As Monaco

Monako siguron portën, ia beson një francezi

Sport Ekspres — Mon, 15 Jul 2019 12:46:42 +0000

Monaku ka filluar të mendojë për të ardhmen e portës. Kroati Danijel Subashiç është në vitin e fundit të kontratës dhe në sezonin e kaluar nuk tregoi një formë të mirë për shkak të dëmtimeve të njëpasnjëshme.

Zgjidhja e gjetur nga klubi nga Principata është “gardiani” i Montpelies, Benzhamin Lekomt. Sipas medieve franceze 28-vjeçare po kryen në këto momente vizitat mjekësore. Montepelie ka përfituar plot 13 milionë eruo nga shitja e portierit.

Lekomt është blerja e dytë madhore e Monakos pas transferimit te portugezit Gelson Martins. Sezonin e kaluar ish-kampionët e Francës rrezikuan në mënyrë paradoksale rënien nga “Ligue 1”, dhe faji më i madh për këtë ishte i repartit mbrojtës ku ka shumë gjëra për të rregulluar.

Bajern i paraprin të ardhmes, dy supertalente në orbitën e bavarezëve

Sport Ekspres — Mon, 08 Jul 2019 18:27:11 +0000

Bajerni i Mynihut këtë vit është detyruar të ndërrojë strategjinë e klubit mbi merkaton, duke bërë blerje të mëdha me harxhime kolosale. Kjo ndoshta ka ndodhur edhe me humbjen e aftësisë për të zbuluar yje të rinj që pritet të shpërthejnë. Në Bavari e kanë kuptuar këtë dhe po punojnë për të sjellë talentet më cilësorë.
Xhengiz Ynder i Romës është një emër që pëlqehet shumë nga Rumenige. Turku ka treguar aftësi shumë të mira te Roma. Paraqitjet pozitive kanë bërë që vlera e kartonit të tij të shkojë në 35 milionë euro. Bajern po nxiton ta marrë para se çmimi i 21-vjeçarit të “prekë” qiellin.

Një tjetër objektiv i drejtuesve të Bajern është edhe Benxhamin Henriks. Mbrojtësi ka spikatur shumë te Monako dhe Bajern synon të blejë shërbimet e tij. 22-vjeçari mbulon të dy krahët e repartit difensiv, por nuk e ka aspak problem edhe aktivizimin në mesfushë. Djaloshi spikati në Europianin e të rinjve me kombëtaren e Gjermanisë. Vlera e tij në merkato vërtitet rreth 20 milionë eurove.

ZYRTARE | Dy yje largohen nga Madridi, firmosin në Angli dhe Francë

Sport Ekspres — Mon, 01 Jul 2019 17:54:18 +0000

Dy skuadrave të Madridit sot i është dashur të lëshojnë dy yje nga gjiri i tyre. Gelson Martins i Atletiko Madrid dhe Mateo Kovaçiç i Realit i kanë dhënë përfundimisht lamtumirën klubeve të Madridit. Këto të fundit nuk mund të themi së kanë dalë bosh nga këto largime, por kanë përfituar shuma jo të vogla nga shitjet e dy lojtarëve.

.@Mateo_Kova23 is here to stay! ?

— Chelsea FC (@ChelseaFC) July 1, 2019

Mateo Kovaçiç është zyrtarizuar si blerja e parë dhe e vetme e kësaj vere për londinezët e Çelsit. Anglezët e kanë të ndaluar të bëjnë merkato. I vetmi përjashtim janë lojtarët që kanë kaluar sezonin në Londër si të huazuar. Ndryshe nga Higuain, Kovaçiç ja ka mbushur mendjen drejtuesve anglezë. Plot 50 milionë euro janë derdhur në arkat e Realit për të mbajtur yllin kroat. Nga kjo marrëveshje ka lumturi edhe për Kovaçiç, që ka gjetur veten në “Stamford Bridge”, pas vështirësive të hasura në Madrid.

Ndërkohë, Gelson Martins është zyrtarisht i klubit të Monakosë. 24-vjeçari ka firmosur kontratë për pesë vitet e ardhshme. Portugezit i janë dashur vetëm gjashtë muaj në Francë për të bindur klubin bardhekuq. Ai ishte i huazuar që nga janari te Monako, ku dha një ndihmë shumë të madhe për mbijetesën në Ligue 1. Atletiko Madrid mbush xhepat me plot 30 milionë nga shitja e portugezit.

??? L’AS Monaco est heureux d’annoncer la signature de @GelsonMartins_. Prêté en janvier par l’Atlético Madrid, le milieu offensif s’est engagé pour 5 saisons. Il est désormais lié avec le Club jusqu’en juin 2024.

?? https://t.co/XauTCocOkP pic.twitter.com/KiKV7oO8nY

— AS Monaco ?? (@AS_Monaco) July 1, 2019

I “shpëtoi” milionave, italiani largohet pas 8 sezonesh nga Monako

Sport Ekspres — Fri, 28 Jun 2019 17:20:59 +0000

Monako njofton zyrtarisht përfundimin e kontratës me një legjendë të klubit. Andrea Raxhi do të largohet këtë verë. 35-vjeçari kaloi plot shtatë vitë në klubin monegask, ku erdhi në 2012-ën nga Bolonja në Serie A. Ai ka luajtur 230 ndeshje me fanëllën bardhekuqe, 38 prej tyre në arenën Evropiane.

Njoftimin e ka dhënë vetë klubi, që njofton moszgjatjen e kontratës dhe falenderon lojtarin për gjithë kohën e kaluar në Monako. “Njoftojmë vendimin për të mos e zgjatur më tej kontratën me Andrea Raxhi. Klubi e falenderon italianin për të gjitha vitet e kaluara këtu dhe i uron atij më të mirën për të ardhmen”, shkruhet në deklaratën e klubit francez.

Grazie Andrea ???? Raggi !

L’AS Monaco annonce sa décision de ne pas prolonger le contrat d’Andrea Raggi qui arrive à son terme. Le club remercie le défenseur italien ?? pour toutes ces années passées sous le maillot ???

?? https://t.co/9xxGqSQzTA pic.twitter.com/00DrAiQXnP

— AS Monaco ?? (@AS_Monaco) June 28, 2019

Gati të bëhet “Djall”, një belg për mesfushën e Junajtid

Sport Ekspres — Sat, 08 Jun 2019 07:32:17 +0000

Junajtid e ka vendosur se së pari duhet të stabilizojë mesfushën. Pas afrimit të Daniel Xhejms nga Suonsi në “Championship”, Solskjaer është pranë një tjetër mesfushori të talentuar. Juri Tielemans do të jetë objektivi i radhës ën “Old Trafford”. Mesfushori këtë sezon e ka kaluar në Leister Siti.
Me “Dhelprat” ai ka treguar një nivel të lartë dhe ka rënë në sy të Solskjaer. Belgu është pronë e klubit të Monakosë. Ai erdhi në vitin 2017 nga skuadra e Anderlehtit për shifrën e 25 milionë eurove. Përveç Junajtid, pas tij është vënë edhe Poçetino. Totenhem gëzon një buxhet shumë të shëndoshë dhe do të futet në furishëm në merkato. Megjithatë, për momentin “Djajtë” kanë avancuar më shumë.

Talenti i datëlindjes 1997 është i grumbulluar me kombëtaren belge për eleminatoret e “Euro 2020”. Ai ka thënë diçka rreth të ardhmes së tij. Nuk përmend asnjë emër klubi, por siguron se do të lëvizë këtë verë dhe ka disa oferta.

“Do të shohim se në cilin klub do të luaj. E vetmja gjë që mund t’ju them tani është se gjërat po lëvizin. Shumë klube kanë treguar interes, por do i shqyrtojmë dhe do vendosim. Junajtid dhe Totenhem janë skuadra shumë të mëdha. Është ngacmuese teksa dëgjon që ato emra interesohen për ty. Më krijon shumë besim në vetvete. Gjithsesi, unë mendoj vetëm të jap maksimumin në ndeshjen e radhës”, u shpreh Tielemans.

E zbulojnë në Francë, Zhardim bënte merkaton me Henrinë në stol

Sport Ekspres — Tue, 29 Jan 2019 19:13:51 +0000

Leonardo Zhardim u kthye përsëri në krye të Monakos, pasi u shkarkua në muajin tetor. Tekniku portugez, deklaroi për mediat se rikthimin në principatë nuk mund ta refuzonte, pasi Monako e kishte ndihmuar shumë në kohën kur ai u shkarkua nga drejtimi i Sportingut të Lisbonës vite më parë.

Gjithsesi, kur kanë kaluar gati një javë nga ardhja e trajnerit, mediat franceze zbulojnë një prapaskenë, e cila mund të konsiderohet e pakëndshme. Sipas asaj që thuhet nga mediat, pretendohet që Zhardim ka folur me Gelson Martins, që lojtari të kalonte te Monako, një javë përpara shkarkimit të Tierri Henrisë.

Me pak fjalë, supozohet që, Zhardim e dinte prej kohësh që do të vinte përsëri në krye të Monakos, teksa negocionte me bashkombasin e tij, Gelson Martins, që ky i fundit të kalonte në ekipin francez. Përfundimin, besoj e dinë të gjithë, mesfushori portugez është huazuar nga Atletiko Madrid në drejtim të Monakos, deri në fundin e sezonit.