“Jemi stërvitur pa ndërprerje. Na pret një takim shumë i vështirë. Shpresoj që më ndihmën e stafit dhe djemve t’ia dalim në Azerbajxhan. Do të bëmë maksimumin për këtë”.

“Në minutat e para do t’i presim, pasi Karabak ka një super skuadër dhe ne duhet t’i sulmojmë me kundërsulm. Mendoj se kualifikimi është 50 me 50, edhe ne kemi skuadër shumë të mirë, përse mos t’ia dalim. Nuk ka rëndësi kush do shënojë golin vetëm të fitojmë”.

ASANI – “Futbollisti i Partizanit Jasir Asani nuk është në menaxhimin tim, por di që është parë nga një skuadër në hungareze që merr pjesë në Kupat e Europës. Erdhi një përgjigje shumë pozitive për kualitetin e lojtarit, por kishte një problem në thonjëza racist. Trajneri i tyre është serb dhe po kështu i gjithë stafi i tij dhe një pjesë e lojtarëve. Nuk e bënë përfundimtare që kjo ishte një problem, por logjika të çon që ata nuk e dëshirojnë diçka të tillë. Asani është në kontratë me Partizanin dhe ka një klauzolë largimi shifrën e secilës s’mund ta bëj të ditur”.

TIRANA DHE NGO – “S’mund të them se Tirana ka bërë lëvizje të mira për një arsye, sepse ka mbuluar kokën dhe është zbuluar nga poshtë. Me aq sa kam unë informacion Majkëll Ngo është pranë një transferimit te Lokomotiva e Zagrebit. Kontrata e tij 2-vjeçare me Tiranën ka përfunduar. Kam një informacion që midis menaxherëve të Dungës dhe presidentit Refik Halili ka pasur një bisedë dhe ka akord, por ka një problem pasi për lojtarin ka dhe një ofertë nga Kukësi”.

“Kam bërë detyrën time ashtu siç e bëja dhe me Vllazninë. Ne shkodranëve na ecën me skuadrat e kryeqytetit. Edhe Kukësi ka bërë një sezon të mirë, por ne kemi gabuar më pak”

TITULLAR PREJ MUNGESAVE –“Nuk e di a do të luajë nëse s’do të ishin mungesat. Mua mbetet të bëj punën time dhe besoj se kam justifikuar çdo herë që jam futur. Ky vendim është i trajnerit, nuk më takon mua”.

“Edhe golat me Vllazninë kanë pasur vlerën e tyre të veçantë, por dy golat në derbi ishin për titullin dhe prandaj më kanë shijuar më shumë”, përfundoi Çinari.

“Kur erdha unë te Partizani, kam thënë se Partizani do të synojë vetëm vendin e parë. Besojmë se e merituam krejtësisht titullin”.

“Tani për tani jam lojtari i Partizanit. Për momentin kam disa oferta që do i diskutoj me presidentin, së shpejti do ti merrni vesh. Nuk janë oferta nga kampionate të Ballkanit”.

“Kam pasur kontakte nga kombëtarja e Maqedonisë, por si çdo shqiptar unë dëshiroj të luaj për Shqipërinë, prandaj jam ende në pritje të një ftese”.

“Te Partizani ka qenë shumë e vështirë të fitoja titullin krahasuar me Vardarin. Atje ekipi ishte i mbushur me lojtarë me eksperiencë që kishin luajtur më parë në kampionate të ndryshme nëpër Europë, ndërsa te Partizani ishim një grup me shumë lojtarë të rinj në moshë”.

Me anë të një mesazhi të shpërndarë në llogarinë e tij në “Instagram”, sulmuesi u kërkon falje tifozëve për kartonin e verdhë dhe i fton të jenë sa më të shumtë në numër në ndeshjen derbi, ku të kuqtë mund të shpallen zyrtarisht kampion të Shqipërisë.

“Kemi bërë një kampionat shumë të mirë. Merita është e të gjithëve jo vetëm e imja. Të gjithë kemi bërë maksimumin që të jemi në vend të parë”

“Jemi përmirësuar të gjithë jo vetëm unë. Në ndeshjet trajneri na jep detyra të vështira, por duke thënë maksimumin kemi arritur t’ia dalim të fitojmë shumë herë. Kthimin në mbrojtje e kam pasur shumë problem, por ardhja e trajnerit Gega  më ka ndihmuar shumë”

“Kemi edhe shtatë ndeshje. Duhet t’i marrim ngadalë ngadalë një nga një, pasi akoma nuk kemi mbaruar. Sipas meje duhet të japim maksimumin dhe këto katër ndeshje”, përfundoi Asani.

Në intervistën në emisionin “Gol pas Goli” në “Supersport”, 31-vjeçari foli mbi kualifikimin në gjysmëfinalet e Kupës së Shqipërisë dhe penalltinë “famëkeqe”.

TEUTA – “Kanë qenë dy ndeshje të luftuara. Në ndeshjen e parë bëmë mirë deri në minutën e 75, më pas u tërhoqëm dhe ata na barazuan. Ishin dy takime të vështira dhe jemi të lumtur që kaluam në gjysmëfinale”.

PENALLTIA NDAJ ASANIT – “Normalisht që për mua nuk ka qenë aspak e lehtë, por ne jemi profesionistë. Është thënë se ka qenë një veprim i qëllimshëm, më kanë cilësuar sikur bëra vrasje të qëllimshme, u ndjeva i gozhduar. I pranoj kritikat e presidentit. Asanit bravo i qoftë që ma vodhi penalltinë. Ka qenë e vështirë nga ana psikologjike, por e rëndësishme është që njeriu të ngrihet”.

FUTBOLLISTI I PREFERUAR – “Mua më pëlqen vetëm Dibala”.

ÇELËSI I SUKSESIT – “Jemi një familje e fortë. Presidenti dhe i gjithë klubi i jep lojtarëve besim për të dhënë më të mirën.

FIRMA ME PARTIZANIN – “Në atë periudhë kisha oferta nga Partizani dhe disa klube të tjera të Superligës. Bisedova me familjen dhe zgjodha Partizanin. Besoj se është klubi me më shumë tifozë në Shqipëri”

NDRYSHIMI – “Edhe vitin e kaluar Partizani kishte ekip shumë të mirë, por këtë sezon jemi të gjithë si një familje, jemi një grup shumë i bashkuar”.

KUKËSI –“Renditja e tregon qartë se jemi ekip më i mirë se Kukësi. Në përfundim të ndeshjes isha shumë mërzitur, pasi kisha shansin për të shënuar golin e dytë”.

EKSPERIENCA TE VARDARI –“Kam pasur shumë futbollistë të mëdhenj te Vardari, si Goran Popov që më kanë ndihmuar për në fushë dhe jashtë saj. Isha i vetmi shqiptar, por stafi e presidenca më kanë trajtuar shumë mirë. Kam shumë respekt për të gjithë ata”.

STAFI TEKNIK – “Mendoj se stafi e bën shumë mirë punën e vetë, sidomos në stërvitje. Ne treshes së sulmit, na kanë dhënë shumë liri”.

INTERESI NGA KOMBËTARJA MAQEDONASE – “Po më kanë kërkuar, por nuk kam pranuar. Si çdo shqiptar kam pasur qejf të luaj për Shqipërinë. Ka qenë ëndrra ime. Me ndihmën e zotit besoj se do jem dhe unë së shpejti pjesë e ekipit shqiptar”.

E ARDHMJA TURKE – “Si të gjithë futbollistët edhe unë ëndërroj që të luaj në një kampionat evropian. Më pëlqen që të luaj në Turqi. Do të ketë oferta për mua, nuk dua të zbuloj emra, por në ndeshjen ndaj Kukësit kanë qenë duke më parë”.

“Penalltia? Cuculi vetë më tha vetë që ishte penallti. Ajo edhe me VAR ishte penallti. Nuk e di, ai rast ishte penallti, kushdo që të jetë, unë, Bardhi, dikush tjetër. Nuk është e thënë që isha unë edhe e vodha.

Ne kemi pasur shumë mungesa të rëndësishme. Telushi u dëmtua, Mala. Bardhi nuk ishte në 100% e tij. Megjithatë, të gjithë ata që ishin në fushë bënë një ndeshje të mirë. Unë isha shumë i sigurt që do të shënoja te penalltia, kisha besim shumë.

Mos të flasim që tani për titullin, pasi kemi dhe 9 ndeshje. Ka shumë skuadra të forta në Superiore dhe çdo sfidë është e vështirë. Ne të vazhdojmë kështu me këto ritme. Festimi? E kuptojnë ato sipër, pasi nuk duhet të flasin nëpër intervista se Partizanin e lëshojnë gjunjët. Gjunjët tanë janë shumë të sigurt dhe shumë të fortë.

Mendimi im është që lojtari më i mirë ende nuk jam unë. I gjithë grupi, i gjithë stafi, presidenti kanë bërë një punë të shkëlqyer. Nuk ka dallime të Partizani, por të gjithë punojmë për të qenë të suksesshëm dhe për të fituar” tha Asani.

Në një foto të hedhur në “Instagram”, 23-vjeçari shfaqet në stadiumin e Kamzës dhe në mbishkrim ka shkruar: “Shumë ftohtë -8”, sigurisht nuk e ka fjalën për temperaturën, por për diferencën e tanishme me Kukësin.

Futbollisti i të kuqve, ndoshta është penduar për këtë ngacmim, pasi pak minuta më vonë e ka fshirë foton e lartpërmendur.

Mbrojtësi i djathtë i Kamzës, Bonani pati një ditë shumë të vështirë përballë Asanit dhe duelet mes tyre ishin të shumta. Por, dueli më i përfolur ishte ai i sekondave të fundit të sfidës, që e kaloi aspektin sportiv. Të dy futbollistët shkëmbyen goditje me duar, por i shpëtuan kartonit të kuq.

Pas ndeshjes, Asani foli për mediat e pranishme në stadium, ku komentoi dhe për këtë ndeshje “boksi” me Bonanin. “Çfarë ndodhi me Bonanin? E kam shok, por normal, në fushë ndodhin dhe ato situata të tilla. Mbetemi shokë”,- u shpreh sulmuesi i “Demave”.

Jasir Asani duke i bindur se ekipi i tij do mundet që ta ruajë vendin e parë deri në fund të sezonit. Përmes postimeve në profilin e tij në “Instagram”, mesfushori tregon  bindjen e tij se kryeqytetasit do e mbajnë vendin e parë edhe pas javës së fundit të kampionatit, duke “kërcënuar” rivalët se ky Partizan do të jetë akoma dhe më i fortë.

Asani nuk harron edhe tifozët, të cilët këtë edicion e kanë mbështetur skuadrën  tyre në çdo ndeshje si brenda dhe jashtë. “Një falënderim për këta djem të çmendur që na bëjnë të ndihemi të pamposhtur, siç janë vetë ata”, është dedikimi i 23-vjeçarit, i cili këtë edicion ka realizuar 4 gola me skuadrën e  kuqe.

Vlonjati është ruajtur prej javësh që të mos ndëshkohej, por nuk e shmangu diçka të tillë dhe në takimin me verilindorët, duke e detyruar gjyqtarin Jorgji që t’i tregonte dhe kartonin e katërt të verdhë për këtë edicion që në pjesën e parë. Gjithsesi, gega nuk ka pse të shqetësohet pasi do të ketë në dispozicion një prej lojtarëve që këtë edicion ka qenë mjaft i rëndësishëm.

Jasir Asani nuk ishte prezent në takimin e djeshëm, për shkak kartonësh, por tani që e shleu pezullimin do jetë gati për të zbritur në fushë që nga minuta e parë në takimin e javës së ardhshme. Asani ka realizuar 4 gola këtë sezon dhe është shënuesi më i mirë për “demat” së bashku me Telushin.

23-vjeçari këtë edicion ka zhvilluar 8 ndeshje me “të kuqtë”, duke shënuar dh 3 gola. Mesfushori ka bërë paraqitje mjaft të mira me skuadrën dhe normalisht që nuk kishte si të mos vihej re. Të njëjtat burime bëjnë me dije se Asani u ka pëlqyer shumë dy të dërguarve nga Bashakshehir dhe nuk do të jetë çudi aspak që në ndeshjet e ardhshme të jenë sërish prezent në ndeshjet e Partizanit.

Në janar nuk do të ishte aspak çudi që në derën e presidentit Demi të mbërrinte ndonjë ofertë për shërbimet e mesfushorit, për të cilin edhe në të shkuarën ka pasur zëra që e lidhnin me Turqinë. Do të ishte një hap para për Asanin, që do të kishte mundësinë të provonte veten në një kampionat akoma dhe më të fortë, edhe pse duhet që të mbajë të njëjtin rendiment që ka treguar këtë fazë deri në janar, për të bindur turqit për të bërë një ofertë që do i bindë “demat” për ta lënë të lirë.

Partizani po i bën gjërat mirë këtë edicion, teksa ndodhet në vendin e parë pas 8 javës. Asnjë gol i pësuar në 7 javë dhe vetëm 1 humbje, e regjistruar në Korçë në takimin hapës të kampionatit, me një 11-metërsh që vendosi fatin e takimit në sekondat e fundit të ndeshjes. Trajneri Gega po bën një punë të mirë, me një skuadër të re dhe me elementë mjaft premtues, si Mala, Bardhi, Asani, të cilët po spikasin me paraqitjet e tyre.

Bashakshehiri edicionin e shkuar ishte pretendent për titull deri në javën e fundit të kampionatit, por në fund nuk arriti dot që të triumfonte edhe pse kishte shpenzuar jo pak. Në Turqi, skuadra e ish-sulmuesit Sokol Cikalleshi është një ndër më të urryerat, pasi konsiderohet si skuadra e kryeministrit dhe që ka mbështetje të fortë politike. Edhe këtë edicion skuadra nga Stambolli po i bën gjërat mirë dhe synimet janë madhore, pasi kur janë luajtur 8 javë ndodhe tvetëm 3 pikë larg Gallatasarait.

/JURGEN ZELA

Të kuqtë e Dalipit kanë kontrolluar takimin në çdo moment të tij, ndërkohë që kuqeblutë e Ernest Gjokës edhe pse janë munduar sidomos në pjesën e parë, duke pasur edhe raste nuk arritën t’i konkretizonin. Goli i Asanit në pjesën e parë, falë një aksioni personal dhe fantastik të shqiptarit me pasaportë maqedonase si dhe goli i Prognit, i ardhur nga gjumi i mbrojtjes kuqeblu, në gjysmën e pjesës së dytë ishin ndoshta epilogu i një sezoni të tmerrshëm të shkodranëve, të cilët pas humbjes së sotme, duhet të pranojnë fatin e tyre. Rënien në Kategorinë e Parë, edhe pse matematikisht akoma janë në lojë për të qëndruar në Kategorinë Superiore.

Golat

32?- Perlë e Asanit. Sulmuesi shqiptar merr një top në mesfushë dhe avancon drejt portës shkodrane, kalon Pjeshkën e Malotën dhe në hyrje të zonës godet diagonal dhe shënon, duke çuar në avantazh Partizanin.

64?-Progni merr një top nga mesfusha, sheh që porteri Sherri del keq dhe godet menjëherë, duke çuar në 2-0 rezultatin e takimit. Mbrojtja e shkodranëve në gjumë.

Partizani – Vllaznia 2-0

Shënues: Asani 32′, Progni 64′

Partizani: Hoxha, Ibrahimi, Gojkoviç, Belica, Kalari (Fejzullahi 59′), Mala, Telushi, Bardhi, Asani (Çulum 71′), Abdurrahimi, Progni (Trashi 66′). Trajner: Klevis Dalipi. Të gatshëm: Xhika, Atanda, Çani, Sulejmani.

Vllaznia: Sherri, Çinari (Ribaj 61′), Krymi, Mersini, Pjeshka, Gocaj, Malota, Lika, Vucaj, Sukaj, Orelesi (Tafili 70′). Trajner: Ernest Gjoka. Të gatshëm: Selimaj, Kalaja, Gurishta, Berisha, Bardulla.

Gjyqtarë: E. Jorgji, E. Ganxhi,  A. Mahmuti, F. Xhemalaj

Kartonë të verdhë: Progni 27′, Telushi 65′ / Vucaj 42′

Delegat: L. Nyrishmi; Vëzhgues: P. Pjetrushi.

Vetë mesfushori për “Sport Ekspres” ka konfirmuar lëvizjen që kërkonte prej kohësh, pasi dëshira e tij e parë ishte pikërisht Partizani, por gjithçka u ndal nga shifra e konsiderueshme prej 28 mijë eurosh që duhej paguar paguar te menaxheri i lojtarit, i cili kishte shlyer vetë Vardarin për taksën e formimit.

Dje u fut në lojë edhe Kukësi, me Asanin që u nis për në Shqipëri për të biseduar me kampionët, por kjo duket se ka vënë nën presion Partizanin, që ka nxituar të mbyllë gjithçka.

22-vjeçari do të federohet me Partizanin B, pasi aty ka ende mundësi lëvizjesh, edhe pse nuk kuptohet qartë si funksionon kjo çështje, pasi në teori në Kategorinë e Dytë regjistrohen vetëm lojtarë të Prefekturës, por ndoshta për Asanin ka përjashtim duke qenë pjesë e kombëtares në të shkuarën.

Mesfushori Jasir Asani me shumë mundësi mund të jetë lojtari më i ri i Partizanit. Palët janë shumë afër konkretizimit të marrëveshjes bisedimet kanë avancuar dhe tashmë palët po diskutojnë vetëm për çështje të ndryshme në kontratë. Ka qenë vetë mesfushori Jasir Asani që ka kërkuar me ngulm kalimin te Partizani, madje 22-vjeçari ka kontaktuar vetë me drejtuesit e kuq, pasi këta të fundit nuk kanë shfaqur interes vetë.
Vetëm 3 ditë më parë, nuk ka pasur asnjë kontakt mes Partizanit dhe Asanit, pasi ishte vetë lojtari që e deklaronte për “Sport Ekspres”. Megjithatë, së fundmi kontaktet kanë qenë më të shpeshta dhe tashmë mund të themi se Asani është lojtari më i ri i Partizanit. Vetëm ndonjë e papritur mund të prishë firmën.
ARSYEJA – 22-vjeçari ka qenë pa ekip dhe që pas largimit nga Vardari karriera e tij ka qenë në rënie. Të kuqtë e njohin shumë mirë si lojtar, pasi e kanë kërkuar edhe në merkatot e tjera. Duket se më në fund rrugët e tyre janë bashkuar, pasi edhe Asani ka ulur së tepërmi pretendimet financiare duke qenë në rrezik që të mbesë pa ekip deri në janar. Ai mund të luajë edhe për Partizanin A, pasi mund të federohet me ekipin B dhe pasi të marrë disa minuta atje, mund të jetë n% dispozicion të Julianos.

E gjitha lidhet me moshën e tij: Asani është 22 vjeç dhe pranverën e ardhshme mbush moshën e lejuar për t’u larguar pa dëmshpërblim për Vardarin, klubi që e ka rritur dhe kërkon taksën e formimit, nëse Asani largohet nga Maqedonia pa mbushur 23 vjeç.

Në pjesën e dytë të sezonit të shkuar Asani luajti në huazim te Shkupi, ndërsa tani ka dalë i lirë në treg, por edhe pse kishte shumë oferta, edhe nga Shqipëria, nuk ka mundur të lëvizë dot, pasi duhej paguar edhe një shifër jo e vogël, rreth 90 mijë euro.

Asani, anësor ofensiv, i cili ka luajtur me të gjitha ekipet e moshave të Maqedonisë, ka luajtur 80 ndeshje në kampionatin maqedonas, duke shënuar 20 gola.

“Është një hap përpara në karrierën time, kam shumë miq te Pobeda dhe dua ta ndihmoj të luftojë për një vend në kupat e Europës”, tha Asani pas prezantimit.

Mesfushori i talentuar, i cili luan kryesisht në të djathtë, ka përfunduar kontratën me Vardarin, ku luante prej vitesh. Në vitin 2017 Vardari e huazoi te Shkupi, ku Asani shënoi 3 gola në 14 ndeshje, ndërsa tashmë kontrata me vardarin është ndërprerë.

Disa klube shqiptare kanë vite që e ndjekin me vëmendje dhe natyrisht këtë verë ka pasur sërish kontakte, por vetë Asani sqaron për “Sport Ekspres” se nuk ka ndërmend të vijë në Shqipëri, duke zbuluar edhe bisedimet që ka pasur me klubet tona.

“Ka pasur interesim nga disa klube dhe më ka kontaktuar edhe Flamurtari i Vlorës, por kam refuzuar, për arsyen e vetme se shpresoj të luaj në një kampionat cilësor në Perëndim, për të provuar veten”.

Ndërkaq, Asani flet edhe për kombëtaren shqiptare, që për të mbetet një opsion, edhe pse luajti me Maqedoninë U-21 në Europian: “Unë jam rritur te grupmoshat e Maqedonisë dhe asnjëherë nuk u bë e mundur të luaja për Shqipërinë. Megjithatë, nëse eci në rrugën e duhur në karrierën time dhe do të marr ftesë nga Shqipëria, do ta zgjedh me sy mbyllur. Çdo shqiptar e ka ëndërr të përfaqësojë fanellën kuqezi”.