Edhe pse është kërkuar që të gjykohen në gjendje të lirë, Gjykata ka hedhur poshtë kërkesën e avokatit, duke vendosur masën paraprake me lënien në burg të të akuzuarve. As garancia pasurore nuk e ka bindur Gjykatën. Tashmë priten seancat e radhës, në të cilat do të vendoset mbi dënimin apo jo të të arrestuarve.

Për të sqaruar pozicionin e Grimës dhe për ta liruar nga akuzat, po synohet që çështja e tij të kalohet veçmas grupit “Bajri”. Akuzat për ta janë shumë të rënda dhe pretendimet janë se shkodrani nuk ka lidhje me ta.

NJË PJESË E NJOFTIMIT TË POLICISË SË SHTETIT PARA DY DITËSH – Të gjitha arrestimet janë kryer me vendim të Gjykatës së Krimeve të Rënda. Ata janë:

Behar Brajoviq (Bajri) arrestuar në Roterdam, Holandë;
Samet Halluni, i arrestuar në Roterdam, Holandë;
Ilir Rustemi, i arrestuar në ndërhyrjen e datës 6 shtator në Shkodër;
Emrah Plaku, i arrestuar në ndërhyrjen e datës 6 shtator në Shkodër;
Astmer Bilali, i arrestuar në ndërhyrjen e datës 6 shtator në Shkodër;
Armir Grimaj, arrestuar në Shkodër;
Safet Rustemi (Bajri), i arrestuar në Tiranë;
Fabiol Rexhepi, i arrestuar në Shkodër;
Ismet Idrizi, i arrestuar në Shkodër;
Denis Brajoviq, i arrestuar në Tiranë;
Klaudio Hoxhalliu, i arrestuar në Tiranë.

Akuzat ndaj anëtarëve të këtij grupi kriminal janë: “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, vepra penale këto të kryer në kuadër të grupit të strukturuar kriminal.

REAGIMI – “Federata Shqiptare e Futbollit është njohur me ngjarjen e fundit të komunikuar zyrtarisht nga ana e Policisë së Shtetit, për ndalimin e z.Armir Grima, aktualisht trajner i ekipit kombëtar të femrave të futbollit. FSHF në qëndrimin e saj është e prirur të besojë në pafajësinë e plotë dhe mospërfshirjen te trajnerit Armir Grima në rrjetet kriminale për të cilën është ndaluar nga ana e autoriteteve të rendit. FSHF mbetet shumë sensitive karshi kësaj ngjarjeje, por njëherësh është në pritje të zbardhjes së plotë të akuzës që rëndon mbi trajnerin Grima, duke pritur verdiktin e drejtësisë.

Një moment i tillë nuk mund të përbëjë objekt sulmi karshi Armirit, përsa kohë drejtësia nuk ka dhënë vendimin e saj, madje as nuk ka nisur ende të bëjë punën e saj.

FSHF do të ndjekë me shumë qetësi dhe seriozitet ecurinë e kësaj ngjarjeje, duke ftuar njëherësh të gjithë të presin mbylljen e procesit dhe të frenojnë emotivitetin e tyre momental karshi z.Grima, që mbetet një familjar i shkëlqyer dhe një njeri me reputacion dhe personalitet të lartë në ambientin e futbollit shqiptar, dhe jo vetëm”, reagon FSHF.

Sipas asaj që raportohet nga “Supersport”, Grima vjet ka marrë një telefonatë nga anëtarë të familjes Bajri. Thuhet se ata kanë kërkuar informacion për Tërbunin, që do të ndeshej me Vllazninë B.

Me pukjanët aktivizoheshin shumë lojtarë shkodranë dhe ishte një takim i rëndësishëm për qëndrimin në Kategorinë e Parë dhe në fund shkodranët fituan. Anëtarët e familjes Bajri ndërkohë i kishin telefonat në përgjim dhe kështu në gjithë këtë mesele është përfshirë edhe Grima.

Ky i fundit ka dhënë informacione për lojtarët, ndërkohë që thuhet se ndaj lojtarëve të Tërbunit më pas është bërë presion për të lënë ndeshjen.

“Sport Ekspres” ka kontaktuar zyrtarë të klubit Tërbuni, të cilët kanë konfirmuar atë që kanë deklaruar që në muajin maj: sipas tyre, disa lojtarë shkodranë kanë toleruar hapur, duke ia dhuruar fitoren jetike Vllaznisë B, ndërsa Tërbuni ra në Kategorinë e Dytë. Në Pukë nuk është se kanë prova, por dyshojnë shumë se ka ndodhur diçka e tillë. Tanimë që copëzat po plotësohen, ndoshta te Tërbuni kanë të drejtë.

Mes të arrestuarve janë edhe dy njerëz të sportit. Armir Grimaj, ish-portieri i Vllaznisë, aktualisht trajner i kombëtares së Femrave, është mes të ndaluarve nga Policia. Gjithashtu e njëjta gjë ka ndodhur edhe me portierin Fabjol Rexhepi, i cili ka qenë pjesë e Besëlidhjes dhe Vllaznisë në të shkuarën.

NJË PJESË E NJOFTIMIT TË POLICISË SË SHTETIT – Të gjitha arrestimet janë kryer me vendim të Gjykatës së Krimeve të Rënda. Ata janë:
1. Behar Brajoviq (Bajri) arrestuar në Roterdam, Holandë;
2. Samet Halluni, i arrestuar në Roterdam, Holandë;
3. Ilir Rustemi, i arrestuar në ndërhyrjen e datës 6 shtator në Shkodër;
4. Emrah Plaku, i arrestuar në ndërhyrjen e datës 6 shtator në Shkodër;
5. Astmer Bilali, i arrestuar në ndërhyrjen e datës 6 shtator në Shkodër;
6. Armir Grimaj, arrestuar në Shkodër;
7. Safet Rustemi (Bajri), i arrestuar në Tiranë;
8. Fabiol Rexhepi, i arrestuar në Shkodër;
9. Ismet Idrizi, i arrestuar në Shkodër;
10. Denis Brajoviq, i arrestuar në Tiranë;
11. Klaudio Hoxhalliu, i arrestuar në Tiranë.

Akuzat ndaj anëtarëve të këtij grupi kriminal janë: “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, vepra penale këto të kryer në kuadër të grupit të strukturuar kriminal.