Arrestime

Skandal në Spanjë, arrestohen presidenti i Hueskës dhe ish-mbrojtësi i Realit!

Sport Ekspres — Tue, 28 May 2019 10:40:58 +0000

Policia spanjolle ka organizuar një mega operacion, duke arrestuar shumë emra të njohur të futbollit iberik. Liga kishte njoftuar prej mbi një viti për aktivitetin e një grupi kriminal, që merrej me fiksimin e ndeshjeve dhe vendosjen e basteve.

Në pranga ka përfunduar edhe Agustin Lasaosa, i cili mban postin e presidentit të Hueskës, ekip që këtë sezon garoi në La Liga. Kreu i organizatës ishte Raul Bravo, ish-mbrojtësi i Realit të Madridit gjatë viteve 2003-2007.

Raul Bravo (majtas)

Përveç tyre janë arrestuar edhe Borja Fernandez (Vajadolid), Samu Saiz (Getafe), Inigo Lopez (Deportivo La Korunja) dhe Huan Karlos Galindo (shefi i stafit mjekësor të Hueskës).

Akuzat që rëndojnë mbi këto persona janë: fiksimi i ndeshjeve, vendosja e basteve, përfshirja në një organizatë kriminale, korrupsioni midis individëve dhe pastrimi i parave.

Arrestimet e tifozëve në Angli, Birmingam qyteti më problematik

Sport Ekspres — Sat, 17 Nov 2018 17:04:26 +0000

Policia angleze vazhdon të bëjë detyrën e saj me “dorë të hekurt” në mbarëvajtjen e ndeshjeve të futbollit. Të dhënat më të fundit të nxjerra nga “BBC”, kanë zbuluar se kush janë klubet dhe divizionet më problematike.

Vendin e parë për sezonin 2017/2018 e mbajnë fansat e Birmingam Siti, me 95 të arrestuar, ndërkohë që në vend të dytë është Shefilld Junajtid me 62 të arrestuar. Vendin e tretë në podium e merr Sandërlend me 60 të arrestuar. Në vendin e pestë ishte e renditur Aston Vila me 48 arrestime, skuadër kjo po nga qyteti i Birmingamit.

Në total gjatë sezonit të kaluar janë prangosur 1542 persona, një ulje me 6% nga viti i kaluar. Në vitin 2001 policia angleze 3972 me anë të shtrëngimit të masave të sigurisë dhe rritjen e dënimeve për shkelësit e ligjit, shkallët e stadiumeve angleze janë bërë shumë të sigurta.