Megjithatë, djemtë e drejtuar nga kolumbiani Rueda kanë gjetur golin, duke rihapur takimin. Arutor Vidal ka shndërruar në gol një penallti të fituar nga teknologjia VAR, pas ndërhyrjes së parregullt të Xhovani Di Celso.

Mesfushori i Barcelonës tregohet i saktë përpara Franko Armani dhe rezultati i finales së vendit të tretë shkon 2-1 për Argjentinën.

Largimi i belgut hap një vend dhe trajneri Antonio Konte e ka një të preferuar dhe është kiliani Arturo Vidal. Tekniku italian e ka pasur nën urdhra edhe te Juventusi dhe një lojtar si ai e do në ekip. Mesfushori pëlqehet për dinamikën që i jep lojës, ndërkohë që ka treguar në të shkuarën se është edhe një shënues i mirë.

Problemi është se Barcelona nuk pret shumë. Deri më 15 korrik edhe mund të pranojë ndonjë ofertë, ndryshe Vidal mbetet në Spanjë. Interi, nga ana tjetër duhet të llogaritë që për shërbimet e mesfushorit duhet të paguajë rreth 22 milionë euro. Barça për këtë shumë është e gatshëm të bisedojë dhe të arrijë një marrëveshje.

“Daily Mail” raporton se Konte i ka kërkuar drejtuesve të klubit që të shesin Mauro Ikardin dhe Raxha Naingolan. Karakteri i lojtarëve nuk është i duhuri sipas trajnerit dhe në ekip duhet të ketë vetëm lojtarë që derdhin gjak për Interin.

Paratë e përfituara nga largimi i dyshes do të investohen për të dy lojtarë të tjerë, konkretisht Arturo Vidal dhe Romelu Lukaku. Mesfushori kilian është ëndrra e madhe e Kontes. Të dy kanë punuar bashkë te Juventusi dhe kanë një raport fantastik me njëri-tjetrin.

Konte sheh te Vidal karakteristikat e duhura dhe liderin perfekt për mesin e fushës, ndërsa gjiganti belg do të ishte investimi i duhur për repartin ofensiv. Lukaku po pret me entuziazëm kalimin tek Interi dhe ky është mentaliteti i duhur sipas Antonio Kontes.

Zikaltrit e kërkojnë prej kohësh, madje u përfol edhe për një shkëmbim midis tij dhe Raxha Naingolan. 32-vjeçari kilian është i preferuari i Antonio Kontes për mesfushën. Trajneri i ri i Interit e njeh mirë, pasi ka punuar tre vite me të te Juventusi.

Sipas raportimeve të mediave spanjolle, garës për Vidal i është bashkuar edhe Milani. Barcelona është gati ta shesë për një ofertë të mirë, por problem mbetet paga e madhe e lojtarit. Vidal përfiton 9 milionë euro në sezon, një rrogë pothuajse e papërballueshme për dy klubet italiane.

Kampionët e Spanjës po tentojnë shitjen e mesfushorit kilian, i cili është i preferuari i trajnerit zikaltër. Bashkë kanë punuar te Juventusi dhe Konte e vlerëson shumë. “Do doja ta kisha gjithmonë në ekipin tim Vidalin. Është një futbollist i madh, një mesfushor i fortë dhe një djalë shumë i mirë, me të cilin kam një raport fantastik”, shprehej trajneri leçez në dhjetor të vitit 2017.

Nga ana tjetër, Barcelonës i mungon një lojtar me karakteristikat e belgut të Interit. Problem mbeten pagat e lojtarëve. Naingolan përfiton 4.5 milionë euro në sezon, ndërsa Vidal 9 milionë të tillë, pra dyfishin. Sinjali është dhënë dhe tani pritet të nisin negociatat për të realizuar një operacion që do i kënaqte të gjithë.

Kapiteni argjentinas ka goditur me grusht Fabinjon në rastin e goditjes së dënimit të golit të tretë. Kështu mendojnë ultrasit e “The Reds” që dëshirojnë një Barcelonë pa yllin e saj në ndeshjen e kthimit.

Diçka e tillë nuk i ka pëlqyer tifozëve spanjollë, të cilët kanë vendosur të hidhen në kundërsulm. Edhe ata kanë nisur një peticion. Fajtori është Sadio Mane. Afrikani dallohet që godet me shpullë Arturo Vidal dhe kaq ka mjaftuar për ultrasit e Barçës.

Liverpuli shpreson dhe ëndërron të kthejë rezultatin 3-0 të ndeshjes së parë, por nëse Mane nuk është në fushë, atëherë objektivi i madh komplikohet akoma edhe më shumë.

UCL: Ban Sadio Mane for slapping Vidal – Firma la petizione! https://t.co/1iSGQoEobt via @Change

— P C ?? (@Pcruc25) May 4, 2019

Përveç talentit unik dhe faktit që askush nuk e luan futbollin si ai, 31-vjeçari vlerëson edhe një cilësi tjetër të kapitenit. Më pas zhgënjimi që mban emrin Juventus. Vidal ka luajtur për 4 sezone me bardhezinjtë dhe sivjet i kishte menduar në finale.

Nuk ndodhi kështu, Ajaksi i la në shtëpi dhe diçka e tillë e ka befasuar jo pak lojtarin e Barcelonës.

“Leo është një futbollist i jashtëzakonshëm. Jo vetëm shënon dhe dhuron asiste, por na ndihmon shumë edhe në fazën defensive me presingun e tij. Fakti që luaj përkrah tij më bën të lumtur. Juventusi? Jam befasuar nga eliminimi i tyre. Isha i sigurt që Juvja do të mbërrinte në finale, por qëlloi një zhgënjim i madh”, përfundon Arturo Vidal.

Barcelona është gati ta shesë për dy arsye. Kontratat e lojtarit përfundon në vitin 2021 dhe duhet evituar rreziku i largimit me parametra zero. Nga ana tjetër, në fund të sezonit vjen Frenki De Jong dhe hapësirat  e aktivizimit për Vidal reduktohen pothuajse në zero.

Sipas raportimeve të spanjolles “sport.es”, Interi është rikthyer në garë për 31-vjeçarin. Zikaltrit duan të binden për gjendjen e mirë fizike të tij dhe duhet të mposhtin konkurrencën e disa klubeve aziatike.

Në fund do jetë në dorë të ish-juventinit për të vendosur: do të tundohet nga milionat që të dhuron Azia apo do të rikthehet në Serie A, tashmë me ngjyrat zikaltër mbi supe.

Situata ka ndryshuar dhe kilieni është kthyer në një lojtar të rëndësishëm të mesit të fushës. Kontrata e Vidal me Barcelonën përfundon në vitin 2021. Klube të ndryshme interesohen për shërbimet e 31-vjeçarit.

Mes tyre edhe Boka Zhuniors që synon të ndërtojë një ekip shumë ambicioz për sezonin e ardhshëm, me qëllim fitimin e Kupës Libertadores. Ka mjaftuar një foto e Vidalit për të plasur komentet në rrjetet sociale.

Lojtari i Barcelonës ka postuar një foto të bërë nga një reklamë me firmën Nike. Aty dallohet ai me një uniforme me ngjyrat blu dhe verdhë. Njësoj si uniforma e Bokës.

Tifozët e klubit më të madh në Argjentinë dhe ndër më të zjarrtë në botë kanë filluar të ëndërrojnë kalimin e tij në futbollin latin dhe e kanë duartrokitur këtë zgjedhje të Vidalit. Për momentin një zgjedhje reklame, por tifozëve ju mjafton për t’u ndjerë më mirë.

Sipas raportimeve të “Fox Sports”, objektivi kryesor quhet Lukas Bilja. 34-vjeçari i Milanit pëlqehet shumë nga drejtuesit e “Xeneizes”. Mesfushori luan prej vitit 2006 në Europë, atëherë kur la Independienten për t’u transferuar tek Anderlehti.

Më pas kalimi në Itali te Lacio, aty ku qëndroi katër sezone. Bilja u transferua te Milani në verën e vitit 2017. Ky sezon është karakterizuar nga dëmtimet dhe lojtari numëron një gol të shënuar në 17 ndeshje të zhvilluara me kuqezinjtë.

Përveç tij, Boka synon dhe Arturo Vidal të Barcelonës dhe Papu Gomez të Atalantës. Drejtuesit kanë objektiva të mëdha për sezonin e ri dhe kërkojnë të përforcojnë ekipin me cilësi dhe eksperiencë.

Gjithsesi, Vidal duket se është ndërgjegjësuar dhe ka kryer pagesën mëngjesin e sotëm. Ka qenë përsëri “Marca” që ka raportuar se pagesa është kryer nëpërmjet një transfertë bankare dhe mesfushori nuk ka më detyrime.

Kujtojmë, në Itali, Arturo Vidal është aktivizuar me fanellën e Juventusit, ku më pas kaloi te Bajerni i Mynihut. Verën e vitit të kaluar, mesfushori nga Kili, kaloi në Spanjë, për të firmosur për Barcelonën. Aventura e tij, nuk nisi mirë në fillim, por me kalimin e kohës 31-vjeçari duket se është ambjentuar dhe po fiton minuta.

Në një prej këtyre aktiviteteve, sulmuesi i Mançester Junajtid, po u jepte disa këshilla fëmijëve të pranishëm: “Mos pini duhan dhe alkool, kurrë. Nuk mund të bëhesh futbollist nëse tymosni dhe deheni”, tha Sançez.

– @Alexis_Sanchez : “yo no fumaba ni tomaba”
– Cabro ql : “Y como el arturo?”
?? pic.twitter.com/YGVBZXTzmp

— Diegoflowers (@idieego) December 14, 2018

Pak sekonda para kësaj deklarate një prej fëmijëve i kujton kilianit, mesfushorin e Barcelonës Arturo Vidal: “Po, Arturo (Vidal) ?”, ia ktheu vogëlushi me ironi. Të gjithë të pranishmit ia filluan të qeshnin, pasi Vidal njihet si një futbollist që ka një raport tejet të afërt me alkoolin dhe duhanin. Sançez u munda ta anashkalonte por të qeshurat e kapën dhe atë.

Fatmirësisht merkato e janarit është afër dhe Leonardo po bën maksimumin për të përforcuar ekipin. Ditën e djeshme u fol për një interesim për Çesk Fabregas. Spanjolli është një dëshirë e vjetër e Milanit dhe mund të ishte një përforcim fantastik në mesfushë. Kualitet dhe eksperiencë.

Synimi kryesor mbetet Zllatan Ibrahimoviç dhe Leonardo ka nisur bisedimet me Mino Rajolën, menaxherin e suedezit. Milani ka qenë një nga klubet ku Ibra ka kaluar gjithmonë mirë dhe ai nuk e ka fshehur një gjë të tillë. Lojtari i Los Anxhelos Galaksi po tundohet të rikthehet në Milanelo dhe palët janë afër marrëveshjes. Ibra pritet të vijë në janar, ku do të firmosë për gjashtë muaj me një rrogë prej 2 milionë eurosh dhe me të drejtën e rinovimit për sezonin e ardhshëm.

Një tjetër emër ka dalë në sfond për mesfushën e Milanit. Siç citon “AS”, bëhet fjalë për Arturo Vidal, i cili është pranë largimit nga Barcelona. Kileni nuk ka marrëdhënie të mira me trajnerin Valverde dhe nuk po aktivizohet shumë. Zgjidhja? Mesfushori ka nevojë për minuta, ndërsa Milani ka nevojë për një lojtar si ai.

Bardhezinjtë vazhdojnë të kërkojnë elementë të tjerë cilësorë për t’i dhuruar Maks Alegrit një ekip të pathyeshëm. Pol Pogba, Hames Rodrigez, Isko, Huan Mata (për spanjollin është futur në garë dhe Arsenali sipas “Daily Mail”), Arturo Vidal. Të gjithë në monitorim, ndërsa kileni mund të jetë zgjidhja e Juves për përforcimin e mesfushës.

31-vjeçari nuk po kalon një periudhë pozitive te Barcelona, pavarësisht se në ndeshjet e fundit është aktivizuar disi nga trajneri Valverde. Siç citon francezja “Le10Sports”, lojtari është pranë rikthimit në Torino. Palët janë afër marrëveshjes dhe Vidal është gati për të kaluar në janar te ekipi i Alegrit.

Mesfushori është aktivizuar për katër sezone me Juventusin, përpara se të kalonte te Bajerni i Mynihut. Ai nuk preferohet shumë nga Valverde, ndërsa Juve do e mirëpriste me krahë hapur. Problemet fizike të Kedirës dhe Emre Çan e shqetësojnë Alegrin, i cili kërkon një emër të madh për mesfushën.

Humbja kundër ekipit andaluzian ka lënë shije të hidhur te Barça, që nuk iu gëzua në maksimum rikthimit të Leo Mesit nga dëmtimi. Kapiteni shënoi dy herë, por tre pikët shkuan për Betisin.

Siç citon “Superdeporte”, në dhomat e zhveshjes së Barcelonës ka patur zënka dhe ngritje zërash. Zherard Pike dhe Luis Suarez kanë debatuar mes tyre, me sulmuesin që u ankua për mungesën e një pasimi nga ana e mbrojtësit. Kjo gjë nuk i ka pëlqyer Pikesë, i cili është përgjigjur: “mos më çaj k… për një pasim”.

Por, jo vetëm kaq. Sipas kamerave të “Movistar”, Pike dhe Arturo Vidal kanë debatuar për një rast në fundin e takimit, çka mund të sillte barazimin e djemve të Valverdes. Vidal ka qenë fare i lirë, por Pike ka goditur vetë duke humbur rastin. “Nëse thua ‘e imja’, ta lëj, por nuk kam dëgjuar kurrë në jetën time fjalën ‘unë’”, janë fjalët e thëna nga mbrojtësi kundrejt mesfushorit kilen.

Gjatë fitores kundër Seviljes, kamerat kanë qenë të fokusuara te 31-vjeçari, trishtimi i të cilit dallohej qartë. Pas dëmtimit të Mesit, i cili do të mungojë në gjashtë ndeshjet e ardhshme, erdhi dhe “dënimi” për Vidal.

Ernesto Valverde, i cili e ka shprehur hapur se lojtari duhet të luftojë për të fituar një vend në formacion dhe nuk e fshehu mërzitjen e tij për fjalët e thëna nga Vidal, vendosi të largonte Artur nga loja, për të futur Serxhi Roberton. Ky i fundit luan në krahun e djathtë të mbrojtjes, por Valverde vendosi ta aktivizojë në mesfushë. Një sinjal i qartë që ai nuk beson më te kileni.

Kjo gjë nuk mjaftoi, ndërsa trajneri kreu dhe zëvendësimin e tretë, duke aktivizuar Munir në vendin e Suarez. Pasi e pa se nuk mund të luante më në këtë ndeshje, Vidal vendosi të merrte një sy gjumë në pankinë. Lojtari është kapur duke dremitur. Mesa shihet ai është “dorëzuar” dhe zgjidhja më e mirë mes palëve është largimi i 31-vjeçarit në merkaton e janarit.

Vidal ka folur për “Univision Deportes”, ku zbulon dhe dëshirën e tij për të ardhmen. Ai ka një preferencë sa të çuditshme, aq dhe të veçantë. “Luftëtarit” të mesfushës i pëlqen Meksika dhe nuk e përjashton mundësinë e transferimit në futbollin meksikan.

“Adhuroj futbollin meksikan. Nëse ka një ekip të rëndësishëm që më dëshiron, do të mendohesha, sepse do të ishte një kënaqësi për mua të luaja në Meksikë. Klub Amerika? Ata janë një skuadër e bukur dhe do të më pëlqente. Unë dëshiroj të jetoj çdo ditë në maksimum dhe Meksika është një vend që më pëlqen shumë”, zbulon mesfushori i Barcelonës.

Mesfushori thekson se ka ardhur në ekipin më të mirë në Botë: “Të shkosh te Barcelona është një hap më lart, më lart se te Bajerni. Dua të ndihmoj në fitimin e gjithë titujve te Barcelona. Kur isha 14 vjeç, i premtova nënës time kur  u kthye e lodhur nga puna, se do ta bëja një natë një nga njerëzit më të lumtur në botë. Kam luajtur me shumë klube të rëndësishme dhe sot është pika më e lartë”.

SHOKËT E SKUADRËS – “Ka shumë lojtarë të mëdhenj këtu, por Mesi është më i madhi në histori dhe shpresoj të vazhdoj si shok skuadre me të. Kam ardhur për të luajtur si titullar, për të fituar një vend mes më të mirëve, për të luajtur në të gjithë ndeshjet dhe për të ndihmuar shokët e skuadrës të fitojnë tituj”.

STILI I LOJËS – “Shpresoj të përshtatem sa më shpejt të jetë e mundur. Të shohim çfarë trajneri kërkon.  Gjëja më e rëndësishme, për të gjithë lojtarët, është rezultati final dhe jo stili. Do të flas me trajnerin për të mësuar çfarë i duhet nga unë, por dua të them se unë jam gati të ndihmoj për gjithçka. Do të demonstroj të gjithë cilësitë e mia”.

FORMA SPORTIVE – “Fizikisht ndihem mirë, si dhe jam i lumtur për faktin që jam stërvitur për një muaj dhe jam në formë të mirë. Në këtë moment mendoj të stërvitem, të nis të luaj dhe të fitoj tituj. Gjithsesi është trajneri ai që vendos”.

OFERTAT – “Kur agjenti im më tha opsionet, nuk hezitova për një sekondë. Si nuk mund të vija në ekipin më të mirë në botë? Shpresoj që në këto tre vite me Barcelonën të fitoj tre herë Ligën e Kampioneve”.

REALI I MADRIDIT – “Nuk jam anti-madrilen. Unë jam rival i të gjitha ekipeve që luajnë kundër Barcelonës nga ky moment. Nuk kam një llogari të hapur me Realin, kam shumë llogari me veten, pasi dua të fitoj Ligën e Kampioneve. Tani që kam ardhur në ekipin më të mirë në botë dua ta përmbush këtë objektiv. Do të shohim se çfarë do të ndodhë kur të luajmë kundër Real Madridit”.

“Jam shumë i lumtur, është një ëndërr. Dua shumë që të nis përgatitjet me shokët e skuadrës, të vesh fanellën e këtij klubi të madh dhe të bëj gjëra të rëndësishme”, u shpreh fillimisht Vidal, që më tej ka theksuar se te Barcelona ka shkuar për të fituar çdo trofe të mundshëm.

“Dua të fitoj gjithçka, shpresoj të arrijmë objektivat. Kam ardhur për të fituar të gjithë trofetë, do të lë jetën në fushë për ta arritur këtë”, shton mesfushori. Te Barcelona do të ketë mundësinë të luajë me emra të mëdhenj të futbollit. “Dua të luaj me Mesin, Luis Suarez dhe Serxho Buskets… Ata janë të gjithë lojtarë të mëdhenj”, tha Vidal.

Mesfushori nuk e mbyll me kaq, teksa në fund deklaroi: “Shpresoj që t’i jap shumë guxim skuadrës, shumë zemër, para dhe mbrapa. Dua që të tregoj se pse kanë nënshkruar me mua. Jam shumë i lumtur, dua ta ndihmoj ekipin sa më shumë që të jetë e mundur, të fitoj gjithçka dhe ta shfrytëzoj në maksimum këtë mundësi”.

Tashmë Barcelona duhet të arrijë marrëveshjen me Bajernin e Mynihut, që e ka shprehur vullnetin për ta shitur mesfushorin .Shifra që pritet të paguajë për të shkon në 20 milionë euro. Vidal tashmë është 31 vjeç dhe për bavarezët mund të jetë një shifër e kënaqshme, edhe pse në media është raportuar se duan 30 milionë euro për kartonin e tij.

Katalanasit synonin të merrnin nga PSG mesfushorin Adrien Rabiot, por duke parë vonesat, u vendos që të tentohej Vidal. Në orët në vazhdim pritet të zyrtarizohet marrëveshja mes klubeve, çka do ta përmbyllte plotësisht këtë operacion merkatoje.

Arturo Vidal është një nga më të përfolurit dhe kartoni i tij vlerësohet 30 milionë euro. Interi dhe Napoli në Itali kërkojnë shërbimet e tij, por Zikaltrit po këmbëngulin më shumë. Trajneri Luçiano Spaleti e do në ekipin e tij kilianin dhe gjermanët janë gati ta lëshojnë, edhe pse nuk e shprehin hapur.

Karl Hainc Rumenige është ai që ka folur, por lë gjithçka në ajër kur pyetet për mesfushorin e Kilit. “Vidal? E kemi thënë disa herë se kemi një ose dy mesfushorë më tepër në ekip. Nuk mund të them akoma kush do të largohet, por me siguri ne do të punojmë për këtë”, ka thënë mes të tjerash Rumenige.

Pra deri në 2020, me synimin për ta huazuar mesfushorin te Interi, i cili do ketë të drejtën e blerjes së plotë të Vidal. Nëse tratativat për afrimin e tij në Milano nuk konkretizohen, drejtuesit kanë një emër tjetër. Bëhet fjalë për 23-vjeçarin Bakajoko, i cili aktivizohet me Çelsin.

Vazhdojnë bisedimet dhe me homologët e Atletiko Madrid. Objektivi është kroati Vërsaljko dhe palët janë drejt akordit. 5.5 milione euro për huazimin e mbrojtësit të djathtë dhe 16.5 milionë të tjera vitin e ardhshëm për blerjen e tij të plotë. Zikaltërit kanë arritur akordin me futbollistin dhe pritet vetëm përgjigja pozitive e Atletikos, e cila pritet të vijë në ditët e ardhshme.

Vetë Vidal ka pretendimet e tij: 8 milionë euro në sezon. Zikaltrit nga ana tjetër duan të rivalizojnë Juventusin për titullin dhe kjo bëhet vetëm duke u përforcuar. Kjo normalisht ka edhe faturën e vet në aspektin financiar.

Gjithsesi klubi italian po mendon edhe të shesë lojtarë dhe në listë për t’u larguar janë Veçino dhe Galjardini. Në listën e dëshirave të merkatos janë pikërisht Arturo Vidal dhe Mateo Kovaçiç. Ky i fundit kushton edhe më shumë, rreth 50 milionë euro, sikurse raportohet në mediet spanjolle. Për kroatin ka interesim nga disa klube.

Për Vidal interesohet edhe Napoli. Karlo Ançeloti e njeh mirë kilianin, pasi ka punuar me të tek Bajerni i Mynihut, ndaj edhe ribashkimi i tyre në Serinë A është një opsion. Në Gjermani shihet i sigurt largimi i mesfushorit nga kampionët e Gjermanisë.