Athletic Bilbao

Mposhti dy herë kancerin, mbrojtësi i Bilbaos firmos kontratën 7-vjeçare

Sport Ekspres — Fri, 19 Jul 2019 08:51:47 +0000

Futbollisti i Atletiko Bilbao, Jeraj Alvarez, është ndër ata lojtarë që e meritojnë plotësisht të quhen luftëtarë të vërtetë. 24-vjeçari ia ka dalë të fitojë dy herë betejën me kancerin dhe tani është kthyer në një lojtar kyç të mbrojtjes së Atletik Bilbaos.

Klubi bask e ka mbështetur gjithmonë qendërmbrojtësin gjatë betejës me sëmundjen e rëndë. Në moshën 21-vjeçare Jeraj u diagnostikua me kancer në testikuj. Doktorët besuan se e kapën në sëmundjen në një gjendje të pazhvilluar dhe Alvarez u kthye në fushë një muaj më pas, por diagnoza ishte e gabuar.

Sëmundja u shfaq sërish dhe shumë e përkeqësuar. Pas gjashtë muajsh trajtimesh të vazhdueshme, Alvarez fiton betejën e dytë dhe ia del të rikthehet përsëri në skuadër. Së fundmi drejtuesit e Atletik Bilbaos i kanë plotësuar një ëndërr duke i siguruar një kontratë me kohëzgjatje 7-vjeçare, e gjitha kjo falë punës dhe vetëbesimit.

? Renovación de @yerayalvarez4 hasta ? 2026

¡Para nosotros sí que es un orgullo seguir contando contigo? !#AthleticClub #Yeray2026 pic.twitter.com/0boxXCEukP

— Athletic Club (@AthleticClub) July 18, 2019

Goditje e rëndë për Solskjaer, spanjolli largohet me parametra zero

Sport Ekspres — Fri, 26 Apr 2019 13:55:48 +0000

Ander Herrera do të largohet në fund të sezonit nga Mançester Junajtid pas 5 sezoneve të kaluara në “Old Trafford”. Mesfushorit spanjoll i përfundon kontrata në verë, ndërkohë që nuk u arrit marrëveshja e rinovimit.

Një goditje e rëndë për trajnerin Solskjaer, i cili e cilëson Herrerën lojtar kyç për skemat e tij. Prej kohësh është përfolur për një akord me PSG. Diçka e tillë është e vërtetë dhe 29-vjeçari do të transferohet në kryeqytetin francez sezonin e ri, sipas konfirmimit të “RMC”.

Atletiko e Bilbaos, klub ku basku u lind dhe u rrit, tentoi deri në fund që ta bindte Herrerën të rikthehej aty ku luajti tre sezone, por lojtari zgjodhi të vazhdojë karrierën me ekipin e gjermanit Tuhel.

VIDEO | Asisti i portierit bask dhe… rekordi i shekullit!

Sport Ekspres — Tue, 08 Jan 2019 21:07:22 +0000

Atletik Bilbao e nisi vitin 2019 me një fitore tepër të rëndësishme në një transfertë të vështirë si ajo e Selta Vigos. Golat e Munian dhe Uilliams i siguruan tre pikë të rëndësishme ekipit bask, që ka kaluar Vijarealin dhe për momentin renditet jashtë zonës së rrezikut.

Pjesa e parë u mbyll në barazim 1-1, ndërsa Inaki Uilliams shënoi golin e fitores në minutën e 54-ët. Sulmuesi mori një asist fantastik nga portieri Iago Herrerin dhe ndëshkoi vendasit.

Siç raporton “OptaJose”, 30-vjeçari vendosi një rekord të bukur me pasimin e tij të kthyer në gol nga shoku i skuadrës, duke u bërë kështu portieri i parë i Bilbaos, i cili dhuron një asist në shekullin e 21 në kampionat.

Diçka surprizuese dhe shumë e bukur, ndërsa djemtë e trajnerit Garitano shpresojnë të vazhdojnë me fitore dhe t’i largohen sa më shpejt zonës së ftohtë të tabelës.

1 – Iago Herrerin is the first @Athletic_en goalkeeper to assist a @LaLigaEN goal in the 21 century. Surprising. pic.twitter.com/H2HwmxQEUU

— OptaJose (@OptaJose) January 7, 2019

It was @Williaaams45 who made the difference for @Athletic_en! ??

? Highlights #CeltaAthletic pic.twitter.com/ANuyvMBPYu

— LaLiga (@LaLigaEN) January 7, 2019

VIDEO | Metodë e re për 11-metërshat, Aduriz i habit të gjithë

Sport Ekspres — Sun, 23 Dec 2018 20:12:45 +0000

Atletik Bilbao nuk po kalon një moment të mirë këtë sezon, ku ecuria e baskëve ka lënë shumë për të dëshiruar. Aktualisht, ata ndodhen në vendin e 17-të të renditjes së La Ligës, vetëm një pikë më shumë se zona e ftohtë, që të dërgon në Segunda Division.

Një natë më parë, Bilbao priste në shtëpi Vajadolidin, në një sfidë që paraqitej e rëndësishme, për vetë pozitat në renditje. Baskët zhgënjyen, ku nuk shkuan më shumë se një barazim 1-1, duke zhgënjyer akoma më shumë tifozët e pranishëm.

Gjithsesi, diçka pozitive ishte goli i Aritz Aduriz, i cili shënoi nga pika e bardhë, në fundin e pejsës së parë. Veçantia e golit ishte mënyra e ekzekutimit të 11-metërshit nga ana e sulmuesit, i cili përdori një teknikë që zor se është parë më parë. Aduriz në momentin që vendosi topin, bëri një veprim për të treguar që do të merrte vrull për goditjen, por gjuajti menjëherë, duke shtangur portierin mik.

VIDEO | Bilbao në krizë, vetëm “X” me Getafen

Sport Ekspres — Sun, 25 Nov 2018 13:08:35 +0000

Athletik Bilbao po përjeton një krizë të thellë, pasi prej 12 ndeshjesh në La Liga nuk di të fitojë. Këtë herë është ndalur 1-1 në shtëpi me Getafen dhe është në rrezik për të rënë një kategori më poshtë.

Një takim i kontrolluar më së shumti nga baskët, që arritën të shënonin me Naloskoain. Një krosim i Benat është shfrytëzuar nga lojtari i Bilbaos, i cili me kokë e dërgoi topin drejt e në rrjetë. pati një çlirim për momentin te vendasit.

Gjithsesi festa ka zgjatur pak, pasi dhjetë minuta më pas ishte Mata ai që e dërgoi topin në rrjetë për Getafen dhe i barazoi shifrat në 1-1. Bilbao nuk pati fuqi të shënonte sërish dhe u mjaftua me një pikë.

Bilbao mbetet vendin e 18-të në renditje, me vetëm 11 pikë të grumbulluara pas 13 ndeshjes në kampionat. Vendi i fundit ka vetëm katër pikë më pak, çka tregon se sa rrezikojnë baskët këtë sezon.

Athletik Bilbao-Getafe 1-1
Shënues: Naloskoain 67’ / Mata 77’

Thyhet rekordi i Alisonit, Kepa bëhet portieri më i shtrenjtë në botë

Sport Ekspres — Wed, 08 Aug 2018 08:49:50 +0000

Kepa Arrizabalaga është lojtari më i ri i skuadrës së Çelsit. Në mëngjesin e sotëm është zyrtarizuar dhe kalimi i “gardianit” nga Atletiko Bilbao tek Çelsi. Një lëvizje e madhe që vendos një rekord të ri sa i përket transferimit të një portieri.

Plot 80 milion euro ka qenë shifra që kanë paguar “Blutë” e Londër për portierin 23-vjeçar. Spanjolli kishte nënshkruar dhe për 5 vite të tjera me skuadrën baske, por skuadra e Sarrit u detyrua që të bënte një sforco financiare, pasi Kurtua donte largimin me çdo kusht. Kepa pritet që të përfitojë rreth 6 milion euro në sezon në Londër, 2 milion më shumë se në Spanjë. Pasditen e sotme, portieri i ri do të bashkohet me ekipin.

Kepa bëhet kështu portieri më i shtrenjtë në historinë e futbollit, pasi thyen rekordin e vendosur nga Alison këtë merkato, i cili u transferua nga Roma tek Liverpul për shifrën e 72,5 milion eurosh.

Në këtë mënyrë është hapur mundësia që Kurtua të largohet tek real Madrid, me kampionët e Europës që janë gati të paguajnë 35 milion euro për “gardianin”, të cilit i përfundon kontrata verën e ardhshme.

Mbrojtësi me tumor, Atletik Bilbao bën një gjest unik

Sport Ekspres — Fri, 07 Jul 2017 13:43:17 +0000

Atletik Bilbao është një klub i veçantë, i famshëm në gjithë botën për faktin se historikisht luan vetëm me futbollistë baskë ose origjinë baske, duke refuzuar të bëhet pjesë e tregut dhe afrimit të lojtarëve të huaj.

Këto ditë Atletik ka përfunduar në qendër të vëmendjes për një iniciativë të bukur si shenjë solidaritet ndaj mbrojtësit Jeraj Alvarez.

22-vjeçari, titullar me Atletik, ka bërë një operacion para pak kohësh për të hequr një tumor në testikul, por tumori është kthyer sërish. Tani Alvarez duhet të fillojë sërish kemioterapinë dhe do të mungojë disa muaj në skuadër.

Shokët e tij kanë vendosur të qethen të gjithë zero, për t’u solidarizuar dhe për të mbështetur futbollistin e pafat.

¡Estamos contigo, @yerayalvarez4 ! #EutsiYeray pic.twitter.com/9MMSP1zrnG

— Athletic Club (@AthleticClub) July 7, 2017