Ylli i të bardhëve në një duel me Obamejang ka përfunduar me thyerje të ligamentit të gjurit. Kjo do të thotë se ky sezon, për të nuk do nisë kurrë. E madhe keqardhja nga të gjithë, përfshirë edhe Zinedin Zidan.

Francezi ka vënë duart para syve për të mos e parë yllin e ekipit të tij në atë gjëndje, si ta dinte se ky sezon kishte përfunduar për të. Hidhërim i madh për 23-vjeçarin, që tani i duhet mbështetja e të gjithëve.

Zidane’s reaction says it all. So does Asensio’s ? ? pic.twitter.com/UUpwEhCmvc

— RMadridHome (@RMadridHome_) July 24, 2019

A close look at Asensio’s injury that may force Zidane to eat his own words and keep Gareth Bale… pic.twitter.com/B5eIRFeEww

— Douglas (@iamdouglaseze) July 24, 2019

Analizat e mjekësore zbuluan shkallën e rëndë të dëmtimit. Këputje e ligamentit të kryqëzuar dhe traumë në menisk, dëmtime këto që duan mesatarisht 7 muaj kohë për t’u riaftësuar plotësisht.

Trajneri Zinedin Zidan u shpreh shumë i mërzitur për dëmtimin e 23-vjeçarit. Në momentin e shoqërimit me barrelë jashtë fushe Zidan mbuloi sytë me duar, duke mos preferuar të shikonte lojtarin e tij në agoninë e dhimbjeve.

A close look at Asensio's injury that may force Zidane to eat his own words and keep Gareth Bale… pic.twitter.com/B5eIRFeEww

— Bigdawg (@avndon_) July 24, 2019

I pyetur nëse Asensio dhe Bejl do të largohen, Zidan nuk ngurroi të thotë publikisht se e ardhmja e Asensios është vetëm të “Los Blancos”, ndërsa për Bejl nuk pati asnjë koment. Nurmi 20 i “Galaktikëve” bëri një sezon të shkëlqyer vitin e shkuar, por në këtë sezon aktual, ka qenë shumë larg potencialit të tij.

Megjithatë, Zidan është i bindur se Asensio do të jetë lojtari kyç i Realit të Madridit në sezonin e ardhshëm, ndërsa për Bejl, me shumë gjasa do të rikthehet në Premier Ligë, ku po flitet për një shkëmbim të bujshëm mes tij dhe Kristian Eriksen.

Gjyshja holandeze e futbollistit kishte qenë e ftuar speciale në këtë takim, ku pa nipin e saj të shënonte.  Në fund të ndeshjes e moshuara takoi Asension dhe përveç komplimenteve e puthjeve të shumti, ajo bëri dhe një shaka që shkriu të gjithë pranishmit”

Gjyshja: “Marko hajde më tako më shpesh.”

Asensio: “Kur të mbarojë shtëpia e re?”

Gjyshja: “Jo jo jo, s’mund të vonohesh kaq shumë kësaj here. Të lutem jo, ndoshta s’do të jem gjallë deri atëherë”, tha gjyshja me shaka duke bërë që të gjithë të pranishmit që kuptonin gjuhën holandeze të shkriheshin në të qeshura.

U duk si një seancë stërvitore, me ekipin e Realit që shënoi 3 herë në pjesën e parë. Deri në minutën e 33-të ,miqtë rezistuan, por më pas ishte Asensio që shënoi 2 herë në më pak se 120 sekonda. Katër minuta më vonë ishte Havjer Sançez që shënoi golin e tretë. Sançez luan si mbrojtës dhe ka dalë nga akademia dhe për të ishte goli i parë me skuadrën e parë të Realit.

Isko e nisi me gol fraksionin e dytë, për t’i lënë më pas radhën edhe Vinisius Zhunjor për të gjetur rrugën e rrjetës. Melijas ngushtoi diferencën me anë të Kasmit me 11-metërsh, por Isko vulosi shifrat 6-1, duke realizuar dhe golin e dytë personal. Një ndeshje sa për statistikë për Realin, i cili përballë kishte një ekip gjysmë profesionist.

Belgu shihet si “ilaçi” për të harruar Ronaldon, i cili në anën tjetër ua bën dhe më të dhimbshme “galaktikave” duke bërë mirë në Itali. Siç raportohet nga mediat e huaja, ideja më e çmendur vjen nga Spanja, ku flitet se Real është gati që të japë dhe dy lojtarë, vetëm e vetëm që të marrë Hazardi në skuadër.

Jo vetëm një shifër e konsiderueshme të ardhurash, por për të Çelsi mund të marrë edhe kartonin e Kovaçiç, por të sigurojë dhe shërbimet e Asensios. Duket një ide tunduese dhe mjaft fitimprurëse për “blutë” e Londrës, por në merkaton dimërore mund të ketë diçka më konkrete. Edhe dëshira e Hazard është që të jetë pjesë e Realit, diçka që e ka lënë disa herë të nënkuptohet.

Në një intervistë me revistën “Panenka”, Asensio ka folur në imtësi për zhvillimin e tij nga ekipet zinxhirë të Majorkës, tek ekipi i parë dhe më pas te përvoja në Primera Divizion me Espanjolin e Realin.

Këshilla e Zidanit –  “Ai më thoshte përherë të mos e vrisja mendjen për gjërat që përfliteshin jashtë klubit. Kur je pjesë e Realit, je shënjestër për kritika në çdo moment. Zidan u tregua i drejtpërdrejtë, më dha: Fokusohu vetëm te futbolli, ke vuajtur shumë për të arritur deri këtu, mos e hidh poshtë gjithë atë mund”

Emocionet e Bernabeut – “Ndeshjet e Champions-it në Bernabeu më kanë shijuar më shumë se vetë fitimi i finales. Është diçka shumë e veçantë të kesh përkrahjen e të gjithë stadiumit në një momente të tilla, ai moment e bën të gjithë skuadrën me krahë. Është një ndjesi e mahnitshme” , përfundoi Asensio.

Mediat spanjolle kanë zbuluar prapaskenën e bujshme. Në vitin 2014, Barcelona dhe Majorka kishin rënë dakord për shumën e 4.5 milionë eurove për mesfushorin me tipare sulmuese, madje Asensio i emocionuar kishte kërkuar për shtëpi në zonën ku qëndron Lionel Mesi.

Por, në momentet e fundit të finalizimit të tratativës klubi nga Katalonja ishte tërhequr, pasi vendosën që të shpenzojnë 5.5 milionë euro për mbrojtësin e djathtë Dugllas.

Skuadra e drejtuar nga Zinedin Zidan mori një fitore të madhe kundër PSG-së në mesjavë për Champions League dhe me moral të lartë shkonte në Sevilje me synim të vetëm një fitore që do të mbante larg Seviljen e vendit të pestë.

Los Blancos konfirmuan se janë në formë spektakolare në sulm, por prapavija mbetet e brishtë. Asensio shënoi i pari, por në minutat 34 e 37 Betisi përmbysi gjithçka, edhe falë ndihmës së Naços, që shënoi autogol, para se Marselo të dilte për dëmtim.

Megjithatë, kampionët në fuqi reaguan shkëlqyeshëm pas pushimit, me Sergio Ramos që barazoi dhe Asension që dhuroi avantazhin, njëkohësisht goli numër 6000 i Realit në kampionatin spanjoll, si asnjë klub tjetër.

Në minutën e 65-të Ronaldo u fut në listën e shënuesve, duke gjetur golin e tetë në kampionat në vitin 2018, si asnjë tjetër në Spanjë.

Emocione në fund, sepse Betisi shkurtoi në 3-4 në minutën e 85-të, por në shtesë Benzema siguroi fitoren.

Mesfushori gjuajti nga jashtë zone dhe shtangu portierin mik në rastin e golit të dytë. Spanjolli gjuajti aq bukur, saqë komentatori Ray Hudson reagoi me gjithë fjalorin e tij të zgjeruar anglez dhe me një intonacion të pazakontë të zërit, duke lavdëruar talentin e “Los Blancos”.

https://www.youtube.com/watch?time_continue=17&v=653rDHnX1Yw

Ndeshja
Trajneri Zidan nuk luajti me të gjithë titullarët e tij, por llogaritë i kishte bërë mirë. Duhet pranuar se në minutat e para skuadra e tij dukej disi e çoroditur dhe plot tension, por shumë shpejt gjeti ritmin dhe nisën aksionet sulmuese. Për golin e parë duhej pritur deri në minutën e 41-të, kur Kasemiro provoi me kokë dhe kaloi në avantazh vendësit. I gjithë stadiumi festoi, sikur rivali i Realit të ishte Barcelona apo Bajerni. Pas pushimit të pjesëve, “Los Blancos” dolën në fushë me më tepër vetëbesim dhe talenti Asensio dyfishoi rezultatin me një gjuajtje spektakolare nga 30 metra. E majta e tij riktheu kujtimet e golave të verës, kur ai fitoi zemrat e të gjithëve me aftësitë e tij të radha. Për të vulosur fitoren mendoi Isko, i cili gjeti golin e tretë pas një asisti fantastik të Ronaldos. Po, portugezi ngeli thatë, por Reali mori një fitore shumë të rëndësishme, sidomos në aspektin psikologjik.

E diel, 5 nëntor 2017, në “Santiago Bernabeu”
Real M. 3
Las Palmas 0
Shënues: Kasemiro 41’, Asensio 56’, Isko 74’
Real M. (4-3-3): Kasija – Naço, Ramos, Vajeho, Marselo – Kros (Sevajos 78’), Kasemiro (Jorente 68’), Isko – Asensio, Benzema (Vaskes 75’), Ronaldo. Tr.: Zidan
Las Palmas (5-3-2): Lizoain – Mishel, Navarro, Lemos, Bigas, Kastejano – Gomez (Remi 64’), Kastejano, Akuilani (Santana 83’) – Kaleri. Vitolo. Tr.: Ajestaran
Gjyqtar kryesor: Sançez
Kartonë të verdhë: Isko, Kros / Navarro

Në 270 minuta, Ronaldo ka luajtur vetëm 31 të tilla, ndërsa në mungesë të tij është ngritur në piedestal një ndër talentet më të mëdhenj të Europës, Marko Asensio, i cili po tregon se nëse Ronaldo nuk është, Reali e ka zëvendësin e denjë.

Në Katalonjë Asensio u fut në fundin e takimit dhe shënoi një gol fenomenal në kundërsulm, kur Barça po sulmonte me të gjitha forcat për të barazuar. Në Bernabeu Asensio e nisi titullar dhe shënoi një gol edhe më fantastik, që në minutat e para të ndeshjes, me një predhë nga jashtë zone, me Ter Stegenin që nuk lëvizi fare.

Tashmë Asensio është princi i ri i Madridit dhe përgjigja e pyetjes: kush do e pasojë Ronaldon, që tashmë është 32 vjeç dhe nuk ka edhe shumë vite karrierë përpara?

Në sezonin e tij debutues në Bernabeu – pas 18 muajsh në huazim mes Majorkës e Espanjolit – Asensio është bërë zëvendësuesi perfekt, që ndryshon ndeshjet, duke treguar se ka të ardhme të madhe, sepse nuk është kurrë e lehtë të luash 10 ao 30 minuta dhe të jesh gjithnjë gati. E mbylli sezonin me 38 ndeshje të luajtura, 1.918 minuta, duke shënuar 10 gola, i fundit kundër Juventusit në finalen e Champions League. Ka shënuar në 4 nga 5 finalet që ka luajtur me Realin!

Tani Asensio e ka nisur aty ku e ka, duke bërë të qajë Barcelonën, që kishte e para opsionin e blerjes nga Majorka, por hoqi dorë dhe i hapi rrugë Realit. Barça dëshironte ta blinte për 2.5 milionë euro në dorë dhe 2 milionë të tjera në bonuse, Reali e bleu për 3,9 milionë euro, në dorë.

Pak muaj më vonë Barça e kuptoi gabimin, tani po e vajton atë, aq më shumë që apo ka humbur një lojtar jo dosido, një që quhet Nejmar.

Asensio mahniti edhe këtë verë në Europianin U-21 dhe kjo ka qenë arsyeja pse Reali është bindur plotësisht se ky 21-vjeçar nuk është një rastësi, nuk është një meteor që shkëlqen vtëm pak momente. Asensio ishte ndoshta edhe arsyeja e madhe pse Reali hoqi dorë nga Hames Rodriguez, një ndër investimet më të mëdha në historinë e klubi.

“Asensio është bërë një lojtar i madh dhe mund të bëhet një fitues i Ballon d’Or”, thotë Florentino Perez, një që duhet dëgjuar kur flet për Topin e Artë, sepse ka shumë të tillë në muzeun e Realit.

Emrin prindërit ia kanë vënë në nder të legjendës Marko van Basten, por me këto ritme, Markoja spanjoll shumë shpejt do të kthehet vetë në legjendë. Lajm i keq për Geret Bejlin: uellsiani dje e nisi nga stoli dhe tashmë tifozët adhurojnë Asension. Çfarë halli për trajnerin Zinedin Zidan!

Detaj i vogël, Asensio nuk ka rinovuar ende dhe klauzola për prishjen e kontratës së tij është vetëm 80 milionë euro! Rinovim, rritje page dhe ndonjë zero më shumë në klauzolën e prishjes së kontratës, kjo është urgjenca e Realit në këtë moment.

All of these goals by Marco Asensio are from the last 12 months, absolute filth. pic.twitter.com/GhKaX9y9QP

— Greed (@GreedMB) August 15, 2017

Sançez në Paris – Aleksis Sançez mbetet misteri i madh i merkatos së Arsenalit, sepse e duan shumë klube, por Arsenali nuk dëshiron ta shesë. Kiliani ka dëshirë të largohet, për të fituar, trofe dhe shumë para. Të paktën paratë ia garanton PSG-ja, që mund ta marrë nëse nuk ia del për Kilian Mbapenë. Ndërkaq, vetë Sançez nuk del hapur, por në Twitter bëri një gafë ditët e fundit, sepse iu përgjigj dikujt dhe doli që vendi nga shkruante ishte në Paris. Rastësi?

Lukas Perez largohet – Arsenali e bleu një vit më parë për rreth 15 milionë dhe tifozët e masakruan. Lukas Perez ishte një operacion i dështuar që në nisje, sepse tek Arsenali prisnin ndonjë emër të madh në sulm dhe jo një 27-vjeçar i cili luante tek Deportivo La Korunja. Tani Lukas Perez ka bërë gati valixhet: makthi i tij pritet të marrë fund në ditët e ardhshme dhe pikërisht Deportivo do të jetë destinacioni i ardhshëm, aty ku në sezonin 2015/2016 shkëlqeu, me 17 gola në 36 ndeshje.

21-vjeçari cilësohet si talenti më i madh në Spanjë dhe ka një klauzolë largimi prej 80 milionë eurosh, shumë pak kur merr parasysh faktin se Barcelona e ka shitur për 222 mln euro Nejmarin dhe ka plot para në arkën e saj.

Klauzola bën që katalanasit të mos kenë pse të negociojnë me presidentin Florentino Perez, por edhe kjo e ka një “ndoshta”. Shumë shpejt pritet që Asensio të rinovojë në “Santiago Bernabeu” dhe në kontratën e tij të re si madrilen klauzola e tij do të bëhet 350 milionë euro.