Arthur Melo

“Peshon katër kilogramë më shumë”, në Spanjë tërbohen me mesfushorin

Sport Ekspres — Wed, 22 May 2019 10:05:51 +0000

Barcelona duket se ka një shqetësim të madh aktualisht, që ka të bëjë me brazilianin Artur Melo. Pikërisht ky i fundit, siç thuhet edhe nga mediat pranë klubi, duket se ka shtuar plot 4 kilogramë që kur ka ardhur në “Camp Nou”.

Lajmi ka marrë dhenë dhe duket se kjo gjë është kthyer në çështje në dhomat e zhveshjes së skuadrës katalanase. Diçka e tillë duket e papranueshme nga stafi blaugrana, me këta të fundit që duket se janë shumë të shqetësuar.

?? PREOCUPACIÓ ARTHUR

? Lluís Canut: “Va una mica sobrat de pes. Pesa 4 quilos de més”

? @xavitorresll: “El vestidor està preocupat. S’ha intentat baixar-ho”#ClubMitjanit pic.twitter.com/cKHJ0kwBUv

— Club de la Mitjanit (@ClubMitjanit) May 21, 2019

Gjithsesi, lajmi i mirë për Barçën është përfundimi i sezonit, pasi ka mbetur për t’u luajtur vetëm finalja e “Copa del Rey” dhe Artur do të ketë kohë të rikthehet në formë. Sidoqoftë, për lojtarin është problem edhe kombëtarja, pasi është i grumbulluar me Brazilin për në Kupën e Amerikës.

Fati i buzëqesh Barcelonës, në Madrid me përforcime nga infermieria

Sport Ekspres — Tue, 26 Feb 2019 20:42:05 +0000

Trajneri i Barcelonës Ernesto Valverde ka marrë lajme të mira nga infermieria e klubit një ditë para ndeshjes së kthimit të gjysmëfinales së Kupës së Mbretit, ku katalanasit do të ndeshen në “Santiago Bernabeu” me Realin e Madridit.

Mesfushori brazilian, Artur ka marrë “dritën jeshile” nga stafi mjekësor dhe ditën e sotme u rikthye në stërvitje të plotë me grupin pas tri javësh ku qëndroi pushim për shkak të një problemi muskulor.

Gjithsesi, pritet që Artur ta nisë nga stoli, pasi trajneri Valverde vështirë se do të rrezikojë duke e vënë titullar në një ndeshje kaq shumë të rëndësishme. Dilema e Valverdes për ditën e nesërme është se kush do të vihet përkrah Rakitiç dhe Buskets në treshen e mesfushës së Barcelonës. Për momentin Vidal është favorit, por nuk përjashtohet mundësia që tekniku bask t’i besojë të riut Karlos Alenjës, ose Sergi Robertos, i cili ka eksperienca të mëparshme në atë pozicion.

Valverde në hall, mesfushori 1 muaj jashtë

Sport Ekspres — Sat, 09 Feb 2019 10:44:22 +0000

Kur na ndajnë shumë pak ditë nga nisja e Champions League, Barcelona merr një lajm që ka prishur jo pak humorin në ambientin katalanas. Artur Melo do të qëndrojë jashtë për të paktën 4 javë si pasojë e një dëmtimi.

Kështu, Artur, nuk do të jetë në dispozicion të trajnerit Valverde për ndeshjen në Champions ndaj Lionit, si dhe në përballjet ndaj Realit në Kupë por edhe në La Liga. Gjithashtu, 22-vjeçari do të mungojë dhe për ndeshjet ndaj Bilbaos apo Sevijas.
Mesfushori brazilian, i cili veshi fanellën blaugrana verën e vitit të kaluar, është bërë pjesë e rëndësishme e Barçës, duke qenë titullar në shumicën e ndeshjeve, teksa mbi shpinë mban dhe një fanellë të rëndë, që përpara tij e kishte Andres Iniesta.