Arsenali

Zidan do një sulmues krahu, Perez “pazar” tek Arsenali

Sport Ekspres — Tue, 14 May 2019 07:16:03 +0000

Lajmet se Reali do të hidhet në sulm për një anësor të djathtë ka disa ditë që qarkullon. Sot ka dalë në skenë emri i yllit të Arsenalit, Obamejang. Lojtari nga Gaboni ka treguar një nivel shumë të lartë me londinezët dhe sipas “Diario Gol”, shihet si i duhuri për të zëvendësuar Garet Bejl me valixhe në dorë.

Shifra që madrilenët do të ofrojnë për të siguruar shërbimet e 29-vjeçarit do të fillojë nga 85 milionë eurot. Perez dhe Zidan do të hasin një rezistencë të madhe të klubit anglez, i cili po pregatit edhe nje rinovim afatgjatë me një rritje të ndjeshme të pagës për yllin afrikan.

Nga ana tjetër Realit do i duhet të shesë më një çmim të mirë Garet Bejl për të zbutur humbjet dhe shmangur problemet e rregullat financiare të UEFA-s. Ky pritet të jetë një mision i vështirë për madrilenët, pasi as lojtari nuk e preferon largimin, por edhe ofertat për të mungojnë deri në këto momente.

Napoli e Arsenali gati: Ançeloti “dënon” Hysajn, Xhaka në fushë

Sport Ekspres — Thu, 18 Apr 2019 17:44:53 +0000

Napoli kërkon përmbysjen kundër Arsenalit dhe trajneri Karlo Ançeloti ka projektuar lëvizje në formacion. Mbrojtja pritet të ndryshojë krejtësisht, teksa lihen jashtë Elseid Hysaj dhe Mario Rui. Vlad Çiriçes dhe Gulam e nisin nga fillimi sonte.

Të dyja këto lëvizje ishin të pritshme, pasi për Hysajn e Mario Ruin pati kritika të shumta pas humbjes 2-0 në ndeshjen e parë. Në sulm këtë herë luan Milik krah Insinjes dhe jo Mertens, kurse mesfusha është e njëjta që zbriti në fushë edhe në Londër në ndeshjen e parë. Nga ana tjetër për Arsenalin gati është edhe Granit Xhaka, i cili e nis nga minuta e parë

NAPOLI: Meret; Maksimoviç, Kirikesh, Kulibali, Gulam; Kajehon, Alan, Zielinski, Fabian Ruzi; Milik, Insinje.

ARSENALI: Çeh, Papastathopoulos, Koshielni, Monreal, Kolashinaç, Majtland-Niles, Ramsei, Xhaka, Torreira, Lakazet, Obamejang

Plani i Arsenalit, Ozil pranë kalimit tek ekipi i Erdoganit?

Sport Ekspres — Sat, 22 Dec 2018 15:09:54 +0000

Mesut Ozil ndodhet në vështirësi dhe e ardhmja e tij shihet larg Arsenalit. Unai Emeri nuk e ka aktivizuar shumë fantazistin në ndeshjet e fundit, ndërsa sot kundër Bërnlit luajti gjatë gjithë ndeshjes.

Kontrata e tij me “topçinjtë” skadon në verën e vitit 2021 dhe Arsenali po mendon ta huazojë te Bashakshehiri, ekipi i zemrës së Rexhep Taip Erdogan, presidentit të Turqisë. Vështirësitë për Ozil nisën pas fotos me Erdoganin, gjë që solli kritika të shumta në Gjermani.

Kalimi i lojtarit te Bashkashehiri do të ishte një goditje fantastike për kryesuesit e kampionatit turk dhe një gjë e tillë e bën entuziast presidentin e klubit.

“Ozil është një lojtar i nivelit të lartë. Shpresoj që një ditë rrugët tona të takohen në këtë klub. Nëse Mesut dëshiron të vijë te ne, do të bëjmë gjithçka për ta marrë”, është shprehur për “Bild”, Goksel Gymyshdag, presidenti i Bashkashehirit.

“Tërbohen” tek Arsenali, 30 mijë sterlina për një parti të “rrezikshëm”!

Sport Ekspres — Fri, 07 Dec 2018 15:52:09 +0000

Pavarësisht fillimit të vështirë të sezonit, Arsenali është rikthyer dhe po kalon një formë shumë të mirë. Djemtë e Unai Emeri ishin pranë fitores me Junajtid në transfertë, por ndeshja përfundoi në një barazim spektakolar 2-2.

Por, një video e vjetër ka prishur humorin në kampin e Arsenalit. “The Sun” ka publikuar pamjet e një festë, që mendohet se ka ndodhur gjatë muajit gusht. Aty shfaqen disa lojtarë duke festuar dhe u harbuar nën shoqërinë e 70 femrave.

Ozil, Abumejang, Lakazat, Mustafi, Kolashinaç, Miktarjan dhe i riu Guenduzi kanë marrë pjesë në një parti të shtrenjtë (me një kosto prej 30 mijë sterlinash), ku nuk mungonte vodka, femrat e bukura dhe “tymosja” me tullumbace, ose ndryshe konsumimi i oksidit nitrik (N2O). Ky është një gaz delirant që çon njeriun në një gjendje ekstaze dhe humori, por që në çdo vend konsiderohet si drogë, nëse merret jashtë kushteve spitalore.

Ajo cilësohet ndryshe si “droga që nuk të drogon”, ndërsa “SportMediaset” citon se një gjë e tillë nuk është e palejueshme në Angli, por ndalohet të shitet te fëmijët nën-18 vjeç. Video nuk është pritur mirë dhe Arsenali ka vendosur të hapë një hetim rreth kësaj ngjarje.

Arsenal stars filmed passing out in hippy crack binge at exclusive West End club https://t.co/18ktciPJ7h

— The Sun – Arsenal (@SunArsenal) December 7, 2018

Sirena angleze për Dembele: Barça i vendos çmimin, garë dyshe për të

Sport Ekspres — Thu, 15 Nov 2018 17:32:51 +0000

Pas shitjes së Nejmarit te PSG për 222 milionë euro, Barcelona reagoi duke blerë Osman Dembele nga Dortmundi për 140 milionë euro. Talenti i francezi ofensiv nuk vihet në dyshim, por problemet me dëmtimet, mos përshtatja me futbollin spanjoll dhe raportet jo të mira me klubin dhe trajnerin Valverde po shtyjnë Barçën ta shesë, madje që në merkaton e janarit.

Për të interesohet Liverpuli. Klop e dëshiron në ekip lojtarin dhe e sheh atë si një përforcim të mirë për të luftuar me Sitin dhe Çelsin për fitimin e Premier Ligës. Titulli është objektivi kryesor i “The Reds” për këtë sezon, të cilët do të bëjnë të pamundurën për të rikthyer titullin në qytet pas 28 vitesh.

Por, Liverpuli nuk është klubi i vetëm anglez që interesohet për shërbimet e Dembele. Në garë është futur dhe Arsenali, siç citon spanjollja “El Mundo” dhe anglezja “Mirror”. Barcelona kërkon të paktën 100 milionë euro për kartonin e 21-vjeçarit, i cili shihet larg “Camp Nout”, me Liverpulin dhe Arsenalin në garë për blerjen e kartonit të tij.

Granit Xhaka: Pretendojmë një nga katër vendet e para!

Sport Ekspres — Mon, 05 Nov 2018 10:09:59 +0000

Granit Xhaka po bën mirë me Arsenalin e tij. Unai Emeir ka besim te lojtari me origjinë shqiptare dhe është një titullar i padiskutueshëm. Pas barazimit me Liverpulin, Xhaka ka komentuar për mediat, duke theksuar se ai dhe skuadra e tij pretendojnë një nga katër vendet e para, duke u bazuar te loja e zhvilluar.

“Në çdo ndeshje ne e dimë se çfarë duhet të bëjmë. E kuptojmë mjaft mirë pozitën kur bëjmë ndeshje të mira, por dhe kur nuk luajmë mirë. Emeri është i rëndësishëm për ne. Më ka ndihmuar jo vetëm mua, por të gjithë lojtarët, qoftë dhe me detaje të vogla.

“Gjërat po ndryshojnë gradualisht. Skuadra ka karakter edhe kur jemi duke humbur, si në rastin kur po luanim me Liverpulin që arritëm të gjenim forcat e të barazonim. Nuk është hera e parë që e bëmë diçka të tillë. Për lojën që bëmë nuk duhet të mundeshim në atë ndeshje. Duke marrë në konsideratë atë çka treguam në këtë takim, them se jemi pretendent për të qenë në një nga katër vendet e para”.

“Më kënaq paraqitja me Liverpulin, pasi është një kundërshtar me shumë cilësi. Ne bëmë një ndeshje të shkëlqyer”.