Lushnjari deklaron për SportEkspres.com se 30 qershori po bëhet si një mal i pakalueshëm. Nga ndeshja me Luzi 2008 nuk ka asnjë kontakt me drejtuesit e klubit, kurse me futbollistët shpesh kontakton në telefon. “Është një situatë që për futbollin mbetet e pakuptimtë. Nuk kam asnjë kontakt nga klubi dhe kjo ka një arsye që vret shumë. Duke qenë se Shkumbini është skuadër me administrim nga bashkia, 30 qershori e ka futur në kolaps skuadrën dhe realisht po bëhet si një mal i vështirë dhe i pakalueshëm”.

Ndërsa lidhur me fillimin e përgatitjeve, Bano ngre supet: “Për sa kohë nuk kemi patur kontakte me drejtuesit, edhe data për rifillimin e përgatitjeve nuk mund të jetë e qartë. Kjo vonesë do ketë ndikim për skuadrën e Peqinit, jo vetëm në anën përgatitore, por edhe në përzgjedhjen e elementëve të duhur. Duke patur parasysh edhe ndryshimet e reja në rregullore, gara për Shkumbinin do të jetë shumë e fortë dhe e vështirë”.

AGRON KAJA

Këtë verë situata është tjetër dhe për shkak të ngërçit politik në vend, një pjesë e mirë e klubeve do të kenë probleme.  Artan Bano, trajneri i Shkumbinit, deklaron se kjo situatë do ta dëmtojë shumë futbollin shqiptar dhe garën në Kategorinë e Parë.

“Rreth 80% e kryetarëve të bashkive janë edhe presidentë të skuadrave në qytetet e tyre, ndërkohë  që ende nuk dihet kur do certifikohen pas 30 qershorit. Në këtë periudhë hidhen themelet e sezonit, por është krijuar një situatë e nderë dhe shumë e paqartë. Trajnerë dhe lojtarë kanë filluar të braktisin skuadrat, ndaj kjo mendoj se do ketë efekte negative në gjithë futbollin tonë”, theksoi Bano për Sportekspres.com.

Ai konfirmon qëndrimin te Shkumbini, por kjo pritje nuk e ndihmon skuadrën: “Në Peqin ka njerëz dashamirës me futbollin, por e shoh të vështirë e të paqartë situatën. Kjo përderisa në aspektin politik ka shumë burokraci që i certifikon të zgjedhurit e rinj. Ne duhet të kishim filluar punën për sezonin e ri dhe ky është ngërçi. Shembull i keq i kësaj situate është Vllaznia, çka tregon se futbolli do hyjë në krizë nga kjo situatë”.

AGRON KAJA

“Natyrisht që Shkumbini nuk do të gabojë në këtë përballje ‘hakmarrjeje’, në kuptimin sportiv. Ka shumë arsye që ne do ta fitojmë këtë sfidë, jo vetëm nga përvoja në elitën e futbollit shqiptar, por edhe nga përbërja që kemi aktualisht. Te Shkumbini është një brez futbollistësh që garanton sukses, jo vetëm në sfidën me Veleçikun, por edhe në Kategorinë e Parë”, shprehet Artan Bano për SportEkspres.com.

Më pas ai ka një mesazh për tifozët: “Tifozët e dinë se çfarë efektesh ka mbështetja e tyre për skuadrën, ndaj klubi u ka bërë thirrje që të jenë masivisht në stadiumin e Shijakut. Është një finale që vendos sezonin për skuadrën tonë dhe u garantoj se do ketë fitore dhe festë. Gjithashtu kërkojmë gjykim korrekt”. Ndeshja mes Shkumbinit dhe Veleçikut luhet nesër (e premte) prej orës 16:00.

AGRON KAJA

Ndeshjet Play-off

E premte, 24.05.2016, ora 16.00
Veleçiku-Shkumbini
(Stadiumi “Tofik Jashari”, Shijak)
Elbasani-Luzi 2008
(Stadiumi “Adush Muça”, Ballsh)

Trajneri i peqinasve, Artan Bano, deklaron për SportEkspres.com se Shkumbini e Maliqi janë dy skuadrat më të mira në këtë grup dhe nuk e meritonin të goditeshin. Lushnjari thekson se në Shqipëri luhet më shumë jashtë fushe.

“Mendonim si rival Maliqin, por ata e pësuan nga pazaret muajin e kaluar. Ne na ndodhi dy javë më parë. Mendoj se këtu në Shqipëri më shumë luhet jashtë fushe, me pazare e kompromise që nuk i shërbejnë cilësisë e seriozitetit të garës. Ne e pësuam, por ende nuk jemi dorëzuar dhe do të besojmë deri në javën e fundit të kampionatit”, deklaron Bano.

Ai flet edhe për ndeshjen e radhës me Skraparin: “Kemi dy mungesa titullarësh dhe ato do t’i zëvendësoj me dy futbollistë të rinj që nuk kanë patur shumë hapësira më parë. Skrapari është skuadër e fortë, që nuk ka se çfarë të humbasë. Do të kujdesemi në maksimum për fitoren tonë”.

AGRON KAJA

“Kjo është ndeshja e radhës, por jo me nënvlerësim të kundërshtarit. Butrinti është skuadër që luan mirë edhe jashtë fushe, ndaj dhe vlerësimi ynë është maksimal. Gara po bëhet e vështirë dhe rivaliteti na bën të jemi të vëmendshëm deri në fundin e kampionatit. Asgjë nuk ka mbaruar”, kështu theksoi Artan Bano në deklarimin e tij.

Ndërsa për rivalitetin me Devollin për kreun e Grupit B, Bano thekson: “Ne jemi duke bërë detyrën tonë, e këtë do ta çojmë deri në fund. Sa për Devollin, është në të drejtën e tij të synojë më të mirën. Ne kreun do ta mbajmë deri në mbyllje të kampionatit dhe ky do të jetë objektivi ynë në çdo ndeshje”.

AGRON KAJA

Për SportEkspres.com, Bano deklaroi se Shkumbini kundërshtarë ka vetëm terrenet e dobëta, ndërkohë që rivalët ai i pret në fushë. “Terrenet, në Kategorinë e Dytë, në përgjithësi janë shumë të dobëta dhe na e vështirësojnë në 50% lojën.

Këta janë kundërshtarët tanë më evidentë, por këto firo i kompensojmë me lojën tonë. Të dielën në Tepelenë luajmë vetëm për tri pikët, ndërsa nga përballja Maliqi-Devolli nuk presim ndonjë dhuratë”.

AGRON KAJA

“Synimi ynë për t’u ngjitur në Kategorinë e Parë na ka kushtëzuar nisjen e përgatitjeve që në fillimin e muajit janar. Me mbështetjen e bashkisë, stërvitjen e kemi kryer me ngarkesë të lartë fizike, e cila ka qenë graduale dhe ka ardhur në ulje nga dita në ditë. Të gjithë futbollistët i janë përgjigjur këtyre ngarkesave pozitivisht, dhe ky është një tregues që na jep më shumë garanci për objektivin e sezonit”, kështu theksoi Bano në këtë deklarim.

Por lushnjari i pankinës peqinase ka marrë besimin e Bashkisë, që pasi të lirohet buxheti brenda muajit janar, do të kenë mbështetje maksimale nga ana financiare. “Kjo garanci na ka dhënë mundësinë të mendojmë edhe për merkaton. Na duhen lojtarë cilësorë për të garantuar ngjitjen në Kategorinë e Parë, e deri tani kemi disa emra nga kjo kategori, të cilët këtë fundjavë do ti bashkohen skuadrës. Nesër luajmë në Peqin një miqësore me Sopotin, dhe ky do të jetë testi i parë i skuadrës për këtë muaj”.

Shkumbini kryeson Grupin B të Kategorisë së Dytë me 32 pikë, por është në rivalitet të plotë me Devollin e Maliqin që e ndjekim me nga 1 pikë më pak.

“Është e paimagjinueshme për mua që të ushtroj dhunë ndaj futbollistëve kundërshtarë. Akuzat ndaj meje janë shpifje, sepse unë ndodhesha në ambientet e brendshme. E sfidoj kolegun Demiraj duke deklaruar se, largohem nga futbolli nëse faktohet që unë të kem goditur ndonjë futbollist të skuadrës së tij”.

Sipas lushnjarit të bankinës peqinase, ndeshja u luajt në fair-play dhe në mbyllje të saj ka qenë një situatë spontane nga disa tifozë, të cilët u janë kundërpërgjigjur veprimeve të bankinës së Albpetrolit. “Tifozët janë acaruar nga veprime të cilët erdhën prej bankinës së Albpetrolit. Ishte një situatë spontane që nuk e zbeh ndeshjen, ajo u luajt në Fair-play”.

Këtë javë Shkumbini luan në transfertë me Termin në Tiranë. Bano e vlerëson kundërshtarin, por deklaron se synim janë tri pikët në këtë sfidë dhe marrja e kreut të Grupit B.

Së pari, pas kontakteve dhe bisedimeve disa ditore, ka ardhur konfirmimi i trajneri Artan Bano në krye të pankinës peqinase. Po ashtu Isai konfirmon se është biseduar me lojtarët e ekipit për të marrë gatishmërine e tyre në shërbim të ringritjes së Shkumbinit.

Gjithccka nis nga puna prej datës 1 gusht dhe me interes pritet të shihet se kush do të jetë nën urdhrat e trajnerit Artan Bano. Shkumbini do të kërkojë të dominojë në Kategorinë e Dytë dhe ta lërë sa më shpejt këtë nivel të futbollit shqiptar. /LULZIM RESULI/

Arjan Likja

Dorëheqja e Artan Banos nga drejtimi i pankinës verdhejeshile menjëherë pas humbjes zhgënjyese me Laçin ka lënë pezull drejtimin e ekipit, që po vazhdon të stërvitet nga zëvendëstrajneri Dritan Cuko përgatitësi atletik Llazar Gjika. Kryebashkiaku i Lushnjes, Fatos Tushe, akoma nuk ka dalë me një prononcim të prerë zyrtar, apo të autorizojë ndokënd nga stafi i tij, veprim ky që do të shuante  interesimin e mijëra tifozëve lushnjar, të cilët ende nuk e dinë nëse do të pranohet dorëheqja e Banos apo do të refuzohet. Aludimet në qytetin myzeqar janë për të dyja variacionet por, shumica mendon se Tushe do ta refuzojë dorëheqjen dhe Bano do të rikthehet në drejtimin e ekipit.

ARTUR ÇOBANI – Ish-futbollisti, ish-presidenti dhe një nga zyrtarët më të lartë në drejtimin e klubit, Artur Çobani, është nga të vetmit që jep prononcime direkte për median në lidhje me ecurinë e ekipit verdhejeshil dhe në lidhje me problematikat e Lushnjes. Edhe për dorëheqjen e trajneri Bano ai jep versionin zyrtar, teksa pohon se dorëheqja e Banos është pranuar në parim, ndërkohë që po tentohet gjetja e zëvendësuesit të tij. “E kam thënë edhe më parë se humbja ndaj Laçit ishte e papranueshme. Prisnim reagimin e ekipit, ndërkohë që futbollistët kanë bërë një paraqitje që nuk lë vend për  justifikime. Në dijeninë time di që dorëheqja e Banos është pranuar dhe ne po kërkojmë një emër tjetër si zëvendësues të tij. Kjo gjë ka për të ndodhur shumë shpejt dhe është e drejta ekskluzive e kryetarit të bashkisë Fatos Tushe”, deklaron koordinatori sportiv i Lushnjes, Artur Çobani.

ÇELA & GAVA – “Të gjithë ne futbollistët jemi koshient për ecurinë jo të mirë që kemi bërë në këto shtatë javë kampionat. Pa dyshim ne si futbollistë pranojmë pjesën tonë të fajit për aq sa na takon, por njeriu që ka më pak përgjegjësi mendoj se është trajneri Artan Bano. Mjafton të kujtoj përpjekjet dhe sakrificat që ai ka bërë në sezonin e kaluar, së bashku me ne futbollistët, për ngjitjen e Lushnjes në Superiore me ato financa minimale, krahasuar me rivalët tanë. Edhe  ngritja e Lushnjes së këtij sezoni ka qenë mjaft e kushtëzuar nga ana financiare, duke patur parasysh se jemi një ekip bashkie. Nëse u bë i mundur formatimi i këtij ekipi, merita i takon vetëm Banos. Po t’i hymë kushteve aspak profesionale ku ekipi ka kryer fazën përgatitore  dhe aq më keq gjatë kampionatit, mendoj se askush nuk duhet të guxojë të analizoj ecurinë tonë. Dorëheqjen e Banos e konsideroj si veprim emocional të nxituar dhe shpresoj që bashkia ta refuzojë dhe të rikthejë trajnerin në drejtimin e ekipit”, ka thënë mesfushori Çela, ndërkohë që edhe mesfushori Orgest Gava thekson se trajneri Bano nuk është fajtor për ecurinë e skuadrës. “Nuk është faji i Banos për këto paraqitje të dobëta që kemi bërë deri tani. Mendoj se përgjegjësia kryesore bie tek ne futbollistët. Unë bëj pjesë tek ata futbollistë që shpresoj se Lushnja do t’i rikthehet rezultateve pozitive dhe do të rikuperoj në klasifikim për të pretenduar qëndrimin në Superiore. Më mirë se me Banon nuk mund ta bëjmë këtë rikuperim, ndaj shpresoj që drejtuesit e bashkisë të refuzojnë dorëheqjen e tij”, ka përfunduar Gava.

RAMADAN BABALLËKU – Ish-futbollisti dhe ish-trajneri i mirënjohur Ramadan Baballëku, ka qenë një nga zërat më kritik në qytetin myzeqar  dhe nga të vetmit që ka guxuar dhe ka parashikuar këtë ecuri të dobët të Lushnjes. “Dorëheqja është çështje morali personal. Bano ka patur ecuri më të dobëta në drejtimin e Lushnjes dhe nuk e ka dhënë dorëheqjen. Nëse do isha unë në vend të tij nuk do pranoja drejtimin e ekipit në kushtet që i ka ofruar bashkia. Për mua kjo është një dorëheqje shumë e vonuar. Por nga ana tjetër kushdo që të vijë në vend të Banos nuk do ketë mundësinë për të rikuperuar atë ‘gropë’ që është krijuar në klub nga menaxhimi dhe drejtimi joprofesional që bashkia i ka bërë futbollit në këto gjashtë vite. Këtu kam parasysh gjendjen e infrastrukturës, shkatërrimin e ekipeve të moshave, si dhe mungesën e  një strategjie afatmesme apo afatgjatë për mbarëvajtjen e klubit. Me pak fjalë unë dorëheqjen e Banos e shoh si një veprim ‘honorifik’, që nuk rregullon asgjë në lidhje me përmirësimin e ecurisë së ekipit. Për mua Lushnja është ekipi i parë që do të ikë andej nga erdhi në sezonin tjetër”, deklaroi Baballëku.

RAMAZAN GJYLA – Zoti Gjyla është një nga oponentët më të fortë në këshillin bashkiak të bashkisë së Lushnjes, që ka kërkuar largimin e Banos dhe të gjithë stafit teknik të Lushnjes që në sezonin e kaluar. Gjyla mendon se kjo dorëheqje do të bëjë të mundur afrimin e tifozërisë lushnjare, që sipas tij ka afro katër sezone që e ka bojkotuar stadiumin “Roza Haxhiu” dhe ekipin e zemrës.