Në lidhje me mundësinë e transferimit të Ikardit në Torino nuk mund të shpëtonte pa u pyetur një nga legjendat e trajnimit italian e botëror, Arrigo Saki. Ai mendon se ardhja e Ikardit në Torino do të shtonte problemet dhe do e fuste Sarrin në telashe. Gjithashtu do të mbulonte hapësirat e Kristiano Ronaldos në fushë.

“Ikardi është një specialist në rolin e tij, por te Juve i do i duhet të luftojë brenda konceptit të futbollit total. Përveç kësaj, ai do të zërë shumë hapësira që lihen të lira për Ronaldon në mënyrë që të thyejë linjat për të hyrë në zonë. Sarri është një trajner i madh me aftësi të mrekullueshme për t’i mësuar lojtarëve gjëra të reja. Megjithatë, pyes veten se përse ai dëshiron të krijojë më shumë probleme”, deklaroi ish-strategu.

Lidhur me këtë çështje ka folur legjenda Arrigo Saki, i cili i ftuar në një emision sportiv në “Rai Sport” deklaroi se janë shumë gjëra që në Itali nuk i kanë ende të qarta.

“Çfarë ka mbetur nga ajo që i mësova unë Milanit? Pak, sepse kanë kaluar plot 30 vite që nga ajo kohë. Sot luhet me ritme të larta, kështu që shpresoj të ketë ndryshim edhe pse Italia po mundohet shumë të ndryshojë mënyrën e lojës.

I kemi dhënë shumë krenari futbollit italian. Ne ishim shumë të bindur që mënyra më e mirë për të ndalur dhe luftuar kundërshtarin ishte loja dhe të luash mirë. Kjo është diçka që në Itali ende nuk e kanë të qartë.”

Ai do të rikthehet në Itali dhe destinacioni i radhës quhet Juventus. Akoma nuk është zyrtare, por diçka e tillë e emocionon Arrigo Sakin, nga i cili frymëzohet Sarri.

Ish-trajneri legjendar i Milanit flet për fitoren e Çelsit në finalen londineze dhe analizon Sarrin si trajner. Si ai ka pak në Itali, pasi shumica mjaftohen me shumë taktikë dhe pak futboll. Saki shpreson që ta shohë te Juventusi, pasi diçka të tillë e cilëson një revolucion.

“Fitorja e Çelsit të Sarrit më gëzoi shumë, pasi do të fillonin përsëri me fjalët që është trajneri i aftë, por jo fitues. Ai e fitoi me meritë Ligën e Europës. Triumfoi në një ndeshje aspak të lehtë. Sarri ka në ekip futbollistë të shkëlqyer, por ata luajnë pak për skuadrën në përgjithësi. Gjithmonë kam menduar se një trajner duhet të jetë në të njëjtën kohë, edhe skenarist edhe regjisor. Të tjerë e interpretojnë ndryshe këtë rol. Kam një dobësi për trajnerët që i japin një stil skuadrës.

Në Itali janë 4-5 të tillë, të cilët janë strategë të mirë dhe lënë gjurmë tek ekipi që drejtojnë. Të gjithë të tjerët janë vetëm takticienë. Ançeloti është i pari i strategëve, aty ku bën pjesë edhe Gasperini. Dje bisedova me Karlon dhe më tha: ‘Duhet të jemi më kurajozë, duhet të rrezikojmë më shumë’. Sarri e ka treguar se është në gjendje t’i japë një stil skuadrës, një identitet të qartë. Nëse shkon te Juventusi do të jetë një revolucion i rëndësishëm“, përfundon Saki për “Radio Capital”.