Arshavin

VIDEO | Arshavin “i çmendur”, prostituta e gara me kuaj nëpër qytet

Sport Ekspres — Wed, 19 Dec 2018 17:18:21 +0000

Andrej Arshavin duket se e ka marrë me më shumë zell seç duhet jetën pas futbollit të luajtur. Deri para një muaj ish-lojtari i Arsenalit ishte pjesë e skuadrës kazake të Kairat Almatit,por në fund të sezonit njoftoi se do ta mbyllte me futbollin e luajtur. 37-vjeçari do të marrë një post drejtuesi në akademinë e Zenitit, por e ka dreqosur disi me ngjarjen e fundit ku është përfshirë.

Ish-sulmuesi është fotografuar në rrugët e Shën Petersburgut i shoqëruar nga dy prostituta dh enë gjendje të dehur. Të paktën kjo gjë kuptohet nga fakti se në të gjitha momentet, rusi mbahej nga dy femrat që kishte në krah, pasi nuk ishte në gjendje që të ecte vetë. Më pas, Arshavin është ngjitur në një kalë, duke bërë xhiro nëpër qytet.

Një sjellje aspak e hijshme, pasi kjo ngjarje i ka hapur probleme familjar,e për shkak se bashkëshortja e tij ka mbyllur adresat e saj në rrjetet sociale, të paktën deri sa të sqarohet situata. Pas një jete të suksesshme si futbollit ku ka luajtur jo vetëm me Arsenalin e Kairatin, por edhe me Zenitin e Kuban Krasnodar, tani i ka dalë situata paksa jashtë kontrollit.

Arshavin ka luajtur si kundërshtar edhe në Shqipëri, teksa në sezonin 2016-2017 ka arritur t’i shënojë Teutës në dy ndeshjet në turin e parë të Europa League me ekipin kazak, ndërsa një edicion më pas u eliminua nga Skënderbeu i Korçës. Po ashtu, rusi ka sfiduar edhe Kukwsin nw njw takim miqësor me skuadrën e Kairatit.

Futbolli e ka një fund, legjenda ruse var këpucët pas 19 vitesh

Sport Ekspres — Fri, 09 Nov 2018 22:00:58 +0000

Sulmuesi i njohur rus, Andrei Arshavin ka varur këpucët në gozhdë, duke lënë pas një karrierë të suksesshme, që filloi 19 vite më parë në skuadrën e Zenitit të Shën Petersburgut. Lajmin për dorëheqjen e 37-vjeçarit e ka bërë të ditur klubi i Kairat Almatit, ku Arshavin luante prej tri sezonesh.

Shpërthimi i Arshavin ishte në “Euro 2008”, ku udhëhoqi Rusinë deri në fazën gjysmëfinale së bashku me lojtarë të tjerë me emër si Roman Pavliçenko dhe Juri Zhirkov. Paraqitjet e mira i siguruan një transferim në Angli tek Arsenali, ku përveç një ndeshje ku shënoi katër gola ndaj Liverpulit, nuk arriti të shkëlqente ashtu si në Europian.

Andrey Arshavin ?? Anfield

And we ?? Andrey Arshavin

Fond memories, Andrey – wishing you all the best ? pic.twitter.com/gaEDJ7g5Xo

— Arsenal (@Arsenal) November 9, 2018

Arshavin u rikthye te Zenit, ku luajti për dy sezoni. Pas një eksperience të shkurtër te Kuban Krasnodar, mëngjarashi u transferua në kampionatin kazak, ku luajti për skuadrën Kairat Almatit me të cilën pati fatin të udhëtonte dy herë drejt Shqipërisë në kualifikueset ndaj Teutës dhe Skënderbeut.

Arshavin: Rival shumë cilësor, tani do vuajmë

Sport Ekspres — Thu, 13 Jul 2017 21:17:03 +0000

Mesfushori i famshëm i Kairat Almatit, Andrei Arshavin, foli pas ndeshjes së barazuar ndaj Skënderbeut, duke pranuar se tashmë Kairati nuk është më favorit për kualifikimin.

“Ishte një ndeshje e vështirë, mjaft e ekuilibruar. Rezultati prëfundimtar i vlen më shumë Skënderbeut, natyrisht. Në pjesën e parë vuajtëm shumë, në të dytën patëm raste të mira. U pa qartë që skuadra shqiptare kishte një skuadër mjaft cilësore, që di të luajë mirë futboll. Tani, në ndeshjen e kthimit na pret një sfidë shumë e vështirë, nuk jemi favoritë”.