Artur Faife Rexhinaldo

Cungu mund të qetësohet, ja situata e Rexhinaldos

Sport Ekspres — Fri, 15 Mar 2019 08:07:37 +0000

Kukësi shkon në Korçë të shtunën dhe trajneri Armando Cungu ka marrë një lajm të mirë ditën e djeshme. Sulmuesi nga Mozambiku, Rexhinaldo, do të jetë i gatshëm për takimin me korçarët. Dëmtimi i pësuar me Teutën nuk ka qenë serioz për të dhe kështu shkodrani mund t’i bëjë llogaritë me të në ekip.

“Shumë i lumtur të mësoj se dëmtimi që pësova nuk ishte serioz, i lumtur gjithashtu që u ktheva të stërvitem me ekipin. Edhe pse ende nuk jam në 100 për qind, jam i sigurt që do të jem gati të shtunën ta ndihmoj ekipin. Do luftoj për këtë. Forca Kukësi”, shkruan Rexhinaldo në rrjetet sociale.

Veç sulmuesit, i gatshëm do të jetë edhe Uilliam Kordeiro. Mungesa të sigurta janë ato të Ardian Cuculit dhe Simo Rrumbullakut, lojtarë të rëndësishëm të formacioni të verilindorëve. Gjithsesi objektivi është i qartë dhe Kukësi shkon në Korçë për të marrë maksimumin e pikëve.

I shënoi “gjahut të preferuar”, Rexhinaldo i trishtuar

Sport Ekspres — Wed, 13 Mar 2019 08:00:15 +0000

Sezonin e shkuar e mbylli me një gol kundër Teutës, i 18-ti në kampionat me fanellën e Laçit. Rexhinaldo këtë sezon e ka “gërvishtur” në të gjitha takimet skuadrën durrsake, që konfirmohet si “gjahu” i preferuar sulmuesit afrikan.

Në kampionat i ka shënuar tre herë, në të tria ndeshjet, ndërkohë që i shënoi edhe sot në takimin e parë të fazës çerekfinale të Kupës së Shqipërisë. Gjithsesi Kukësi nuk fitoi, pasi pësoi në fund dy gola dhe i gjithë takimi u mbyll me rezultatin 2-2.

Për Rexhinaldon ky rezultat i bën favorit për kualifikimin në gjysmëfinale, ndërkohë që shpreson të jetë gati për ndeshjen e radhës me Skënderbeun. Si zakonisht ai ka komunikuar me fansat e tij përmes rrjeteve sociale.

“I gëzuar për golin e shënuar, i trishtuar sepse u zëvendësova i dëmtuar. Shpresoj të mos jetë ndonjë gjë serioze dhe të jem në gjendje të ndihmoj skuadrën në ndeshjen e rëndësishme që luhet të shtunën”, shkruan Rexhinaldo mes të tjerash.

Kukësi mendon për largimet, sulmuesi me valixhe në duar?

Sport Ekspres — Sun, 23 Dec 2018 19:08:30 +0000

Kukësi arriti që ta ngushtonte akoma dhe më shumë diferencën me Partizanit, pasi suksesi ndaj Kastriotit u shoqërua dhe me barazimin e kryesuesve në Gjirokastër. Tani është koha për festa e fundvitit, por edhe për merkato, pasi në mesin e janarit skuadrat do të rikthehen në fushat e blerta. Presidenti Gjici deklaroi se skuadra e tij ka nisur punën që pas ndeshjes me Tiranën dhe deri tani ka marrë shërbimet e Rrocës që është konfirmuar, por numri një i kuksianëve ka pohuar se edhe Shkurtaj do të ndjekë mesfushorin në aksin Gjirokastër-Kukës.

Skuadra duket se është harmonizuar dhe nuk është shumë e nevojshme që të ketë lëvizje të panumërta, por natyrshëm që nuk do të ketë edhe ndonjë firo. Toure duket se është thuajse i larguar, por “SportEkspres.com” mëson se mund të ketë një largim akoma dhe më të madh nga nënkampionët.

Rexhinaldo ishte autor i golit të dytë në ndeshjen me krutanët sot, por mund të ketë qenë ndeshja e fundit e sulmuesit me kuksianët. 29-vjeçarit ka shënuar vetëm 3 gola nga 29 shtatori deri më tani, ndërsa në total ka realizuar vetëm 7 gola në 18 javë.

Edhe pse sulmuesi nga Mozambiku është shënuesi më i mirë i skuadrës, nuk do të ishte çudi që të largohej në dritaren dimërore, pasi Shkurtaj mund t’i ngushtonte akoma dhe më tepër hapësirat për të. Për afrimin e lojtarit të Luftëtarit po shpenzohet një shumë e madhe parash, ndaj do duhet që të bëhet ndonjë lëvizje, për të ekuilibruar bilancet dhe autori i 7 golave merr jo pak.

Po ashtu edhe Roxher i Kastriotit mund të bashkohet me Kukësin, çka do e shtonte koloninë e të huajve, duke e bërë të domosdoshme largimin e ndonjë prej lojtarëve që nuk kanë pasaportë shqiptare. Rexhinaldo është përfolur herë pas here për ndonjë moment tensioni në skuadër, çka mund të jetë një minus për të.

Drejtuesit mund të mendojnë që të ulen e të bisedojnë për një divorc të parakohshëm, për të mirën e të dyja palëve. Merkato hapet në 1 janar, por te Kukësi do të lëvizin shpejt, në mënyrë që t;i japin kohën e mjaftueshme Cungut që të punojë i qetë, por merkato pritet të jetë e nxehtë edhe në dalje nga verilindorët.

Askush si Rexhinaldo, sulmuesi shpallet lojtari i muajit

Sport Ekspres — Sun, 07 Oct 2018 13:08:43 +0000

Shoqata “Sporti na bashkon” ka shpallur lojtarin më të mirë të muajti shtator në Superligë dhe ai është Artur Faife Rexhinaldo. Sulmuesi i Kukësit ka shënuar pesë gola në kampionat dhe kryeson renditjen e golashënuesve.

28-vjeçari nga Mozambiku i ka shënuar Tiranës (tripletë), Teutës dhe Luftëtarit. Votimet e gazetarëve sportivë kanë zgjedhur sulmuesin e Cungut si lojtarin me performancën më të mirë të muajit shtator dhe ky është një vlerësim për të.

Forma e mirë ka bërë që sulmuesi të marrë ftesën e kombëtares së tij për ndeshjen kundër Namibisë, ndërsa nesër do të kërkojë t’i shënojë Partizanit, ekipit kryesues të Superligës dhe t’i dhurojë fitoren Kukësit.