Pas kësaj Barcelona rrezikon shumë. Së pasi atyre do u duhet të japin edhe 80 milionë euro, duke qenë se kanë arritur marrëveshje me lojtarin kur klauzola e tij ishte 200 milionë euro. Së dyti ata rrezikojnë dënim shembullor sepse kanë thyer rregullat e FIFA-s mbi transferimet. Një mundësi është bllokimi i merkatos.

Megjithatë, çështja është në shqyrtim dhe duhet vërtetuar origjinaliteti i provës dhe mënyra e sigurimit të saj. Pretendohet se bashkëpunëtorët e avokatit e kanë shitur te drejtuesit e Atletiko Madridit. Pritet edhe fjala e Grizman si dhe provat që ai disponon për të mbrojtur veten e tij dhe Barcelonën.

Të gjithë këto yje nuk kanë arritur të bëjnë asgjë përpara “furisë bardhekuqe”, që po tregon një nivel të jashtëzakonshëm akoma pa nisur sezoni. Ndeshja është mbyllur me rezultatin 0-3. Shënon golin e parë për skuadrën e re Markos Jorente. Zhoao Feliks është thjesht, fenomenal. Shënon golin e dytë dhe vallëzon në fushë. Diego Kosta dërgon të tretin në rrjetë për t’i vënë vulën kësaj ndeshje.

Miqësore

All Star MLS-Atletiko Madrid 0-3

Markos Jorente ’43, Zhoao Feliks ’85, Diego Kosta ‘90+3

Ditët e kaluara operacioni ishte shumë pranë mbylljes, por një diferencë prej 2 milionë eurosh mbi bonuset ishte ngërçi që bllokoi gjithçka. Tani gjërat kanë nisur të lëvizin dhe për pak ditë Korrea do të vishet kuqezi.

Deri tani në adresë të Betis nuk ka mbërritur asnjë ofertë zyrtare. Andaluzët kanë sjellë në gjirin e tyre Nabil Fekir si zëvendësuesin e argjentinasit. Kërkesat e tyre janë shumë të larta. Spanjollët kërkojnë rreth 70 milionë euro, çmim që i bën të stepen gati të gjithë klubet evropiane.

“Hymë shumë keq në ndeshje, nuk ishim fare të përqendruar. Pësuam 2 gola shumë shpejt dhe mori fund, nuk tentuam të përmbysnim gjithçka. Pjesa e parë ishte katastrofë, mungoi gjithçka, nuk ishim në fushë.

“Natyrisht do të flasim me ekipin, por edhe lojtarët e dinë që është e rëndë të pësosh 7 gola. Ishte një miqësore, ata ishin më lart dhe kaq, duhet të shohim përpara. Për Atletikon nuk ishte miqësore, për ne po.

“Hazard ishte dobët? Të gjithë ishim dobët, edhe unë. Megjithatë, jam i bindur se do jemi gati deri në 17 gusht, në çdo drejtim. Kjo skuadër është cilësore dhe do e tregojë.

“Bejl? Është ende me ne, luajti, ndaj nuk di ç’të them më shumë. Të shohim”

Atletiko është një nga klubet që ka bërë më shumë merkato në Evropë. Përtej shumë largimeve, Simeone nuk pritet të ndiejë mungesën e askujt me gjithë ata yje që po zbarkojnë në klubin bardhekuq. Hames do të jetë një nga udhëheqësit e ekipit.  Kolumbiani pritet të lëvizë si një elektron i lirë nëpër mesfushën e “Los Colchoneros”.

Flamengo përflitej si ekipi i ri i mëngjarashit, por së fundmi është konfirmuar nga vetë mbrojtësi që me anë të një fotoje në Instagram shihet teksa ka veshur bluzën e Flamengos së bashku me dy yjet e tjerë brazilian Paketa dhe Dani Alvesh.

“Gjiganti” nga shteti federal i Sao  Paolos është ekipi më i pasur në Brazil gjatë viteve të fundit. Krahas Filipe Luis, Flamengo ka siguruar shërbimet e lojtarëve si ish-mbrojtësi i Bajernit Rafinja dhe ish-sulmuesi i CSKA-së së Moskës, Vitinjo.

Me blerjet e shumta në Madrid, Korrea nuk e ka aspak të sigurt vendin në formacion. Edhe sezonin e kaluar nuk ishte një zgjedhje stabël e Simeones. Atletiko e ka pasuruar sulmin dhe mesfushën me shumë cilësi dhe ikja e Korreas duket në horizont.

Së fundmi ata kanë blerë 10% të kartonit të tij, që i takonte San Lorenzos. Sinjal ky që tregon se shitja është një opsion real. Milani do të hyjë në negociata me klubin spanjoll. Bardhekuqtë kërkojnë 50 milionë euro për të, ndërkohë që Milani jep më pak. Negociatat do zgjasin, por Korrea me shumë mundësi do zbarkojë në “San Siro”.

E sotmja ka qenë dita e blerjeve të reja. Mbrojtësi Felipe, i ardhur nga Porto dhe sulmuesi Saponjiç, që zbarkoi në Madrid nga Benfika kanë qenë autorë të dy golave. Një debutim që me shumë mundësi e kishin ëndërruar ditën pas prezantimit. Golin tjetër e shënoi Vitolo. Miqësorja e radhës për madrilenët është më datë 24 ndaj meksikanëve të Guadalajara.

Siç raportojnë mediet spanjolle, përfaqësues të klubit të Totenhem e kanë propozuar yllin e tyre tek Hil Marin, presidenti i Atletiko Madridit. Kjo ka ndodhur nëpërmjet një takimi kokë më kokë në kryeqytetin spanjoll.

“Spurs” nuk kanë në plan ta lënë të largohet sezonin e ardhshëm me kosto zero dhe dëshirojnë me patjetër t’i gjejnë një blerës. Çmimi i propozuar për të është 60-70 milionë euro. Atletiko pritet të shqyrtojë këtë mundësi, megjithëse Hames Rodriges është objektivi primar për momentin.

Kartoni i sulmuesit shtatshkurtër vlerësohet në shumën e 55 milionë eurove nga drejtuesit e klubit spanjoll. Nëse transferimi mbyllet me kushtet e vendosura nga madrilenët, Korrea do të jetë blerja rekord e historisë së Milanit.

Për të mundësuar një transferimin të përmasave të tilla, Milanit i duhet të sakrifikojë një nga yjet e sulmit. Bëhet fjalë për të riun italian Patrik Kutrone. 21-vjeçari kërkohet me ngulm nga anglezët e Ulvërhempton. Një tjetër opsion është ai i shitjes së portugezit Andre Silva. Portugezi është në bisedime me Monakon dhe në ditët në vazhdim palët mund të gjejnë akordin përfundimtar.

Atletiko nuk pranon të paguajë 20 milionë euro për kartonin e Hysajt, ndërsa Napoli nuk ka ndërmend ta lëshojë shqiptarin për më pak. Palët priten të ulen sërish ne negociata, me Atletikon që do të japë një propozim final për lojtarin.

Në rast se oferta e radhës nuk pranohet, atëherë skuadra nga kryeqyteti spanjoll do të heqë dorë përfundimisht nga gara për mbrojtësin shkodran.

28-vjeçari dëshiron një kalim te rivalët e qytetit, Atletiko Madrid. Këto të fundit po bëjnë hapa shumë të mirë në rritjen e skuadrës pas gjithë atyre ikjeve. Blerjet nuk pushojnë dhe si duket objekivi i radhës në “Wanda Metropolitano” është Hames Rodrigez.

Favori i spanjollëve është edhe se mund të ofertojnë një shifër më të madhe se italianët, duke parë milionat e ardhura nga shitjet e Grizman dhe Rodrit. Bëhet fjalë për një shumë prej rreth 42 milionë euro.

Francezi nuk pranoi të paraqitej në stërvitje me Atletikon e Madridit, që njoftoi marrjen e masave për lojtarin. gjoba ka qenë e pashmangshme, ndërkohë që klubi i tij nuk ka pranuar asnjë marrëveshje me Barcelonën. Katalanasit donin ta paguanin klauzolën me këste, por te Atletiko ishin të qartë dhe akuzuan rivalët e tyre për besimet e kryera në një moment delikat të sezonit.

Grizman ka nënshkruar për pesë vite me Barcelonën dhe nis kështu në etapë të re në karrierën e tij. Në kampin katalanas gjërat nuk është se kanë shkuar fort mirë, pasi ka pasur goxha zëra kundër kësaj lëvizje. Madje është aluduar se Mesi do Nejmar në ekip dhe jo francezin. Gjithsesi tanimë zyrtarisht Grizman është katalanas dhe kluazola e largimit të tij është e frikshme: 800 milionë euro.

You were waiting for this. pic.twitter.com/vVR0Prmy0b

— FC Barcelona (@FCBarcelona) July 12, 2019

Gjatësia e tij fizike është ajo çka e tundoi më shumë Simeonen, duke parë edhe stilin e lojës së skuadrës bardhekuqe. Saponjiç është 192 cm i gjatë. Serbi është prodhim i akademisë së Partizanit të Beogradit. Aktivizohet në qendrën e repartit difensiv dhe është vetëm 21-vjeç.

Akoma nuk bëhet i ditur çmimi i kësaj blerje. Ky është afrimi i gjashtë e Atletikos gjatë kësaj merkatoje, ndërkohë që janë përfshirë nga një “eksod” i madh në ikje. Saponjiç pritet të jetë zëvendësuesi i Moratës në majë të sulmit. Me ardhjen e tij i hapet rruga largimit të Diego Kostës, që lidhet me një kalim te Ulvs në Premier Ligë.

? | Acuerdo con el @SLBenfica para el traspaso de Ivan Šaponji?. El delantero serbio ha firmado su contrato para las tres próximas temporadas.
? ¡Bienvenido! ??
?https://t.co/SR13uF5Kk2#BienvenidoŠaponji? #AúpaAtleti pic.twitter.com/f2k3SyYuGv

— Atlético de Madrid (@Atleti) July 11, 2019

Grizman do të jetë blerja e tretë blaugrana këtë merkato pas De Jong dhe Neto Murara. Në ditët në vijim priten zhvillime të reja rreth çështjes Nejmar. Me ardhjen e Grizman dhe brazilianit, Barça pritet të shndërrohet në një “makineri të pamëshirshme” për çdo kundërshtar.

Kështu, Hysaj sezonin e ardhshëm do të jetë nën urdhërat e një trajneri si Simeone. Atletiko po zhvillon një projekt gjigant, duke investuar mjaft në merkato dhe ylli i kombëtares tonë pritet të jetë pjesë. Duhet të themi se ky është një hap gjigant në karrierën e Elseidit, pasi do ketë mundësinë të luajë në një nga kapionatet më të fortë në botë.

Duhet të themi se stili i Hysajt përshtatet mjaft me mënyrën agresive të lojës së Simeones. Vlera e operacionit nuk bëhet e ditur, por pritet të jetë pak mbi 25 milionë eurot. 25-vjeçari do të zyrtarizohet si lojtari më i ri i klubit madrilen në orët e ardhshme.

Edhe pse portugezi cilësohet një supertalent dhe shpesh herë është krahasuar edhe me Mesin e Ronaldon, duhet thënë se është një levizje e guximshme kjo nga ana e ekipit madrilen për një 19-vjeçar, akoma të pa provuar në nivelet më të larta.

Një lëvizje e guximshme dhe me shumë bujë, që nuk ka mbetur pa u komentuar nga personalitete të futbollit botëror. Këtë herë është David Vija ai që ka bërë komentin e tij për transferimin e Zhoao Feliks tek Atletiko.

37-vjeçari ka besimin e plotë, se adoleshenti I talentuar do të jetë ylli i ri i gjigandëve spanjoll. Ai deklaron: ‘’Me shumën e paguar dhe me mënyrën se si tek Atletiko i menaxhojnë gjërat, ata nuk do të nënshkruanin pa qenë të bindur plotësisht. Unë nuk e kam parë shumë atë duke luajtur, por tifozët e Atletikos do t’i jenë mirënjohës nëse punon‘’.

“Mund të dështoni, por nëse ju lini gjithçka keni në fushë, atëherë njerëzit janë të lumtur. Kam qenë një vit me Atletikon, ishte një sezon më ulje ngritje, shënova 15 gola dhe fituam titullin. Tifozët ende më falënderojnë”, përfundon Vija, i cili nuk ka ndërmend ta lërë futbollin për sa kohë trupi i përgjigjet dhe është mirë fizikisht.

Spanjollët janë të qartë: “Paguani 42 milionë euro”. Napoli po përdor kartën Ançeloti dhe shpreson që t’ia dalë ta marrë Hames në ekip gjatë kësaj merkatoje. Gjithsesi ata nuk janë të vetmit që po e tentojnë kolumbianin.

Atletiko e Madridit lakohet si një nga klubet e interesuara, madje që është e gatshme të paguajë 42 milionët që Reali kërkon. Gjithsesi “Galaktikët” nuk dëshirojnë të përforcojnë rivalët në La Liga dhe dëshira është që Hames të transferohet në Itali.

Në komunikatë thuhet se Grizman duhet të zbatojë kontratën dhe të paraqitet në grumbullimin e ditës së hënë. Sulmuesi i është përgjigjur me të njëjtën monedhë kësaj sjellje “të sertë” nga ana e klubit. Sipas “Mundo Deportivo”, Grizman nuk do të paraqitet në stërvitje. Madje, avokatët e tij po bëjnë gati proçedurat e prishjes së njëanshme të kontrataës.

28-vjeçari do të paguajë 120 milionë euro për të prishur menjëherë bashkëpunimin me klubin francez. Kjo shifra e klauzolës që lejon ndërprerjen e marrëveshjes. Këtë ai ja ka bërë të qartë klubit dhe në ditët në vijim, francezi do të jetë lojtar i lirë. Ajo që pason më pas është zyrtarizimi i tij si futbollisti më i ri i Barcelonës. Kështu, edhe pse me mjaft polemika, çështja Grizman po vjen drejt zgjidhjes.

Presidenti Hil Marin ka vendosur të gjitha fondet për të blerë yje dhe konkuruar Barcelonën dhe Realin e Madridit. Kjo blerje, ashtu si dhe të tjera më parë, ka krijuar debate. Feliks është një djalosh që ka shpërthyer në gjysmën e dytë të sezonit dhe shumë specialistë nuk janë dakort me blerjen e tij për një shifër aq të lartë.

Sigurisht ka dhe të tjerë, që shprehen se cilësia e të riut është e padiskutueshme dhe vlera e tij e blerjes përshtatet me cilësitë. Edhe Nuno Gomesh, një nga legjendat e Benfikës, me të cilën regjistron 293 ndeshje dhe 125 gola ka mendimin e tij në lidhje me Feliks.
Ish-sulmuesi shprehet se çmimi i paguar nga Atletiko për Feliks përputhet tërësisht me talentin e tij. Në një intervistë për spanjollen “Marca” ai tekstualisht u shpreh: “Zhoao Feliks vlen aq sa Atletiko pagoi për ta marrë”.

Klubi madrilen ka reaguar me anë të një komunikate për shtyp ku ka akuzuar Barcelonën dhe lojtarin për negociatat e hershme që kishin filluar midis palëve, që në mars, kur nuk lejohej as me rregullore. Në fund të komunikatës Atletiko ka njoftuar se Grizman duhet të paraqitet në fundjavë në ambientet stërvitore të klubit.

DEKLARATA E BËRË NGA ATLETIKO MADRID

Duke marrë shkas nga deklaratat e bëra sot nga presidenti i Barcelonës Zhozep Maria Bartomeu në lidhje me lojtarin tonë Antuan Grizman, Atletiko kërkon të bëjë publike detajet e mëposhtme:

Më datë 14 maj, Antuan Grizman informoi aksionerin Migel Anhel Hil, trajnerin Diego Simeone dhe drejtorin sportiv Andrea Berta mbi vendimin e tij për t’u larguar nga klubi në fund të sezonit. Në ditët e mëvonshme ne mësuam se lojtari kishte arritur një marrëveshje në muajin mars me Barcelonën, vetëm pak ditë pas eliminimit tonë në Champions League ndaj Juventusit, si dhe negociatat për kushtet e kontratës kishin filluar që në mes të muajit shkurt.

Lidhur me një deklaratë të bërë sot nga presidenti Bartomeu, ne duam të informojmë se është e vërtetë që ditën e djeshme ka pasur një takim midis Miguel Anhel Hil dhe drejtorit ekzekutiv të Barcelonës Oskar Grau. Në atë takim Barcelona shprehu dëshirën që të aktivizojë klauzolën e largimit të Antuan Grizman, sapo kjo klauzolë të zbresë nga 200 milionë euro në 120 milionë euro, ndër të tjera u kërkua një shtyrje e pagesës së klauzolës së lartpërmendur.

Natyrisht përgjigja jonë ishte negative, kjo për faktin se sjellja e klubit të Barcelonës dhe lojtarit ka qenë fyese për Atletikon e Madridit dhe fansat tanë.

Si rezultat i gjithë kësaj, sot, Atletiko Madrid, i ka kërkuar lojtarit nëpërmjet motrës së tij që është njëkohësisht agjente e Grizman, që ai të paraqitet të dielën në ambientet e klubit për të qenë pjesë e fazës përgatitore bashkë me pjesën tjetër të shokëve, diçka të cilën e ka të detyruar bazuar në kontratën që ekziston midis palëve.

Me anë të kësaj komunikate për shtyp , Atletiko Madrid dëshiron të shprehë pakënaqësinë e madhe për sjelljen e  Barcelonës, që bindi lojtarin tonë të shkëputej nga ne gjatë zhvillimit të sezonit, në një moment kur klubi ishte në garë në Champions League, por edhe në kampionat ndaj vetë Barcelonës, diçka kjo që mendojmë së është në shkelje të rregullave të vendosura për periudhat e negociatave për lojtarët dhe që cenojnë integritetin e garës.

Luzitani ka shfaqur një formë mjaft të mirë dhe në shumë raste ka qenë në një nivel më të mirë se Serxhi Roberto. Gjithsesi, kurrë nuk e ka bindur Valverden se mund ta mbajë peshën e një poicioni aq delikat. Insistimi i vazhdueshëm për t’u larguar mund të pranohet nga Barça. Një nga opsionet, është përfshirja e tij ne operacionin për të sjellë Grizman në Barcelonë. Barça e vlerëson 25-vjeçarin 50 milionë euro.

Video e prezantimit të  Zhoao Feliks është krejt e veçantë. Talenti portugez shihet teksa ndodhet në muzeun kombëtar të Prados në Madrid, i rrethuar nga kryeveprat më të mëdha të artit botëror.

#PureTalent pic.twitter.com/6oQX8dAUA6

— Atlético de Madrid (@atletienglish) July 3, 2019

19-vjeçarit iu desh vetëm një sezon me ekipin e parë të Benfikës për të tërhequr vëmendjen e të gjithë klubeve elitare. Në 26 ndeshje të kampionatit portugez, Feliks regjistroi  15 gola.

Grizman do të jetë blerja e dytë e klubit blaugrana këtë verë, pas portierit Neto. Duhet të themi se për Barçën akoma nuk ka ardhur pjesa e nxehtë e merkatos. Operacioni Nejmar është në zhvillime e sipër. Ardhja e tij dhe Grizman do të ishte një përgjigje perfekte për milionat e derdhura nga Reali këtë verë.

.@Mateo_Kova23 is here to stay! ?

— Chelsea FC (@ChelseaFC) July 1, 2019

Mateo Kovaçiç është zyrtarizuar si blerja e parë dhe e vetme e kësaj vere për londinezët e Çelsit. Anglezët e kanë të ndaluar të bëjnë merkato. I vetmi përjashtim janë lojtarët që kanë kaluar sezonin në Londër si të huazuar. Ndryshe nga Higuain, Kovaçiç ja ka mbushur mendjen drejtuesve anglezë. Plot 50 milionë euro janë derdhur në arkat e Realit për të mbajtur yllin kroat. Nga kjo marrëveshje ka lumturi edhe për Kovaçiç, që ka gjetur veten në “Stamford Bridge”, pas vështirësive të hasura në Madrid.

Ndërkohë, Gelson Martins është zyrtarisht i klubit të Monakosë. 24-vjeçari ka firmosur kontratë për pesë vitet e ardhshme. Portugezit i janë dashur vetëm gjashtë muaj në Francë për të bindur klubin bardhekuq. Ai ishte i huazuar që nga janari te Monako, ku dha një ndihmë shumë të madhe për mbijetesën në Ligue 1. Atletiko Madrid mbush xhepat me plot 30 milionë nga shitja e portugezit.

??? L’AS Monaco est heureux d’annoncer la signature de @GelsonMartins_. Prêté en janvier par l’Atlético Madrid, le milieu offensif s’est engagé pour 5 saisons. Il est désormais lié avec le Club jusqu’en juin 2024.

?? https://t.co/XauTCocOkP pic.twitter.com/KiKV7oO8nY

— AS Monaco ?? (@AS_Monaco) July 1, 2019

Nikolas Otamendi dhe Dalej Blind janë dy opsionet e tjera në rast të dështimit të operacionit “Hermozo”. Blind ashtu si Hermozo arrin të mbulojë qendrën dhe krahun e difensivës. Gjithsesi, shkëputja nga Ajaksi duket e vështirë. Nikolas Otamendi është mundësia më e arritshme. E vetmja pengesë këtu është paga e lartë që argjentinasi merr te Siti.

Sot mediet italiane raportojnë se Atletiko është kthyer me një ofertë shumë më të lartë. 20 milionë euro ka ofruar klubi bardhekuq për të bërë të tyrin shkodranin. Një ofertë tepër më e përmirësuar, që e tundon mjaft kryesinë e klubit napolitan për ta lënë të lirë Hysajn, i cili nuk bën më pjesë në planet e Karlo Ançelotit.

Lojtari nga ana e tij është dakort për të shkuar në La Liga, ku do të kishte nderin të luante ndaj yjeve si Mesi apo Hazard. Në ”Wanda Metropolitano” do të gjente vend të sigurt në formacion, duke parë “eksodin” që ka ndodhur këtë merkato, sidomos në krahun e majtë.

Për më shumë se dy sezone tashmë, duket se anësori kuqezi është një nga lojtarët më të kërkuar në merkato, por në ditët e fundit, një kalim i tij te Atletiko Madrid duket më shumë se një thashethem. Sipas asaj që rapotohet nga Alfredo Pedula, Hysaj do të jetë një lojtar i Atletikos, skuadër e cila ka paguar 20 milionë euro për shërbimet e tij.

Huanfran u nda me “Colchoneros” pas 9 sezonesh, ndërsa mbrojtësi tjetër i djathtë, Arias, nuk ka bindur dhe pritet të largohet. Simeone ka mbetur pa mbrojtës të djathtë dhe si pasojë, ka vendosur të shpenzojë plot 20 milionë euro për mbrojtësin shqiptar.

Torres në karrierën e tij ka fituar çdo gjë që i ka dalë para. Karrierën e tij e nisi me Atletikon e Madridit, ku arriti ta ndihmojë të ringrihet dhe të jetë fituese e La Ligas. Talenti i tij i madh u vu re nga gjigantët e Liverpulit. Me të kuqtë vazhdoi të ishte i njëjti me 81 gola në 142 ndeshje. Pengu më i madh në “Anfiled” ishtë mungesa e një titulli.

Në vitin 2011 Çelsi kompleton një kalim rekord të Torres në Londër. 50 milionë euro pagoi Roman Abramoviç për të sjellë spanjollin në “Stamford Bridge”. Me blutë ai e humbi shkëlqimin e madh, megjithatë u tregua vendimtar në fitimin e Champions League dhe Europa League. Duhet të përmendim një huazim në Milano e më pas kthimin e madh në Atletiko.

Një pjesë e rëndësishme e Spanjës, që sundoi botën, duke fituar Europianin dhe Botërorin. Së fundmi është pjesë e Sagan Tosu në Japoni, ekip i destinuar që Fernando të mbyllte karrierën. 35-vjeçari var këpucët në gozhdë pas gati dy dekadash në fushat e blerta. Të presim në drejtimin e një ekipi të madh Fernando!

 

View this post on Instagram

 

Hola a todos ,estoy haciendo este video porque tengo algo muy importante que anunciaros . Después de 18 años apasionantes ,ha llegado el momento de poner punto y final a mi carrera . El próximo domingo día 23 a las 10:00 de la mañana ,hora local en Japón ,tendré una rueda de prensa en Tokio donde daré a conocer todos los detalles y contestaré a vuestras preguntas. .Nos vemos allí. Hi everybody, I’m making this video because I have something very important to announce. After 18 exciting years, the time has come to put an end to my football career. Next Sunday, the 23rd at 10:00 a.m., local time in Japan, I will have a press conference in Tokyo where I will explain all the details and answer your questions. See you there.

A post shared by ???????? ?????? (@fernandotorres) on Jun 20, 2019 at 10:00pm PDT

Në “Santiago Bernabeu” mund të themi se Jorente ka kaluar një periudhë të vështirë, me shumë pak minuta në dispozicion. Këtë sezon në La Liga ai ka nisur vetëm gjashtë ndeshje si titullar, duke mos pasur mundësinë të ambjentohet plotësisht për të trguar të gjithë potencialin e tij. Në Atletiko është e sigurt se do të ketë shumë më tepër minuta në këmbë.

?? Julio Llorente, representante y tío de @marcosllorente, llegando a las oficinas del Wanda

? ¿Podría haber anuncio oficial en las próximas horas?

?? Todos los detalles en el #Golazo pic.twitter.com/aZQFwp9mmK

— El Golazo de Gol (@ElGolazoDeGol) June 19, 2019

Futbollisti 22-vjeçar ka një klauzolë largimi prej 70 milionë eurosh, shumë kjo që mund të aktivizohet nga Bajerni i Mynihut ose Mançester Siti, të dyja ekipet tani po përpiqen të gjejnë akordin financiar me lojtarin.

Megjithatë, sipas “MARCA” gjatë ditëve të fundit interesi për mesfushorin është shtuar me PSG-në dhe Mançester Junajtid që janë futur në garë për lojtarin. Te Atletiko tani u duhet të mendojnë për të gjetur pasuesin e 22-vjeçarit.

https://www.youtube.com/watch?v=juYswp18Nxo

? El Atlético quiere que el futbolista sienta que el Atlético es un paso adelante
? Al futbolista le han hecho ver que estará a las órdenes del Cholohttps://t.co/TKUgt70t5i

— AS (@diarioas) June 11, 2019

Klubit spanjoll i duhet të ndërhyjë për ta bindur djaloshin se ata janë një skuadër e madhe, ku ja vlen të luash. Për ta bërë këtë është zgjedhur menaxheri i Feliks, Zhorzh Mendesh. Drejtuesit e klubit spanjoll i kanë bërë të qartë agjentit të njohur se nuk janë të gatshëm të futen në garë për një lojtar, që nuk e sheh si hap përpara veshjen e asaj fanelle.

Kështu Mendesh është takuar kokë më kokë dhe i ka shpjeguar 19-vjeçarit se Atletiko është një klub mes më të mëdhenjve dhe ka fuqinë të fitojë trofe. Prania e një trajneri i Simeone e ndihmon tej mase në rritjen e tij si futbollist dhe në ambicjet e tij për t’u bërë pjesë e më të mirëve. Sipas “AS”, talenti luzitan ka pranuar ofertën e drejtuesve të skuadrës nga kryeqyteti dhe pritet marrëveshja me klubin e Benfikës.

Premtimet që i kanë bërë nuk janë mbajtur dhe ambiciet e ekipit kanë rënë poshtë. 27-vjeçari ka treguar aftësi të jashtëzakonshme, duke e vendosur veten në treshen e më të mirëve të globit. Këtë sezon ai e ka mbajtur portën të pastër në 27 ndeshje nga 50 të tilla.

Mançester Junajtid pritet të jetë destinacioni i tij i ardhshëm. De Gea do të largohet te PSG dhe Oblak e zëvendëson. Slloveni dëshiron një aventurë të re në Premier Ligë dhe Junajtid është dëshira e tij. Ai është tifoz i tyre që në vogëli dhe kërkon të plotësojë ëndrrën e tij për të luajtur në “Old Trafford”.

“Los Colchoneros” bënë një ofertë zyrtare, që sipas medieve ishte 25 milionë euro dhe është refuzuar menjëherë nga napolitanët. Simeone e do me çdo kusht yllin e kombtëres sonë dhe në ditët në vijim mund të kemi një marrëveshje. 30 milionë euro kërkon De Laurentis për ta lënë Hysajn të shkojë drejt La Ligas sezonin e ardhshëm.
Mario Xhiufredi, agjenti i shkodranit ka folur sot rreth ofertës së Atletikos dhe mundësitë e tjera për Hysajn. Ai ka konfirmuar se tentativa e parë e spanjollëve ka qenë me një shifër prej rreth 25 milionësh. Më pas menaxheri i mbrojtësit ka dhënë një deklaratë të fortë, ku i hap derën transferimit të Hysajt drejt Juventusit.

“Oferta e Atletikos ishte e ulët dhe nuk reflekton vlerën reale të lojtarit. Ishte më pak se 25 milionë. Kur flasim për një klub si Atletiko nuk mund të themi jo. Ndoshta Elseidi dëshiron një eksperiencë jashtë Italisë. Djali u shpreh sinqerisht, nuk dëshiron të fyejë asnjeri me qëndrimin e tij. Ka ardhur koha për një eksperiecë të re, pa hequr vlerat e Napolit dhe mungesën e trofeve këtu. Ai është një djalë që kujdeset për qytetarët e Napolit, i detyrohet kësaj fanelle për atë çka është.”

“Një bashkim me Sarrin te Juventus? Përse nuk duhet të shkojë? Ai është profesionist. Nuk e pranoj fjalën tradhëtar në futboll, çdokush duhet të sillet si profesionist dhe të bëjë atë çka është më e mira për veten e tij.”

“Juve është një superfuqi në Itali. Sarri në atë kohë mbroi ngjyrat e Napolit. Kjo s’do të thotë që nuk duhet konsideruar një e ardhme në Torino. Dy vite më parë ata pyetën për Hysajn, por ai ishte mirënjohës, duke qëndruar në Napoli me shpresën se mund të fitonte Serie A këtu”, u shpreh Xhiufredi.

Mosaktivizimi në dy ndeshjet ndaj Liverpulit dhe në finalen e Kupës së Mbretit e ka bindur yllin portugez të pranojë t’i bashkohet Atletikos, që e kërkon me ngulm. Ata do i siguronin më shumë minuta dhe do të merrte përgjegjësi në skuadër, diçka që as nuk mendohet në Barcelonë. Agjenti i tij, Horge Mendes ka biseduar me klubin blaugran për ta lënë të lirë, por përgjigja ka qenë negative.

Semedo ka një klauzolë lirimi prej 100 milionë eurosh. Sipas “Sport.es”, në rast se Semedo këmbëngul, Barcelona është e gatshme ta lërë të lirë për 50 milionë euro. Një version tjetër është ulja e çmimit të Grizman, i cili që nga 1 korriku do të kushtojë 120 milionë euro.

Për francezin Barcelona dhe Atletiko Madrid kanë shfaqur interes serioz. Madrilenët e duan yllin francez për të mbushur hapësirën e lënë bosh nga largimi i Grizman. Barcelona pret këtë të fundit, por një komplikim i mundshëm i situatës bën që Lakazet të jetë plani rezervë.

Megjithatë, 28-vjeçari duket se është dashuruar me Arsenalin. Ai mohon mundësinë e largimit dhe shprehet se nëse klubi nuk dëshiron ta largojë, atëherë qëndrojë.

“Ndihem mirë. Me trajnerin Emeri në krye luaj shumë dhe kam fituar besim. Më duhet ta falenderoj Vengerin, pasi ai ishte autori i ardhjes sime këtu. Kam mbyllur një sezon të mirë dhe shpresoj që pushimet të mos e ndalojnë vrullin. Punoj shumë gjatë stërvitjes për të qenë gati.”

“Nëse klubi është i lumtur me mua, dhe unë jam i lumtur. Do të qëndroj. Në Francë thonë që mosha ime është ajo e kulmit të karrierës. Uroj të mos jetë sezoni i fundit në Londër. Shpresoj që forma ime të mos pësojë ulje”, përfundoi ylli Francez.

Neres është një nga zbulimet e Ajaksit të këtij viti. Braziliani ka shfaqur aftësi të larta teknike dhe një vizion të madh loje. Ai është një forcë e madhe tërheqëse e sulmit të ekipit holandez. Klubi nga Amsterdami pritet të mbajë një çmim mjaft të kripur për të, megjithatë spanjollët nuk do të tërhiqen.

Atletiko nga ana tjetër po punon edhe për të shmangur zmadhimin e “eksodit”, që e ka përshkuar klubin në këtë fundsezon. Grizman, Godin, Filipe Luis kanë konfirmuar largimin. Rodri është lojtari i radhës me valixhet gati. Atletiko po punon për të hartuar një marrëveshje të re për të. Rritja e pagës do e bënte 22-vjeçarin të mos e mendonte më një bashkim me Guardiolën te Siti.

Mesfushori preferohet shumë nga Guardiola, që e do me patjetër si zëvendësues për Fernandinjon, mosha e të cilit nuk premton aspak. Siti me këtë shkëmbim dëshiron të kufizojë harxhimet, pasi problemet me UEFA-n mbi ndershmërinë financiare janë të vazhdueshme. Kjo lëvizje do i leverdiste edhe Atletikos, pasi ikja e Grizman pritet të krijojë një boshllëk të madh në ofensivën e madrilenëve. Zhezus do të ishte lojtari i duhur për ta zëvendësuar.
Braziliani u ble nga Palmeiras për shifrën e 32 milionë eurove në vitin 2017. Para që nuk kanë shkuar dëm, pasi cilësitë e tij janë të padiskutieshmë. Në 68 ndeshje (jo të gjitha si titullar) ai ka shënuar 27 gola. Me kombëtaren regjistron 13 rrjeta në 27 takime. Ndërkohë Rodri është një talent, të cilin Atletiko e mori për 20 milion euro nga Vilareali. 22-vjeçari është një titullar stabël në formacionin e madrilenëve.

Gjithsesi, për këtë të fundit, Atletiko duket se e ka gati zëvendësuesin. Markos Alonso është dëshira e Diego Simeones dhe kontaktet e para kanë nisur. Mbrojtësi i Çelsit ka bërë një sezon shumë të mirë dhe është një nga pikat kyçe të Sarrit.

Pas tre mbrojtësve dhe Antuan Grizman nje lojtar tjetër që mund të largohet nga “Wanda Metropolitano” është Tomas Partej. Ganezi pëlqehet shumë nga Interi. Në Milano sapo ka ardhur lajmi i mirë nga UEFA se nuk kanë probleme me ndershmërinë financiare dhe mund të bëjne blerje të mëdha. Kështu për 25-vjeçarin pritet që Interi të hidhet në sulm, ku pritet një ofertë zyrtare.