Artur

Fati i buzëqesh Barcelonës, në Madrid me përforcime nga infermieria

Sport Ekspres — Tue, 26 Feb 2019 20:42:05 +0000

Trajneri i Barcelonës Ernesto Valverde ka marrë lajme të mira nga infermieria e klubit një ditë para ndeshjes së kthimit të gjysmëfinales së Kupës së Mbretit, ku katalanasit do të ndeshen në “Santiago Bernabeu” me Realin e Madridit.

Mesfushori brazilian, Artur ka marrë “dritën jeshile” nga stafi mjekësor dhe ditën e sotme u rikthye në stërvitje të plotë me grupin pas tri javësh ku qëndroi pushim për shkak të një problemi muskulor.

Gjithsesi, pritet që Artur ta nisë nga stoli, pasi trajneri Valverde vështirë se do të rrezikojë duke e vënë titullar në një ndeshje kaq shumë të rëndësishme. Dilema e Valverdes për ditën e nesërme është se kush do të vihet përkrah Rakitiç dhe Buskets në treshen e mesfushës së Barcelonës. Për momentin Vidal është favorit, por nuk përjashtohet mundësia që tekniku bask t’i besojë të riut Karlos Alenjës, ose Sergi Robertos, i cili ka eksperienca të mëparshme në atë pozicion.

Goditje e rëndë për Barcelonën, një muaj pa yllin e mesfushës

Sport Ekspres — Fri, 08 Feb 2019 14:27:03 +0000

Barcelona do të ndeshet mbas dy javësh me Lionin në kuadër të ndeshjes së parë të fazës së 1/16-ave të Champions League. Për këtë takim, tekniku bask nuk do të ketë në dispozicion mesfushorin brazilian Artur, i cili do të mungojë përreth 1 muaj për shkak të një dëmtimi muskulor.

Në mungesë të 21-vjeçarit, trajnerit të katalanasve do të duhet t’i besojë nga minuta e parë kilianit Arturo Vidal, ndërsa në stol i vetmi mesfushor për kampionët e Spanjës është i riu Karlos Alenja, pasi mesfushori tjetër Denis Suarez u largua gjatë merkatos së janarit drejt Arsenalit.

Një tjetër opsion për Valverden është zhvendosja e Filipe Kutinjos në mesfushë, pasi braziliani ka pasur eksperienca të mëparshme në atë pozicion në kohën kur luante te Liverpuli.

Kalimi te Reali, Artur dhe Rabiot: flet “finoku” Nejmar

Sport Ekspres — Tue, 28 Aug 2018 07:24:23 +0000

Nejmar është lojtari për të cilin është paguar më së shumti për transferimin e tij dhe atë rekord braziliani mund të përmirësojë ende, pasi është thënë se Reali i Madridit është gati që të paguajë për të rreth 300 milionë euro. Në të shkuarën madje është folur edhe për shuma më të larta.

Gjithsesi PSG është klubi që vendos për të ardhmen e Nejmar, i cili së fundmi ka takuar shokët e tij te Barcelona, ndërkohë që është ngacmuar në lidhje me të ardhmen. Braziliani tregohet finok dhe përgjigja kur e pyesin për një kalim tijin te Reali i Madridit është ajo standardja: “Unë kam një kontratë në fuqi me PSG-në”.

Ngacmimet për Nejmarin nuk kanë mbaruar me kaq, pasi katalanasit duan të dinë nëse Adrien Rabiot do t’u bashkohet në të ardhmen. Prerazi sulmuesi thotë: “Nuk e di, do duhet të flisni vetë me Rabiot”.

Në Champions nuk do donte të përballej me Barcelonën, ndërkohë që 26-vjeçari ka bërë një koment edhe për Artur Melo, bashkëkombësin e tij që i është bashkuar katalanasve: “Ai është një lojtar i madh dhe jam i sigurt që do t’i japë Barcelonës atë që meriton”.