Arsen Venger

Rikthimi në Premier Ligë? Venger flet hapur!

Sport Ekspres — Thu, 27 Jun 2019 20:18:50 +0000

Arsen Venger ka më shumë se një vit i papunë dhe kjo verë pritet të tregojë më shumë rreth të ardhmes së tij. Pas 35 vitesh gjithsej, ndër to 22 në Londër, Venger nuk është lodhur dhe dëshiron akoma të vihet në drejtim të një skuadre. Njukasëll është një nga alternativat. Pas ikjes së Benitez, francezit i është ofruar posti i trajnerit të bardhezinjve.

Venger ka folur rreth këtyre thashethemeve. Ai shprehet se është i hapur për oferta, por nuk mund të mendojë se do të kthehet në stol brenda një kohe kaq të shkurtër. Mendon se ka akoma nevojë për pushim. Ka drejtuar mbi tre dekada pa pushim dhe kjo ndalesë po i shijon. Kështu, Njukasëll do i duhet të shikojë për të tjerë emra.

“Do kthehem të trajnoj, por jo në të ardhmen e afërt. Nuk është pikërisht tani momenti për t’ju khyer punës. Jam më i hapur tani se para një viti rreth ofertave që vijnë, por nuk mund të them se do kthehem në punë pas dy apo tre ditësh. Kam bërë një shkëputje dhe po e shijoj. Kam punuar 35 vite pa asnjë ndërprerje, kështu që mendoj se e meritoj këtë pushim”, u shpreh 69 vjeçari.

Flamur në gjysmështizë dhe fjalë zemre, Arsenali nderon Rejes

Sport Ekspres — Sat, 01 Jun 2019 16:34:06 +0000

Vdekja e Hoze Antonio Rejes i ka prekur të gjithë. Ish-sulmuesi humbi jetën bashkë me nipin e tij 23-vjeçar pas një aksidenti, me makinën që drejtohej nga ish-futbollisti i Real Madrid, Sevija e Arsenal. Automjeti pasi u përplas me një shtyllë, humbi kontrollin dhe përfundoi i përbysur jashtë rrugës. Më pas flakët e pushtuan gjithë mjetin “Mercedes Brabus”, që i dhanë edhe goditjen përfundimtare.

Pas kësaj humbje të madhe në botën e futbollit, të shumtë kanë qenë reagimet e ekipeve dhe të njohurve të Rejes. Klubi i Arsenal, ku 35-vjeçari i ndjerë ka kaluar dy vite të karrierës, ka vendosur ulë në gjysëmshtizë flamurin e klubit në qendrën stërvitore.

Edhe Arsen Venger ka thënë fjalët e tij, ku dëfren hidhërimin dhe ngushëllon të afërmit e ish-futbollistit të tij. “Jam tepër i hidhëruar teksa dëgjoj lajmin e tmerrshëm për Hoze. E gjithë familja e Arsenal mbështet shokët dhe të afërmit e tij. Ai do të ketë gjithmonë dashurinë tonë”, u shpreh Venger.

Our club flag will remain at half-mast at Arsenal Training Centre.

In loving memory of Jose Antonio Reyes ?? pic.twitter.com/Gpm0Y4HT7B

— Arsenal FC (@Arsenal) June 1, 2019

Rikthim në Japoni? E ardhmja e Venger një mister

Sport Ekspres — Sun, 26 May 2019 08:33:05 +0000

Arsen Venger përtej moshës 69-vjeçare e ka përsëritur shpesh se nuk do të tërhiqet nga futbolli. Trajneri francez prej një viti është i papunë pas fundit të aventurës prej gati dy dekadash me Arsenalin. “Goal.com” pretendon se francezi është pranë një rikthimi në Japoni. Gjatë viteve 1995-1996 ai ka drejtuar ekipin e Nagoya Grampus.
Visel Kobe e dëshiron strategun francez për të dalë nga kriza e thellë. Skuadra japoneze regjistron nëntë humbje rresht në kampionat dhe janë në zonën e rënies nga kategoria. Te Visel, Venger do të bashkohej me yje si Iniesta, Podolski, David Vija dhe Serxhi Samper. Shumë lojtarë të mëdhenj, por jo një trajner që ka cilësinë për të nxjerrë maksimumin e tyre.

Arsen Venger do të ishtë i duhuri për ta bërë këtë. Atij i është ofruar kotratë njëvjeçare me të drejtën e rinovimit edhe për një sezon tjetër. Rroga që strategu francez pritet të marrë në Japoni është rreth 4 milionë euro.

Profecia e radhës nga Venger: Trajnerët do të zëvendësohen nga… robotë!

Sport Ekspres — Sun, 18 Nov 2018 21:12:53 +0000

Arsen Venger mbylli eksperiencën 22-vjeçare me Arsenalin, ndërsa pret të nisë një aventurë të re në vitin e ardhshëm. Trajneri francez ka folur për “beIN Sports”, duke parashikuar ndryshime të mëdha në botën e futbollit.

69-vjeçari u shpreh përpara pak kohësh që do të vijë dita, kur ndërrimet në një ndeshje do të përcaktohen nga rrjetet sociale, ndërsa tani shkon dhe më larg. Sipas tij, shumë shpejt trajnerët do të zëvendësohen me… robotë!

“E kam thënë dhe herë të tjera. Unë shoh që presidentët e ardhshëm do të bëjnë një ndërrim në pjesën e dytë të ndeshjeve në bazë të rrjeteve sociale. Unë nuk jam dakord, por një gjë e tillë do të ndodhë. Unë i përkas shkollës së vjetër, asaj që respekton zgjedhjet e trajnerit, por po shkojmë në këtë drejtim. Fuqia e rrjeteve sociale është shumë e madhe. Mund të vini bast se pas 20 vitesh, një robot do të ulet në pankinë përballë jush”, përfundon Arsen Venger.

Ibra: Zllatani bën vetëm rolin e kapos. Venger te Milani? Më parë rikthehem unë!

Sport Ekspres — Fri, 09 Nov 2018 13:48:05 +0000

Zërat e merkatos e ofrojnë Zllatan Ibrahimoviç me Milanin, ndërsa e njëjta gjë ndodh dhe me ish-trajnerin e Arsenalit, Arsen Venger. Suedezi i famshëm dëshiron rikthimin në Europë dhe dy pistat kryesore janë: Milan dhe PSG.

Në një prononcim për “L’Equipe”, 37-vjeçari flet për rikthimin në Europë dhe mundësinë e uljes së Venger në stolin e kuqezinjve.

“PSG dëshiron të punoj për klubin dhe të bëj atë që dëshiroj. Nëse kthehem te PSG e bëj për të qenë kapo i skuadrës, kjo është mënyra e vetme dhe nuk ekziston një tjetër rol për mua. Nuk bëhet fjalë për tani, jam akoma një futbollist aktiv dhe dua të vazhdoj të luaj. Kur të bëj zgjedhjen time, do të informoj botën.”

“Venger te Milani? Mendoj se ka më shumë gjasa të rikthehem unë te Milani, sesa të kalojë Venger në Milano. Nuk e shoh në këtë lloj sfide. Kam patur shumë oferta nga Europa, por kam nevojë për diçka që të stimulojë dhe dua të shkoj në një klub, ku mund të bëj diferencën”, përfundon uniku Ibra.

Profecia e Venger: Zëvendësimet? Do vendosen në… rrjetet sociale!

Sport Ekspres — Sat, 20 Oct 2018 10:54:15 +0000

Pas 22-viteve në stolin e ekipit të Arsenalit, Arsen Venger po shijon pushimet, që nuk kanë gjasa të zgjasin shumë. Trajneri francez është shprehur se është gati për t’u rikthyer në stol, por nuk dihet nëse do të stërvitë ndonjë klub, apo kombëtare.

68-vjeçari ka dhënë një prononcim për “Bild”, ku jep mendimin e tij për të ardhmen e futbollit. Ky lloj sporti po evoluon dhe shumë shpejt do të vijë dita, kur zëvendësimet do të bëhen nga rrjetet sociale. Një risi, por Venger është i bindur që do të ndodhë kështu. Klubet po dobësohen, ndërsa lojtarët po fuqizohen. Shembulli? Kristiano Ronaldo dhe Nejmar.

REVOLUCIONI – “Brenda pesë viteve të ardhshme fuqia e klubeve do të dobësohet dhe shoqëritë duhet të jenë të afta në menaxhimin e ndikimeve të jashtme. Më pas, ku i dihet, në vitet e ardhshme ndoshta ndërrimet e lojtarëve do të vendosen nga rrjetet sociale… Do të ketë një votim në pushimin mes pjesëve, që do të përcaktojë se cilët lojtarë duhen ndërruar dhe kush mund të vazhdojë të qëndrojë në lojë.”

CR7 TË JUVENTUS – “Ronaldo ka sjellë ndjekësit e tij në Itali. Publiku ndërkombëtar ndjek më shumë individët e veçantë sesa klubet. Shihni Nejmarin: ai është më i fortë se e gjithë Liga 1. Braziliani ka 170 milionë tifozë të shpërndarë nëpër botë, më shumë se gjithë kampionati francez.”

Venger në pritje të ofertave: Nuk e kam mbyllur karrierën

Sport Ekspres — Wed, 26 Sep 2018 19:16:33 +0000

Sezoni i kaluar ishte i fundit për Arsen Venger me Arsenalin, ekip të cilin e ka drejtuar për 22 vite rresht. 68-vjeçari francez nuk mund të rrijë larg futbollit dhe në një prononcim për “L’Est Republicain”, ka folur për të ardhmen e tij dhe dëshirën për të gjetur një ekip të ri.

“Për momentin nuk mendoj shumë për të ardhmen. Jam i përqendruar në gjëra të tjera, por mund të konfirmoj, që nuk e kam mbyllur karrierën time si trajner”, sqaron Venger, duke lënë të nënkuptohet se pret ofertën e duhur për t’u rikthyer në stol.

Venger zhvilloi një futboll fantastik me ekipin e Arsenalit, ndërsa fitoi tre herë Champions Ligën dhe shtatë herë “FA Cup”. Në vitin 2006 ai e dërgoi Arsenalin në finalen e Champions Ligës, por “Topçinjtë” nuk ia dolën të triumfojnë përballë Barcelonës së Ronaldinjos.