aTLETIKO

Atletiko s’bën lëshime, 10 milionë euro ndajnë Milanin nga Korrea

Sport Ekspres — Wed, 31 Jul 2019 09:09:10 +0000

Sulmuesi argjentinas Angel Korrea është rikthyer në objektivin numër 1 të merkatos së Milanit. Drejtuesit e klubit italian po negociojnë prej disa javësh me Atletikon, por palët s’po bien ende në një ujdi.

Sipas “Gazzeta dello Sport”, Atletiko nuk pranon të negociojë çmimin prej 50 milionë eurosh që ka vënë për kartonin e 24-vjeçarit. Ndërkohë, oferta e fundit e Milanit ka qenë 40 milionë euro.

Mbetet për t’u parë se cila do të jetë lëvizja e ardhshme e “djallit”. Situata e vështirë financiare dhe raporti jo i mirë me UEFA-n nuk e lejojnë më ekipin italian të bëjnë shpenzime të pamenduara në merkato.

Një tjetër faktor që po ndikon në vonimin e këtij transferimi është prishja e negociatave për shitjen e Andre Silvës të Monako. Drejtuesit e Milanit ishin shumë pranë përfitimit të 30 milionë eurove për shitjen e portugezit, por në momentit e fundit Monako ndryshoi qëndrim.

Grizman: Atletiko gjithmonë në zemrën time, s’doja të largohesha kështu

Sport Ekspres — Sun, 21 Jul 2019 18:59:56 +0000

Antuan Grizman ka dhënë një intervistë për mediet spanjolle “MARCA”, ku ka folur mbi ditët e para si lojtar i Barcelonës. Francezi ka shpjeguar se u mundua të largohej pa polemika nga Atletiko, por situata doli jashtë kontrolli.

Si po ndiheni në këto ditë të parë si lojtari i Barcelonës?

“Mirë, shumë mirë. Isha me pushime, por finalizimi i transferimit më stresoi shumë. Doja të vija sa më shpejt këtu. Shokët e ekipit më kanë pritur mirë, lojtarë, staf, doktorë etj. Po e shijoj këtë moment”

LARGIMI NGA ATLETIKO – “Nuk doja të largohesha me kaq polemika. U mundova t’i bëja gjërat siç duheshin me sa më pak zhurmë. Ishte një largim i dhimbshëm, siç ndodhi dhe me Real Sociedadin. Ato dy ekipe do t’i kem gjithmonë në zemër. Atletiko po ndërton një skuadër shumë të fortë dhe më një trajneri si Simeone ato do luftojnë deri në fund, është e sigurt se do t’i hapin punë kujtdo. “El Cholo” (Simeone) ka bërë gjëra të pabesueshme me atë skuadër, i ka çuar në një nivel që s’do ia priste mendja.

Anglezi i parë në 95 vite, Atletiko zyrtarizon blerjen e radhës

Sport Ekspres — Wed, 17 Jul 2019 16:29:58 +0000

Atletiko Madrid nuk di të ndalet. Pasi ka siguruar firma shumë të rëndësishmë këtë merkato vere, “Colchoneros” kanë siguruar edhe shërbimet e mbrojtësi anglez, Kieran Tripier. Anësori i djathtë luante prej shumë vitesh te Totenhem, skuadër tek e cila u transferua nga Bërnli.

Një karrierë me një ngjitje shumë të shpejtë ajo e Tripier, e cila arriti pikun vitin e kaluar, ku bëri shumë mirë për “Gjelat” e Londrës dhe për kombëtaren angleze të futbollit në Botërorin “Rusi 2018”. Një përforcim shumë i rëndësishëm për Atletikon, që zgjodhi Tripier para mbrojtësit kuqezi, Elseid Hysaj.

? | Acuerdo con el @Spurs_ES para el traspaso de @trippier2.

??????? El internacional inglés ha firmado su contrato para las 3 próximas temporadas ?

? ¡Bienvenido a la familia atlética! ???
? https://t.co/ToPG7Tb7JC #BienvenidoTrippier #AúpaAtleti pic.twitter.com/mpgTuXAeq1

— Atlético de Madrid (@Atleti) July 17, 2019

Gjithmonë e më pak oferta, dilemat për Hysajn vazhdojnë

Sport Ekspres — Wed, 17 Jul 2019 10:38:07 +0000

Është bërë e qartë prej disa muajsh që e ardhmja e Elseid Hysajt nuk do të jetë më në klubin e Napolit. Mbrojtësi shkodran ka qenë një ndër lojtarët më të përfolur të viteve muajve të fundit në lajmet e merkatos, por me kalimin e javëve lajmet për të janë pakësuar ashtu si dhe klubet që e kërkojnë.

Nëse bëjmë një analizë të shkurtër mbi ato skuadra që janë përmendur në medie si të interesuara për lojtarin do vëmë re se pjesa më e madhe e tyre kanë transferuar një mbrojtës të djathtë. Ndoshta 25-vjeçarit do i duhet të bëjë një hap mbrapa që më pas të bëjë dy hapa para.

MANÇESTER JUNAJTID – “Gjigandët” gjermanë janë përmendur jo pak herë nga mediet italiane dhe angleze. Megjithatë, kjo pistë është mbyllur njëherë e përgjithmonë, pasi “djajtë e kuq” ia besuan rolin e mbrojtësit të djathtë të riut anglez Eron Uan-Bisaka, i cili u transferua në Mançester për 50 milionë euro.

INTER – Skuadra nga Milano filloi të përmendej si një palë e interesuar për mbrojtësin shqiptar, por në fund drejtori Marota dhe trajneri Konte vendosën të investonin 20 milionë euro për të riun austriak Valentin Lazaro.

ATLETIKO MADRID – Gjatë ditëve të fundit dukej se interesi i spanjollëve ishte më konkreti. Situata ndryshoi krejtësisht ditën e djeshme, ku mediet angleze njoftuan se madrilenët kanë gjetur akordin për kartoni e mbrojtësit të Totenhem Kieran Tripër.

ÇELSI – Largimi i Mauricio Sarrit drejt Londrës një vit më parë bëri që të përflitej për një kalim të Hysajt në Angli. Një vitë më vonë situata ka ndryshuar, Sarri ndodhet në Torini te Juventusi, ndërsa sikur të mos mjaftonte kjo merkato e Çelsit është pezulluar nga FIFA

Atletiko u tërhoq, “gjiganti” italian fillon negociatat për Hysajn

Sport Ekspres — Wed, 17 Jul 2019 07:48:27 +0000

E ardhmja e Elseid Hysajt mbetet ende një dilemë, kur ka kaluar më shumë se gjysme e merkatos së verës. E vemtja gjë e pashmangshme është fakti se në fund të verës, 25-vjeçari s’do të jetë më pjesë e Napolit.

Tërheqja a Atletiko Madrid nga gara për shkodranin a sjellë një reaksion domino në Itali. Klubi i radhës që ka shfaqur interes për kartonin e mbrojtësit është Roma. Sipas “Sky Sport”, përfaqësues të skuadrës verdhekuqe kanë filluar kontaktet e para me Napolin.

Interesi i Romës për Hysajn është një lajm që ka habitur shumë vetë, pasi kryeqytetasit kanë lojtarë si Florenci, Karsdorp dhe Santon, por mesa duket një ose dy prej këtyre emrave mund të largohen nga verdhekuqtë gjatë këtyre javëve.

Lajmet që flasin për të ardhmen e 25-vjeçarit janë të shumta, por një fenomen i veçantë është ai i uljes së çimimit të tij me kalimin e muajve. Në fillim të muajit qershor pati lajme që flisnin për transferim bombastik të mbrojtësit për një shumë që kapte 50 milionë eurot, por me kalimin e kohës zërat mediatik kanë vendosur këmbët në tokë. Tani po përflitet se Napoli nuk kërkon më shumë se 20 milionë euro për të lënë të lirë futbollistin shqiptar.

E kryer | Hysaj – Atletiko “Game Over”, firmos mbrojtësi anglez

Sport Ekspres — Tue, 16 Jul 2019 14:43:23 +0000

Atletiko Madrid i ka dhënë fund kërkimit për një mbrojtës të djathtë. Mediet angleze po raportojnë bashkërisht se futbollisti i Totenhem, Kieran Tripiër, ndodhet në Madrid në këto momente. 28-vjeçari po zhvillon vizitat mjekësore dhe në orët në vazhdim pritet zyrtarizimi.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

Feliks: Nuk premtoj numra, do bëhem ylli i kësaj skuadre

Sport Ekspres — Sun, 07 Jul 2019 17:05:34 +0000

Atletiko Madrid pagoi 126 milionë euro për të blerë nga Benfika kartonin e talentit 19-vjeçar Zhoao Feliks. Sulmuesi portugez ka pranuar se çmimi rekord që u pagua në të e vë nën presion, por ai është shprehur i bindur se pavarësisht moshës së re ka pjekurinë për të mos u ndikuar nga pritshmëritë e larta.

“Simeone është një trajner që përçon shumë energji tek ekipi, është një motivues shumë i mirë, i tillë ka qenë dhe si lojtarë. Atletiko ka pasur shumë futbollistë të njohur portugez dhe unë dua të ndjek hapat e tyre dhe pse jo t’i kaloj dhe arritjet e atyre”.

“Shpresoj që të kap formën më të mirë dhe më pas gjithçka të mecë mbarë. Jam njeri që mendoj pozitivisht. Dua të punoj në mënyrë që të bëhem një ndër yjet e kësaj skuadre. Shuma për të cilën u pagua për mua, natyrisht që ndikon në disa gjëra, por jam kam pjekurinë e duhur për të përballuar presionin që vjen me këtë situatë. S’besoj se mosha ime e re do të jetë problem”.

“Nuk premtoj numra, ata s’do i premtoj kurrë, por premtoj që do të jap gjithçka për ekipin, e do bëj gjithçka ç’mundem, më pas të shohim si do shkojnë gjërat. Kur ndryshon një vend, duhet të përballesh me situata të reja, disa gjëra besoj se do i kem të thjeshta, por do ketë dhe aspekte të vështira”.

Barcelona nuk zë mend, presioni i Atletikos nuk jep efekt

Sport Ekspres — Sun, 07 Jul 2019 15:38:29 +0000

Atletik Madrid zbuloi pak ditë më parë detajet e bisedimeve që po zhvillohen për kartonin e Antuan Grizman. Katalanasit janë të gatshëm të paguajnë klauzolën e largimit prej 120 milionë eurosh të francezit, por me një kusht.

Barcelona kërkon që ta paguajë me këste shumën prej 120 milionë eurosh, një praktikë kjo që ndodh shpesh në lëvizjet e merkatos në mbarë botën. Megjithatë, te Atletiko e kanë bërë të qartë në mënyrë publike: Grizman largohet vetëm nëse 120 milionë eurosh paguhet i plotë.

Pavarësisht situatës të tensionuar te Barcelona besojnë se Atletiko do e zbusë qëndrimin e saj dhe për këtë klubi është i gatshë që t’i ofrojë madrilenëve në një shumë më të lartë se 120 milionë, por të ndarë në tri këste që do të paguhen në një periudhë 3-vjeçare.

Simeone i beson eksperiencës, firmos një meksikan

Sport Ekspres — Wed, 03 Jul 2019 16:12:24 +0000

Atletiko Madrid ka zyrtarizuar firmën me mesfushorin meksikan Hektor Herrera. Futbollisti 29-vjeçar i bashkohet madrilenëve me kosto 0 pasi mbylli bashkëpunimin 6-vjeçar me portugezët e Portos.

? | Agreement with @HHerreramex for the midfielder to become a new Red & White player ??
?? The Mexican is to sign a three-year contract tomorrow.
? Welcome! ?
? https://t.co/9KgGratmg2 #AúpaAtleti #WelcomeHerrera pic.twitter.com/sPkUFn3UXn

— Atlético de Madrid (@atletienglish) July 3, 2019

29-vjeçari do të zëvendësojë të larguarin Rodrigo Hernandez, i cili u ble ditën e sotme në Mançester Siti për 70 milionë dollarë. Herrera është një ndër lojtarët kyç të kombëtares meksikane, ndërsa në gjashtë vitet e tij te Porto ka qenë gjithmonë pjesë e formacionit titullar.

ZYRTARE | Atletiko zëvendëson Filipe Luis, Simeone vë “bast” me talentin brazilian

Sport Ekspres — Fri, 28 Jun 2019 19:24:22 +0000

Kërkimi i Atletikos së Madridit për zëvendësuesin e Filipe Luis është drejt fundit. Klubi madrilen njoftoi arritjen e akordit me Atletiko Paranaensen për transferimin e mbrojtësit Renan Lodi.

Futbollisti 21-vjeçar ka qenë një ndër mbrojtësit më të mirë në kampionatin brazilian dhe mosha e re e bën një lojtar akoma më të lakmuar. Negociatat për transferimin e Lodit kishin filluar muaj më parë, por klubi brazilian refuzoi ofertën e parë prej 20 milionë eurosh të Atletikos.

? Principio de acuerdo con el @AthleticoPR para el traspaso de Renan Lodi
? https://t.co/th4Er2sD7Q #AúpaAtleti pic.twitter.com/DBcz6zNskO

— Atlético de Madrid (@Atleti) June 28, 2019

Sipas medieve spanjolle akordi mes palëve është gjetur për shifrën e 30 milionë eurove. Interes për Lodin shfaqën shumë klube evropiane, por në fund ka zgjedhur t’i bashkohet skuadrës së drejtuar nga Diego Simeone.

Pas një dekade te Atletiko, mbrojtësi largohet drejt Amerikës

Sport Ekspres — Wed, 19 Jun 2019 20:42:19 +0000

Mbrojtësi spanjoll, Hunafran Torres, luajti për plot 10 vite te skuadra e Atletiko Madridit, ku bëri shumë paraqitje të mira dhe fitoi trofe të rëndësishëm. Një punëtor i palodhur, Huanfran ishte mbrojtësi i duhur për trajnerin Simeone.

Por në fundin e sezonit të shkuar, Huanfran dhe Atletiko u divorcuan, me mbrojtësin spanjoll që është një lojtar i lirë. Ofertat për të nuk kanë munguar dhe flitej se do të kishte një kalim të tij në Brazil, me Korinthias dhe San Paolon që kërkonin shërbimet e tij.

Por 34-vjeçari ka vendosur që të transferohet në MLS, kampionatin amerikan të futbollit, te skuadra e Nashville SC. Aktualisht, Huanfran është me pushime me familjen e tij, por firma mbi kontratën me klubin amerikan nuk do të vonojë.

Kapiteni drejt largimit? Dy alternativa për Lorenco Insinjen

Sport Ekspres — Mon, 22 Apr 2019 13:55:07 +0000

Lorenco Insinje po tundohet nga ideja për të provuar një eksperiencë të re. Kapiteni i Napolit dëshiron që të luftojë për fitimin e trofeve dhe mund të ndërrojë ambient në fund të sezonit.

Dy janë klubet që interesohen për shërbimet e lojtarit ofensiv. Siç raporton “Il Mattino”, Milani dhe Atletiko e Madridit shihen si e ardhmja e Insinjes. E nisim nga kuqezinjtë.

Mauricio Sarri është dëshira e fundit për stolin dhe ardhja e tij te Milani mund të lehtësonte transferimin e Insinjes në veri të Italisë. Sarri ka treguar se mban raporte fantastike me ish-lojtarët e tij, Diçka e tillë u pa edhe në Londër.

Ai mori me vete Zhorzhinjon në verë te Çelsi dhe Higuain në janar. Gjithçka do të zbardhet në fund të sezonit, por kalimi i 27-vjeçarit në Milanelo do të ishte në të mirën e dy palëve.

Në garë është edhe Atletiko e Madridit. Zërat e largimit të Grizman drejt Bajernit të Mynihut po shtohen dhe nevojitet një zëvendësues. Klubi spanjoll pëlqen shumë Zhoao Feliks dhe është gati të paguajë klauzolën prej 120 milionë eurosh për të.

Megjithatë, “colchoneros” mendojnë edhe për Insinjen. Karakteristikat e tij janë ideale për skemat e Diego Simeones. Trajneri e pëlqen lojtarin italian dhe e sheh si partnerin e duhur për Alvaro Moratën në majën e sulmit.

E bujshme, Barcelona hidhet sërish në sulm për Grizman

Sport Ekspres — Sat, 16 Mar 2019 21:33:25 +0000

Antuan Grizman ishte një ndër objektivat kryesor të merkatos së Barcelonës në merkaton e verës së vitit që lamë pas.

Klubi katalanas ishte gati për të paguar klauzolën prej 90 milionë eurosh, por ishte vetë lojtari që “hodhi në erë” planin e kampionëve të Spanjës duke refuzuar transferimin. Madje këtë e bëri në një mënyrë të padëgjuar më parë, duke përgatitur një dokumentar enkas për këtë çështje.

Kur dukej se palëve nuk mund të kishte më mundësi pajtimi, një lajm befasues vjen nga Franca. Sipas revistës prestigjioze “L’Equipe” në orët e fundit drejtuesit e Barcelonë i kanë dorëzuar 27-vjeçarit një ofertë “faranike”.

Bëhet fjalë për një kontratë 5-vjeçare prej secilës Grizman do të paguhet 16 milionë euro (neto) në sezon. Në ditët në vazhdim do të fillojnë edhe bisedimet ndërmjet drejtuesve të klubeve për të parë nëse ky transferim mund të kryhet me sukses.

Ronaldo zyrtarisht një makth për Atletikon, statistikat janë të frikshme

Sport Ekspres — Tue, 12 Mar 2019 22:31:23 +0000

Urrejtja midis Atletiko Madrid dhe Kristiano Ronaldos është e ndërsjellë. Megjithatë është një fakt se më i fituari mes të dy palëve është portugezi dhe me një bilanc të frikshëm.

Statistikat e Ronaldos ndaj Atletikos janë të frikshme. “CR7” është lojtari që u ka shënuar më shumë gola skuadrës madrilene plot 21 të tillë dhe shumica kanë ardhur në ndeshje me rëndësi të veçantë.

Eliminimi i sotëm në Champions e çon në katër numrin e rasteve ku portugezi ka çuar në shtëpi me fytyrën ngrysur ekipin e Simeones në këtë kompeticion pasi në të shkuarën ka triumfuar me Realin në finalet e 2014-ës dhe 2016-ës dhe çerekfinalet e vitit 2015-të.

Ndërkohë një rekord tjetër shtangës i Ronaldos është dhe fakti që ai ka shënuar më shumë gola në Champions se sa i gjithë klubi i Atletikos në historinë e tij më shumë se 100-vjeçare. 124 ndaj 118.

Kielini: Gabuam në goditjet standarde, në Torino ndreqim gjithçka

Sport Ekspres — Wed, 20 Feb 2019 22:39:46 +0000

Xhorxho Kielini ishte një ndër protagonistët e ndeshjes së sotme, ku u përfshi në një incident prej të cilit Atletikos së Madridit iu anulua një gol i rregullt.

Pamjet filmike treguan një shtyrje jashtëzakonisht të butë, nga ato që ndodhin në çdo sekond, por për arbitrin kryesor aq mjaftoi për t’ua prishur qejfin të zotëve të shtëpisë.

Morata goal disallowed. Var having a shocker in this game.https://t.co/EdkrOYdrGx

— Leo H (@PsychedeIicPill) February 20, 2019

33-vjeçari foli për mediet e pranishme në stadium në përfundim të sfidës së sotme ku ekipi i tij u mund me rezultat 2 – 0.

“E dinim që ata ishin të rrezikshëm në goditjet standarde dhe duhet të ishim më të kujdesshëm në ato lloj situatash. Gjithsesi duhet të ruajmë qetësinë, pasi ende mund t’ia dalim. Duhet ta fshijmë shpejt nga mendja këtë që ndodhemi dhe të përpiqemi të fitojmë në Torino”, tha Kielini.

Alegri: Champions-i nuk është detyrim për Juven, ja cili është problemi i Moratës

Sport Ekspres — Tue, 19 Feb 2019 20:23:27 +0000

Masimiliano Alegri u është përgjigjur pyetjeve të gazetarëve të pranishëm në daljen për shtyp para takimit ndaj Atletikos. Tekniku i kampionëve të Italisë ka komplimentuar homologun Diego Simeone dhe sulmuesin Alvaro Morata, me të cilin ka punuar më parë.

CHAMPIONS-i DETYRIM ME KRISTIANON ? – “Nuk është çështje obligimi. Champions-i është një objektiv. Për ta fituar do të na duhet të punojmë fort dhe të kemi pak fat, pasi kështu është ky kompeticion. Ronaldo sigurisht që është një avantazh, pasi së bashku me Mesin ka qenë një ndër golashënuesit e Champions-ti në 10- vitet e fundit”.

SIMEONE – “Ai ka bërë një punë të jashtëzakonshme. Ka arritur që t’i japë skuadrës një mentalitet të njëjtë në të gjitha përballjet, s’ka rëndësi nëse kundërshtari është modest ose elitar, Atletiko është gjithmonë e njëjta“.

MORATA – “Ai është një lojtar i rrezikshëm. I ka treguar aftësitë e tij në ndeshje të mëdha, por pika e tij e dobët është të qenit konstant, por mbetet një lojtar i rëndësishëm”.

BARAZIMI JU KËNAQ ? – “Varet nga mënyra se si rrjedh ndeshja. Duhet të kemi shumë kujdes në kundërsulm, pasi ata s’kanë mëshirë. Nuk flas për rezultate para ndeshjes, por skuadrës i kam kërkuar që të shënojmë të paktën një herë, më mirë do të ishte dy herë”, përfundoi Alegri.

VIDEO | Grizman tashmë një legjendë e Atletikos, Fernando Torres i “hap krahun”

Sport Ekspres — Sat, 16 Feb 2019 20:44:53 +0000

Antuan Grizman ka arritur të marrë statusin e një legjende te Atletiko e Madridit në harkun e katër sezoneve e gjysmë. Me golin e shënuar ditën e sotme në transfertën ndaj Rajo Vajekanos, bëhet lojtari i pestë në renditjen e golashënuesve të klubit madrilen.

Grizman shkon në kuotën e 130 golave, duke lënë pas ish-kolegun e tij Fernando Torres. Vendi i katërt dhe i tretë mbahen nga Hoze Garate dhe Pako Kampos, me nga 136 dhe 146 gola secili, shifra këto që Grizman mund t’i kapë brenda këtij sezoni.

Vendi i parë mbahet nga një legjendë spanjolle si Luis Aragones. Grizman i duhet të shënojë 42 gola për të rrëzuar nga “froni” i golashënuesve të ndjerin Aragones.

Golashënuesit më të mëdhenj në historinë e Atletikos së Madridit
Luis Aragones: 172
Adrián Eskudero: 169
Francisko ‘Pako’ Kampos: 146
Hoze Garate: 136
Antuan Grizman 130
Fernando Torres 129

Simeone i jep një dorë Henrisë, Monako huazon sulmuesin portugez

Sport Ekspres — Wed, 23 Jan 2019 22:41:43 +0000

Monako po përjeton një sezon të tmerrshëm. Klubi nga Monako rrezikon seriozisht rënien nga “Ligue 1”, teksa ndodhet në vendin e parafundit të tabelës pas 21 javësh kampionat.

Për të ndihmuar klubin nga Principata në përmbushjen e objektivit mbijetesë, ka menduar Atletiko Madrid, që ka vendosur të huazojë te Monako sulmuesin anësor Gelson Martins.

Portugezi u afrua me bujë te madrilenët nga Sportingu i Lisbonës, por konkurrenca te Atletiko rezultoi shumë e fortë 23-vjeçarin që ka marrrë shumë pak minuta gjatë gjysmës së parë të sezonit.

Tierri Henri e mirëpret me krahë hapur një lojtar si Martins, pasi të shkuarën portugezi ka treguar se nësë është në një ditë të mirë, bëhet makth për çdo kundërshtar.

VIDEO | Barça vazhdon marshimin, Atletiko qëndron nga pas

Sport Ekspres — Sat, 22 Dec 2018 19:28:39 +0000

Barcelona nuk la vend për surpriza, teksa mundi në “Camp Nou” Selta Vigon me rezultatin 2 – 0. Për Barçën shënuan Dembele dhe i zakonshmi Mesi, i cili në tre ndeshjet e fundit në La Liga ka gjetur gjashtë herë rrugën e rrjetës.

Gjithsesi nuk ka vend për shumë festë, pasi Atletiko e vendit të dytë nuk po i ndahet katalanasve. Skuadra e Diego Simeones mundi Espanjolin dhe qëndrojnë vetëm tre pikë larg kreut. Golin e vetëm për Atletikon e shënoi Grizman me 11-metërsh.

Barcelona – Selta Vigo 2 – 0
Shënues: Dembele 10’, 45’

Atletiko M. – Espanjol
Shënues: Grizman 56’ (pen)

VIDEO | Atletiko shtang në fund Bilbaon, baskët në krizë totale

Sport Ekspres — Sat, 10 Nov 2018 19:28:31 +0000

Atletiko nuk i ndahet fitoreve të vuajtura në kampionatin spanjoll. Skuadra e drejtuar nga Diego Simeone përmbysi në “Wanda Metropolitano” Atletiko Bilbaon falë golave të Tomas, Rodri dhe Godin. Me këtë rezultat “rojiblancos” çojnë diferencën me Barcelonën e vendit të parë në vetëm një pikë.

Gjysma e parë e takimit ishte për t’u harruar për të besuarit e Simeones, të cilët me sa duket ishin ende të dehur pas suksesit ndaj Dortmund në Champions. Bilbao luajti mjaft mirë në 45 minutat e para, teksa në minutën e 36-të arriti të merrte dhe avantazhin. Një goditje e Mikel San Hose, u ndal në shtyllë për momentin, përpara se Injaki Uilliams të shtynte topin drejt rrjetës.

Pjesa e dytë nisi me një marsh tjetër për Atletikon e Madridit. Në minutën e 61-të ishte një silurë e Tomas Partej. Ganezi shënoi një supergol, duke vënë baraspeshën, e cila zgjati vetëm tre minuta, pasi ishte përsëri Injaki Uilliams, i cili dërgoi në avantazh për herë të dytë ekipin e tij.

Për të nisur përmbysjen e ekipin e Simeones mendoi mesfushori shtatlartë Rodri, i cili barazoi shifrat në 2 – 2 pas një harkimi nga një goditje këndi. Golin e trepikëshit e shënoi Godin në minutën e parë të kohës shtesë. Me këtë humbje Bilbao qëndron në zonën e ftohtë me vetëm 10 pikë pas 12 ndeshjeve.

Në Napoli nuk ka fitues, Atletiko hakmerret ndaj Dortmundit

Sport Ekspres — Tue, 06 Nov 2018 22:13:03 +0000

Napoli dhe PSG-ja nuk mundën të shfrytëzonin hapin fals të Livepulit në Serbi. Skudrat u ndanë me ga një pikë secila pas barazimit 1 – 1 në “San Paolo”. Bernat shënoi golin e parë të takimit në limitet e pjesës së parë, por Napoli u kundërpërgjigj duke marrë kontrollin e lojës gjatë pjesës së dytë e duke barazuar me anë të një 11-metërshi të ekzekutuar nga Insinje.

Kreu në grupin C tani ngjeshet shumë me Liverpulin në krye me 6 pikë po aq sa dhe Napoli, por me goleverazh më të mirë. Ndërkohë, PSG mbetet në vend të tretë me pesë pikë.

Atletiko Madrid u hakmorr ndaj Borusias së Dortmundit, që i turpëroi “rojiblancos” në Gjermani me fitoren e thellë 4 – 0. Në Madrid djemtë e Simeonës dolën fitimtar duke mposhtur 2 – 0 Borusian me anë të golave të Saul e Grizman. Kryesuesit e Bundesligës nuk gjuajtën asnjëherë në drejtim të portës së Oblak dhe dukej qartë që mendja e tyre ishte te ndeshja e fundjavës ku do të përballen me Bajernin.

Porto ka mundur me lehtësi Lokomotivën e Moskës në Portugali. Herrera zhbllokoi takimin që në minutën e dytë, ndërsa Marega thelloi diferencën. Peruani Farfan ngushtoi rezultatin në pjesën e dytë, por Porto do të shënonte sërish me anë të Zhezuz Koronës.

Në sfidën tjetër të grupit D, Shalke mundi 2 – 0 kampionët e Turqisë, Gallatasarajin, duke shkuar në kuotën e tetë pikëvë, dy pak se kryesuesit e Portos.

Napoli 1 – 1 PSG
Shënues: Insinje 62’ (pen) / Bernat 45+2’

Atletiko M. 2 – 0 Dortmund
Shënues: Saul 33’, Grizman 80’

Porto 3 – 1 Lokomotiv M.
Shënues: Herrera 2’, Marega 32’, Korona 67’ / Farfan 59’

Shalke 2 – 0 Gallatasaraj
Shënues: Burgshtaller 4’, Ut 57’

Atletiko akuzon arbitrimin: “VAR”-i duhet të jetë i barabartë për të gjithë

Sport Ekspres — Sun, 30 Sep 2018 19:35:41 +0000

Në Shqipëri jemi mësuar të shohim reagimet e shpeshte të klubeve në lidhje me arbitrimin. Në kampionatet elitare të Europës kjo është diçka shumë më e rrallë dhe episodi i fundit vjen nga maja e futbollit spanjoll.

Bëhet fjalë për klubin e Atletikos së Madridit, që ditën e sotme në një komunikatë zyrtare për shtyp ka kërkuar shpjegimi nga Komiteti teknik i Arbitrave për penalltinë e padhënë pas prekjes së topit nga Kasemiro në derbin e djeshëm ndaj Real Madridit, ku gjyqtari Huan Martinez refuzoi përdorimin e sistemit VAR, pavarësisht insistimit të lojtarëve të Atletikos.

Reagimi erdhi fill pasi një episod i ngjashëm ndodhi në takimin e ditës sotme midis Vijarealit dhe Vajadolidit, ku kryesori i takimit akordoi një 11-metërsh pas ndërhyrjes së sistemit “VAR”. Drejtuesit e Atletikos kërkojnë shpjegime se për çfarë arsye ndaj tyre nuk përdor e njëjti vendim.

El Atlético de Madrid solicitará una aclaración al Comité Técnico de Árbitros sobre los diferentes criterios en el uso del VAR en una misma jornada https://t.co/xSHzfGZOR0 pic.twitter.com/GrlTggvCkl

— Atlético de Madrid (@Atleti) September 30, 2018

Atletiko blindon sulmuesin, gjashtë vite kontratë dhe në horizont një vend titullari

Sport Ekspres — Wed, 26 Sep 2018 18:20:03 +0000

Atletiko Madrid sapo ka zyrtarizuar rinovimi e kontratës me sulmuesin argjentinas Angel Korrea. Marrëveshja e firmosur nga 23-vjeçari do ta mbajë atë të lidhur me klubin “Rojiblancos” deri në qershorin e 2024-ës.

Korrea ishte një ndër lojtarët e preferuar të Simeones gjatë sezonit të shkuar ku u aktivizua në 37 nga 38 takime të La Ligës. Sulmuesi iu bashkua Atletikos tri sezone më parë, por fillimet e tij qenë shumë të vështira, pasi iu desh të kryente një operacion në zemër për të hequr një masë tumorale. Në këtë fillim sezoni Korrea e ka nisur si titullar, pavarësisht konkurrencës së madhe që ekziston në një klub të madh si Atletiko.

Korrea u shpreh mjaft i lumtur për rinovimin duke falënderuar klubin për këtë surprizë të veçantë. “Jam shumë i lumtur që do të jem pjesë e familjes së Atletikos për gjashtë vitet e ardhshme. Rinovimi më vjen si një shpërblim për punën e mirë që kam bërë gjatë këtyre viteve. Besoj se do të kalojmë suksese nga më të ndryshmet në të ardhmen”, tha argjentinasi.

Aksi Bajern-Atletiko-PSG, ja lëvizjet që priten të ndodhin

Sport Ekspres — Wed, 22 Aug 2018 14:07:34 +0000

Teksa kanë mbetur dhe nëntë ditë kohë nga mbyllja e merkatos në Spanjë, Francë dhe Gjermani, klubet po bëhen gati për të kompletuar kontingjentin për sezonin e gjatë që kanë përpara. Një prej reparteve me pak lëvizje ka qenë ai i mbrojtësve të majtë. Por, kjo gjë pritet të ndryshojë me dy transferime të bujshme.

Bëhet fjalë për Filipe Luisin dhe Huan Bernatin. Për mbrojtësin brazilian interesohet PSG-ja, akordi për pagën e lojtarit është arritur, por mungon mirëkuptimi me klubin e Atletikos. Bernat hyn në lojë, si zëvendësuesi i Luisit tek Atletiko.

Bajerni nuk e konsideron të pashitshëm spanjollin, kontrata e të cilit mbaron në fund të këtij sezoni. Sipas medieve spanjolle Bernat mund të vishet “rojiblanco” për 15 milionë euro, ndërsa Luis mund të kalojë në Francë për të njëjtën shumë.