Arsenali është i lumtur me dyshen e sulmit dhe siç raporton “Daily Mail”, po pregatit një zgjatje kontrate për të dy yjet. Ky rinovim ka më shumë si objektiv rritjen e ndjeshme të pagave të sulmuesve. Topçinjtë nuk e dëshirojnë një largim të mundshëm të goleadorëve të tyre dhe synon t’i mbulojë me para.

Për Lakazet, Arsenal shpenzoi plot 53 milionë euro për ta shkëputur nga Lioni dhe sjellë në Londër. Akoma më shumë iu desh të bindte Borusian e Dortmundit për të hequr dorë nga Obamejang. 29-vjeçari erdhi në “Emirates Stadium” në këmbim të 64 milionë eurove.

Mjafton të dalësh në një foto me këngëtarin e njohur kanadez dhe ekipi yt do të humbasë ndeshjen e radhës. Një nga shakatë më virale, që po qarkullon masivisht në rrjetet sociale janë foto të ndryshme që bëjnë futbollistët me reperin e famshëm.

Obamejang ishte i pari që doli në foto me Drake. Të nesërmen, Arsenali u mposht 1-0 nga Evertoni. Më pas ishte radhe e fotos me Sergio Agueron. Pasojat u ndjenë te Mançester Siti, që humbi ndeshjen e parë çerekfinale përballë Totenhemit.

Sanço pati guximin për të bërë foto me këngëtarin dhe Dortmundi u shkatërrua nga Bajerni me rezultatin 5-0. Radhës iu bashku edhe Vilfrid Zaha, sulmuesi i Kristal Palas. Ekipi i tij humbi në shtëpi përballë Sitit të Guardiolës një ditë më vonë.

E fundit është foto me Kurzauën e PSG. Ekipi i Tuhel nuk ka rivalë në Francë, por Drake është ters. PSG jo vetëm që u mposht, por u turpërua nga Lila me rezultatin 5-1.

Klubi i Romës ka përfituar për të bërë pak humor në rrjetet sociale. Italianët kanë dhënë një urdhër të prerë për lojtarët e tyre: askush të mos guxojë të dalë në foto me Drake! Me situatën që është krijuar, jo vetëm lojtarët e Romës, por askush nuk do të bëjë foto me këngëtarin e njohur, të paktën derisa të thyhet “magjia”.

“Mendoj që bëmë një ndeshje perfekte, por Napoli është një ekip shumë i fortë në shtëpi dhe ende asgjë nuk është mbyllur. Kemi pasur vështirësi në ndeshjet jashtë fushe, por kundër Napolit mund të fitojmë.

Ata do të duhet të shënojnë gola, prandaj besoj se do të ketë më shumë hapësira për ne sulmuesit. Jam i bindur se do të shënojmë edhe në Itali, pse jo dhe të fitojmë, pasi kështu do të lëshonim një mesazh të fortë sa i takon këtij kompeticioni”, përfundoi Obamejang.

Obamejang u shpall njeriu i takimit dhe sulmuesi tregoi se është në një formë të shkëlqyer këtë sezon. Të premten, u hodh shorti i çerekfinaleve në “Europa League”, ku Arsenali do të përplaset me Napolin. Për këtë sfidë, Obamejang tha fjalën e tij, ku me anë të një postimi në rrjetet e tij sociale, shkroi: “Çfarë shorti! Le të ndeshemi Napoli! Do të shoh dhe dy miqtë e mi, Malkuit dhe Gulam”.

Good morning !!
What a draw !!
Let’s go to Napoli ??and face my friends @KevzRose and @GhoulamFaouzi pic.twitter.com/Cuwl6vb3ZU

— Aubameyang P-E (@Aubameyang7) March 15, 2019

“Topçinjve” i janë dashur vetëm 15 minuta për të shënuar dy gola e të përmbysur rezultatin e ndeshjes së parë. Protagonisti i takimit, padyshim Pier-Emerik Obamejang me një gol e një asist.

Skuadrës së Unai Emeri i duhet dhe një gol tjetër për të qenë me e qetë, pasi një gol i palës franceze do ta kthente situatën përmbys sërish.

Ishte mesfushori me origjinë shqiptare, Granit Xhaka ai që shnoi, duke lëshuar një të majtë të hidhur nga një distancë rreth 30 metra. De Gea shkoi drejt shtyllës tjetër të portës dhe u ndëshkua, një gabim i rrallë për të.

Pjesa e dytë filloi më mirë për Junajtid, por do të ishin sërish “Topçinjtë” e Londrës që do të shënonin. Lakazet bën gjithçka mirë dhe futet brenda zonë, pengohet nga Fred dhe penallti. Obamejang merr përsipër ekzekutimin e saj dhe shënon, duke vendosur rezultatin final të sfidës, 2-0.

Premier League

Arsenal – Man. Junajtid  2-0
Xhaka 12’, Obamejang 69’

Dominimi i Heri Kejn nuk ekziston më, pasi tashmë janë tri sulmues të tjerë para yllit të Totenhemit. Listën e golashënuesve e kryeson Aguero me 18 gola, që po bën një sezon të shkëlqyer deri më tani.

Salah ndjek nga pas argjentinasin me 17 gola, ndërsa Obamejang është i treti me 16. Edhe Kejn në vend të katërt ka 16 gola dhe të katër sulmuesit, pritet të luftojnë deri në fund për të siguruar këtë çmim individual.

Arsenali u ndal këtë javë në barazim në fushën e Kristal Palasit, ku Obamejang shënoi një nga dy golat e “topçinjve”. Ndërkohë, përpara sfidës së kësaj jave, ekipi i drejtuar nga Unai Emeri, numëronte plot 11 fitore radhazi dhe meritë për këtë gjë kishte padyshim dhe sulmuesi afrikan. Tashmë që jemi në fundin e muajit tetor, po t’i hedhim një sy statistikave, sulmuesi 29-vjeçar është një ndër më të spikaturit.

Obamejang ka luajtur tre sfida në Premier Ligë për këtë muaj, konkretisht kundër Fulhemit, Leisterit dhe së fundmi ndaj Kristal Palas. Golat e shënuar nga afrikani janë plot 5, teksa vlen për t’u përmendur që në sfidat ndaj Fulhem dhe Leister, ka ardhur nga stoli dhe ka shënuar nga dy herë për çdo sfidë. Mesatarja e golave është e frikshme, pasi Obamejang shënon gol çdo 28 minuta e 48 sekonda. Një mesatare e çmendur për një kampionat si Premier Ligë.

Ditën e sotme kanë triumfuar pastër 2-0, në “Emirates Stadium” përballë Everton dhe e shohin veten në vendin e 6-të tashmë me 12 pikë, po aq sa dhe Totenhem. Një sfidë që nuk ishte dhe aq e lehtë për “topçinjtë” të cilët e zgjidhën vetëm në pjesën e dytë takimin. Ishin pikërisht golat e Obamejang dhe Lakazet në minutat 56-të dhe 59-të që i dhanë fitoren londinezëve, të cilët duket se kanë gjetur ritmin e duhur.

Javën e ardhshme ekipi i Emeri do të presë Uotford, ndërsa Everton pret në “Goodison Park” ekipin e Fulhem.

Tani sulmuesi afrikan, i cili ka kohë që nuk ka marrëdhënie të mira me Dortmundin, ka vendosur të zgjedhë paratë para karrierës dhe trofeve të mëdhenj, sepse ka arritur marrëveshjen me Guangzhu Evergranden në Kinë.

Klubi ku është trajner Fabio Kanavaro ka vendosur të paguajë 72 milionë euro për të bindur Dortmundin ta shesë, ndërsa vetë Obamejang do të bëhet ndër lojtarët më të paguar në botë.

Gabonezi 28-vjeçar do ta mbyllë këtë sezon në Dortmund dhe më pas do të transferohet në Kinë.

Nëse para pak kohësh deklaroi se ishte i lumtur në Dortmund, tani Obamejang i dërgon mesazhe në kod Milanit. Sulmuesi nga Gaboni deklaroi për Radio Montecarlo pas fitores së djeshme 3-0 në Volfsburg, ku shënoi: “Jam duke reflektuar mbi faktin nëse duhet të largohem apo jo vitin e ardhshëm. Ky klub dhe ky publik janë madhështorë, por nëse dua të rritem, duhet të largohem? Kjo është pyetja që i bëj vetes dhe nuk kam një përgjigje. Duhet kohë. Nëse dua të rritem, do të më duhet të ndryshoj këtë verë. Jam 27 vjeç: duhet ta bëj, apo jo”.

Obamejang nuk e përmend Milanin, por komenton zërat për interesim të Realit në të shkuarën: “Reali? Do të më duhet të vlerësoj gjithë mundësitë e mia, por nëse largohem, do ta bëj për një skuadër ku do të luaj rregullisht”.

Jonghong Li dhe krahu i tij i djathtë, Han Li, do të jenë në stadium për sfidën e 18 korrikut, atëherë kur mund t’i bëjnë ofertën zyrtare drejtuesve gjermanë: 70 milionë euro mjaftojnë. Prapaskenat

Brenda pak ditësh Milani ka zyrtarizuar 7 lojtarë të rinj, të gjithë shumë premtues, por asnjeri prej tyre i klasit botëror, nga ata që fitojnë ndeshjet të vetëm, si thuhet në të tilla raste.

Në pranverë ëndërroheshin emra të mëdhenj, sidomos në sulm, por deri tani ka ardhur vetëm Andre Silva nga Porto, investim madhor, por që vështirë se mjafton për të mbajtur në shpatullat e tij sulmin, duke parë që do të largohen Baka, Niang e Lapadula. Për këtë arsye, pasi të shesë tre sulmuesit e mësipërm, duke shpresuar që të grumbullojë rreth 50 milionë euro, Milani do të tentojë sulmin final për një sulmues cilësor dhe emri i përzgjedhur është Pier-Emerik Obamejang.

Indicjet – Sky Sport raporton se klubi kuqezi është gati t’i japë 7-8 milionë euro në vit sulmuesit gabonez, i cili në Dortmund ka pasur një mesatare impresionuese golash.

Avantazhi i Milanit është se Obamejang në këtë moment nuk ka asnjë ofertë serioze nga klube të mëdhenj, ndërsa milionat nga Kina nuk e joshin, pasi nuk është gati të largohet nga Europa dhe futbolli i rëndësishëm. Nëse Obamejang pranon ofertën financiare, Milani do të nisë bisedimet me Dortmundin, që kërkon të paktën 70 milionë euro.

Rroga – Sakaq, lajmi tjetër pozitiv i ditës së djeshme ka ardhur nga fakti se agjenti është takuar sërish në fshehtësi me drejtuesit e Milanit, teksa thuhet se ka negociuar për rrogën. Aktualisht, Obamejang fiton 4 milionë euro te Dortmundi, por kërkesa e tij ka shkuar në 12 milionë euro, ose edhe 10 maksimumi, por është një shifër që vetëm klube si PSG, Siti, Real apo Barcelona mund të paguajnë, pa harruar këtu edhe skuadrat kineze me potencë ekonomike.

Aludimi – Por, ka edhe një tjetër aludim që lumturon tifozët e Milanit. Sipas disa zërave në mediet italiane, kuqezinjtë janë takuar në fshehtësi me futbollistin, për ta bindur që të pranojë ofertën e tyre dhe projektin ambicioz.

Kinezët – Sipas “Gazzetta dello Sport”, ndërkaq, Obamejang mund të jetë anonçimi i madh i kinezëve të Milanit. Në fakt, Mister Jonghong Li dhe Han Li pritet që të jenë në stadium për miqësoren Milan-Dortmund në turneun aziatik. Ndeshja do të zhvillohet në datën 18 korrik, teksa pritet që të ketë takim mes drejtuesve të klubeve. Kinezët e Milanit mund të vendosin një ekstra-buxhet për lojtarin, teksa nuk do të lënë pas dore edhe pistën Kaliniç. Në fakt, Karlos Baka thuajse është i ikur, ashtu sikurse dhe Lapadula e Niangu, ndaj do të krijohet një mini-buxhet që do të shërbejë për Kaliniçin, teksa gabonezi duhet të jetë “dhurata” e madhe.

Afati – Një tjetër aspekt që duhet theksuar ka të bëjë me faktin se merkato në Kinë mbyllet në datën 15 korrik dhe ndaj, nëse deri atë ditë, nuk ka akord mes Tianzhinit të Kanavaros, që thuajse ka mbyllur blerjen e Antoni Modestes së Këlnit, për një shifër të përafërt me thuajse 38 milionë euro.  Kështu, duket thuajse e pamundur blerja e gabonezit.

Pas deklaratës së shefit të Dortmundit Vacke se klubi gjerman mirëpret çdo ofertë mbi 70 milionë euro, tashmë ka ardhur oferta e çmendur nga Kina, të paktën sipas Sport Bild.

Plot 80 milionë euro ofron Tianzhin Kuanzhiani, po ai klub që po mbyll blerjen e sulmuesit të Këlnit Antoni Modeste për 32 milionë euro.

Për të bindur afrikanin, Tianzhini ka gati një kontratë me 30 milionë euro në sezon, duke mos u shqetësuar fare nga lajmet e fundit, me qeverinë kineze që ka gati një tatim prej 100% për lojtarët e huaj.

Ndërkaq, vetë Obamejang ka përdorur Instagramin për të postuar një mesazh në kod: “Gati për aventura të reja”, duke shtuar hashtagët #aubameyang #holidays #pea17.

Ready for new adventures #aubameyang #holidays #pea17

A post shared by Aubameyang (@aubameyang97) on Jun 27, 2017 at 2:17pm PDT

Por si është e vërteta? Thjesht dhe qartë: spekulime, aludime dhe ndoshta reklamë falas, pasi asnjë klub nuk ka trokitur në derën e Dortmundit për sulmuesit nga Gaboni, i cili ka shënuar 85 gola në 125 ndeshje me klubin gjerman.

Shefi ekzekutiv i Dortmundit, Hans-Joakim Vacke, ka folur për Bild dhe ka dalë hapur, duke pranuar se nuk ka asnjë ofertë në tryezë dhe se është i gatshëm të pranojë ofertën e parë që i vjen, nëse preket shifra 70 milionë euro, por pse, jo ndoshta edhe më pak se aq për 28-vjeçarin që ka kontratë deri në vitin 2020.

“Do të dëgjojmë çdo klub që do të shfaqë interesim për Obamejangun. Nëse një ofertë zyrtare kap 70 milionë eurot, atëherë mund të vazhdojmë bisedimet, por deri tani nuk ka ardhur asnjë ofertë e tillë”, ka shpjeguar Vacke, i cili në një farë mënyre zbulon se Dortmundi po pret me padurim ta shesë sulmuesin e vet, duke parë se vlera e tij në treg do të ketë vetëm rënie në vitet në vazhdim, duke parë edhe moshën e sulmuesit.

Sipas Bild, sulmuesi i Borusias së Dortmundit (119 gola në 188 ndeshje) ka arritur marrëveshjen me klubin francez për një kontratë 4-vjeçare, me 14 milionë ero neto në sezon, një shifër e frikshme, që pak klube në botë janë të aftë ta përballojnë.

Ndërkaq, për Dortmundin janë gati 70 milionë euro, shifër e kënaqshme, edhe pse klubi gjerman shpresonte te ankandi, por Reali i Madridit dhe klubet angleze nuk kanë shfaqur interesim real.

Në këtë mënyrë, Obamejang kthehet në kampionatin që e bëri të famshëm, sepse në Ligën 1 ka luajtur me Lilën, Monakon dhe Sent Etienin.