndeshjen e zhvilluar në Francë, por ai ka vetëm një dyshim. Elseid Hysaj është në balotazh me Nikola Maksimoviç për krahun e djathtë t mbrojtjes dhe trajneri do të vendosë në momentet e fundit një gjë të tillë. Nga ana tjetër, Tuhel mund të zbresë në fushë me skemën 3-4-3, me Mbape, Nejmar dhe Di Maria në repartin ofensiv.

Lidhur me këtë sfidë ka folur presidenti i Napolit, Aurelio De Laurentis, i cili ka folur në lidhje me takimin e sotshëm si dhe për një rikthim të mundshëm të Edinson Kavanit në Itali te Napoli i tij.

NAPOLI – “Duhet të jesh i çmendur në rast se nuk je i lumtur te Napoli. Në shtëpi, unë kam një pamje mjaft të bukur të Romës, por do ta ndryshoja gjithmonë për një pamje të Napolit, po ashtu dhe shtëpinë në Los Anxhelos do ta ndërroja me qytetin e Napolit”.

QYTETI – “Këta djem vetëm duhet të zgjohen, të shkojnë e të stërviten dhe kjo është e gjitha. Ne i paguajmë për qejf. Imagjinoni të zgjoheni në Liverpul. Ju keni vetëm shtëpinë e Beatles apo “Abbey Road”. Ka shumë gjëra në Paris, por moti nuk është aq i jashtëzakonshëm sa është në Napoli”.

A është ky një mesazh për Kavanin?
“Varet vetëm prej tij. Dyert tona janë gjithmonë të hapura për të. Unë nuk jam nga Katari, kështu që nëse ai nuk dëshiron të luajë për PSG dhe ul kërkesat e tij, do të gjejmë një marrëveshje me klubin francez. Askush nuk dëshiron të mbajë një lojtar të kualitetit të tij kur lojtari është i pakënaqur. Ai nuk është më 24 vjeç tashmë, por pavarësisht kësaj mendoj se ai mund të laujë deri në moshën 38-vjeçare.”

Areola?
“Po, e kam dashur. I fola agjentit të tij, Mino Raiola, por ai kishte ide të tjera për të. Gjithsesiu, jam shumë i lumtur me tre portierët që kemi. Kurrë nuk kemi pasur tre portierë kaq të mirë si Meret, Ospina dhe Karnezis. Ata kanë talent dhe karakter”, përfundoi fjalët e tij De Laurentis.

Pikërisht për këtë çështje ka folur presidenti i Napolit, Aurelio De Laurentis. Numri një i klubit të kaltër ka theksuar se është diskutuar tema “Piatek” midis tij dhe presidentit të Xhenoas, por ai nuk kërkon të nxitohet lidhur me këtë çështje dhe kërkon të shohë se si do të vijojë ecuria e sulmuesit polak.

“Kam folur dhe me presidentin Preciozi dhe me agjentin e Piatek. Unë duhet ta diskutoj akoma dhe me Ançelotin, i cili ka një kontratë dhe për tre vite, por dua që ta rinovoj për ta pasur dhe për gjashtë vite të tjera. Kështu do të jem më i qetë. Për Piatek nuk dua të nxitohem dhe të bëj veprime të nxituara, pa i hequr asnjë meritë për çfarë ka bërë deri tani”, ka përfunduar presidenti De Laurentis.

“Kishim kontakte telefonike prej vitesh. Herë pas here Karlo informohej për lojtarët tanë dhe unë për lojtarët e tij. Më kishte befasuar ekuilibri i tij, por dhe edukimi që kishte, sepse kur e ndjente se nuk kishte vend për negociata, nuk insistonte.”

“Më duket se ky emërim ndoshta ishte shkruar në universin e futbollit, sikur ta kishte vendosur fati. U deshën pesë minuta, e përsëris, pesë minuta për të gjetur akordin. Kjo ishte negociata më e shpejtë në 15 vitet e mia në futboll. Më pas erdhi një avokat, shumë i mirë, dhe na u deshën dhe pesë minuta të tjera për të përcaktuar çdo detaj. Ditën tjetër Karlo erdhi në Iskia, më telefonoi i entuziazmuar dhe më tha: ‘Aurelio, mund të qëndroj këtu për gjashtë vite’.”

“Me atë përjetojmë një raport human dhe diskutojmë për interesa të përbashkët. Nëse i flas për futboll nuk ofendohet. Para ndeshjes me Liverpulin i telefonova në orën shtatë të mëngjesit dhe i shpreha mendimet e mia. Me mirësjellje dhe autoritet m’u përgjigj: ‘President qëndro i qetë, do ta fitojmë ndeshjen’”, përfundon kreu i Napolit.

FITORJA – “Ishte një mbrëmje me emocione të forta. Bëmë shumë mirë gjatë gjithë ndeshjes, nuk e humbëm kurrë kontrollin, ishim shumë të kujdesshëm dhe shumë të aftë në fazën mbrojtëse. Treguam ekuilibër dhe krijuam shumë raste për gol. Shënuam në momentin e duhur. Nëse do të shënonte Mertens në minutën e 81-të, do të vuanim më shumë, kështu që më mirë që shënuam në minutën e fundit.”

TAKTIKA – “Mbrojtëm me skemën 4-4-2. Ajo që ndryshuam ishte Maksimoviç për të shmangur presingun e sulmuesve të Liverpulit. Kjo na lejoi të menaxhonim fillimin e ndeshjes dhe pozicioni më i avancuar i Mario Ruit iu krijoi shumë probleme. Kjo ishte ndeshja që pres gjithmonë nga lojtarët e mi. Kjo skuadër ndonjëherë nuk e shpreh gjithë potencialin e saj, por kjo fitore do të na ndihmojë të jemi më të lirshëm psikologjikisht. Interpretimi i lojtarëve të mi ishte perfekt dhe kjo fitore na mban në garë për të kaluar grupin.”

I lumtur për fitoren është dhe presidentin Aurelio De Laurentis, i cili ka zgjedhur të komentojë në rrjetet sociale, ku ka shkruar: “Fitore e madhe kundër një skuadre të madhe. Ançeloti i denjë për famën e tij.”

Presidenti Aurelio De Laurentis e di mirë këtë gjë, por ai është një person supersticioz dhe nuk dëshiron të flasë për sfidën e së shtunës. Një gjë të tillë nuk përton ta bëjë për Karlo Ançelotin, të cilin e vlerëson shumë dhe e cilëson si një mik të vjetër, me të cilin nuk mërzitesh kurrë.

PËRBALLJA – “Jam supersticioz dhe nuk flas për ndeshjen me Juventusin. Duhet të shkojmë të qetë në Torino dhe të shprehim futbollin tonë inteligjent. Pres një ndeshje të luajtur mirë nga të dyja skuadrat dhe lë të fitojë më i miri.”

FORMACIONI – “Formacioni është një enigmë? Për fat të mirë, sepse përndryshe si do e vlerësonte këtë ndeshje Malkut? E patë zemërimin e ndeshjes së kaluar? Edhe pse kundër një ekipi me forcë të vogël, demonstroi që është i vlefshëm. E njëjta gjë vlen dhe për Zielinskin dhe Fabian Ruiz, të gjithë lojtarë me të cilët po eksperimentojmë dhe që po japin përgjigje të rëndësishme.”

ANÇELOTI – “Le të themi që kontingjenti po menaxhohet në mënyrën e duhur. Ançelotin e zgjodha unë. Ai është një person poliedrik, me të cilin nuk lodhesh kurrë së frekuentuari. Ançeloti është si një mik i vjetër, sepse bën pjesë në klubin e atyre personave me të cilët qëndron gjithmonë.”

DE LAURENTIS – “Jeta është më e bukur dhe më argëtuese me Karlo Ançelotin. Pashë Mertens të rikthehet të krijojë lojë. Me Sarrin luanim njësoj, në një zonë më të ngushtë të fushës, ndërsa tani ka variacion. Kur zgjodha Ançelotin, e dija se kisha marrë një trajner me eksperiencë që më bën të ndjehem i qetë dhe në këtë fillim sezoni, qetësia nuk më ka munguar. Shoh një stil tjetër loje, 360% të ndryshëm. Të gjithë e dinë sa të dobishëm janë, por askush nuk ndihet i pazëvendësueshëm dhe zemërohet nëse nuk luan. Mund ta pohoj që jemi më të fortë se vitin e kaluar”.

KARLO ANÇELOTI – “Ishte një fitore e bukur në një fushë të vështirë, që do të na ndihmojë të rrisim autovlerësimin. Duhet të qëndrojmë me këmbë në tokë dhe të rritemi e përmirësohemi. Vendosa të kaloja Insinjen më në qendër, për t’i limituar detyrat mbrojtëse dhe që të përqendrohej në sulm. Mertens kreu një lëvizje të madhe, por nuk arriti të shënonte. Verdi është një lojtar me vlera dhe e kemi blerë për t’i rritur performancën ekipit. Po përshtatet mirë dhe po korr frytet e punës së tij.  Luajmë me Parmën pas tre ditësh kundër një kundërshtari që po bën mirë, por duhet ta kalojmë dhe këtë pengesë. Duhet të mendojmë të përgatisim me qetësi këtë ndeshje”, përfundon Karlo Ançeloti.”

“Unë jam gjithmonë pranë skuadrës, edhe sepse Ancelotin e zgjodha unë dhe jam përgjegjësi, sikurse isha edhe në epokën e Sarrit. Këtë herë jam më i qetë”, shprehet fillimisht numri një i Napolit.

Më tej ai ka shtuar: “Sarri po bën shumë mirë, por ai ka pasur shumë humbje të dhimbshme në jetën e vet, pushohej nga puna në mënyrë të vazhdueshme. Për pasojë, është krijuar një person i ngurtë në marrëdhëniet njerëzore”.

“Më jepni një shans të blej Hajdukun”, është shprehur ndër të tjera de Laurentis, i cili tregon se mban ende kontakte me teknikun Edi Reja, madje ai edhe e ka refuzuar të marrë drejtimin e Napolit. Tanimë trajneri italian do të marrë drejtimin e Hajdukut dhe kjo e ka habitur numrin një të klubit italian.

Ndërkohë De Laurentis thekson se e ka seriozisht: “Nuk e kuptoj se si ky klub ka shkuar në këtë pikë të ulët. A do e marr seriozisht idenë për ta blerë? Më jepni një mundësi, nuk është shaka. Jam gati të flas, por jo me tifozët. Jam gati të flas me dikë nga drejtuesit”.

“Së fundmi kam blerë Barin, por kjo nuk do të thotë se nuk më intereson Hajduku. Çdo gjë do të analizohet, Reja më ka thënë se klubi është në duart e tifozëve dhe ata nuk duan që klubi të bëhet privat. Nuk mund të lejoj që një klub me histori dhe traditë të madhe të përfundojë si Bari në kategorinë e katërt. Hajduku është në telashe dhe njerëzit ankohen se kam blerë një skuadër tjetër si Bari. Por për mua nuk është një lojë, është një projekt që më kushton dhe do të investoj njohuri, para dhe shumë pasion për futbollin”, ka deklaruar presidenti i Napolit.

Objektivi i Napolit – “Mendoj që është shumë e rëndësishme rritja e konkurrencës në klub dhe për ta bërë diçka të tillë nevojitet rotacioni i lojtarëve. Duam të shkojmë sa më larg të jetë e mundur, ndoshta duke fituar një nga dy kupat europiane. Më mirë nëse fitojmë Champions Ligën dhe ky është objektivi ynë i vërtetë. Më pas, nëse dikush arrin të fitojë dhe kampionatin…

Kampionati ka më shumë ndeshje: Në Seria A luhen 38 ndeshje, ndërsa në Champions vetëm 13. Në Napoli ekziston ndjenja e intrigës dhe është e pamundur të mos mendojmë fitimin e kampionatit. Duhet të besojmë realisht që mund t’ia dalim. Por, fitimi i titullit nuk më sjell fitime të mëdha, ndërsa fitimi i Champions më lejon të blej lojtarë të rëndësishëm për Napolin. Kjo nuk do të thotë se nuk dua të fitoj titullin.”

Ançeloti – “Dua të qëndroj gjithë jetën me Ançelotin, sepse besoj shumë tek ai dhe prandaj zgjodha atë. Nga ana ime nuk do të ketë kurrë një kërkesë dhe unë do te pres i qetë çfarëdo që të ndodhë. Kam garanci të madhe sa i përket personalitetit dhe aftësive të Karlos.”

I biri, Eduardo – “I kam dorëzuar Eduardos çelësat e Napolit. Tani, pas kaq shumë vitesh, do t’i dedikohem më shumë kinemasë dhe televizorit.”

Kulibali – “Nuk ka një klauzolë në kontratën e re të Kulibalisë. Një të tillë simbolike e ka Insinje. Me Rajolën e kemi vendosur që, nëse vjen një ofertë prej 200 milionë eurosh, do ta shesim lojtarin. Nuk ka një marrëveshje me shkrim, por verbale: 200 milionë euro, qartë?”

Sarri – “Deklaratat e tij të fundit janë të pasakta, por nuk më bëhet më të replikoj me të, sepse po kthehet në një telenovelë me tone të pakëndshme dhe kjo nuk i intereson askujt. Jam i lumtur me Ançelotin dhe nuk kam folur më me Sarrin, që mbas shishes së shampanjës që hapëm në mbrëmjen e ndeshjes së tij të fundit. Që nga ai moment kemi patur zero kontakte.”

Kontigjenti i ekipit – “Të shohim nëse ky është Napoli im më i fortë. Jemi këtu për të punuar. Në futboll nuk je zot i fatit tënd, sepse ka dhe 19 skuadra në Itali dhe shumë të tjera në Champions. Varet dhe nga të tjerët, por unë kam besim tek ekipi.”

Stadiumi “San Paolo” – “Për mua është një makth, që më heq pikë në nivelin ndërkombëtar. Është për të ardhur keq dhe prandaj them ‘boll më’. Nuk dua të polemizoj më, por dua të ndërtoj stadiumin tim. Nuk mund të vazhdojmë kështu. Na nevojiten dy vite për ta ndërtuar stadiumin e ri dhe askush nuk ka të drejtë të thotë asgjë nëse vendos ta bëj më paratë e mia dhe kam terrenin e nevojshëm për ta ndërtuar. Në këto kushte mund të ketë një përshpejtim të fortë.

I kam kërkuar UEFA-s që të na lejojë të luajmë ndeshjet e Champions në Bari. Jam gati të paguaj 1 mijë autobusë për të sjellë napolitanët në ‘San Nikola’. Kur hyra aty për herë të parë, e kuptova që ishte një zotëri stadium. Është lënë pak pas dore, por nuk është si stadiumi jonë. Disa lojtarë kur e panë për herë të parë, kërkuan të largoheshin nga Napoli…”, përfundon Aurelio De Laurentis për “Corriere dello Sport”.

“Ançeloti është një person i shkëlqyer, i cili ka hyrë gabimisht në botën e futbollit. Ai do të kishte bërë gjëra të jashtëzakonshme dhe në sektorë të tjerë të jetës, sepse është një njeri i qetë, nuk e njeh hakmarrjen dhe shpreh ekuilibër dhe ekuilibri është një virtyt i rrallë”, shprehet De Laurentis për “L’Equipe”.

Ai rikthehet të flasë dhe për ish-teknikun Sarri. Ai afroi një futboll të bukur, por nuk vlen, sepse nuk fitoi asgjë.

“Nga sezoni i kaluar mbetet shija e kënaqësisë që luajtëm një futboll të bukur, por edhe hidhërimi që nuk fituam. I dhuruam Sarrit gjithçka i nevojitej, por në tri vite nuk fituam asgjë” përfundon presidenti i Napolit.