“Interi është pesë pikë para kundërshtarit më të afërt. Them se pas rrëmujës së fundit të rezultateve të kundërshtarëve, ata e kanë siguruar pjesëmarrjen në Champions.”

Më pas 73-vjeçari foli edhe për ndeshjen që e pret skuadrën e Spaletit pas katër ditësh me Juventusin në San Siro. Kujtojmë që Juventusi e ka siguruar matematikisht kampionatin e tetë rradhazi në Itali.

“Sigurisht, ndeshja e tyre e ardhshme kundër Juventusit është shumë e rëndësishme. Nëse e kalojnë këtë pengesë, atëherë e kanë rrugën e hapur. ‘Zonja’ do mundohet t’ia bëjë jetën sa më të vështirë”, përfundon ish-trajneri.

Kuqezinjtë kishin fituar më parë, kanë fituar dhe pas tij, por Milani i Sakit mendohet në masë të gjerë si skuadra më e madhe e historisë së futbollit. Ky i fundit ka folur për “Gazzetto dello Sport”, ku flet për sfidën e së dielës. Elozhe për të dy ekipet, respekt për punën e Gatuzos, madje Saki tregon dhe të vetmen mënyrë se si mund të ndalet Kristiano Ronaldo.

Ai shpreson në një fitore të Milanit, por lodhja e ndeshjes kundër Betisit në Europa League është një problem i madh. Megjithatë, kuqezinjtë janë të karikuar dhe Gatuzo i ka rikthyer identitetin e munguar në vitet e fundit ekipit të “Djallit”.

NDESHJA KUNDËR JUVES – “Nuk pretendoj të shoh Milanin, duke bërë presing në sulm, por nuk dua ta shoh duke u mbrojtur në zonë. Do të kënaqesha me një vijë të mesme. Mendoj se çelësi i sfidës do të jetë ekuilibri në fazën kur nuk je në zotërim të topit. Ndeshja me Betisin do të ndikojë shumë. Të luash të enjten në mbrëmje, madje në transfertë, është një handikap i madh. Mendojeni pak: pas garës në Sevilje, lojtarët janë ngjitur në avion për t’u rikthyer në Milanelo, janë ulur për të fjetur në orën 4 të mëngjesit dhe si mendoni se do të rikuperohen energjitë? Janë vetëm 48 orë për të përgatitur ndeshjen kundër Juves. Pak, shumë pak.”

SAN SIRO – “Nuk ka asnjë problem në aspektin e motivimit. Këto ndeshje janë speciale, stadiumi plot është benzinë për lojtarët. Ajo që pyes vetën është: do të arrijë Milani të mbajë ritmin e ndeshjes në aspektin fizik? Gatuzo ka bërë një punë të madhe deri më tani, sidomos në aspektin psikologjik. I ka rikthyer dinjitetin e humbur skuadrës, ua ka bërë të qartë lojtarëve se çfarë do të thotë të luash për Milanin. Por, Juventus ka një potencial të madh, ka njerëz, të cilët mund të vendosin ndeshjen në një episod të vetëm. Jo vetëm Kristiano Ronaldo, por dhe Dibala, Kuadrado, Manxhukiç dhe më falni nëse harroj ndonjë. Kampionë fantastikë.”

GATUZO – “Rino është një fenomen, më besoni. I ka dhënë shpirt Milanit, ka sjellë krenari dhe ndjenjë përkatësie. Gjithashtu po praktikon një futboll të bukur. Milanit i mungon pak shpejtësi dhe presing. Por këta djem kurrë nuk heqin dorë, fitojnë ndeshjet edhe në sekondat e fundit. Dhe Rino është një nga ata që jep jetën për futbollin dhe për lojtarët e tij.”

CR7 – “Si markohet Ronaldo? Me anë të skuadrës. Kur Milani im luante kundër Napolit të Maradonës, unë u thoja lojtarëve: “gjëja më e rëndësishme është që të marrë më pak topa se zakonisht“. Kjo mund të arrihet vetëm përmes presingut. Nëse gjen mënyrën që të mos lejosh pasime drejt Ronaldos, e heq nga ndeshja, sepse ai është lojtari që mbyll aksionet.”

Për sfidën në fjalë kanë folur dhe dy-ish trajnerë të mëdhenj të ekipeve respektive: Arrigo Saki dhe Marçelo Lipi. I pari revolucionoi futbollin italian dhe atë europian me Milanin magjik të holandezëve, ndërsa i dyti ka fituar gjithçka me bardhezinjtë dhe është trajneri i fundit, i cili ka sjellë Champions Ligën në Torino, 22 vite më parë.

Në një prononcim për “Gazzetta dello Sport”, Saki vlerëson kualitetin e Juventusit, i jep këshillat e duhura Gatuzos dhe shpreson e mendon në një fitore të Milanit, ndërsa Lipi mendon ndryshe. Juventus është më lart, ekipi është i zemëruar pas humbjes kundër Junajtid në Champions dhe stadiumi i Milanos i sjell fat bardhezinjve.

SAKI – “Gatuzo ka një mal me të dëmtuar dhe duhet të përballet me ndeshjen e jetës në kushte të pasigurta. Përveç ekuilibrit dhe përqendrimit, kjo ndeshje kërkon organizim, forcë fizike, agresivitet dhe shpejtësi në qarkullimin e topit. Juventus është favorit për kontingjentit e lojtarëve dhe aftësinë për të zgjidhur ndeshjen në çdo moment, por futbolli është si jeta: nuk e di kurrë se çfarë do të ndodhë”

LIPI – “Do të jetë e vështirë për Milanin, sepse Juventus është i zemëruar për humbjen e parë në këtë sezon dhe mënyrën se si erdhi. Ronaldo? Ai është një makinë golash dhe vendimtar. Sa i përket ndeshjes, mendoj se do të fitojë Juventusi. ‘San Siro’ është shtëpia e dytë e bardhezinjve, të cilët zhvillojnë ndeshje të mëdha në këtë stadium. Më kujtohet një fitore 1-6 kundër Milanit dhe shumë ndeshje të mëdha kundër Interit. Megjithatë, një ditë fantastike për kundërshtarët mund të ndodhë gjithmonë.”

“Do të doja të kisha një kombëtare si ajo e Italisë, me kaq lojtarë të aftë dhe të fortë, por si është e mundur që japin 50-60% të asaj çfarë japin me klubet e tyre? Mos të harrojmë, që ishte dhe një futbollist me 15 kg mbi peshë. Baloteli? Nuk e di… Diskutuam me Sakin mbas ndeshjes dhe ishim të dy dakord që Baloteli nuk ishte i përgatitur.

Në aspektin fizik, ai nuk ishte gati për një ndeshje të tillë. Jam dakord me fjalët e Sakit, por bëhet fjalë për inteligjencë futbollistike. Më vjen keq për Marion, por unë e pashë të papërgatitur dhe është faji i tij që nuk është akoma gati. Një profesionist nuk mund të jetë në këto kushte dhe nuk i hyn në punë askujt.

Ndeshja me Italinë? Nuk jemi plotësisht të kënaqur. Mund të dyfishonim rezultatin, por erdhi ajo penallti dhe më mirë dy të plagosur sesa një i vdekur, meqë kam shumë miq në Itali. Nuk e di nëse ajo penallti do të akordohej në kohën time, por me rregullat e sotme ndoshta është penallti”, përfundon kreu 62-vjeçar i futbollit polak.

“Futbolli është sport ekipor dhe idetë vlejnë më shumë se këmbët. Kështu, së pari duhen marrë lojtarë që kanë inteligjencë.  Pastaj shërben altruizmi, pasioni dhe profesionalizmi. Të gjithë kanë makina, por për të lëvizur duhet benzinë. Dhe në futboll benzina është inteligjenca, pasioni dhe profesionalizmi”, ka thënë mes të tjerash Saki në Radio Deejay.

Nuk ka munguar një reagim nga kampi i sulmuesit dhe ai që i përgjigjet Sakit, madje që kalon edhe në kundërsulm, është Mino Raiola. Menaxheri i Balotelit nuk kursehet aspak, madje thekson se ish-trajneri i Milanit jeton me atë që ka bërë në krye të kuqezinjve kohë më parë.

“Inteligjenca nuk shërben vetëm në futboll, por edhe në jetë. Me fjalët e tij qartësisht ka demonstruar se nuk ka as inteligjencë, as klas.  Nuk e kuptoj pse ata dëgjojnë një njeri që jeton vetëm prej emrit që ka vënë sepse ka udhëhequr një skuadër të fortë si Milani, që fitonte vetë.

Saki duhet të falënderojë Berluskonin dhe të mendojë për finalen e humbur me kombëtaren, pasi ajo skuadër duhet të fitonte Botërorin, që e humbi ai. Pas Milanit ai nuk ka fituar askund dhe nuk ka të drejtë të japë leksione.

Për pjesën tjetër, më duket se ajo që ka deklaruar për Marion konfirmon atë që thonë për të prej kohësh. Ka rrjedhur… Dhe ndjej veç mëshire për të”, është shprehur Raiola.

“Juventus është favoriti i madh për të fituar titullin falë historisë, organizimit dhe aftësive superiore krahasuar me rivalët. Blerja e Ronaldos, rikthimi i Bonuçit, por edhe afrimet e lojtarëve të tjerë me vlerë si: Perin, Spinazola, Emre Çan dhe Kanselo justifikojnë objektivin për të fituar gjithçka, përfshirë dhe Champions-in e lakmuar.”

Ish-legjenda e Milanit ndalet dhe tek situata e ekipit të Interit. Drejtuesit duhet të zgjidhin problemet e së kaluarës për t’u kthyer tek sukseset.

“Interi këto vite ka qenë gjithmonë mbretëresha e merkatos së verës dhe më pas ka zhgënjyer tifozët e saj besnikë në dimër. Ka ndryshuar trajnerë dhe lojtarë, por me rezultate të pamjaftueshme në lidhje me investimet. Çfarë nuk funksionon? Klubi me strategjinë, vizionin dhe lidershipin e tij, apo ekipi me shpirtin e skuadrës dhe kualitetin e pakënaqshëm të lojës? Identifikimi i problemeve hipotetike do të nënkuptonte zgjidhjen e tyre dhe rikthimin tek sukseset. Interi i sotëm është një enigmë”, përfundon Arrigo Saki.