Astrit Hoxha

Përfundon telenovela e debateve në Shijak, drejtori Hoxha merr vendimin!

Sport Ekspres — Mon, 28 Jan 2019 11:46:59 +0000

Dje pasdite ka përfunduar me një marrëveshje debati i nisur ditë më parë mes Kryetarit të Bashkisë së Shijakut, Ardian Kokomani, dhe drejtorit të sporteve në këtë bashki, Astrit Hoxha. Ky i fundit e kishte kundërshtuar ditë më parë shefin e tij në bashki, pasi ai kishte dhënë disa leje kalimi futbollistëve të veçantë pa e pyetur drejtorin. Sipas Hoxhës, këto nuk i shërbejnë skuadrës dhe futbollit shijakas, por fushatës elektorale që nis muaj më vonë.

Për këtë arsye ka rreth katër ditë që vazhdojnë debatet mes tyre, madje edhe me ndërmjetës për ti qetësuar palët. Por burime zyrtare pranë Bashkisë konfirmuan sot për SportEkspres.com, se nuk ka dalë “tym i bardhë”. Astrit Hoxha nuk e ka duruar këtë sjellje të kryebashkiakut dhe ka menduar largimin, një formë e moderuar kjo, kur kujtojmë se mes tyre debatet kanë qenë shumë të forta.

Burimi në fjalë konfirmon se në vazhdim nuk do të ketë njeri tjetër në krye të sporteve në Bashkinë e Shijakut, ndërsa kryetari Kokomani ka caktuar shefin e klubit Altin Keçi që ta zëvendësojë Astrit Hoxhën. Erzeni renditet në vendin e 2-të në Grupin A të Kategorisë së Parë me 28 pikë, 7 pikë larg Vllaznisë të vendit të parë, të cilën e pret në Shijak më 2 shkurt, në sfidën e javës së 15-të.

AGRON KAJA

Dënimi i Erzenit, reagon Hoxha: Vendim i ekzagjeruar, nuk gjendet e drejta me arbitrat!

Sport Ekspres — Thu, 20 Dec 2018 16:09:53 +0000

Erzeni është dënuar nga Komisioni i Disiplinës pas problemeve në ndeshjen me Dinamon. Klubi nga Shijaku do të duhet të gjejë një stadium tjetër për të luajtur ndeshjet si pritës dhe jo vetëm kaq: në katër takime do të luhet pa praninë e publikut.

Veç dënimit si klub, administratori Astrit Hoxha është dënuar me tetë ndeshje. SportEkspres.com ka kontaktuar me vetë zyrtarin e Erzenit, i cili ka paralajmëruar se do ta apelojnë vendimin e marrë nga Disiplina.

“Ky është vendimi i ekzagjeruar nga ana e FSHF-së. Nuk kemi se çfarë të bëjmë. Mendojmë ta apelojmë. Unë kisha të drejtë morale në protestën time ndaj gjykimit. Por e shoh se askush nuk e gjen të drejtën me arbitrat. Ne do ta vazhdojmë garën me të njëjtat synime, dënimet nuk na largojnë nga e drejta jonë”, u shpreh Hoxha.

VENDIMET E DISIPLINËS PËR SHIJAKASIT– Zyrtari i KF “Erzeni”, Astrit Hoxha, për sjellje jo sportive ndaj zyrtarëve të ndeshjes duke përdorur fjalë ofenduese, në bazë të nenit 49/2/a) të KDS, dënohet me 8 (tetë) ndeshje pezullim nga aktiviteti. Në bazë të Nenit 20 të KDS, zyrtarit i ndalohet qëndrimi në dhomat e zhveshjes, stoli i rezervave dhe territori përreth fushës së lojës.

KF “Erzeni”, për dështim në përmbushjen e përgjegjësive në organizimin e ndeshjes kundër KF “Dinamo”, duke lejuar futjen e personave tej numrit të lejuar nga Rregullorja e Aktivitetit, në bazë të Nenit 64, 65/2 të KDS dhe 128 të Rregullores së Aktivitetit të Kat.Superiore dhe Kat.Parë, dënohet me zhvillimin e 4 (katër) ndeshjeve në fushë asnjanëse dhe pa spektatorë, në të cilin përfshihet edhe dënimi i mëparshëm.

Erzeni drejt privatizimit, drejtori Hoxha zbulon tratativat

Sport Ekspres — Tue, 04 Dec 2018 14:42:03 +0000

Nisur nga projekt ligji për përcaktimin e formës dhe të formulës së privatizimit të klubeve sportive në vendin tonë, të gjitha klubet e futbollit në Kategorinë e Parë po synojnë që brenda këtij edicioni sportiv të jenë konformë këtij ligji.

Edhe në FK Erzeni kjo punë ka nisur, por sipas drejtorit të klubit Astrit Hoxha, në fillimin e vitit 2019, klubi do të kthehet në Sh.a. “Në këtë sezon ne nuk kemi patur probleme në klub, si ato financiare, ashtu edhe të vazhdimësisë. Por edhe pse ky funksionim me mbështetje nga Bashkia për ne ka qenë i suksesshëm, Erzeni është drejt privatizimit të klubit”, kështu deklaroi drejtori i FK Erzeni për Sportekspres.com.

Situata në renditjen e Grupit B nuk përbën problem për ta rivalizuar Vllazninë që komandon kreun, ndaj Astrit Hoxha thekson se Erzeni do të jetë një “nëndetëse” për të arritur këtë synim. “Ne nuk po ndjehemi, i kemi marrë të gjitha ndeshjet me vlerësim maksimal, e do të thoja se po tregohemi si një “nëndetëse” që në kohën e duhur do të dalim atje ku synojmë, në kreun e renditjes”.