Atlanta

De Bur zbulon Amerikën: Ja çfarë më ka befasuar, te Interi muajt dukeshin si vite!

Sport Ekspres — Sun, 03 Feb 2019 13:44:39 +0000

Frenk De Bur ka nisur eksperiencën amerikane me ekipin e Atlantës. Holandezi tregon se çfarë e ka befasuar më shumë nga ekipi, ndërsa stadiumi është më i bukuri që ka parë në karrierë.

Eksperiencat me Interin dhe Kristal Palas nuk shkuan ashtu siç duhet, por De Bur ka nxjerrë leksione nga kjo gjë. Në Milano ishte tepër e vështirë dhe muajt dukeshin si vite për 48-vjeçarin.

ATLANTA – “Njerëzit shpesh mendojnë se futbolli në Amerika është inferior, por nuk është kështu, pasi kam ardhur në një skuadër të vërtetë futbolli. Jam i sigurt që nëse bëj mirë këtu, do të kthehem në ndonjë klub europian. Ndodhem prej 3 javësh këtu dhe jam befasuar nga disiplina. Ndihem mirë dhe për faktin që lojtarët po mësojnë shumë shpejt. Kam parë shumë stadiume në karrierën time, por ky i Atlantës është më i bukuri që kam parë.”

INTERI – “Më është dashur të përqendrohem për të rigjetur qetësinë. Unë nuk mund të mbaj mbi supe gjithë strukturën e klubit. Nga Interi dhe Kristal Palas kam marrë leksionin që duhet të përqendrohem më shumë në futboll. Tek Interi kishte shumë ndikime dhe të gjithë donin rezultate. Në këtë mënyrë t’i përfshihesh shumë shpirtërisht. Pas katër muajve tek Interi, kisha ndjesinë se kisha 6 vite që po punoja aty. Isha i lodhur, me të vërtetë i lodhur.”

MLS: Atlanta e Tata Martinos në finale, një gol magjik çon edhe Portlandin

Sport Ekspres — Fri, 30 Nov 2018 08:34:07 +0000

Janë përcaktuar dy ekipet finaliste të kampionatit amerikan në futboll, me MLS që do të ketë një kampion të ri në 8 dhjetor.

Atlanta, skuadra më e mirë e sezonit, ka kaluar pa probleme edhe gjysmëfinalen, sepse mbrëmë u mund 1-0 nga Nju Jork Red Bull, por kishte fituar 3-0 në vajtje. Trajneri Gerardo “Tata” Martino vijon marshimin dhe kërkon ta mbyllë në mënyrë spektakolare aventurën amerikane, ku ka mahnitur me lojën sulmuese të skuadrës së tij.

Ndërkaq, emocione pa fund në gjysmëfinalen e dytë, sepse Portland fitoi 3-2 me përmbysje në fushën e Kansas Sitit, duke fituar Konferencën e Perëndimit.

Pjesa e parë 1-0 për vendasit, që festonin, sepse në vajtje përfundoi pa gola, por kthesa e Portlandit nisi me minutën e 52-të, kur mesfushori Sebastian Blanko shënoi një gol të mrekullueshëm, ndoshta fitues i çmimit Goli i Sezonit.

SPEECHLESS. #SKCvPOR // @Audi #MLSCupPlayoffs https://t.co/7FHPXRawdk

— Major League Soccer (@MLS) November 30, 2018

Më pas Diego Valeri shënoi edhe 2 gola për Portlandin, duke zhvlerësuar barazimin e përkohshëm vendas.

LeBron nuk mjafton për Lakers, komandojnë Clippers e Toronto

Sport Ekspres — Mon, 26 Nov 2018 08:58:23 +0000

Clipperska në marrë një fitore emocionuese në fushën e Portland pasi kanë arritur që të fitojnë me rezultatin e ngushtë 100-104. Pasi rezultati shkoi 100-100, miqtë shënuan 4 pikë, 2 prej të cilave me gjuajtje të lira duke marrë suksesin që i mban në vendin e parë të Konferencës së Perëndimit.

Lakers në anën tjetër u mundën në shtëpi nga Orlando me rezultatin 104-108. Edhe pse LeBron James shënoi 24 pikë në gjysmën e parë të lojës, mysafirët bënë më mirë pjesën e ,mbetur të lojës, duke arritur një fitore që tregon se Lakers nuk po gjejnë dot qëndrueshmëri.

Skuadra e Toronto dominoi në suksesin 125-115 ndaj Miami-t. Skuadra e cila komandon në Konferencën e Lindjes kaloi pa vështirësi edhe këtë pengesë. Aspak të lehtë nuk e pati Atlanta, e cila mundi me vetëm 1 pikë më shumë skuadrën e Charlotte.

REZULTATET

Portland 100-104 Clippers

Lakers 104-108 Orlando

Toronto 125-115 Miami

Memphis 98-103 New York

Brooklyn 125-127 Philadelphia

Detroit 118-107 Phoenix

Atlanta 124-123 Charlotte

Sacramento 112-133 Utah Jazz