Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

Rrezaton një qetësi fenomenale. Është shumë i saktë në pasime dhe arrin shumë mirë të ngadalësojë sulmet e kundërshtarit. Për 22-vjeçarin nuk mungon aspak as vizioni në lojën sulmuese. Me këtë lojtar Barcelona e ka të sigurt të tashmen dhe të ardhmen e mesfushës.

“Jam shumë i emocionuar që jam këtu, kam kaluar shumë vështirësi për të ardhur te një klub si Arsenali. Kishim bisedime për një kohë të gjatë, por mua më duhej të luaja në Kupën e Afrikës. Sapo u ktheva nga kombëtarja, vendosa të nënshkruaj për Arsenalin.

Mezi po pres të luaj me lojtarë si Ozil, Lakazet e Obamejang. Besoj se do të përshtatem mirë. Loja ime është të jem i shpejtë dhe me lojtarë si Mesut (Ozil), do të kem me shumë mundësi për të shënuar”, u shpreh Pepe.

Me nisjen e të dytës Arsenali ka zgjedhur të ndërrojë gati gjysmën e ekipit. Reis Nelson vetën pesë minuta pas nisjes së 45 minutave tv dyta, ka barazuar për londinezët. Një tjetër paraqitje pozitive e 19-vjeçarit, që po shkëlqen në këtë fazë pregatitore. Më pas ndeshja ka vazhduar e qetë për të përfunduar te penalltitë. Gabimi i “ishit” Rene-Adelaid në pikën e bardhë i kushtoi ndeshjen Anzher.

Sfidë e e ekuilibruar, me Arsenalin që mori disi më shumë inciativën, por pa përfundimet e duhura. Tre goditje në portë për ta dhe vetëm një më pak për kundërshtarët. Granit Xhaka u zgjodh të aktivizohej vetëm pjesën e dytë. Mustafi vazhdon të vuajë fërshëllimat e tifozëve, ndërsa Emeri vendos ta lërë 90 minuta në fushë.

Miqësore

Anzher-Arsenal 1-1 (4-5)

Farid El Melali ’13, Reis Nelson ’50

Në lidhje me këtë temë ka folur shoku i Pepe te nënkampionët e Francës. Portugezi është i sigurt se ai do bëjë mirë në “Emirates Stadium” dhe thur elozhe për cilësitë e 24-vjeçarit.

“Ai është i pabesueshëm. Nëse do vazhdojë me të njëjtin nivel, atëherë tifozët e Arsenalit do të jenë shumë të lumtur. Është super i shpejtë, ka një këmbë të majtë super dhe nuk ka të dytë si ai në duele një më një. Finalizon mirë, fiton faulle. Tifozët e Arsenalit do të ndihen shumë komodë me të në skuadër. Arsenal do të jetë një ekip shumë i fortë në luftën për Premier Ligën”, u shpreh Fonte.

Këtë e konfirmon edhe vetë trajneri Unai Emeri: “Çdo lojtar është shumë i rëndësishëm në ekip, por gjithashtu çdo moment dhe disa rrethana na bëjnë të marrim disa vendime në të mirë të shëndetit të lojtarëve. Ata erdhën këtë mëngjes, por unë fola me ta dhe vendosa se ishte më mirë të vazhdonin pushimin e tyre me familjet e tyre edhe për disa ditë”, u shpreh Emeri.

“Sebajos është një lojtar i shkëlqyer, nuk e shoh si rival. Ai do t’i japë shumë skuadrës. Ardhja e Pepe? Nuk jam personi i duhur për të folur. Kemi shumë punë për të bërë, duhet të përmirësohemi edhe më shumë nga sezoni i shkuar. Kemi kualitet në skuadër, çdo lojtar është ‘kapiten’, jo vetëm unë. Fjala e çdo lojtari tek Arsenali dëgjohet, të gjithë kemi objektiva të përbashkët. Largimi i Koshielni? Nuk mund të flas”, tha mes të tjerash mesfushori i “Topçinjve”.

Për afrimin e Nikolas Pepe: “Po punojmë, klubi po punon që të përforcojë skuadrën. Janë disa lojtarë të ndryshëm në radarin tonë, duam firmën e tyre. Pepe është një futbollist shumë i mirë dhe është një lojtar që do ta përforconte tepër skuadrën. Para ndeshjes së parë kundër Njukasëllit, synojmë të kemi një skuadër të plotë dhe me të fortë se ajo e sezonit të shkuar”.

Merkato në vazhdim: “Kemi vendosur çfarë duam: Të përforcohemi sa më shumë. Në fillim, po mendonim të afronim vetëm një lojtar shumë të shtrenjtë, ndërsa tani kemi ndryshuar planet dhe jemi në treg për tre pozicione. Një qendërmbrojtës, një mesfushor dhe një sulmues krahu. Gjithashtu, kemi dhe një skuadër shumë solide nga sezoni i shkuar, me lojtarë që do të rriten akoma dhe me tepër”, u shpreh Emeri.

Në pjesën e dytë, dy skuadrat do të bënin shumë ndryshime dhe Lioni përmbysi gjithçka. Ishte sulmues francez, Mousa Dembele që shënoi dy gola për francezët, që e përmbysën disavantazhin dhe dolën fitues nga kjo sfidë. Për Arsenalin debutoi sot dhe Dani Sebajos, i cili u largua nga Real Madridit në formë huazimi për një vit.

Një tjetër ngjarje e rëndë ka prekur një prej lojtarëve të klubit anglez. Mohamed Elneli është befasuar jashtë mase kur babai i tij i ka shpjeguar se çfarë ka ndodhur.

24.ae raporton se në shtëpinë e mesfushorit të Arsenalit në Egjipt është gjetur një trup i pajetë! Babai i tij është tronditur kur pa parë kufomën në oborrin e shtëpisë që po ndërtohet.

Ai ka njoftuar menjëherë policinë, por akoma nuk është identifikuar trupi i pajetë. Një situatë absurde që ka tronditur 27-vjeçarin egjiptian dhe “topçinjtë”.

Prima la rapina sventata da #Kolasinac e adesso il macabro ritrovamento del padre di #Elneny
Non c’è pace per l’#Arsenal https://t.co/yG1eMS2yek

— Gianluca Di Marzio (@DiMarzio) July 28, 2019

Pepe do të nënshkruajë për 5 vite, me një rrogë sezonale prej 6 milionë eurosh, një përmirësim kolosal i kontratës që përfitonte te Lilë në Ligue 1. 80 milionë eurot e ofruara, Arsenali do t’i paguajë gjatë këtyre 5 viteve që Pepe do të jetë lojtar i tyre.

Plot 16 milionë euro çdo fillim sezoni do të paguajë Arsenali në arkat e Lilës, që ka bërë një blerje të bujshme dhe do të përfitojë shifra faraonike. Gjithashtu, vetë Pepe do të fitojë dhe 2 milionë euro në sezon bonuse. Një transferim shumë i komplikuar, por dhe shumë i shtrenjtë mes Lilës dhe Arsenalit.

“Sky Sport” tregon se “Topçinjtë” janë klubi që ka avancuar më shumë për Pepe. Londinezët kanë arritur marëveshjen me Lilen për të sjellë sulmuesin në “Emirates Stadium”. Ata kanë ofruar 80 milionë euro, duke plotësuar tërësisht kërkesat e klubit francez.

I vetmi hap është arritja e akordit me lojtarin dhe agjentin e tij. Duke parë që disa klube interesohen për të, mbetet akoma rrugë për t’u bërë. Megjithatë, Emeri është një hap para kundërshtarëve në këtë betejë. Si duket Arsebali ka hequr dorë plotësisht nga Zaha dhe do i shkarkojë  të gjitha arkat për yllin nga Bregu i Fildishtë.

Mediet italiane raportojnë se lojtari ka gjetur akordin me katër klube. Arsenal, Liverpul, Napoli dhe Inter kanë rënë dakort në parim. Një rast i çuditshëm ky, duke parë që është i pavendosur dhe me shumë mundësi do të krijojë një betejë të madhe.

Nëse Pepe ka rënë dakort me të gjithë klubet që e kërkojnë, atëherë lojtarin e merr ai që ofron më shumë për afrikanin. Një rast mjaft i vështirë, që i jep një dorë të madhe Liles të përfitojë një shumë faraonike nga shitja e tij. Ankandi nis me 80 milionë euro.

Yjet e mëdhenj e me eksperiencë janë të shumtë dhe Zidan nuk kishte mundësi t’i ofronte minuta të rregullta të riut. Tekniku në një intervistë konfirmon arsyen e largimit të talentit spanjoll.

“Sigurisht që e kam pasur në konsideratë Sebajos, por atij i duhej të luante vazhdimisht. Këtu nuk mund t’i ofrohej diçka e tillë. Ka shumë lojtarë me eksperiencë dhe konkurrencë të lartë. Ai është një lojtar i madh dhe shpresoj të kthehet edhe më i fortë”, deklaroi strategu francez.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— James (@smhjaames) July 25, 2019

Kolashinac, siç shihet në video, është munduar të mbrohet, duke u ndeshur me sulmuesit, që ishin dy vetë dhe të armatosur me armë të ftohta. Pas një dyluftimi disa sekondësh, ai është ngjitur në makinën e Ozil për t’u larguar nga vendngjarja.

Dy grabitësit nuk e kanë lënë me kaq, por e kanë ndjekur mjetin nga pas me një motorr, duke e goditur me mjete të forta. Makina përfundoi me dëmtime. Pas rreth 15 minutash ndjekje, Ozil ka ndaluar përpara “Lakya”, restorant turk, të cilin mesfushori e frekuentonte shpesh dhe njihte të gjithë stafin. Në atë moment ai ka kërkuar menjëherë ndihmën e tyre. Të gjithë kanë dalë në mbrojtje të tij dhe grabitësit janë larguar. Pak minuta më pas ka ardhur policia. Grabitësit kanë qenë të pajisur me helmeta dhe të veshur me të zeza.

Staff from Turkish restaurant Likya came running out to help @MesutOzil1088 today after he was attacked by two suspects on mopeds carrying knives. @seadk6 jumped out his car and helped Ozil. Both Mesut & Sead are ok thank god ??? pic.twitter.com/uFsQh8aVNi

— The Arsenal Memz (@TheArsenalMemz) July 25, 2019

Pas ngjarjes janë pyetur edhe dëshmitarë, që ishin të pranishëm në vendin e ngjarjes.

“Ozil ishte i tmerruar dhe po vraponte për të shpëtuar jetën e tij. E pashë të futej brenda një restoranti, ndërkohë që dy djem me motorr e ndiqnin nga mbrapa. Nuk i hoqën kurrë helmetat e tyre dhe ishin të veshur me të zeza. Vetëm Zoti e di se ç’do të ndodhte nëse ata e kapnin atë. Sapo stafi i restorantit doli jashtë, dy atentatorët u larguan duke bërtitur. Policia ishte aty pas pak dhe e gjithë rruga ishte e bllokuar për disa minuta”, u shpreh Azuka Alintah, 36 vjeçare.

DENIS LALA

Një video që po bën xhiron e internetit është ajo e Sean Kolashiac, kur ky i fundit i vërsulet grabitësve edhe pse krejtësisht i paarmatosur.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— #james (@smhjaames) July 25, 2019

Në fotot e siguruara në mediet angleze shikohet teksa Ozil bisedon me policët pak minuta pas grabitjes. “Daily Mail” raporton se futbollisti ia mbathi nga makina dhe vrapoi drejt një restoranti të njohur turk, ku njihte thuajse të gjithë stafin. Kamerierët dhe punonjësit e tjerë të lokalit dolën në ndihmë të dy futbollistëve dhe detyruan grabitësit t’ia mbathin nga skena e krimit.

William will spend a season back on loan at @ASSEofficiel before joining our squad next summer.

?? #SalibaSigns

— Arsenal (@Arsenal) July 25, 2019

Kartoni i Saliba  ka kushtuar 27 milionë paundë. Krahas shumës marramendëse Sent-Etien përfiton shërbimet e lojtarit në formë huazimi për sezonin e ardhshëm.  Saliba debutoi në moshën 17-vjeccare me ekipin francez dhe iu deshën vetëm pak muaj që të tërhiqte vëmendjen e klubeve më të mëdha të Europës.

Francezi ka një gjatësi prej 193 centimetrash dhe luan më së shumti si qendërmbrojtës, por te Sent-Etien është aktivizuar në disa raste si mbrojtës i djathtë.

Zidan dëshiron një mesfushë vetëm më lojtarë të mëdhenj të afirmuar në arenën botërore. Arsenal ka nevojë për një fantazist si 22-vjeçari. Ai pritet të marrë frenat e mesfushës londineze. Sebajos tregoi potencialin e tij të madh në Europianin e U21, ku “Furia e Kuqe” u shpall kampion.

?? #HolaDani ?

Welcome to The Arsenal, @DaniCeballos46 ? pic.twitter.com/8gZLggahJZ

— Arsenal FC (@Arsenal) July 25, 2019

Mediet raportojnë se është arritur marrëveshja me 22-vjeçarin dhe mbetet vetëm bindja e Selltikut. Me ardhjen e Elhamed, këta të fundit me shumë mundësi do të hyjnë në negociata për talentin. Vlera e tij në merkato është 12.1 milionë.

Bavarezët prej kohësh janë në kërkim për dy sulmues krahu, por po hasin vështirësi. Sane duket çdo ditë e më larg. Siti çdo ditë e më shumë i ngre çmimin gjermanit, me Bajernin që ka limitet e veta. Kallum Hadson-Odoi mund të quhet çështje e mbyllur. Lampard e ka bindur anglezin të rinovojë me Çelsin.

Kristal Palas e vlerëson rreth 80 milionë euro Zahan dhe Bajern e disponon këtë shumë. 26-vjeçari duket se do përfundojë në Bundesliga. Edhe Bejl flitet se do vijë ne “Allianz Arena”. Me ardhjen e mundshme të kësaj dysheje, Bajerni do ishte i frikshëm për çdo ekip në botë.

Moize Ken është i preferuari i Unai Emeri dhe drejtuesit e Arsenalit ofrojnë 35 milionë euro për kartonin e sulmuesit të Juventusit. Kontrata e Ken me bardhezinjtë përfundon verën e ardhshme dhe rinovimi nuk po vjen, si pasojë e kërkesave të Raiolës për rritjen e rrogës së 19-vjeçarit.

Lojtari me origjinë nga Bregu i Fildishtë kërkohet edhe nga Evertoni e Borusia e Dortmundit, por Arsenali ndodhet një hap para. Juventusi është dakord, por kërkon të fusë klauzolën e riblerjes pas dy vitesh për shumën e 40 milionë eurove.

Një rast i ngjashëm me mënyrën se si veproi Real Madrid me Alvaro Moratën. Kjo është pika që ndan “Zonjën” me Arsenalin. Anglezët janë kundër përfshirjes së kësaj pike dhe janë gati të ofrojnë deri në 40 milionë euro për blerjen e përhershme të sulmuesit të talentuar.

“Daily Mirror” raporton se austriaku është fans i thekur i Arsenalit. Londinezët kërkojnë me patjetër mbrojtës dhe bavarezi është një emër i frikshëm. Kështu, Alaba është në një dilemë të madhe. Të shkojë te klubi që është tifoz, apo të një nga gjigantët e Evropës. Përtej kësaj, duhet të shtojmë se Bajerni do bëjë maksimumin ta mbajë.

Në një intervistë në SHBA, ku kampionwt e Gjermanisw ndodhen për “International Champions Cup”, ai u pyet në lidhje me një transferim në Barcelonë. Nuk e përjashtoi aspak këtë opsion. “Është nder që Barça interesohet për mua. Tani jam i fokusuar në fazën parasezonale. Mendoj vetëm për Bajernin. Në përgjithësi nuk jam person që mendoj shumë për të ardhmen, kështu që nuk përjashtoj asgjë”, tha Alaba.

Tre vjet qëndroi fantazisti në “Santiago Bernabeu”, ndërsa ardhja e Karlo Ançelotit i dha fund aventurës së tij me “Los Blancos”. Ozil i rikthehet kujtimeve, zbulon se pse u bë tifoz i Realit dhe flet për takimin e parë me idhullin e tij.

“U largova nga Reali, sepse nuk ndjeja më besimin e trajnerit. Gjithmonë kam dashur të luaja me këtë klub falë Zinedin Zidan. Francezi ka qenë idhulli im si futbollist. Kur e takova për herë të parë ishte ndihmës i Murinjos. Dridhesha dhe më ishin djersitur duart.

Isha shumë i emocionuar dhe nervoz, por ishte momenti më i bukur për mua. Doja të bisedoja me të, ai ishte shumë i lirshëm, ndërsa unë jo. Nuk më pëlqeu fare takimi i parë”, përfundon 30-vjeçari.

Me anë të një postimi në ne rrjetet sociale 19-vjeçari shprehu kënaqësinë që i dha përballja me dy shqiptarët e Arsenalit: Për mua ishte nder dhe kënaqësi e veçantë që të luaja përballë lojtarëve si Granit Xhaka apo një kampioni bote si Shkodran Mustafi, shqiptarë të cilët po bëjnë histori me klubet e tyre dhe me ekipet që përfaqësojnë. Jam shumë i lumtur që kisha këtë mundësi dhe shpresoj, që të shihemi sërish.

https://www.instagram.com/p/B0LnJGwIl-B/?utm_source=ig_web_copy_link

Mesfushori shkodran ka qenë kapiten i skuadrës Primavera të Fiorentinës që u shpall kampione e kupës së Italisë. Pak javë më parë 19-vjeçari u përzgjodh nga trajneri Vinçenso Montela si pjesë e skuadrës së grumbulluar për fazën përgatitore që i paraparin sezonit të ardhshëm.

Sulmuesi është i shpejtë, me cilësi të mira teknike dhe me një instikt vrasësi para porte. Ish-trajneri i Akademisë së Arsenalit, tani trajner i dytë te ekipi i parë, Fredi Ljumberg, i ka thurur elozhe talentit dhe ka qenë pikërisht ai që i ka sugjeruar trajnerit Emeri ta kalojë nga moshat me ekipin e parë.

Arsenali është një nga ekipet me akademitë më të mira dhe emrat që po dalin nga sistemi i moshave janë të shumtë. Nketiah, Nelson, Smith-Rou, Uillok, Saka dhe shumë të tjerë kanë impresionuar në këtë fazë përgatitore, çka ka bërë që tekniku Emeri të promovojë disa prej tyrë në ekipin A.

Reis Nelson u huazua te Hofenhaimi në sezonin e shkuar, duke shkëlqyer në Bundesligë. Uillok ka impresionuar si fantazist, madje dhe vetë Mesut Ozil i ka thurur elozhe. Nketiah ka shfrytëzuar çdo mundësi që i është dhënë, ndërsa Bakajo Saka, vetëm 17-vjeç, u shpall lojtari më i mirë i sezonit për Arsenal U-23.

Me buxhetin e limituar dhe me mungesën e Champions League, merkatoja e Arsenalit duket shumë e vështirë, por me talentet e akademisë dhe me Fredi Ljumberg, një legjendë e klubit, që po punon me promovimin e tyre në ekipin e parë, “Topçinjtë” duket se nuk kanë pse të shqetësohen.

“Këto janë shanse që unë po i jap të rinjve të tregojnë veten. Sezonin e kaluar nuk pati shumë minuta dhe në menduam ta huazojmë në Gjermani, por kjo nuk ndodhi. Ai opsion është ende i mundhshëm, por me paraqitje si kjo e sotmja Edi (Nketia) po më bind që ta mbaj këtu edhe për sezonin tjetër”, the Emeri në fund të ndeshjes.

Arsenal 3 – 0 Fiorentina
Shënues: Nketia 15’, 65’, Uillok 89’

https://www.youtube.com/watch?v=vSgn3gb4Orc

Në një intervistë, ylli gjerman ja lë fajin vetëm dëmtimeve dhe mohon të ketë një konflikt të hapur me trajnerin. Ai deklaron se ka biseduar me të. Shprehet se Emeri do e ndihmojë të arrijë formën më të mirë. Ka besim se sezonin e ardhshëm do të kthehet ai i dikurshmi.

“Ju e dini që kam pasur shumë trajnerë në karrierën time dhe sigurisht çdo trajner është i ndryshëm dhe dëshiron diçka ndryshe nga ti si një lojtar. Por kam pasur disa dëmtime para se sezoni të fillojë vitin e kaluar, kështu kam pasur një kohë të vështirë. Në fund të sezonit kam luajtur shumë ndeshje. Kam një marrëdhënie vërtet të mirë me trajnerin. Po flasim shumë dhe ai dëshiron të më ndihmojë. Gjithashtu unë dua të ndihmoj ekipin dhe mendoj se do shkojë gjithçka mirë për mua dhe klubin”, u shpreh mesfushori.

Mbetet për t’u parë vendimi i Juventusit. Zonja nuk mendon të heqë dorë përfundimisht nga talenti. Një huazim apo një shitje me të drejtën e riblerjes janë opsion për Paratiçin dhe Nedved. Megjithatë, e sigurt duket se Ken do të largohet drejt një destinacioni ku të ketë më shumë minuta në këmbë.

Junajtid ka gati çekun prej 70 milionë eurosh si zgjidhje që Obamejang të zbarkojë në “Old Trafford”. Arsenal është e sigurt se do marrë kohë të mendohet. Me ardhjen e tij, Solskjar do i “hapte” të gjitha daljet për t’u larguar Lukaku, që nën drejtimin e norvegjezit nuk ka qenë në “verisonin” e tij origjinal.

Me prurjet e fundit në Madrid, 22-vjeçari e ka gati të pamundur të zërë vend në formacionin e Zidan. Francezi nuk e ka pëlqyer as kur ishte pjesë e Realit dy vite më parë. Kështu, Sebajos do të largohet për të gjetur një destinacion ku do të luajë rregullisht.

Vlera e tij në merkato është plot 50 milionë euro. Arsenal nuk është i gatshëm ta japë këtë shumë, por as Real nuk mendon ta lërë të heqë dorë plotësisht nga mesfushori. Formula e huazimit do të jetë zgjidhja e këtij transferimi.

Ndërkohë Arsenal është në bisedime edhe me një tjetër yll. Everton është talenti seleçao që po rrëzëllen më së shumti. Milani thuhet se është pranë tij. Edhe londinezët do bëjnë detyrën e tyre, duke nisur një ofertë në drejtim të Gremios.

Mediet angleze bëjnë të ditur se Xhaka është favoriti kryesor për të marrë shirtin e kapitenit në rast largimi të francezit Lorent Kosielni. Qendërmbrojtësi ka dhe një vit kontratë me ekipin londinez, por gjasat janë që palët të ndërpresin me mirëkuptim kontratën.

Xhaka iu bashkua Arsenalit tri vite më parë në sezonin e fundit të Arsen Venger. Përgjatë tri viteve, futbollisti zvicerano-shqiptar numëron 134 ndeshje, ku ka shënuar 11 gola.

Një autogol i të riut Poznanski dhe goli i sulmuesit ganez Nketia i dhanë fitoren ekipit londinez. Golin e vetëm të Bajernit në këtë takim e shënoi polaku Robert Levandovski.

Një lajm i mirë për Bajernin në këtë takim ishte rikthimi i mesfushorit francez Korentin Toliso. Futbollisti shtatlartë veshi sërish fanellën e kampionëve të Gjermanisë pas më shumë se 9 muajsh nga dëmtim i rëndë që pësoi në gju.

Bajern Mynih 1 – 2 Arsenal
Shënues: Levandovski 71′ / Poznanski 49′ (aut), Nketia 88′

Dy janë objektivat e përbashkët dhe në të dy rastet po triumfon Arsenali. Të paktën për momentin. Dani Sebajos është i preferuari i madh. Arsenali e kërkon në huazim, ndërsa Spurs janë gati t’i blejnë kartonin.

Real Madrid preferonte versionin e dytë deri para pak ditësh, por paraqitjet pozitive të mesfushorit ofensiv në Europianin U21 kanë stopuar spanjollët. 22-vjeçari ka potencial dhe mund të shërbejë për të ardhmen.

Sebajos preferon Arsenalin për dy arsye. E para ka të bëjë me faktin që Unai Emeri i premton një vend titullari, ndërsa te Totenhemi do luftojë fort për ta fituar. E dyta ka të bëjë me dëshirën e madhe. Një sezon pozitiv me “topçinjtë” e rikthen në Madrid. Sebajos beson fort se do vijë momenti kur do të rikthehet titullar i Realit.

Sky Sport News raporton se akordi final është drejt konkretizimit. Ka mbetur për t’u dhënë vetëm miratimi i Zinedin Zidan që Sebajos të transferohet tek Arsenali. Aty ku mund të mbërrijë edhe Uilliam Saliba.

I lindur në Francë dhe me origjinë nga Kameruni, vetëm 18 vjeç, aktivizohet si qendërmbrojtës dhe sezonin e kaluar është aktivizuar në 19 ndeshje me St Etienin. Saliba ishte pranë kalimit te Totenhemi, por oferta prej 27 milionë sterlinash e Arsenalit ka bindur lojtarin dhe klubin francez.

Sërish diferencën po e bën dëshira e lojtarit. Si Sebajos dhe Saliba preferojnë kalimin tek ekipi i Unai Emeri përpara transferimit te finalistët e Champions Ligës.

Kështu është Arsenali që përfiton nga kjo situatë. Siç raportojnë mediet angleze, “Topçinjtë” janë shumë pranë arritjes së një marrëveshje me Realin për huazimin e 22-vjeçarit. Real pranon këtë mundsi vetëm nëse Arsenal nuk e dëshiron opsionin e blerjes përfundimtare të fantazistit.

Vështirësitë për të nënshkruar me yje të tjerë e bëjnë Emeri të pranojë këtë propozim dhe të sjellë në “Emirates Stadium” Sebajos, edhe pse përkohësisht. Anglezët kanë rënë dakort për të paguar të gjithë pagën e lojtarit prej 3 milionë eurosh. Marrëveshja është shumë pranë mbylljes dhe Sebajos do të vishet bardhekuq.

Duhet të themi se kombëtarja e tij është në finale dhe do të ndeshet me Senegalin. Për 21-vjeçarin përveç kuqezinjve, përflitej se kishin shfaqur interes edhe klube të tjerë. Një prej tyre ishte Arsenali, skuadër ku Benaser ka kaluar dy vite në ekipin e dytë. Megjithatë, siç konfirmojnë mediet e mëdha evropiane, Arsenali nuk e ka dashur yllin afrikan.

Ata kanë pasur në dispozicion aktivizimin e një klauzole, që bënte të mundur blerjen e mesfushorit me një çmim tepër më të ulët se ç’e mori Milani. Drejtuesit londinezë, pasi e studiuan situatën e lojtarit, vendosën për refuzimin e rikthimit të tij.

Golat për “Topçinjtë” u shënuan nga talenti 17-vjeçar, Bukayo Saka, në minutëm e 13-të,  Olainka në të 29-ën dhe debutuesi Martineli, i cili në minutën e 61’ gjen rrjetën dhe vendos rezultatin final të takimit në 3-0.

Miqësore, 16 korrik 2019 (03:00)

Kolorado Rapids – Arsenal   0-3

Saka 13’, Olainka 29’, Martineli 61’

Argjentinasi është prodhim i akademisë së Boka Zhuniors, nga ku është transferuar në DC Junajtid. Për të ka shumë oferta nga Kina. Ndërkohë edhe Arsenali e PSG janë interesuar për situatën e tij. Kontrata e tij përfundon në dhjetor. Si pasojë pritet të ketë një luftë të ashpër, pasi klubi aktual mund ta lëshojë për një shifër të ulët.

Lista e klubeve të interesuara për 36-vjeçarin është e gjatë. “As” raporton se kandidat kryesor për të siguruar shërbimet e mbrojtësit të djathtë është Arsenali. Edhe Interi me Atletiko Madrid e pëlqejnë shumë, por Dani Alvesh mund të zgjedhë emocionet e Premier Ligës.

Unai Emeri i ka kërkuar drejtuesve të nisin negociatat me lojtarin më fitues në historinë e futbollit (40 trofe) dhe të përgatisin sa më shpejt një ofertë zyrtare në drejtim të tij. Braziliani nuk e ka fshehur kurrë dëshirën për të luajtur në kampionatin anglez dhe ky mund të jetë momenti i duhur për ta bërë diçka të tillë.

Kjo ofertë vjen si “rrufe në qiell të hapur”, pasi prej shumë javësh flitej për një buxhet maksimal prej 40 milionë eurosh të “Topçinjve”. Pepe ka qenë edhe objektiv i Bajernit të Mynihut e PSG-së, por bavarezët interesohen për Ousmane Dembele dhe Leroi Sane, ndërsa PSG po pret të mësojë përfundimisht të ardhmen e Nejmar.

Pepe luan në të tria pozitat e sulmit dhe në rast se Lilë pranon ofertën dhe 23-vjeçari transferohet te Arsenali, do të përbënte një nga treshet më të frikshme të sulmit, së bashku me Lakazet dhe Obamejang.

Drejtori i Ajaksit, Mark Overmars, pranoi disa javë më parë se Zijesh është në shitje dhe 26-vjeçari është në pritje të ofertave. Vetë Zijesh tha disa kohë më parë se dëshiron të transferohet tek Arsenali dhe të luajë me lojtarin e tij të preferuar, Mesut Ozil, por “Topçinjtë” kanë vendosur që të mos bëjnë ofertë.

Trajneri i Arsenalit, Unai Emeri, është aktualisht në Amerikë së bashku me të besuarit e tij dhe nga mediat është pyetur në lidhje me merkaton dhe me Zijesh, për të cilin ka thënë: “Po studiojmë disa lojtarë, kryesisht në Premier Ligë. Zijesh? Nuk do të ketë ofertë për të”, përfundoi spanjolli.