Tekniku tiranas, të premten në mbrëmje konfirmoi për SportEkspres.com vetëm Jurgen Vrapin, ndërsa dy të tjerët ende janë në biseda me drejtuesit e klubit. “Unë konfirmoj 100% vetëm Jurgen Vrapin, ndërsa Vogli e Sharavolli ende nuk kanë mbyllur bisedat me klubin. Gjithsesi, ne po punojmë që jo vetëm këta futbollistë, por edhe të tjerë që kanë spikatur në Kategorinë e Parë dhe në Superiore, do jenë në fokusin e merkatos sonë”.

Mesfushori Jurgen Vrapi njihet për vlerat e tij nga Mergjyshi, pasi ishin së bashku në sezonin e kaluar te Dinamo. Në sezonin e kaluar ai u aktivizua 23 ndeshje me blutë dhe shënoi 4 gola. Veç Vrapit, nga skuadra dinamovite e cila është në vështirësi rifillimi, tekniku tiranas ka kërkuar edhe Marlind Nuriun e Rei Nuriun, por ende nuk janë bërë fakt bisedimet e zhvilluara mes tyre javën e kaluar.

AGRON KAJA

“Merkato e Apolonisë nuk ka sekrete të mëdha. Ne po synojmë elementë që t’i shërbejnë skuadrës në misionin e saj për ngjitjen në Superiore. Edhe Marlind me Rei Nuriun janë në planet tona. Të dy këta futbollistë të talentuar kam dëshirë që t’i evidentoj me Apoloninë, e besoj se ata do më mirëkuptojnë. Apolonia ka një plan konkret në këtë merkato, me emra të tjerë nga e Para dhe Superiorja”, shprehet trajneri Mërgjyshi.

Ndërkohë që për emrat, të cilët ai i ka bërë publikë dy ditë më parë, Mërgjyshi sqaron se nuk janë vetëm ata synimi. “Mua më është kërkuar mendim nga drejtuesit dhe u kam dhënë disa emra futbollistësh, kryesisht në ato reparte ku Apolonia ka më shumë nevojë. Vogli, Çelhaka, Sharavolli e Mehmeti janë vetëm fillimi i gjetjes së emrave në këtë treg të merkatos. Për një skuadër më dinjitoze, natyrisht që do të jemi aktivë në treg e shpejt do mësoni emra të tjerë”, përfundon tekniku i Apolonisë.

AGRON KAJA

“Me drejtuesit e Apolonisë kemi rënë dakord që ta drejtoj këtë skuadër për sezonin e ri. Për mua është një rikthim te kjo skuadër, por edhe një përgjegjësi e madhe për objektivat që ka Apolonia,  një klub me administrim shumë profesional. Skuadra ka nevojë për 3-4 përforcime, sepse baza e sezonit të kaluar me 13-14 lojtarë është e mirë”, deklaroi Mergjyshi për Sportekspres.com. 

Karrierën e tij si trajner Mergjyshi e ka nisur në vitin 2008 në drejtimin e Dinamos, për tre vite si ndihmës, e më pas si trajner i parë i kësaj skuadre. Kastrioti, Besa, Apolonia, Korabi, Bylis e Laçi janë skuadrat të cilat Artan Mergjyshi ka drejtuar në të shkuarën. Në sezonin 2003-2004 ai ka qenë edhe futbollist i skuadrës së Apolonisë, atëherë në Kategorinë SUPERIORE.  Për të ky është një rikthim i dyfishtë.

AGRON KAJA

Në klubin blu, drejtuesit janë të paqartë për vazhdimësinë, ndërkohë që edhe Drejtori Teknik i saj, Artan Mergjyshi, për SportEkspres.com deklaron se nga përfundimi i kampionatit e deri më sot gjithçka është pezull.

Përgatitjet e sezonit të ri – “Nuk mund tu them më shumë se sa pushimet që po bëjmë të gjithë në skuadër. Gjithçka duket pezull, dhe pas datës 15 korrik që kemi njoftuar nisjen e përgatitjeve për sezonin e ri, do mësohet gjithçka për vazhdimësinë e skuadrës në sezonin e ri”.

Ndryshimet në klub – “Unë nuk jam në dijeni për ndryshime të drejtuesve te skuadra jonë. Gjatë kësaj periudhe pushimesh unë kam menduar edhe për programin stërvitor dhe merkaton, por të gjitha këto marrin rrugë pas datës 15 korrik. Rëndësi ka që grupi i futbollistëve i cili e mbylli sezonin e kaluar do të jetë edhe për sezonin e ri”.

AGRON KAJA

“I kemi nisur negociatat me pjesën më të madhe të skuadrës aktuale dhe kemi rënë parimisht dakord që edhe sezonin e ardhshëm të jenë pjesë e Dinamos. Synimi ynë është ngjitja në Kategorinë Superiore dhe rreth 15 futbollistë që po mbyllin këtë sezon do të qëndrojnë në skuadër”, tregon Mërgjyshi

Më tej ai thekson se synojnë të bëjnë disa afrime cilësorë, në mënyrë që ta arrijnë objektivin sezonin e ardhshëm. “Do të zhvillojmë edhe merkato. Kemi në plan që të afrojmë rreth 7 lojtarë cilësorë dhe me eksperiencë”, theksoi drejtori Mërgjyshi.

“Për ta rikthyer Dinamon në elitën e futbollit shqiptar, po përqendrohemi edhe në një organizim total të klubit. Kjo do të thotë se edhe akademia do të ketë mbështetje të plotë. Java e fundit e këtij sezoni, sfida me Besëlidhjen, konsiderohet si një ndeshje ku do tregohet gjendja reale e skuadrës. Synimi është fitorja dhe vendi i dytë”, përfundoi Artan Mërgjyshi për SportEkspres.com.

AGRON KAJA

“Fituam një ndeshje morali e prestigji. Tri pikët na mbajnë brenda synimit tonë, që në fundin e kampionatit të renditemi në vendin e dytë në grup. Me këtë fitore Dinamo tregoi se i ka kualitetet për të qenë në elitë. Ne mund të ishim rivalët e Vllaznisë, por disa gabime rrugës, kryesisht në fazën e dytë, na larguan nga pretendimi për vendin e parë në grup”, u shpreh fillimisht Mërgjyshi.

Ndërkohë, për tre ndeshjet e mbetura të kampionatit ai shtoi: “Në tre ndeshjet e mbetura deri në fund të fazës së tretë, ne kemi dy transferta të vështira në Peshkopi dhe Shijak. Gjithsesi do të synojmë vetëm fitoret. Ndeshja e fundit me Besëlidhjen them se do jetë një ‘derbi’ për vendin e dytë në grupin tonë”.

AGRON KAJA

Për SportEkspres.com, Mërgjyshi deklaron: “Katër skuadra, thuajse jemi futur në një mini-kampionat për të siguruar vendin e dytë në Grupin A. Është një pozicion simbolik, por për Dinamon është shumë domethënës. Deri në fund ky është objektivi ynë. Rivaliteti do të jetë shumë i fortë, edhe pse jemi katër skuadra që kemi dalë jashtë synimeve të këtij sezoni”.

Më tej Mërgjyshi flet në lidhje me përballjen e radhës me Besëlidhjen. Pavarësisht se Dinamo nuk do të jetë e plotë, drejtori teknik thekson se synojnë të fitojnë në Lezhë. “Organika nuk do jetë e plotë në sfidën me Besëlidhjen, por kjo nuk na pengon të synojmë fitoren. Rikthehet Muça dhe mungon Allmuça, këto janë lëvizjet në formacionin e kësaj jave për Dinamon”, përfundon Mërgjyshi.

AGRON KAJA

“Në Shkodër zhvilluam një ndeshje relativisht të mirë. Realisht jemi mbrapa, pasi të gjithë presin shumë nga Dinamo. Po punojmë për projektin e rikthimit të skuadrës në Superiore sezonin e ardhshëm”, shprehet Artan Mërgjyshi për SportEkspres.com.

Për vazhdimësinë, ai shton se kjo periudhë do të shërbejë edhe për evidentimin e futbollistëve të rinj që do të jenë pjesë e kësaj skuadre në sezonin tjetër. “Nga ndeshja në ndeshje, kryesisht tani gjatë fazës së tretë, ne duam të evidentojmë se sa lojtarë të gatshëm kemi për sezonin e ardhshëm, ku synimet tona do të jenë madhore. Me një garë të ndershme deri në fund,  gradualisht Dinamo do të jetë e aftë që të rikthehet aty ku i takon, përfundoi Mërgjyshi.

AGRON KAJA

Aktualisht Dinamo ka 7 sezone që luan në Kategorinë e Parë dhe në 14 javët e luajtura në Grupin A ka grumbulluar 24 pikë e renditet në vendin e 3-të, 9 pikë larg Vllaznisë që kryeson këtë grup. Ndeshjen e javës së 15-të Dinamo luan me Vorën në Pezë Helmës, skuadër e cila renditet në vendin e fundit në këtë grup me 6 pikë.

INTERVISTOI: AGRON KAJA

Është hera e parë që te Dinamo jeni në pozicionin e Drejtorit Teknik, e kishit menduar më parë?
-Të them të drejtën jo. Pas eksperiencës si lojtar për shumë vite te Dinamo, e më pas si trajner i saj, në postin e Drejtorit Teknik ndjehem si në shtëpinë time. Karriera në sport i pranon të gjitha pozicionet, rëndësi ka që edhe këtu të jap kontributin tim maksimal për më të mirën e skuadrës.

Në një muaj te Dinamo, çfarë mendoni se ka ndryshuar në skuadër?
-Nëse e keni fjalën për merkaton, kemi bërë vetëm dy afrime. Kur flasim për skuadrën në tërësi, mendoj se ndryshimi thelbësor është psikologjia e fituesit. Grupi aktual ka patur ecuri të mirë dhe gjatë miqësoreve që zhvilluam kanë treguar seriozitet e nivel në lojë.

Gjatë muajit janar keni bërë merkato me “pikatore”, pse vetëm me dy emra futbollistësh?
-Ne kemi afruar gjatë muajit janar dy futbollistë: Erald Kolgega dhe Ervis Kaja. Kjo sepse grupi që mbylli gjysmën e parë të këtij kampionati ka qenë i plotë dhe me këtë përbërje Dinamo do të jetë më konkurruese në kampionat.

Për javën e 15-të do të luani ndaj Vorës së fundit në renditjen e Grupit A. Cili është synimi i Dinamos?
-Si çdo ndeshje në Kategorinë e Parë, edhe kjo me Vorën ka shkallën e saj të vështirësisë. Kemi përballë një kundërshtar që kërkon të mbijetesën dhe në këtë merkato ka bërë disa përforcime. E respektojmë Vorën si kundërshtar, por Dinamo në këtë sfidë do të luajë vetëm për fitore.

Çfarë synoni me Dinamon në këtë sezon, nisur nga renditja aktuale e saj në Grupin A?
-Së pari, në katër ndeshjet e fazës së dytë ne do të kërkojmë të marrim sa më shumë pikë, e po kështu të vazhdojmë në fazën e tretë. Ajo ka specifikën e veçantë me përgjysmimin e pikëve të dy fazave të para. Nuk do përjashtohemi nga lufta për kreun e Grupit A.

E keni një strategji si klub për rikthimin e Dinamos në Kategorinë Superiore?
-Natyrisht që po dhe e them me bindje se të gjithë po punojnë që Dinamo të rikthehet në Kategorinë Superiore, pse jo që në sezonin e ardhshëm. Kemi një strategji që të krijomë një ekip konkurrues, dhe gradualisht po i shtrojmë shinat për të kthyer Dinamon aty ku i takon emrit të madh të kësaj skuadre.

Mërgjyshi drejtoi këtë sezon skuadrën e Laçit, por la drejtimin e kurbinasve pas mungesës së rezultateve. Ai nuk arriti të gjente një skuadër tjetër dhe “u ankorua” te klubi i Dinamos për momentin. Tekniku po pret ofertën e duhur për të vazhduar karrierën e tij si trajner.

Sot në mesditë do të zhvillohet një takim tresh: Saliaj-Allmuça-Megjyshi, i cili do të përcaktojë më shumë detaje rreth pozicionit të Mergjyshit si drejtor teknik i Dinamos. Burime zyrtare pranë klubit dinamovit konfirmuan sot për SportEkspres.com se, ofertën e drejtuesve të Dinamos vetë Mergjyshi në parim e ka pranuar, ndërkohë që sot në takim do të përcaktohen më qartë detyrat e tij dhe të trajnerit Igli Allmuça.

Në 14 javët e luajtura në Kategorinë e Parë, Dinamo renditet në vendin e 3-të në Grupin A me 24 pikë, 11 pikë larg Vllaznisë në vendin e parë, ndërkohë që me këtë përforcim duket sikur lufta sportive mes shkodranëve e dinamovitëve për vendin e parë në grup, tashmë ka nisur.

AGRON KAJA

“Te Partizani nuk kanë shumë alternativa. Lojtarët që ata kanë në stol, nuk kanë shumë eksperiencë, ose minuta nëpër këmbë. Si në rastin e sotëm, ku Telushi u zëvendësua nga Kote dhe Atanda nga Bitri”.

“Partizani do ta ketë shumë ta ketë shumë të vështirë tani e tutje, pasi ka pesë ekipe nga pas, që çdo ndeshje me të do ta kenë si një finale. Pushimi i dimrit erdhi në momentin e duhur për ta”, tha Mërgjyshi.

Për SportEkspres.com, Mergjyshi deklaroi se në Superiore po zhvillohet një “minikampionat”, ku 10 skuadrat janë ndarë në dy grupe: 6 të parat do të luftojnë për titullin kampion dhe një vend në zonën e Europës, ndërsa 4 skuadrat e fundit do të luajnë për mbijetesë. Njëherësh, ai nuk mendon se kreu do të ndryshojë dhe Partizanin e quan si Kampionin e Dimrit.

INTERVISTOI: AGRON KAJA

Java e 16-të e Superiores nisi dje me sfidën Kukësi-Skënderbeu, teknikisht si e përshkruani?
-Fitorja e Kukësit ishte e pritshme, e tashmë e futi veten në vallen e titullit kampion. Ka qenë një ndeshje që kishte shumë emocion nga të dyja skuadrat, por Kukësi e shfrytëzoi presionin që kishte Skënderbeu, që ka tre javë që nuk po luan mirë.

Sipas jush, penalltia në favor të Kukësit, ishte e drejtë?
-Çdo moment i lojës mund të interpretohet nga këndvështrime të ndryshme, ndërsa unë i qëndroj vendimit të arbitrit. Ishte një penallti 100% e saktë, pasi portieri i Skënderbeut bëri dy gabime të njëpasnjëshme, edhe për faktin se Kukësi i kishte vënë nën presion korçarët në ato minuta.

Ishte kjo kryendeshja e javës së 16-të?
-Mendoj se nuk ishte kjo kryendeshje, edhe për faktin se loja nuk u ngjit mbi nivelin mesatar. Kishte pak gjuajtje në portë, për të thënë se ishte më shumë skematike. Ndeshja e mbrëmjes së sotme Teuta-Partizani, mund të konsiderohet kryendeshje, ku Partizani ka provën më të vështirë për kreun.

Sot luhet edhe Tirana-Kastrioti, do të kemi ndonjë surprizë në këtë përballje?
-Surprizat janë të pranishme në futboll, ndaj ai është i bukur në tërësinë e tij. Tirana nuk do ta ketë të lehtë me Kastriotin. Krutanët kanë një atmosferë shumë pozitive në tri javët e fundit, ndërsa Tirana është krejt ndryshe, ka prodhuar lojë, por nuk ka ditur të shënojë.

Nesër do të luhen dy ndeshjet e tjera të javës së 16-të, do të jenë përcaktuese për renditjen e këtyre skuadrave?
-Natyrisht që po, sepse një fitore e Flamurtarit me Laçin, e afron atë më shumë me skuadrat e kreut, ndërsa një humbje e Luftëtarit në Kamzë, e vendos realisht në zonën e mbijetesës dhe i largon kamzalinjtë nga kjo zonë. Në këto situata, them se rezultatet do të jenë përcaktuese në renditje.

Mendoni se aktualisht kemi një Superiore me dy “minikampionate”: 6 skuadra që luftojnë për kreun dhe Europën, dhe 4 skuadra për mbijetesë?
-Në këto 15 javë që janë luajtur, janë përcaktuar skuadrat për titull dhe Europë, si dhe skuadrat për mbijetesë. Në vazhdimësi mund të ketë edhe ndonjë lëvizje, por kështu do të jetë deri në mbylljen e këtij viti. Merkato e dimrit mund të ndryshojë vendosjen e skuadrave në dy fazat e tjera.

Cilën skuadër e mendoni si “Kampione e Dimrit” në Superiore?
-Nëse i referohemi realitetit në renditje, Partizani duket se e ka vënë këtë “kurorë”, si do që të dalë sot në Durrës. Nëse do të besojmë në ndonjë surprizë, që nuk ka shumë mundësi të ndodhë, ndoshta Kukësi mund të jetë kandidati tjetër për këtë pozicion në renditje.

Thuhet se pas analizës është larguar dhe me shumë Laçi do të duhet të gjejë trajner për pjesën tjetër të sezonit. Nisja e kampionatit ishte mjaft e mirë, pasi Laçi arriti të merrte rezultate pozitive dhe në tetë javë të mos humbte asnjë ndeshje.

Dy humbjet e fundit me Teutën dhe Kukësin kanë bërë që situata në kampin kurbinas të ndryshojë. Nga ana e trajnerit ende nuk ka një sqarim në lidhje me të ardhmen e tij, ndërkohë që as klubi nuk ka dalë me një qëndrim.

HUMBJA – “Pjesën e parë luajtëm më mirë, ishim më luftarakë, por nuk shfrytëzuam pasin e fundit. Në pjesën e dytë nuk patëm freski, patëm një ngërç. Kjo erdhi pasi nuk kishim shpejtësi në veprimet tona. Kishim dy mungesa të rëndësi. Ata korrigjuan diçka dhe ishin më efikasë. u lamë iniciativë më shumë atyre. Pas golit nuk patëm energji dhe besim”.

MUNGESAT – “Eller dhe Xhixha? Mungesa të rëndësishme, por duhet të vlerësojmë lojtarët që kemi. Një minus ishte edhe ana psikolologjike. Hymë në lëvizje kaotike pas golit. Javën tjetër shpresojmë të na kthehen lojtarët e dëmtuar.

SULMI – “Altiparmakovksi? Punoi mirë sa i takon lëvizshmërisë, por i mungoi shpejtësia në metrat e fundit. Këtë nuk e kemi në këto momente. Duhet të bëjmë mirë me këta që kemi”.

Kartoni i kuq – “Ishte një nga arsyet e humbjes. E nisëm lojën keq, pasi ishim me 10 lojtarë. U goditëm psikologjikisht, edhe pse provuam që të reagonim. Ai karton na goditi shumë dhe na shkuan gjërat keq, pasi pësuam nga një moment shpërqendrimi. Skuadra tentoi të reagonte, krijuam aksione, por nuk i shfrytëzuam dhe më pas u ndëshkuam sërish. Më vjen keq se në pjesën e dytë nuk kishim energji për të ndryshuar diçka, edhe pse provova të ndryshoj diçka me zëvendësimet.”

Humbja e parë – “Unë mendoj se nuk duhet ta bëjmë dramë këtë humbje, pasi gjërat nuk shkuan në favorin tonë. Episodet i kishim kundra dhe i tillë është futbolli. Ne kemi forca dhe energji. Na ndikoi dhe dëmtimi i Toros, pasi nuk ka qenë në gjendje optimale. Edhe Lushkja nuk ishte në momentin e tij më të mirë. Ne kemi forca dhe duhet të dalim sa më parë nga kjo gjendje. Kemi marrë pikët deri më tani dhe them se jemi aty ku duhet të ishim.”

Arbitri – “Nuk do të merrem me gjykimin. Ishte një faull që është në limitet e kartonit, por ishim në fillim të ndeshjes. Është një barazim i lojtarit tonë që kërkon topin. Mund ta kalonte dhe me një të verdhë këtë rast.”

Trajneri Artan Mërgjyshi ka folur në lidhje me sfidën dhe me ecurinë e ekipit të tij. Numri një i pankinës së Laçit, tha se ekipi duhet të ketë seriozitet maksimal dhe se duhet të vazhdojë të tregojë siguri. Gjithashtu Mërgjyshi shtoi se në kampionatin tonë nuk ka ndeshje të lehta dhe ekipi duhet të jetë i përgatitur për çdo rezultat.

“Çdo ndeshje vlen tre pikë dhe këtë ia kemi bërë të qartë edhe djemve. Nuk ka ndeshje të lehta në kampionatin tonë . Çdo ndeshje duhet marrë me seriozitetin maksimal, ashtu siç kemi vepruar deri tani. Do të hymë si çdo ndeshje për të marrë maksimumin, por futbolli i ka të tre rezultatet brenda, kështu që në duhet të jemi të përgatitur për të mos gabuar dhe gabimi duhet të vijë sa më vonë.”

“Nuk na ka falur njeri asgjë, por e kemi merituar dhe duke vepruar siç kemi vepruar deri tani, duke punuar në këtë formë, rrugën e kemi të hapur përpara. Duhet të vazhdojmë kështu, por asgjë nuk bëhet me siguri në futboll, sepse siguria më e mirë në futboll janë puna dhe serioziteti dhe shpresoj të jemi në këtë rrugë deri në fund.”

TITULLI – “Është një fitore me shumë vlera, për renditjen dhe për moralin e skuadrës. Luajtëm mirë edhe në ndeshjen e sotme, por nuk mund të them që jemi për titull. Jemi një skuadër e re, por që lufton dhe tregon karakter, që dëshiron të luajë futboll. Nuk shohim larg, vazhdojmë rrugën tonë.

NJERIU GOL MUNGON – “E vërtetë, por kemi lojtarë që krijojnë dhe e njohin portën, ndaj kemi ekuilibër në lojën sulmuese”.

TIRANA – “Kishim marrë masa sa mundëm për të bllokuar lojën e Tiranës, duke e ditur që do luante sërish me 4-4-2. Besoj se ia dolëm mbanë”.

XHOLI SHTUBINA – “Këto janë mundësitë, marrim maksimumin me lojtarët që kemi në dispozicion. Shtubina bën disa role dhe e përdor shpesh në pozicione të ndryshme”.

ARBITRI – “Nuk do flas më, jam marrë shumë në të shkuarën, sepse i kam vuajtur shpesh gjykimet. Për mua janë të dyshimta të dyja rastet. Nuk shoh ndonjë faull ndaj Ngo, bile duart e sulmuesit të Tiranës janë të hapura. Blazhevski pretendoi penallti? Nuk e di, më duket se ai ka mundësi të avancojë përpara, por ka kërkuar një kontakt dhe nuk shoh kontakt, më duket simulim dhe gjyqtari ka vepruar drejt”.

FITORJA – “Ishim më agresivë, e kërkuam fitoren nga fillimi. I ruajtëm ekuilibrat dhe kërkuam më shumë fitoren. Jo rastësisht shënuam, ishte gol i menduar. Më pëlqen grinta, agresiviteti. Ishim të qartë në fushë.”

RENDITJA – “Kemi marrë maksimumin dhe duhet të jemi të kënaqur. Duhet të jemi më të qetë, kur jemi në avantazh dhe të shënojmë golin e dytë. Na rrezikoi kundërshtari në dy raste. Kemi mundësi për t’u përmirësuar.”

SULMI – “Mendova të lë Shtubinën në sulm, pasi Xhixha është përshtatur në krah. Nuk doja të bëja dy lëvizje. Ai ka eksperiencë, ndërsa Xhixha mbron mirë. Penguam Siljanovksin me të. Në fund disa prej lojtarëve ranë fizikisht dhe vuajtëm.”

Laçi nuk ka pësuar asnjë humbje në gjashtë javët e para të kampionatit dhe për trajneri Artan Mërgjyshi nuk është se duhet të habitet ndokush për diçka të tillë. Bardhezinjtë do tentojnë të vijojnë me rezultat pozitive dhe në vazhdim dhe të luftojnë për vendet e sipërme në klasifikim.

“Nuk është çudi, pasi ne jemi një ekip modest do të thosha, një ekip me djem të ri të alternuar me pak lojtarë me eksperiencë. Por dihet që Laçi – jo pse jam unë atje, por edhe më përpara – e ka në ADN e vet të jetë një skuadër luftarake, një skuadër e fortë, një skuadër që ka krijuar autoritetin e vet në kampionat”, u shpreh Mërgjyshi në “RTSH Sport”.

Më tej ai shtoi: “Ndaj edhe nuk ka frikë dhe hyn  në çdo ndeshje për të marrë maksimumin. Këtë ADN të trashëguar unë jam munduar ta përshtat sa më mirë dhe të marr më të mirën nga kjo skuadër. Shpresojmë që të vazhdojmë sa më gjatë pa humbje, sepse dihet që skuadrat nuk kanë shumë diferenca. Do mundohemi ta shtyjmë sa më gjatë, por të gjitha gjërat mund të ndodhin gjatë rrugës”.

GOLAT NË FUND – “Për momentin duhet të jemi të kënaqur për atë që kemi marrë. Mund të konsiderohet pak edhe si fat, por unë nuk besoj se është vetëm çështje fati. Kemi shënuar gola në fund, por kjo tregon edhe karakter të skuadrës, që lufton dhe nuk dorëzohet. Gjithsesi e thashë që jemi të kënaqur, por kampionati është i  gjatë”.

SULMI – “Kemi probleme sa i takon veprimeve sulmuese si skuadër, pasi jemi të konsoliduar më shumë në fazën mbrojtëse. Dihet edhe gjendja e lojtarëve të afruar, të cilët kanë ardhur me vonesë në ditët e fundit të merkatos. Ata akoma nuk janë në gjendjen optimale fizike dhe për këtë jemi munduar të fusim lojtarë që kanë eksperiencë, si Shtubina dhe Sukaj që ende nuk është në gjendjen optimale. Me rikthimin e tij në gjende të mirë, por edhe të Parmakovskit, shpresoj që të shtojmë forcën sulmuese dhe të jemi më efikasë dhe të qëndrueshëm gjatë gjithë 90 minutave”.

NGJESHJA NË KLASIFIKIM – “Kjo tregon edhe njëherë atë që thamë, që rivaliteti është shumë i madh në këtë kampionat. Duke përjashtuar deri diku, pasi është shpejt akoma, Kastriotin që po tregon probleme në veprimet mbrojtëse, të gjitha skuadrat e tjera janë të denja për të marrë maksimumin në çdo ndeshje. Pra të gjitha mund t’i fitosh, ose t’i humbësh. Ky kampionat do të marrë fytyrën e vet besoj pas fazës së parë. Do pozicionohen skuadrat për synimet që kanë. Shpresojmë të rrimë në këto pozicione dhe të luftojmë për pozicionet e sipërme”.

Trajneri e kishte përgatitur me kujdes këtë ndeshje, duke i lënë hapësira Kamzës dhe zëvendësimet e bëra dhe ndërrimi i skemës taktike ndikoi dhe bardhezinjtë gjeten golin e fitores.

Fitorja – “Arritëm një fitore të madhe, bëmë një lojë të kujdesshme pa rrezikuar shumë. E kishim përgatitur me kujdes ndeshjen, sepse vinim nga një barazim jo i mire me Kastriotin. Pjesa e pare ishte e kujdesshme, sepse Kamza luan mire me topin. Ne pjesën e dytë i lamë hapësira kundërshtarit. Goli ishte i merituar për ne, sepse vepruam me kujdes gjatë 90-të minutave. Pjesën e dyte Kamza sulmoi më shumë, por goditem ne porte dhe uroj djemtë për fitoren.”

Duhet të besoni më shume te lojtarët e rinj? – “E vërtetë, të rinjtë kanë energji dhe skuadra mori ritëm dhe ishte me e shpejtë përpara me futjen e tyre. Ky është futbolli, Hadroi dhe Smaçi dhanë sinjale të mira. Hadroi e ka treguar më parë një gjë të tillë, por këto janë mundësitë. Megjithatë, jam i kënaqur me paraqitjet e tyre.”

E bllokuat Kamzën nga krahët, e prisnit të ndodhte kështu? – “E vërtetë, e kishim përgatitur me kujdes. Luajtëm me 4-3-3 në pjesë e parë. Xhixha dhe Shtubina kishin detyra të neutralizuan krahët e Kamzës. Në pjesën e dytë kaluam në skemën 4-2-3-1 dhe shfrytëzuam hapësirat, duke arritur të shënojmë dhe fitojmë.”

Barazim – Për mënyrën si shkuan gjërat ishim më afër fitores. E kishim përgatitur mirë ndeshjen dhe e kërkuam gjatë gjithë lojës fitoren. Edhe terreni na e vështirësoi pak punë, por ne i kishim rastet tona. Më kënaq se si luajtëm, por jo rezultati. Edhe pse nuk shënuam, krijuam dhe skuadra kërkoi gjatë gjithë lojës, edhe ndaj një kundërshtari si Partizani suksesin. Jemi në rrugën e mbarë dhe pavarësisht se nuk shënuam, duhet të mbajmë këtë mënyrë loje.

Afrimet – Të dy lojtarët e afruar (Naidenov dhe Altiparmakovski) që ishin në fushë nuk e njohin mirë kampionatin dhe debutuan si titullar. Kanë cilësi edhe pse në anën fizike nuk janë 100%. Sukaj po ashtu nuk është në gjendjen optimale. Ishin brenda pritshmërive dhe jam i kënaqur nga ata.

Xhixha – Pas largimit të Uzunit kemi pak boshllëk.  Galiç nuk do të jetë pjesë e jona për një periudhë të gjatë, Xhixha di të përshtatet mirë në të treja pozicionet e sulmit.  Them se rrezikshmërinë më të madhe e ka kur luan majtas. I pati mundësitë dhe rreziko disa herë, por ndihmoi dhe në mbrojtje.

Mersinaj – Mund të them fjalë të mira. Është paraqitur mirë, por është ende i ri dhe duhet t’u a kursejmë fjalët e mira, pasi kemi një kampionat të gjatë.

Sulmi – Të gjitha ndeshjet janë të vështira. Nuk ka ndeshje që mund ta fitosh kollaj. Është hera e parë që ne nuk shënojmë. Kemi krijuar raste dhe e meritonim të shënonim, por përderisa shfaqemi po ndërtojmë manovrën sulmuese. Ndonjëherë duhet dhe fat, eksperiencë dhe faktorë të tjerë.

“Me rëndësi është që morëm tre pikët, që ishin të domosdoshme. E dija se do ishte e vështirë, edhe pse ata kishin humbur ndeshjen e parë. Prej humbjes ishin më të karikuar. Na buzëqeshi fati në fund, por nuk vodhëm asgjë. E kërkuam deri në fund, patëm mundësitë tona, sikurse kundërshtari. Në tërësi ishim më agresivë. Fati ndihmon atë që e kërkon”.

“Shumë të rinj, por e zgjidhin veteranë? Janë lojtarë të rëndësishëm. Kemi kërkuar lojtarë me cilësi dhe eksperiencë. Rinia ka vrullin, atë që e zgjidhin janë ata me eksperiencë.”

“Pjesa e parë ngërç? Në çdo ndeshje është e vështirë të marrësh maksimumin. Kundërshtari do tregojë vlera, edhe pse s’ka marrë pikë. Na e bënë të vështirë në pjesën e parë. Kemi trysni në ndeshjet brenda, kemi edhe ekip të ri. Kërkojmë t’i eliminojmë luhatjet. Mundohemi t’i rregullojmë gabimet. Me rëndësi që kemi mentalitet të mirë dhe gjendje fizike.”

“Afrimet kur do jenë gati? Me rëndësi ishte të bënim mirë në tre ndeshjet e para. Kemi një ndeshje në Korçë. Me organikën që kemi, kemi bërë mirë. Duhet të jemi më të kujdesshëm, që të bëjmë zgjedhjet e duhura. Afrimet janë lojtarë me cilësi, por nuk janë në gjendjen optimale. Do jenë në fushë pasi të mbarojnë ndeshjet e kombëtares”, përfundon trajneri i bardhezinjve.

Barazimi – “Kjo është një nisje pozitive për ne, sidomos përballë një skuadre si Kukësi, që ka shumë eksperiencë dhe një kontingjent lojtarësh me dy formacione. Goli na goditi dhe pjesën e dytë e nisëm me frikë. Në pjesën e dytë, Kukësi kishte mundësi të në shënonte sërish, por nuk e humbëm besimin dhe goli nuk erdhi rastësisht. Kjo është një pikë shumë e rëndësishme, sidomos në aspektin e besimit. Kemi djem të rinj dhe ka rëndësi që të rrisim besimin e tyre.”

Uzuni – “Lojtari është përmirësuar shumë krahasuar me periudhën kur unë e stërvisja tek Apolonia. Ai ka talent dhe ndodhet në klubin e duhur për t’u rritur akoma më shumë, sepse në Laç është krijuar një ambient i mirë për zhvillimin e talenteve. Përveç tij kemi dhe lojtarë të tjerë të talentuar si: Xhixha, Smaçi, por na nevojiten disa afrime të tjera që të na shtojnë eksperiencën në ekip, sepse kampionati është i gjatë. Megjithatë, më ngroh dëshira e këtyre djemve për t’u stërvitur dhe ata punojnë të gjithë si ushtarë.”

Merkato – “Kemi nevojë për një qendërmbrojtës me eksperiencë dhe një sulmues. Kemi afruar një mbrojtës nga Kili, por ai nuk është në formën më të mirë fizike dhe nuk është gati për ndeshje. Na nevojitet dhe një sulmues. Xhixha është i talentuar dhe ka bërë mirë në Superkupë dhe sot, por ai është vetëm 19 vjeç. Kemi nevojë dhe për një anësor ofensiv në krahun e djathtë, sepse aty kemi një lojtar të ri, por është një rol që duhet të përforcohemi.”

Mentaliteti – “Kam gjetur një ekip të stërvitur mirë dhe falënderoj paraardhësit e mi për këtë fakt. Kemi një grup djemsh me karakter dhe ekipi nuk dorëzohet kurrë. Laçi lufton fort dhe nuk ka frikë asnjë kundërshtar. Ky është mentaliteti jonë dhe filozofia që është ndërtuar te Laçi gjatë viteve të fundit”, përfundon trajneri i bardhezinjve.”

Tani i rikthehet Superiores. Për “Sport Ekspres”, ai tregon arsyet se pse e pranoi ofertën e Laçit, flet për merkaton, punën që e pret përpara, por edhe për të rinjtë. Gjithashtu në fokus janë edhe Uzuni e Lushkja, të cilët kanë punuar në të shkuarën me Mërgjyshin.

PRANIMI I SFIDËS – “Falënderoj presidentin Pashk Laska që më dha këtë mundësi. Laçi është një skuadër që vitet e fundit ka bërë mirë, është një ekip i ndërtuar mbi bazën e lojtarëve që punojnë fort, jo me shumë emra, ashtu sikurse më pëlqen edhe mua. Duke parë objektivat që ka, faktin që ka një president që i rri afër ekipit dhe për shumë arsye të tjera, vendosa ta pranoj ofertën. Edhe në të shkuarën kemi pasur kontakte, por nuk u finalizua marrëveshja, pasi edhe unë kam qenë i angazhuar në tjetër ekip. Më erdhi sërish mundësia dhe tani do të jem në krye të Laçit. Shpresojmë të bëjmë mirë”.

KOHA NË DISFAVOR – “Pavarësisht se kam qenë pushim, i kam ndjekur ndeshjet nga televizioni. Laçi gjatë kësaj kohe ka qenë në aktivitet në kupat e Europës dhe është i përgatitur në aspektin fizik. Sot do zhvilloj seancën e parë stërvitore dhe normalisht do kërkoj informacion edhe nga bashkëpunëtorët e mi. Një pjesë të lojtarëve aty i njoh. Uzunin kam qenë unë ai që e kam marrë nga Tomori tek Apolonia, ndërkohë që edhe Lushkjen e kam angazhuar te Besa. Janë lojtarë që janë rritur falë punës së tyre, por edhe të Laçit”.

MERKATO – “Kam folur me presidentin dhe po punohet për t’u përforcuar ekipi. Nuk është se kemi emra konkretë, fillimisht më duhet ta shoh ekipin nga afër dhe më pas të përcaktojmë dhe se çfarë na duhet. Merkato ende nuk është mbyllur dhe deri në fund do punohet që të përforcohet skuadra në funksion të arritjes së objektivave sezonalë”. /VLADIMIR PRENGA/