Numri 13 është tërhequr nga klubi në nder të Astorit ndërsa sot, klubi i Fiorentinës ka marrë një tjetër vendim. Siç raportohet nga mediat, Fiore i ka ofruar kontratë të përjetshme familjes së Astorit, të cilët do të përfitojnë përgjithmonë rrogën që Astori merrte.

Një gjest i madh nga klubi vjollcë dhe këto para do të shkojnë te familja e ish-kapitenit të tyre, që ka lënë pas nje vajze të vogel, Viktorian dhe bashkëshorten e tij, Francesken.

 

View this post on Instagram

 

Fiorentina have reportedly decided to renew Davide Astori’s contract for life with the salary going to his family, and will also help his children in the future. What an incredible gesture. Rest in Peace Davide. ?

A post shared by SPORTbible (@sportbible) on Apr 5, 2019 at 6:51am PDT

Sipas hetuesve, dy mjekë, Françesko Stagno e Xhorxhio Galan, janë përgjegjës për vrasje pa dashje. Stanjo, drejtor sanitar në Institutin mjekësor të sportit në Kaliari, dhe Galanti, drejtor sanitar i Qendrës së referimit të mjekësisë në sport në Firence, akuzohen për dhunim të “protokolleve kardiologjike për gjykimin e aftësisë fizike për t’u marrë me sport”.

ASTORI, SHKAQET E VDEKJES DHE HETIMI – Vdekja e papritur e mbrojtësit u shkaktua nga një “kardiomiopati aritmogjende diventrikolare”. Stanjo , në vitin 2014, kishte lëshuar një certifikatë që vërtetonte se lojtari fizikisht ishte i përshtatshëm për të luajtur futboll. Megjithatë, hetimet kanë evidentuar disa probleme në kontrollet të cilave u ishte nënshtruar lojtari, por problemet nuk u përmendën në raportin final.

Ndërkaq, Galanti akuzohet për certifikatat që ka lëshuar në vitet 2016 e 2017, sepse në këto kontrolle kishin dalë në dritë aritmi kardiake në provat e sforcimit.

Si Stanjo, ashtu edhe Galanti, akuzohen se nuk kanë kryer kontrolle të thelluara për origjinën dhe arsyet e problemeve të shfaqura. Sipas prokurorisë, nëse patologjia do diagnostikohej në fazën fillestare, mbrojtësi do ishte detyruar të linte futbollin dhe do ishte frenuar sëmundja.