Vajushi u aktivizua në 10 ndeshje nga Bledi Shkëmbi, ku nuk arriti të gjente rrugën e rrjetës. Dëmtimet e njëpasnjëshme në dy muajt e parë dhe forma e dobët në ndeshjet e mëpasshme bënë që shkodrani të përjetonte një sezon për t’u harruar në Durrës.

“Në fillim pata një dëmtim që më la prapa një muaj. Po kap formën ndeshje pas ndeshje. Ishim në një moment të keq që humbëm 3 ndeshje. Barazimi me Kukësin na bëri mirë. Tani jemi shumë më mirë. Besoj se do ia dalim të marrim tre pikët me Luftëtarin”, u shpreh fillimisht për Supersport Vajushi.

Në të shkuarën ai ka qenë pjesë e Vllaznisë, nga ku edhe u transferua në Bullgari te Liteks Loveç. Sërish anësori kërkon të luajë jashtë vendit dhe Superiorja është një kampionat që ta jep këtë mundësi. Vajushi e di shumë mirë këtë.

“Me thënë të drejtën edhe përpara kampionati ka qenë i fortë, kishte lojtar shumë të mirë. Tani janë rritur kushtet dhe është bërë edhe më i fortë. Atëherë ishte trampolinë, por edhe tani kam ardhur me atë mendim që të iki. Shpresoj të bëj mirë dhe të kapim kupat e Europës”, shtoi sulmuesi anësor.

Në fund ai flet edhe për ndeshjen e radhës me Luftëtarin, ekip të cilin Vajushi e vlerëson maksimalisht: “Luftëtari ka treguar që ka cilësi, luajnë në grup. Grupi është forca e ekipit, do jetë e vështirë. Janë ata që e mundën dy herë Partizanin. Duhet të jemi shumë të mobilizuar, të japim 100% dhe të marrim maksimumin”.

“Asani nuk ka probleme me presidentin Gjici. Partizani nuk ka si synim si klub që futbollistët tanë të sulmojnë presidentin. Në emër të klubit them se Asani nuk ka gjë aspak personale me Gjicin”, u shpreh Tomori. Në të shkuarën është raportuar se edhe Kukësi e ka dashur atë.

Tomori kujton momentin e transferimit të tij: “Asani kishte një kosto shumë të larta nga Shkupi, 150 mijë euro. Ishte dhe një skuadër tjetër, ajo që e ka formuar. Kishte një klub tjetër. Me dijeni tonë, Partizani ishte skuadra e vetme që e kërkoi. Asani erdhi pasi iku Ekuban”.

Mes të tjerash, gjatë emisionit “Fair Play” në Ora News, Tomori foli edhe për Armando Vajushin, lojtar të cilin e afroi Teuta në merkaton e dimrit. Shkodrani u tentua edhe nga Kukësi, ndërkohë që u përfol edhe për Partizanin si opsion. “Vajushi është kërkuar nga Partizani para dy vitesh dhe ka thënë se unë nuk vij në Shqipëri”, theksoi Tomori, duke hedhur poshtë zërat.

“Kemi dy javë që stërvitemi mirë. Jemi përgatitur shumë mirë, si grupi, ashtu edhe unë personalisht. Shpresojmë të marrim 3 pikët pasi jemi të mërzitur me barazimet dhe këto rezultatet e fundit që kemi patur deri më tani”, shprehet për Supersport Vajushi.

Golat e pësuar së fundmi shqetësojnë durrsakët, por anësori i Teutës nuk e drejton gishtin nga reparti i mbrojtjes.“Nuk mendoj që kemi pikë të dobët, por ka qenë gjendja psikologjike jo e mirë. Shpresojmë ta kalojmë këtë ndeshje. Pika më e fortë është kolektivi, grupi”, shton futbollisti 27-vjeçar.

Europa është objektivi real që kanë menduar në Durrës, por nëse shikohet renditja, Laçi dhe Skënderbeu kanë vetëm tre pikë më pak se Teuta. Presioni ndihet dhe Vajushi e pranon: “Nuk kemi patur asnjëherë objektiv titullin kampion, por vetëm Europën. Jemi në presionin e të tjerëve pasi janë afruar, por një fitore na bën mirë”.

Përmes një postimi në llogarinë e tij në “Instagram” e zbulon diçka të tillë dhe trajneri Bledi Shkëmbi e ka të gatshëm anësorin në takimin më të rëndësishëm, atë të së dielës me Partizanin. Mbetet për t’u parë nëse do të luajë nga fillimi, apo do e nisë nga stoli.

Sikurse dihet, Vajushi në Superiore ka spikatur me Vllazninë dhe më pas u transferua në Bullgari te Liteks Loveç. Kievo, Livorno, Pro Verçeli dhe Avelino ishin stacionet e radhës për shkodranin, ndërkohë që këtë janar pranoi ofertën e Teutës.

Mungesë e sigurt është ajo e Lansinet Sidibe, mesfushorit nga Guinea që nuk mund të luajë për shkak se ka plotësuar numrin e kartonëve të verdhë. Ndërkohë ka lajme të mirë nga mesfushori anësor, Armando Vajushi.

Shkodrani ka pasur një problem në gju dhe ende nuk ka debutuar me Teutën në Superiore. Së fundmi ka qenë fizioterapisti i njohur, Ervin Kapaj, ai i cili ka postuar një foto me shkodranin dhe mbishkrimi është i qartë: “Loading 90%”. Mbetet për t’u parë nëse do të jetë gati për ndeshjen e radhës me Skënderbeun.

Klubi durrsak ka zyrtarizuar marrëveshjen me 27-vjeçarin me anë të një postimi në rrjetet sociale. “Ka firmosur sot paradite kontratën që e bën zyrtarisht pjesë të Teutës. Armando Vajushi është përforcimi i katërt zyrtar për skuadrën durrsake. 27-vjeçar në sezonin e fundit ka qenë pjesë e Pro Verçelit!”

Për Vajushin, i cili rikthehet pas shtatë vitesh ne kampionatin shqiptar, pati interesim dhe nga klubet e Kukësit, Partizanit dhe Tiranës, por drejtuesit e Teutës vepruan shpejt dhe arritën të bindin lojtarin që të bashkohet me ta deri në fund të sezonit.

RIKTHIMI – “Erdha në Shqipëri për të marrë veten e të dhënë maksimumin, në mënyrë që të rikthehem përsëri jashtë. Në këto katër muaj dua të kap formën dhe të gjej sërish një ekip jashtë Shqipërie”.

KONTAKTI ME KUKËSIN – “Me Kukësin kemi biseduar deri në ditën e fundit të merkatos, por nuk ramë dakord për disa gjëra. Më pas fola me Teutën dhe ramë dakord për çdo, nuk i kushtova shumë rëndësi aspektit financiar, pasi mu afruan me një dashuri shumë të madhe. Mjaftuan vetëm dy minuta që të firmos kontratën”

“Mendoj se prej disa vitesh është rritur niveli i kampionatit shqiptar. Kukësi, Partizani dhe Teuta po zhvillojnë një kampionat shumë të luftuar shpresoj që të jemi ne ato që do të dalim në vend të parë”.

“Te Kievo nuk gjeta dot hapësira. Kalova nga kampionati bullgar në Serie A dhe ishte e vështirë për t’u ambientuar. Më pas huazova në disa ekipe të Serie B. Në vitin e fundit pësova dy dëmtime, që më kanë lënë një vit pa luajtur”.

“Më vjen shumë keq që Vllaznia ka arritur në këtë farë grade. Bëhet fjalë për një ekip që njihet dhe jashtë Shqipërisë. Qëkur iku Valter Fushaj nuk e di se si Vllaznia shkoi në këtë gjendje. Kam gjashtë muaj që kam qenë lojtari i lirë dhe askush nuk mi ka rënë telefonit nga Vllaznia. Askush nuk më ka thënë që nëse do të vish te Vllaznia sezonin tjetër kur të ngrihet ekipi në Superiore”.

RIVALËT PËR TITULL – “Favorit e shikoj Partizanin. Profesor Gega ka bërë një punë shumë të mirë. Kukësi ka pasur oscilacione. Nuk është se Partizani ka lojtarë më të mirë, por e shikoj se ekip më të kompletuar”.

Kukësi është futur në garë për shërbimet e lojtarit ofensiv, ndërsa ka patur interesim dhe nga dy klube të tjera. Siç raporton “Telesport”, të kuqtë kanë kontaktuar Vajushin, por ka patur dhe një ofertë nga Tirana.

27-vjeçari ka dy kërkesa: kërkon një kontratë të gjatë dhe një rrogë prej 150 mijë eurosh në sezon. Ai kreu fazën përgatitore të janarit në Turqi me ekipin e Botoshanit. Rumunët ishin pranë akordit dhe i ofruan lojtarit rreth 100-120 mijë euro në sezon.

Për Vajushin ka interes dhe nga kampionati qipriot dhe ai iranian. Kthehemi në Superiore. Humbja në kupë përballë Apolonisë dhe barazimi në kampionat përballë Laçit ka mërzitur presidentin Gjici, i cili është gati të përforcojë ekipin me një lojtar cilësor si Vajushi.

“Telesport” zbulon tratativat mes klubit verilindor dhe shkodranit, ndërsa bisedimet janë në fazën finale. Gjici po kërkon të arrijë akordin me lojtarin, por ky i fundit kërkon 150 mijë euro në sezon, pa përfshirë bonuset e golave dhe fitimit të titullit kampion.

Të njëjtat kushte i janë paraqitur dhe Partizanit, që nuk ka kthyer akoma përgjigje lojtarit. Po Tirana? Bardheblutë kanë bërë një tentativë para disa ditësh, duke i ofruar lojtarit një kontratë deri në fund të sezonit. Vajushi nuk ka pranuar ofertën, pasi nuk është dakord me kohëzgjatjen e kontratës. Kukësi mbetet favorit për afrimin e lojtarit, i cili ka luajtur 6 ndeshje dhe ka shënuar një gol me kombëtaren kuqezi.

Siç raporton “TMW”, klubi i Botoshanit pëlqen Vajushin dhe është gati të arrijë marrëveshjen me të. Lojtari ofensiv ishte pjesë e Pro Verçelit në Serie B në sezonin e kaluar, ndërsa në fazën e dytë u huazua tek ekipi i Avelinos.

Në fund të sezonit ai ndërpreu kontratën me Pro Verçelin dhe që nga ai moment vazhdon të jetë një lojtar i lirë. Në tetor u përfol për një interesim të Kluzhit, ndërsa Botoshani pritet të jetë skuadra e tij e radhës.

Negociatat kanë nisur prej kohësh, lojtari ka kryer dhe fazën përgatitore me ekipin rumun dhe palët janë afër marrëveshjes. Akordi mund të arrihet brenda kësaj jave dhe Vajushi, i cili ka zhvilluar 6 ndeshje me kombëtaren kuqezi dhe ka shënuar një gol, do të nisë aventurën me ekipin që renditet në vendin e dhjetë në elitën e futbollit rumun.

Një kalim në Rumani është opsion për Vajushin. Menaxheri Sokol Haxhia ka qenë i pranishëm në takimet Dinamo-Kluzh, Botoshani- Poli Iashi dhe Astra-Botoshani. Gjatë verës emri i tij u lakua për një kalim te Kluzhi, por asgjë nuk u konkretizua.

“Prosport.ro” liston si mundësi edhe dy klube të tjera, Dinamon e Bukureshtit dhe Botoshanin. Haxhia nuk ka udhëtuar rastësisht drejt Rumanisë dhe vetë Vajushi pret lajme të mira prej menaxherit të tij. Dëshira e shkodranit është të vijojë të luajë jashtë vendit, pasi është vetëm 27 vjeç.

Para disa ditësh, menaxheri i Vajushit, Sokol Haxhia ka qenë i pranishëm në një ndeshje të kryesuesve të kampionatit rumun. Ai ka ndjekur në fakt disa ndeshje, ndërkohë që sa duket ka qenë për punë dhe jo për “shëtitje”.

Vajushi është i lirë dhe normalisht që është i hapur ndaj ofertave. Shkodrani, tashmë 26 vjeç, pasi u largua nga Vllaznia provoi një eksperiencë në Bullgari me Liteks Loveç. Më pas u transferua anë Itali, ku veshi fanellën e Kievos (nuk ka luajtur asnjë ndeshje), Livornos, Pro Verçelit dhe Avelinos.

Shkodrani tanimë është i lirë, pasi ka zgjidhur me mirëkuptim kontratën me klubin italian. Anësori, i cili ka luajtur edhe me Shqipërinë, tanimë mund të ketë mundësinë të vendosë vetë për të ardhmen e tij.

Ternana është një nga klubet e përfolura si destinacioni i mundshëm i Vajushit. Më parë janë lakuar edhe Karpi e Breshia, por edhe zviceranët e Grasshopers. Shumë shpejt pritet të mëzohet edhe emri i ekipit të ri të shkodranit.

Së fundmi nga Italia vjen një lajm që e lidh mesfushorin me skuadrën e Ternanës. Por edhe ky klub garon në Serinë C. Thuhet se parashikohet të ketë një takim me klubin italian për shërbimet e Vajushit.

Gjithashtu raportohet se një tjetër klub do tentojë shërbimet e shkodranit. Bëhet fjalë për Grasshopers, klubin zviceran ku luan mbrojtësi i djathtë i Shqipërisë, Bujar Lika.