Aston Vila

Aston Vila për t’u marrë shembull, projekton goditjen e bujshme

Sport Ekspres — Sat, 20 Jul 2019 16:07:13 +0000

Kjo merkato, nuk ka parë vetëm emrat e mëdhenj të futbollit të bëjnë shpenzime, por dhe një skuadër si Aston Vila. E ngjitur këtë sezon në Premier Ligë, skuadra anglez vazhdon të jetë aktive në merkato, madje ka filluar të rivalizojë edhe me ekipe “Big” për firmat e disa lojtarëve.

Siç raporton SkySport, ekipi nga Birmingami ka përgatitur një ofertë prej 10 milionë eurosh për futbollistin Mahmoud Hasan, ose i njohur ndryshe me emrin Trezeguet. Futbollisti i kombëtares së Egjiptit është një nga lojtarët më të mirë të futbollit afrikan dhe aktualisht, mbron ngjyrat e Kasipasës në Turqi, aty ku u transferua nga ekipi i Anderlehtit.

24-vjeçari kërkohej me ngulm edhe nga Ajaksi, por kampionët e Holandës po presin shitjen e Zijesh, i cili vazhdon të mbetet në Amsterdam. Duket se Aston Vila do të sigurojë një lojtar shumë cilësor dhe për vetëm 10 milionë euro, kjo është padiskutim një goditje e zgjuar.

Aston Vila tjetër nivel, tenton kampionin e Evropës

Sport Ekspres — Fri, 19 Jul 2019 19:50:14 +0000

Aston Vila luante në Championship sezonin e kaluar, por këtë verë është klubi që ka harxhuar më shumë në merkato. Anglezët kanë shpërthyer, duke kaluar tavanin 100 milionëve dhe thyer rekordin e historisë se klubit.

Së fundmi, mediet ishullore raportojnë se drejtuesit e klubit nga Birningami kanë hyrë në bisedime për të sjellë në gjirin e tyre Daniel Starrixh. Sulmuesi aktualisht është lojtar i lirë, pas përfundimit të kontratës me Liverpulin ku qëndroi 6 vite.

Për momentin 29-vjeçari është i pezulluar për 6 javë nga aktivitet sportive pasi u vërtetua se është fajtor mbi akuzat për pjesëmarrje në baste. Ardhja e tij te Aston Vila do të shtonte shumë cilësi dhe do e rriste mjaft nivelin ofesniv të skuadrës.

“Mbretërit” e merkatos, shpenzimet e Aston Vilës janë të llahtarshme

Sport Ekspres — Sat, 13 Jul 2019 15:11:22 +0000

Klubi më aktiv i merkatos së verës në Angli nuk ka qenë asnjë prej ekipeve në pjesën e sipërme te tabelës. Të sapo ngjiturit e Aston Vilës kanë zgjedhur të mos presin deri në javët e fundit të merkatos, duke kryer të gjitha blerjet me shpejtësi rrufe.

Deri më tani Aston Vila ka shpenzuar më shumë se çdo klub tjetër në Angli. Plot 93 milionë euro për shtatë lojtarë. Rekordin e mban sulmuesi brazilian Uesli, i cili u ble nga belgët e Klub Bruzh për 25 milionë euro. Faturë të kripur mban edhe mbrojtësi Mings, i cili u transferua në Midlends nga Bornmuth për 23 milionë euro .

Të të rinjtë anglez Target dhe Konsa kanë kushtuar 29 milionë euro së bashku, 20 milionë të tjera kanë kushtuar kartonët e El Gazit, Zhotës, dhe Kortni Hauz. Krahas emrave të përmendur, Aston Vila është duke mbyllur marrëveshjet për mesfushorin e Sitit Duglas Luiz dhe mbrojtësin e Reims Bjorn Engels, të cilët së bashku kanë një kosto pre 25 milionë eurosh.

Siti fillon spastrimet, arkëtohen 23 milionë nga dy lojtarë

Sport Ekspres — Sat, 13 Jul 2019 10:02:08 +0000

Mançester Siti ka filluar spastrimet për sezonin e ri. Dy lojtarë e parë që do t’i largohen kampionëve të Anglisë janë braziliani Duglas Luiz dhe futbollisti anglez Fabien Delf, i cili gjatë viteve të fundit është aktivizuar më së shumti si mbrojtës i majtë.

Për 29-vjeçarin Delf është arritur një akord me Evertonin. Klubi nga qyteti i Liverpulit ka rënë dakord të paguajë 8 milionë paundë për kartonin e 29-vjeçarit, i cili largohet nga “qytetarët” pas katër vitesh bashkëpunim.

Fabian Delf

Mesfushori 21-vjeçar Duglas Luiz do transferohet te Aston Vila. Skuadra nga qyteti i Birmingemit ka rënë dakord të paguajë 15 milionë paundë për mesfushorin brazilian. Luiz u ble nga Siti dy vite më parë nga Vasko De Gama për 10 milionë paundë, por gjatë të gjithë saj kohe ka qëndruar në huazim te katalanasit e Zhironës.

Duglas Luiz

“Ndaloni së qari”, kundërshtarët “thumbojnë” ekipin e Lampard

Sport Ekspres — Mon, 27 May 2019 17:14:26 +0000

Aston Vila është ekipi i tretë pas Noruiç dhe Shefilld Junajtid, që ngjitet në elitën e futbollit anglez. Skuadra nga Birningemi arriti të mundë në finalen e “Play-Off” për një vend në Premier Ligë, ekipin e drejtuar nga Frenk Lampard, Derbi.
Pak minuta pas kësaj ndeshjeje Lids Junajtid, ekip i eliminuar më parë nga Derbi në play-off thumboi në “Twitter” tifozin e Derbit dhe këngëtarin e famshëm Niall Horan, i cili ishte tallur disa javë më parë me Lids pas eliminimit. Në postimin e Lids shkruhet: “Shpresojmë që ti ke performuar më mirë se Derbi. Shihemi sezonin e ardhshëm. Ndalo së qari.”

? Hopefully you performed better than @dcfcofficial! See you next season! #StopCrying https://t.co/YHYJciXGvg

— Leeds United (@LUFC) May 27, 2019

Stramaçioni drejt një tjetër aventure, kontakte me ekipin anglez

Sport Ekspres — Wed, 26 Sep 2018 17:21:12 +0000

Andrea Stramaçioni provoi eksperiencën çeke në sezonin që u mbyll, ku drejtoi Spartën e Pragës, por pa arritur të lërë gjurmë dhe klubi e shkarkoi në mars të këtij viti.

Ish-trajneri i Interit dhe Udinezes pëlqehet në Angli dhe është klubi i Aston Vilës, që po mendon për t’i ofruar një kontratë 42-vjeçarit italian. Klubi nga Birmingami ndodhet në vendin e 13-të në divizionin e dytë të futbollit anglez dhe është shumë larg objektivit për t’u rikthyer në Premier Ligë.

Trajneri Stiven Brus rrezikon postin e tij dhe Stramaçioni mund t’i zërë vendin. Tratativat mes Aston Vilës dhe trajnerit italian kanë nisur dhe në ditët në vijim do të qartësohet gjithçka.