Në intervistën e dhënë për emisionin “Gol pas Goli” në “Supersport”, mesfushori kryeqytetas foli për ecurinë e ekipit, ndërsa në një moment lëshoi dhe një mesazh për trajnerin Mema në lidhje me minutat e pakta që ai ka marrë gjatë muajve të fundit duke thënë: Jam aktivizuar pak këto kohët e fundit, koha do e tregojë nëse ka qenë e drejtë ose e padrejtë .

GOLI – “Është një ndjesi e veçantë kur shënon dhe shkon në finale. Plus që dhe goli ishte shumë i bukur, nuk e prisja të shënoja në atë mënyrë”.

ECURIA – “Ne i kemi parë këto ndeshjet e fundit si ndeshje radhe. Fituam me Korçën këtu, tani arritëm dhe finalen. Tani po shohim derbin, nga sot po mendojmë për Partizanin. Derbi është fryrë shumë, por është vetëm një ndeshje, ku ne do të synojmë tri pikët”.

LOJA – “Edhe unë personalisht, loja nuk më pëlqeu shumë. Shënuam nga shumë lojtarë, loja pati rrjedhshmëri, bëmë mirë në sulm. Por ishim të vrazhdë në mbrojtje dhe jam dakord me pakënaqësitë e trajnerit”.

DEDIKIMI – “Në radhë të parë, doja të tregoja që golin ia dedikoj Ilionit (Likës). Ai më ka qëndruar pranë gjatë gjithë kohës kur nuk kam luajtur, koha do e tregojë me të drejtë a të padrejtë. Edhe sot më tha që do të shënoj, madje me shaka më tha që do shënoj me roveshatë. Prandaj ia dedikova atij golin”.

SEZONI – Gjatë gjithë sezonit, kemi bërë shumë, por ende asgjë. Kemi arritur në finale, por nëse nuk fitojmë, është një asgjë. Edhe në kampionat, duhet të fitojmë këto dy ndeshje dhe të jemi rehat. Kemi qenë në presion, kemi marrë gola në fund gjatë gjithë sezonit dhe kjo gjë vjen nga presioni i tepërt”.

DERBI – “Partizani e meriton të jetë aty ku është, por në derbi nga vetë klasifikimi, ne e kemi më të nevojshme fitoren. Pastaj rezultatin e di Zoti, ne duhet të bëjmë maksimumin. Duhet të rikuperojmë gabimet dhe nuk besoj se Partizani, por asnjë ekip tjetër, të na falë ndeshjen”, përfundoi Daja.

PRAG NDESHJA – “Tifozeritë janë të zjarrta, por besoj se midis futbollistëve gjithçka është “FairPlay”. Marrëdhëniet mes lojtarëve janë të mira. Personalisht, duke qenë se kam qenë pjesë edhe e Partizanit, nuk kam asnjë luftë jashtë asaj sportive”.

DERBI – “Ndeshja është diçka tjetër, kur futesh në fushë është diçka tjetër, ndryshe nga kafet dhe restorantet”.

TIFOZËT – “Në fakt, nuk isha aty në momentin e tifozëve, por jam i bindur që të gjithë janë në mbështetje të Tiranës. Paqja mes dy palëve do të vijë pas fitores”,- u shpreh Daja.

Gjithsesi stafi po mundohet që ta fokusojë ekipin te ndeshja e radhës, që në fakt është si një finale. Nisur nga kushtet në të cilat ndodhet Tirana, humbja është palejueshme. Dy ndeshje në vijim janë mjaft të vështira, pasi presin Skënderbeun dhe më pas është radha e derbit me Partizanin.

Me korçarët për më tepër do të luhet pa tifozë, pasi Komisioni i Disiplinës pritet t’i dënojë 24 herë kampionët e vendit për futjen e tifozëve në fushën e blertë pas përfundimit të ndeshjes me Kukësin.

GJENDJA NË SKUADËR – Dejan Blazhevski është një nga problemet e Tiranës. Sulmuesi maqedonas do të vijojë të mungojë, ashtu si Dorian Kërçiku. Nëse ky i fundit do të jetë gati pas pushimit të kampionatit, nuk mund të thuhet e njëjta gjë për Blazhevksin.

Oduamadi gjithashtu ka mbetur jashtë prej kohësh  jashtë për shkak të një dëmtimi në shpatull. Nga infermieria ka dalë vetëm mbrojtësi Marvin Turtulli. Ai është bashkuar me grupin dhe do të jetë gati për ndeshjen me Luftëtarin.

Por në mesfushë ka një mungesë të rëndësishme. Asion Daja u ndëshkua me karton të verdhë (i katërti për mesfushorin) në takimin me Kukësin dhe nuk do të udhëtojë drejt Gjirokastrës për shkak pezullimi. Toni Mauexhe në këtë mënyrë pritet të rikthehet në formacion.

SEKRETI I MOTIVIMIT – “Derisa nuk e zbuloi profesori, as unë nuk do e bëj. mendoj se do e shihni në fushë nesër. Shpresojmë për një rezultat pozitiv. Ndoshta pas ndeshjes do e zbulojmë”.

NDRYSHIMI I TRAJNERIT – “Edhe profesori, edhe ne e kemi pasur pak të vështirë. Ekipi kishte një ngërç psikologjik. Pushimi na shërbeu dhe mendoj se jemi në rrugën e duhur. Ne na çliron vetëm fitorja, ose rezultati pozitiv. Sa ndikon ndryshimi i trajnerit? Kjo shihet me rezultate. Ato e tregojnë. Nuk mund të flas tani përpara. Tani trajner shqiptar? Ka ndryshim, pasi kur vjen një shqiptar e njeh më shumë kampionatin, kundërshtarët dhe ekipin e vet. Kjo është pozitive, jo se ka punuar keq Ze Maria”.

PLAYMAKER – “Ndoshta nuk është ashtu formacioni. E ndryshojmë ditën e ndeshjes, është për të hutuar kundërshtarin (qesh)”.

OBJEKTIVI – “Mjaftojnë ndeshjet e mbetura, por në kampionatin tonë një fitore ndryshon renditjen dhe të jep besim. Janë të mjaftueshme tre fazat e mbetura”.

HARMONIA – “Nuk është e vërtetë që nuk ka harmoni. Problemi është se del gjithçka ndodh, transformohet dhe fryhet. Prandaj duket jashtë sikur nuk ka harmoni, por në fakt këtu ka harmoni më shumë se në ekipet e tjera”.

Daja ndihet keq për zhgënjimin e tifozëve dhe nuk i mbetet veçse të pranojë dhe respektojë vendimet e tranerit, ndërsa raporti i lojtarëve me të është profesional dhe korrekt.

Zhgënjimi për humbjen – “Normal që jemi të zhgënjyer, na vjen keq për sportdashësit, të cilët i zhgënjyem, por bëmë gabime dhe këto sfida fitohen nga ai që gabon më pak.”

Spostimet taktike – “Janë zgjedhje të trajnerit dhe ne do të bëjmë më të mirën, aty ku na vendos trajneri. Ishte surprizë për mua pozicionimi në krah, por duhen zbatuar urdhrat e trajnerit.”

Atmosfera e vakët në ekip – “Po është e vërtetë, kishte lojtarë të huaj dhe të rinj, të cilët luanin një ndeshje derbi për herë të parë. Na duhej më shumë teknikë, forcë dhe grinte. Trajneri u  të hidhte më të mirët në fushë, por kështu shkoi loja.”

Gabime të Tiranës, apo forca e Partizanit? – “Nuk ishte Partizani më i fortë, por lojtarët e huaj dhe të rinj nuk janë përshtatur 100%. Kanë cilësi, por nuk kanë dalë akoma në lojën e tyre.”

Aspekti i rënduar psikologjik – “Siç e thashë më parë, u munduam t’i bëjmë të gjitha gjërat, por nuk ia dolëm. Ishim pak me vonesë, por janë shumë gjëra që ndodhen. Nuk di çfarë komenti të jap, sepse sapo ka mbaruar ndeshja.”

Raportet trajner-lojtar – “Janë raporte normale si çdokund tjetër. Vendimet e trajnerit respektohen dhe kemi raporte pune, korrekte dhe profesionale. Këtë jemi përpjekur të bëjmë.”