Tërheqja a Atletiko Madrid nga gara për shkodranin a sjellë një reaksion domino në Itali. Klubi i radhës që ka shfaqur interes për kartonin e mbrojtësit është Roma. Sipas “Sky Sport”, përfaqësues të skuadrës verdhekuqe kanë filluar kontaktet e para me Napolin.

Interesi i Romës për Hysajn është një lajm që ka habitur shumë vetë, pasi kryeqytetasit kanë lojtarë si Florenci, Karsdorp dhe Santon, por mesa duket një ose dy prej këtyre emrave mund të largohen nga verdhekuqtë gjatë këtyre javëve.

Lajmet që flasin për të ardhmen e 25-vjeçarit janë të shumta, por një fenomen i veçantë është ai  i uljes së çimimit të tij me kalimin e muajve. Në fillim të muajit qershor pati lajme që flisnin për transferim bombastik të mbrojtësit për një shumë që kapte 50 milionë eurot, por me kalimin e kohës zërat mediatik kanë vendosur këmbët në tokë. Tani po përflitet se Napoli nuk kërkon më shumë se 20 milionë euro për të lënë të lirë futbollistin shqiptar.

Drejtori i Sportiv i “gjigantit” argjentinas është një mik i afërt i De Rosit. Bëhet fjalë për ish-mbrojtësin e Romës, Nikolas Burdiso. 38-vjeçari e kontaktoi italianin sapo ky i fundit u la i lirë nga Roma, por mesfushori kërkoi kohë të mendohej për të ardhmen, pasi tundimi për t’i dhënë fund njëherë e përgjithmonë futbollit profesionist ishte i madh.

Ofertat nga ekipet italiane nuk munguan, por siç duket De Rosit nuk mund t’ia lejonte vetes të luante në Itali për një ekip tjetër. Sipas “Sky Sports”, futbollisti do të firmosë të nesërmen një kontratë 1-vjeçare me klubin nga Buenos Aires.

Në kontratë De Rosi ka të drejtën e largimit të njëanshëm në muajin janar, masë kjo e ndërmarrë në rast se aventura amerikano-latine nuk rezulton në praktikë aq fantastike sa ç’duket në teori.

Të dy lojtarët e ardhur në Romë zhvilluan sezone zhgënjyese dhe duket se qëndrimi i tyre në kryeqytet ka ardhur drejt fundit pas vetëm një viti. Sipas “Gazzeta Dello Sport” drejtori i tanishëm i verdhekuqve, Xhanluka Petraki, i është futur punës për të gjetur blerës për të dy lojtarët.

Nzonzi dhe Pastore ishin dy blerjet më të shtrenjta të Romës. Kosto e kombinuar e dy mesfushorëve i kalon të 50 milionë eurot dhe tani klubit italian i duhet t’i shesë me humbje të konsiderueshme.

Për De Rosin nuk do të ketë klub të dytë në Itali, por as në Amerikën e Jugut ose të Veriut. 35-vjeçari ka vendosur të japë dorëheqjen nga futbolli profesionist duke shënjuar fundin e një karriere që filloi 18 vite më parë.

De Rosi do t’i bashkohet lojtarëve si Françesko Toti, Rajan Gigs, Pol Skoulls dhe Paolo Maldini, të cilë  kanë luajtur gjatë të gjithë karrierës së tyre me fanellën e vetëm një klubi.

Sot Roma ka zyrtarizuar transferimin e qendërmbrojtësit Kostas Manolas te Napoli, për 36 milionë euro.

Manolas ceduto a titolo definitivo al Napoli.
Ciao Kostas, grazie per questi 5 anni in giallorosso ?#ASRoma pic.twitter.com/FdJvBX6LbE

— AS Roma (@OfficialASRoma) June 30, 2019

Manolas, te Roma prej verës 2014, luajti 206 ndeshje si verdhekuq, duke qenë një ndër futbollistët më të kërkuar në treg, ndaj çmimi i paguar për të duket shumë i ulët.

Ndërkaq, Napoli blindon qendrën e mbrojtjes dhe i jep Romës mesfushorin Amadou Diawara, duke e vlerësuar 21 milionë euro, shifër e jashtëzakonshme për një lojtar që luajti vetëm 660 minuta kampionatin e fundit, por gjithsesi bëhet fjalë për një futbollist vetëm 21 vjeç dhe me të dhëna të mira.

Në marrëveshjen midis klubeve është përfshirë dhe mesfushori nga Guinea, Amadu Diauara, i cili kalon në krahun e romanëve. Kartoni i 21-vjeçarit është vlerësuar 20 milionë euro, ndërsa pjesa tjetër do të plotësohet me një transaksion prej 16 milionë eurosh.

Manolas pritet të zëvendësojë spanjollin Raul Albiol, i cili pritet të rikthehet në vendlindje. Për 33-vjeçarin ka ardhur një ofertë nga Vijareali prej secilës Napoli do të përfitojë 6 milionë euro, shumë kjo tepër e madhe po të marrim parasysh moshën e madhe të futbollistit.

Nuk ka vonuar as reagimi i klubit me një komunikatë zyrtare, ku është njoftuar se Totit ishte dhënë mundësia të pasonte Monçin në rolin e drejtorit teknik, por kjo ofertë u refuzua nga 42-vjeçari.

“Klubi është tej mase i zhgënjyer për faktin se Françesko Toti ka vendosur të largohet nga klubi, duke refuzuar ofertën e të qenit drejtor teknik i Romës. Ne ia ofruam atij këtë rol pas ikjes së Monçit, gjatë të gjithë kësaj kohe ishim në pritje të përgjigjes së tij”.

“Ne besonim se ky rol i ofronte Françeskos një ndër pozicionet më të larta në klub dhe natyrisht kërkonte dedikim dhe përkushtim, diçka që pritet prej secilit drejtues të klubit tonë”.

“Ishim të gatshëm të tregonim durim me Françeskon në tranzicionin e tij nga një lojtar i madh te një drejtues e menaxher i madh. Ne besonim se ai mund të rritej në këtë rol dhe do ta mbështesnim në çdo hap derisa të përshtatej”.

“Megjithëse e kuptojmë se sa e vështirë është për të që të marrë vendimin e largimit nga Roma pas 30 vitesh, ne besojmë se mendimet e tij për vendimmarrjet e ndryshme në klubin tonë janë shumë larg realitetit”.

“Përsa i përket deklaratës për një rikthim të tij nëse klub vijnë drejtues të tjerë, ne duhet t’iu sigurojmë se grupi investitor që ka në pronësi klubin nuk në plan të vendosë në shitje Romën, tani ose në të ardhmen e afërt”.

Roma dominoi në kontrollin e topit, por verdhekuqtë nuk u treguan të saktë në mundësitë që krijuan. Momenti më dramatik i ndeshjes ishte goli i Xhekos në minutat e fundit të takimit, por festa u prish menjëherë për shkak se goli i boshnjakut u anulua për shkak të një pozicioni jashtë loje.

Megjithëse matematika e mban ende në garë për vendet e Champions-it, ky hap fals i Romës me siguri do t’i kushtojë shumë me Milanin dhe Atalantën që janë dukshëm më të favorizuar për vendin e katërt.

Mbrojtësi i krahut të majtë po spikat prej vitesh me ekipin gjerman dhe shikohet si pasuesi ideal i Aleksandr Kolarov, i cili këtë vit do të mbushë 34 vjeç dhe nuk jep garanci për të ardhmen.

Për të blerë kartonin 25-vjeçarit Romës do i duhet të paguajë 25 milionë euro. Sipas “Sport Bild”, drejtuesit  e klubit italian kanë rënë dakord ta paguajnë këtë shumë për lojtarin, por problemi i vetëm është konkurrenca nga ekipet e tjera si Borusia Dortmund dhe disa ekipe të kampionatit anglez.

Monçit iu deshën vetëm pak ditë për të gjendur, një vend punë, pasi u rikthye te Sevija, klubi ku mori famë botërore. Në një prononcim për mediet spanjolle, Monçi tha: “Presidenti donte të shkonte djathtas, ndërsa unë majtas”.

Kjo deklaratë e spanjollit mori menjëherë reagimin e Palotës, i cili në një komunikatë zyrtare tha: “U surprizova kur lexova se çfarë kishte thënë Monçi. I dhashë Monçit çelësat e ekipit. I thashë se doja trajnerin më të mirë, lojtarët më të mirë dhe stadin mjekësor më të mirë. Nëse shikon rezultatet tona, mund ta kuptosh se strategjia e tij nuk funksionoi. Rrezikojmë për herë të parë që nga viti 2013 të mbetemi jashtë vendeve që na çojnë në Champions”.

“Në nëntor kur rezultatet filluan të përkeqësoheshin dhe lojtarët s’po i përgjigjeshin trajnerit, i kërkova Monçit të dija planin B. Ai më tha që Plani B është që të vazhdojmë Planin A. Ai ishte personi përgjegjës për të gjithë aspektin futbollistik në klubin tonë dhe nuk kishte një plan rezervë”, tha Palota.

Trajneri i famshëm është ndalur te çështja e Patrik Shik. Ranieri pranon se çeku dhe Xheko mund të luajnë së bashku dhe ka besim të plotë te cilësitë e Shik. Ai dëshiron vetëm zhbllokimin e 23-vjeçarit.

“Shik dhe Xheko duhet të luajnë bashkë për mendimin tim. Patrikun e pashë të hynte në fushë me zemërim dhe dëshirë në Portugali kundër Portos. Ai është i fortë, ka cilësi të jashtëzakonshme, ka teknikë dhe shpejtësi. Nëse do të zhbllokohet dhe është afër kësaj, tifozët do të dashurohen me këtë djalosh”, thekson Klaudio Ranieri.

Roma fitoi ndeshjen e parë të fazës me eliminim direkt ndaj Portos me rezultatin 2 – 1. Një detaj interesant i këtij takimi ishte se 7 nga 11 lojtarët e formacionit titullar ishin të gjithë italian.

? Ecco la nostra formazione per #RomaPorto ?

? DAJE ROMA! ??#ASRoma #UCL pic.twitter.com/geJKEnEk6h

— AS Roma (@OfficialASRoma) February 12, 2019

Vendasit fillonin nga portieri Mirante e më pas e më pas vazhdonin me Florencin, Kristanten, De Rosin, Pelegrinin, Zaniolon dhe El Sharauin. Jo më kot për këtë përballje në stadium ishte i pranishëm dhe trajneri i kombëtares italiane Roberto Mançini.

Pas shumë vitesh sorollatje, duket se përpjekjet e vazhdueshme të drejtuesve verdhekuq po shpërblehen. Së fundmi klubi kryeqytetas njoftoi se projekti i tyre ka marrë miratimin nga një panel i pavarur.

Kryebashkiakja e Virgina Raxhi ka konfirmuar se po punon fort, që projekti të marrë të gjitha lejet e nevojshme dhe me shumë gjasa punimet për stadiumin e ri do të fillojnë në fund të këtij viti.

Il parere del Politecnico di Torino è positivo: #LoStadioSiFa. pic.twitter.com/OoMwlUIGnm

— Stadio della Roma (@StadiodellaRoma) February 5, 2019

NGJASHMËRIA E ME TOTIN ? – “Janë lojtarë të ndryshëm. Një gjë që kanë të përbashkët është se ai është fjalëpakë dhe kërkon gjithmonë topin. Nëse bën një gabim, ai e rimerr topin. Kjo është një virtyt i tij. Ka shumë skuadra që e duan atë, por ai duhet ta dijë se ai ndodhet në një klub të madh që po i ka dhënë mundësi të shkëlqyera”.

“Ai është një lojtar shumë i rëndësishëm. Luan shumë mirë si mesfushor krahu në një mesfushë me tre lojtar, por në këtë moment që gjendemi nuk dua të bëj ndryshime në sistemin e lojës. Është një lojtar që di si të ushtrojë presion, ndërsa bën mirë edhe në fazën sulmuese. Ç’mund të them më shumë ka shpejtësi dhe forcë fizike. Duhet të përmirësohet në situata afër portës, pasi shpeshherë luan topin në qendër në situata ku mund të bëjë zgjedhje më të mira”, përfundoi tekniku i Romës.