Atlanta Hawks

Warriors “të vegjël” para James Harden, Nuggets rikthehet te fitorja

Sport Ekspres — Fri, 16 Nov 2018 08:52:10 +0000

Moment jo për Golden State Warriors. Kampionët në fuqi janë mundur nga Houston Rockets 107-86, në një ndeshje ku Kevin Durant realizoi vetëm 20 pikë. Pa Stephen Curry, Warriors kanë pasur luhatje kohët e fundit dhe kjo humbje ishte e katërta sezonale për ta. James Harden ishte ai që bëri diferencën dhe i dha fitoren Rockets.

Denver Nuggets janë rikthyer te fitorja dhe në mënyrë më bindëse, pasi kanë triumfuar kundër Atlanta Hawks me rezultatin e thellë 138-93. Juan Hernangómez spikati mbi të tjerët, por duhet thënë se ishin plot gjashtë basketbollistë të tjerë që shënuan mbi dhjetë pikë në përballjen e sotme.

Paraqitje të mira të Los Angeles Clippers, që kaluan me sukses San Antonio Spurs. Një paraqitje e mirë në grup për vendasit, teksa Lou Williams shënoi 23 pikë. Më i miri në parket ishte DeMar DeRozan i Spurs. Plot 34 pikë të shënuara prej tij, por në fund Clippers ishin ata që triumfuan.

Houston Rockets – Golden State Warriors 107-86
Denver Nuggets – Atlanta Hawks 138-93
Los Angeles Clippers – San Antonio Spurs 116-111

Warriors gjejnë fitoren, Denver Nuggets në “tunel”

Sport Ekspres — Wed, 14 Nov 2018 12:02:23 +0000

Golden State Warriors janë rikthyer te fitorja. Kampionët në fuqi kanë mposhtur 110-103 Atlanta Hawks. Vijon të mungojë Stephen Curry, por këtë herë Kevin Durant (29 pikë) dhe Klay Thompson (24 pikë) kanë arritur të udhëheqin skuadrën e tyre drejt triumfit.

Nisja nuk ishte shumë e mirë, pasi në gjysmën e parë të lojës miqtë ishin në epërsi. Perioda e tretë ishte më e mirë për Warriors, që arritën të përmbysnin gjithçka dhe të merrnin fitoren e 12-të sezonale.

Moment jo i mirë për Denver Nuggets, që janë mposhtur nga Houston Rockets 99-109. Disfata e pestë për ta, ndaj një ekipi si Rockets që po tenton të barazojë numrin e fitoreve me të humbjeve. Clint Capela (24 pikë), James Harden (22 pikë) dhe Chris Paul (21 pikë) bashkuan forcat dhe i dhanë fitoren e gjashtë Rockets.

Fitorja e dytë sezonale për Cleveland Cavealiers. Pa LeBron James forca e tyre është thuajse “zero”, por gjithsesi ia kanë dalë të mposhtin Charlotte Hornets me rezultatin 113-89. Jordan Clarkson me 24 pikë ishte më i miri në parket për të dyja skuadrat.

Cleveland Cavaliers-Charlotte Hornets 113-89
Golden State Warriors-Atlanta Hawks 110-103
Denver Nuggets-Houston Rockets 99-109

NBA | Boston rekord historik, Milwaukee Bucks regjistron humbjen e parë

Sport Ekspres — Fri, 02 Nov 2018 09:44:52 +0000

Vijon kampionati i NBA, teksa janë luajtur dhe gjatë takime të tjera. Mbi të gjitha ka tërhequr vëmendje suksesi i arritur nga Boston Celtics që ka mundur me rezultatin 117-113 Milqaukee Bucks. Këta të fundit pësuan humbjen e parë për këtë edicion, por nuk ishte ky lajmi i madh.

Boston ka regjistruar një rekord të madh, pasi është thyer rekordi i trepikëshave në një ndeshje. Plot 24 herë lojtarët e Boston u treguan të saktë nga jashtë zone. Gjithsesi nuk ishte një ndeshje dhe aq e lehtë, pasi kundërshtari nuk kishte humbur asnjë ndeshje deri në këtë përballje.

Emocionuese ishte dhe ndeshja mes Oklahoma City Thunder dhe Charlotte Hornets, që përfundoi me rezultatin 111-107. Cleveland Cavaliers nuk mundën që të bënin diçka në sfidën me Denver Nuggets duke u mundur me rezultatin 110-91. Për t’u veçuar dhe dominimi i Sacramento Kings, që mori një sukses 146-115 ndaj Atlanta Haqks.

Rezultatet
Oklahoma City Thunder 111-107 Charlotte Hornets
Denver Nuggets 110-91 Cleveland Cavaliers
Philadelphia 76ers 122-113 Los Angeles Clippers
Sacramento Kings 146-115 Atlanta Hawks
Boston Celtics 117-113 Milwaukee Bucks
Portland Trail Blazers 132-119 New Orleans Pelicans