Kontrata e Sadikut me Levanten përfundon në fund të sezonit të ardhshëm, por ka pak gjasa që 28-vjeçari të mbetet lojtari i klubit spanjoll në fund të merkatos së verës. Eksperienca e shqiptarit në huazimin në Zvicër te Lugano dha rezultate të kënaqshme dhe një rikthim në Super Ligën Zvicerane s’do çudiste askënd.

Pak javë më parë u përfol për një interesim të turqve të Trabzonsor, por duket se klubi turk ka ndërruar mendje. Në dy vite qëndrim te Levante, Sadiku është aktivizuar në vetëm 6 ndeshje të La Ligës. Kontribut në këtë numër kaq të ulët kanë dhënë dhe dy dëmtime afatgjata që e kanë mbajtur me muaj të tërë jashtë fushave të blerta.

Momentalisht një propozim të kënaqshëm Sadiku e ka marrë nga Trabzonspori dhe në Turqi raportojnë se futbollisti nga Elbasani edhe ka rënë dakord. Tashmë duhet të bindet Levante, që normalisht kërkon të përfitojë nga shitja e kartonit të tij.

Klubi turk thuhet se i ka ofruar 700 mijë euro në vit Sadikut, ndërkohë që edhe spanjollët e duan një shifër të tillë për kartonin e sulmuesit, madje edhe më shumë. Te Trabzonspori po mundohen të paguajnë më pak dhe kanë këshilluar Sadikun të nisë përgatitjet, pasi e duan në formë të mirë fizike në momentin që të mbyllet marrëveshja.

Levante, nëse nuk do të ketë ndonjë ofertë tjetër më të mirë, do detyrohet ta shesë dhe të kursejë pagën e Sadikut, që shkon në rreth 600 mijë euro. Ditët në vijim do të jenë vendimtare për të ardhmene sulmuesit të kombëtares.

Gjithsesi ofertat për Sadikun nuk mungojnë. Në Turqi raportohet se Trabzonspori po e ndjek dhe përfaqësues të këtij klubi e kanë ndjekur nga afër. Ata do të përçojnë informacionet e grumbulluara te trajneri dhe më pas ai do të vendosë nëse e do apo jo sulmuesin.

Ndërkohë bëhen me dije edhe detajet e këtij operacioni nëse do të kryhet. Për Sadikun është programuar një pagë që shkon në shumën e 750 mijë eurove. Një shifër të tillë e kërkon edhe Levante për kartonin, por turqit e Trabzonspor po mundohen ta ulin në 500 mijë euro.

“Ekipi ndryshoi kishte një fytyrë tjetër, zhvilluam një lojë të mirë. Është për të ardhur keq që nuk morëm pikë në Islandë. Siç e pashë ndeshjen nga stoli dhe me aq minuta sa luajta nuk mu duk se Islanda na dominoi”.

“Ndoshta na mungoi disi uria dhe dëshira për të shënuar. I bëj thirrje tifozëve që të vijnë në stadium. Sidomos pasi ndeshje do luhet në Elbasan, qytetin tim të lindjes. Shpresoj që të jenë lojtari jonë i 12-të ashtu siç kanë qenë përherë”.

E ARDHMJA – “Do të vazhdoj te Levante. Kam një kontratë 3-vjeçare me ta dhe do t’i bashkohem ekipit në fazën përgatitore”.

Bomberi nga Elbasani zbulon trajnerin e ri dhe atë që i pëlqen më shumë prej tij. Dëshira për të luajtur dhe shënuar është e madhe, ndërsa nuk mungon një koment për kundërshtarin viking.

Në fund e ardhmja. Kartonin e 28-vjeçarit e zotëron Levante dhe në verë ai do të rikthehet përsëri në ekipin spanjoll.

TRAJNERI I RI – “Normal që misteri ka punuar dje në stërvitje skemën që do ta praktikojë në ndeshjen me Islanën, 3-5-2. Ka qenë një stërvitje intensive dhe duket që i pëlqen të rri në fushë dhe të japë këshilla për çdo lojtar. Gjithashtu i dëgjon edhe opinionet tona dhe kjo është diçka pozitive për ne.”

PËRGATITJA E NDESHJES ME ISLANDËN – “Fatmirësisht kemi kohë deri në ndeshjen me Islandën dhe çdokush duhet ta përgatisë veten. Është gjë pozitive që kemi kohë. Titullar? Nuk e di, dje ishte dita e parë, sot dita e dytë, nuk mund të them diçka për këtë pjesë.”

FORMA E SADIKUT – “Gjithmonë jam munduar të jap më të mirën time, si në klub ashtu edhe në Kombëtare. Kur më është dhënë rasti jam munduar të shënoj, siç bëra ndaj Andorrës, pavarësisht se nuk isha në formën time optimale. Do të më pëlqente shumë të isha deçiziv edhe në këto dy ndeshje, ashtu siç kam qenë edhe më parë.”

NDRYSHIMI -“Ka qenë një ndryshim brezi. Pas Francës kanë ardhur shumë prurje të reja. Edhe ju e dini që kemi pasur probleme në klubet tona dhe shumica nuk kanë luajtur. Me rregullat që kishte Panuçi në fillim krijuam raport të mirë me të, por te ne forca më e madhe ishte grupi. Kjo gjë duhet përmirësuar, të jemi një grup i vetëm si në Europian. Me trajnerin e ri atmosfera është shumë e mirë dhe besoj se do të rikthehet ai grupi që me Panuçin mungoi.”

KUNDËRSHTARI – “Kam luajtur vetëm një ndeshje ndaj Islandës dhe është një ekip shumë i fortë në ajër. Kanë shkuar në Europian dhe Botëror dhe janë bërë një ekip me shumë ekpseriencë tashmë. Do të mundohemi t’i harrojmë dy prezencat që kemi bërë më para dhe të mendojmë për këtë ndeshje. Të shkojmë atje dhe të marrim rezultatin maksimal, pasi shoh edhe ndryshim në atmosferën në kombëtare.”

“Më pëlqen shumë që të jem i lirshëm. Kjo ka qenë forca jonë, të jemi bashkë dhe të krijojmë grupin. Vetëm kjo gjë na bën të ecim para. Ambjenti që ka krijuar trajneri i ri është shumë pozitiv.”

REJA – “Gjëja e mirë që kam parë te trajneri është që flet me të gjithë lojtarët dhe çdokush ndihet i rëndësishëm. Ai po mundohet ta mbajë grupin të karikuar dhe t’i shpjegojë skemat që do të përdorën. Edhe në stërvitje po e praktikojmë skemën 5-3-2 dhe shpresojmë ta praktikojmë sa më mirë dhe ndaj Islandës të marrim pikët maksimale.”

E ARDHMJA – “Kam akoma dy vite kontratë me Levanten. Isha në huazim te Lugano dhe tani do të kthehem në Levante. Në korrik e kam programin dhe do të vazhdoj atje kontratën.”

Dëmtimi i pësuar në verë te Levante e la për shtatë muaj jashtë fushave të blerta sulmuesin, që së fundmi ka shumë gjëra për të thënë për eksperiencën te Lugano. Përmes një postimi në Instagram ai thekson se ka bërë maksimumin për skuadrën zvicerane.

“Ja pra mbërritëm në fund të një tjetër kampionati. Erdha te Lugano në një moment të vështirë ku objektivi i skuadrës ishte mbijetesa, por ia dolëm ashtu si dy vjet më parë që të kualifikoheshim në grupet e Europa League.

Jam i lumtur që kam kontribuar në këtë sukses të madh, duke shënuar tre gola të rëndësishëm. E vërtetë, nuk e kisha të lehtë të rikthehesha pas dëmtimit të rëndë dhe të luaja çdo ndeshje nga 90 minuta. Do kisha dashur të bëja edhe më mirë, por jam i sigurt se kam dhënë maksimumin për këtë fanellë në çdo minutë që kam luajtur.

Futbollistët e mëdhenj dallohen në momente të tilla. Falënderoj klubin, stafin teknik, shokët e skuadrës dhe të gjithë popullin bardhezi për faktin që shijova përsëri këtë moment plot entuziazëm dhe lavdi”, shkruan Sadiku.

Ky është goli i tretë i tretë i Sadikut në Superligën Zvicerane, kampionat ku u rikthye gjatë merkatos së janarit, pas një eksperience jo dhe aq të mirë te Levante në Spanjë.

https://twitter.com/granotero1909/status/1132341764772311040

Në daljen për shtyp që i paraprin takimit të nesërm, trajneri i Luganos, Fabio Çelestini, diskutoi mbi sulmuesin shqiptar Armando Sadiku, i cili  do të rikthehet titullar në ndeshjen finale të këtij sezoni si pasojë e pezullimit të sulmuesi suedez Aleksandër Gerndt.

“Shpresoj të tregojë një paraqitje të mirë. Kur Bazelit na ndihmoi shumë. Dua ta shikoj sërish të lojtar. Kam një raport shumë të mirë me Armandn. Ai erdhi këtu për të na çuar në Europa League. Personat jashtë klubit prisnin shumë, por ne e dinim që vinte pas një dëmtimi të rëndë dhe do i duhej kohë, mund të lërë shenjë në këtë fund sezoni”, tha Çelestini.

Sigurisht që dëmtimi ka bërë të veten dhe Sadikut i duhet ende kohë të jetë në maksimumin e tij. Ditën e sotme ai nuk u preferuar nga stafi teknik i Luganos, që fitoi 1-0 ndaj St. Gallen. Sadiku deri më tani ka shënuar vetëm dy gola, ndërkohë që si titullar ka luajtur vetëm 6 ndeshje. Tetë herë të tjera është hedhur në fushë nga stoli.

Arlind Ajeti në Zvicër është rikthyer të luajë titullar. Mbrojtësi i kombëtares nuk arriti të përballonte sulmet e Jang Bojs, që shënuan gjashtë herë në portën e Grasshopers. Bujar Lika e nisi nga stoli dhe u fut në fraksionin e dytë të ndeshjes. Në minutën e 22-të, pas një dëmtimi të Cvetkovicc, zbriti në fushë edhe mesfushori Gjelbrim Taipi.

Egzon Binaku ka nisur të marrë minuta te Norrkonpinbg. Anësori i majtë debutoi kundër Elsborg, ndërkohë që sot në transfertën kundër Orebro u aktivizua gjashtë minuta para përfundimit të kohës së rregullt. Mbrojtësi doli kryelartë nga fusha, pasi ekipi i tij fitoi me rezultatin e ngushtë 1-2.

Il ne fallait pas arriver en retard à Tourbillon! Le FC Sion a ouvert le score contre Lucerne après 11 secondes de jeu seulement, grâce à son homme en forme du moment Ermir Lenjani, lors de la 28e journée de RSL. pic.twitter.com/ObEUlQYmjE

— blue Sport FR (@blueSport_fr) April 7, 2019

Goli i realizuar prej Lenjanit është më i shpejti në historinë e kampionatit. Një arsye për t’u krenuar, ndërkohë që pret tanimë të mësojë trajnerin e ri të kombëtares. Rikthimi me fanellën kuqezi është dëshirë e madhe e anësorit. Paraqitja e mirë ka bërë që ai të përfshihet në formacionin më të mirë të javës, nga SportalHD.com.

Lugano a ouvert le score au Parc St-Jacques face au FC Bâle grâce à une merveille de frappe d'Armando Sadiku à la 67e minute. pic.twitter.com/rcCS7sNzDa

— blue Sport FR (@blueSport_fr) April 7, 2019

Mes “yjeve” është përfshirë edhe Armando Sadiku. Sulmuesi i kombëtares i befasoi të gjithë, duke i shënuar Bazelit nga rreth 30 metra. Një gol mjaft i bukur dhe Sadiku nuk ka ngurruar edhe të shfryjë, duke sharë edhe në gjuhën shqipe. Ai është përfshirë në formacionin më të mirë edhe të prestigjiozes “Blick”.

“Fitorja ishte shumë e rëndësishme, duke pasur parasysh humbjen që pësuam kundër Turqisë. U mblodhëm, kemi folur shumë para kësaj ndeshjeje. Ishte fushë shumë e vështirë, kundërshtari shumë i vështirë, prandaj kjo fitore më kënaq shumë. Edhe goli më lumturon shumë, pasi ndihmova ekipin të marrë tri pikët. Kur futemi në fushë, ne gjithmonë duam të fitojmë.

Këtu na duhej vetëm fitorja dhe jam i lumtur që ia dolëm. Brenda fushës ishin shumë lojtarë që mundoheshin të na acaronin, simulonin shumë, protestonin te arbitri. Megjithatë, ne u treguam profesionista dhe ia dolëm me shumë mençuri në këtë transfertë shumë të vështirë.

Jam i lumtur që shënova, ishte ndeshje e vështirë. E dinim dhe jam i gëzuar që kthehem në kombëtare dhe shënoj. Jam i lumtur për tre pikët. E dinim që duhet të shënonim shpejt. Po mos ta bënim, do ishte problem. Ishin ekip provokues, simulonin dhe protestonin tek arbitri. Unë besova dhe shënova.

Ekipi u çlirua pas atij goli. Nuk dolëm shumë mirë në sulm, por ishte shumë e vështirë. Tereni dhe kundërshtari në e vështirësuan. Na duheshin tre pikët, në vazhdim do shohim anën e lojës në sulm.

Italiani pret lajme të mira nga infermieria dhe shpresohet që Sadiku të jetë gati. Ndryshe Panuçi duhet të gjejë një tjetër zgjidhje, ndoshta edhe duke marrë Xhakomo Vrionin nga Shqipëria U21. Edhe Bekim Balaj ka pasur probleme më parë.

Fati deshi që edhe Sokol Cikalleshi të ndalej nga një dëmtim dhe të mungonte kundër Turqisë, kurse Rey Manaj nuk u lejua nga Albasete që të bashkohej me Shqipërinë. Sytë janë nga Sadiku, që shpresohet të rikuperohet në kohë dhe të jetë i gatshëm për ndeshjen e së premtes.

GJENDJA FIZIKE – “Pas shtatë muajsh kthehem të luaj, jam i lumtur dhe me energji. Mezi pres të luaj dhe të shënoj. Jam mirë në aspektin fizik. Kam luajtur shtatë ndeshje atje, tre si titullar. Për momentin jam shumë mirë”.

KUNDËRSHTARI – “Turqia ka lojtarë cilësorë dhe me emra. I respektojmë. Nuk i nënvlerësojmë se i mundëm në miqësore. Do japim maksimumin që të përsëritim atë ndeshje.”

BASTI – “Uroj të marrim gjashtë pikë në dy ndeshje. Edhe katër janë ‘ok”. Kemi vënë bast me trajnerin, po morëm 6 do na dhurojë diçka. Duhet të jemi bashkë të gjithë si grup, vetëm kështu mund të përsërisim rezultatet e shkuara. Grupi është dhe mund t’ia dalim. Atmosfera është e mirë. Edhe afrimet duhet t’i ndihmojmë të futen në ekip. Për momentin atmosfera është e mirë.”

“Lënia e Strakoshës jashtë? Unë e di që është grumbulluar. Do isha më i gëzuar po ta asistoja unë për Erosin. Gjithmonë më ka thënë se do të jap top dhe do shënosh. Kështu që do jem shumë i lumtur po asistova. Grupi është i vështirë, Me Islandën dhe Turqinë luhet kualifikimi, Uroj të kemi edhe fat. Nëse bëhemi grup, që të ndihmojmë njeri-tjetrin, do t’ia dalim. Kam besim te vetja dhe tek ekipi.”

DURMISHAJ – “Nuk e njoh kush është Durmishaj.”

UZUNI-GREZDA– “Ai ka bërë ndeshje shumë të mira në kombëtare. Jam i gëzuar, ku ta gje që të luaj me sulmues kaq të shpejtë. Shpresoj që Erosi të kthehet në formë dhe të bëjmë mirë të tre përpara. Për mua si sulmues është mirë që kam lojtarë të shpejtë në krah, të cilët mund të më furnizojnë me topa.”

Sot për Sadikun është një ndeshje e veçantë, pasi do të luajë përballë Zyrihut. Lugano ka zyrtarizuar formacionin për takimin e sotëm dhe sulmuesi shqiptar do e nisë nga minuta e parë. Ndeshja nis prej orës 16:00.

Në çerekfinalen tjetër midis Zyrihut dhe Kriensit të divizionit të dytë, ka fituar skuadra e Superligës zvicerane me rezultatin 2 – 1. Për skuadrën e Zyrihut u aktivizuan katër shqiptarë: Mirlind dhe Hekuran Kryeziu, Toni Domgjoni dhe Benzhamin Kololli, ndërkohë Lavdim Zymberi qëndroi përgjatë të gjithë takimit në stolin e rezervave.

Tun 3 – 2  Lugano
Zyrih 2 – 1  Kriens

Lojtari i kombëtares ishte ai që hapi serinë e golave në pjesën e parë me një godite me kokë. Ky ishte goli i parë i Sadikut që pas rikthimit të tij në kampionatin zviceran gjatë merkatos së janarit.

Paraqitja e mirë e 27-vjeçarit u vlerësua dhe nga prestigjiozja zvicerane “Blick” që e ka vendosur Sadikun në formacionin e javës, ku së bashku me portierin Bauman janë të vetmit përfaqësues të Luganos.

“Elsi duhet të qëndrojë i qetë, sepse është një lojtar i nivelit ndërkombëtar. Për këtë arsye atij i nevojitet vetëm të qëndrojë i qetë”, thotë Panuçi fillimisht në deklaratën e dhënë për “TV Klan”. Më tej ai komenton edhe lëvizjen e Armando Sadikut dhe Sokol Cikalleshit.

“Uroj që të luajnë me vazhdimësi kjo është gjëja më e rëndësishme. Jam i bindur se Armando do të luajë. Cikalleshi do të luajë po ashtu. Sa më shumë të luajnë, ata aq më shumë i lumtur do të jem unë. Kjo pasi do të kem më shumë mundësi të zgjedh kur të bëj grumbullimet”, u shpreh trajneri i kombëtares.

PARAQITJET NË LIGA – “Nuk kam pasur fat në Spanjë. Sa shkova pësova një frakturë në hundë e më pas pësova një ulje të formës”.

GJENDJA PSIKOLOGJIKE PAS DËMTIMIT NË GJU – “Nuk jam i frikësuar prej dëmtimit në gju. E kam pësuar dhe më parë e jam rikthyer më i fortë. Askush te Levante nuk e priste që të kthehesha në stërvitje me grupin pas vetëm katër muajsh. Kam pasur mbështetjen e plotë të familjarëve dhe shokëve”.

“Kam pasur një sërë ofertash: Nga Liga e dytë e spanjolle dhe Turqia. Por, duke qenë se të dyja këto kampionate kanë filluar, mua do të duhej të rrija 1 muaj sa të merrja vetes, ndërsa në Zvicër kampionati fillon më vonë dhe kjo gjë i shkon për shtat situatës sime. Kam edhe dy vite kontratë me Levanten, ndërsa te Lugano jam i huazuar deri në gjashtë muaj”.

KRIZA E GOLAVE NË KOMBËTARE – “Jemi një kombëtare e vogël. Ne krijojmë 2 ose tre raste për ndeshje. Unë kam pasur fatin që t’i shfrytëzoj në maksimum rastet që më janë dhënë. Për çdo sulmues nuk është e lehtë. Gjatë viti të kaluar patëm një ulje, por shpresoj që gjatë 2019-ës të kthehemi si më parë”.

Megjithatë, sulmuesi i kombëtares sonë ia bëri të qartë Levantes: nëse iki, e bëj për Luganon!

U tha, u bë: pa shumë probleme u arrit marrëveshja, me klubin zviceran që për kkoincidencë e ka çuar ekipin për fazë përgatitore në Spanjë, ndaj nuk duhej shumë punë e udhëtime për të gjetur marrëveshjen që e kthen Sadikun në shtëpinë e tij të dytë.

Për RSI (Radiotelevizioni zviceran), Sadiku foli për herë të parë që pas firmës për kthimin te Lugano, ku do të mundohet të rigjejë shkëlqimin e kohëve të arta.

“Jam shumë mirë, jam i kënaqur që kthehem në Lugano. Pas disa muajsh të vështirë, tani jam mirë edhe fizikisht, dua të jap gjithçka për skuadrën.

“Janë 5 muaj e gjysmë që po bëj terapi për dëmtimin në gju. Jam mirë, po stërvitem prej një muaji me Levanten, jam gati për të luajtur.

“Shpresoj të jap gjithçka dhe të kthehem të luaj në nivelin e dy viteve më parë. Sapo pashë lojtarët dhe ambienti është fantastik si më parë. Do bëj të pamundurën, shpresoj që gjithçka të shkojë mirë. Ja i sigurt se do shkojë mbarë, uroj që të kemi edhe fatin me vete”.

“Eksperiencat jo edhe aq të suksesshme në Poloni dhe Spanjë më japin më shumë forcë dhe më shtyjnë që të kthehem në nivelet e mëparshme. Do jap më të mirën time dhe falënderoj klubin që ka bërë këtë sforco që të më kthente këtu, sidomos presidentin, që kreu një sforcim të madh financiar. Jam i lumtur që jam këtu dhe do të bëj gjithçka që të kthehem në nivelet ku kam qenë.

“Shpresojmë që të bëj ato gola që kanë munguar por sidomos e rëndësishme është që si skuadër të shkojmë sa më larg në kampionat e kupë se ekzistojnë mundësitë. Unë do të bëj gjithçka për të shënuar, por edhe për të ndihmuar skuadrën që të bëjë rezultate të mira”.

ÇELËSI I MARRËVESHJES – Levante nuk e huazonte dot sulmuesin dhe e ka gjetur zgjidhjen, duke e shitur te Lugano. Sekreti është një klauzolë në kontratën e bërë mes klubeve. Spanjollët kanë të drejtë ta blejnë në verë. Sigurisht që shuma do jetë simbolike, pasi kartoni i sulmuesit është i Levantes, që ka shpenzuar plot 1 milion euro.

Te Lugano Sadiku ka luajtur edhe në dy periudha të tjera. Për herë të parë iu bashkua në vitin 2012 dhe në Challenge League ai arriti të realizonte plot 18 gola, çka bëri që Zyrihu ta blinte më pas. Lugano është kthyer në një klub rehabilitimi për sulmuesin.

Pas një dëmtimi të Zyrihu, ai rimori veten aty në pjesën e dytë të sezonit 2016-2017. Plot nëntë gola të realizuar dhe më pas erdhi shitja te Legia e Varshavës në Poloni. Sulmuesi i kombëtares ka mundësinë të luajë dhe të rikthehet në nivele të larta.

Gjithsesi kjo është një çështje tjetër. Me rëndësi është se Sadiku është rikuperuar dhe së fundmi ka postuar edhe një video duke shënuar në një nga ushtrimet me ekipin. “Jam i lumtur që jam kthyer me ekipin. Falënderoj gjithë shokët e mi dhe grupin mjekësor që më ndihmuan shumë gjatë kësaj periudhe të vështirë”, shkruan Sadiku në llogarinë e tij në “Instagram”.

https://www.instagram.com/p/BsDc9YKoruD/?utm_source=ig_web_copy_link

Sulmuesi u ble nga Levante janarin e shkuar. Spanjollët paguan rreth 1 milion euro për kartonin e tij te Legia e Varshavës. Aktualisht po kërkohet nga Lugano, që e do në huazim Sadikun. Aty futbollisti nga Elbasani do të kishte hapësira dhe do të mund të rifitonte formën sportive.

Mediat spanjolle raportojnë se ofertat për të dhe disa lojtarë të tjerë nuk mungojnë. I duan në Segunda, por edhe në liga të tjera dhe spanjollët do tentojnë t’u gjejnë ekip për të shpëtuar edhe nga paga e që kanë Sadiku dhe disa lojtarë të tjerë.

Ndërkohë Lugano në Zvicër i ka hapur dyert për Sadikun. Klubi zviceran sigurisht nuk mund ta paguajë të plotë pagën që sulmuesi merr te Levante dhe kjo është një pengesë. Por drejtori sportiv Xhovani Mana tregon se shanset ekzistojnë.

“Armando është një lojtar që na pëlqen. E dimë çfarë mund të bëjë dhe se sa i fortë është mendërisht, edhe pse së fundmi ka pasur një dëmtim të rëndë. Por ka aspekte të ndryshme që duhen marrë parasysh. I pari është ai ekonomik, por edhe vetë vullneti i lojtarit. I dyti bën edhe diferencën”, është shprehur drejtori sportiv i Luganos për “ticinonews.ch”.

Në klubin zviceran e njohin mirë dhe vetë presidenti është shprehur qartazi: “Është i pari në listën tonë, por duhet marrë në konsideratë aspekti ekonomik dhe ai teknik”. Këto ishin pak a shumë fjalët e presidenti Renzeti.

https://www.facebook.com/sadikuarmando/videos/784675405213803/

Së fundmi Sadiku ka postuar një video ku tregon gradualisht se dëmtimi është lënë pas dhe kapja e formës po ecën në rrugën e duhur, një sinjal ky për klubin zviceran që sulmuesi mund t;i ndihmojë në arritjen e objektivave.

Te Lugano ia dinë mirë cilësitë golashënuesit të kombëtares sonë, por sigurisht që do të duhet të bindin Levanten. Spanjollët do dëshironin ta shisnin, por në kushtet aktuale huazimi do të ishte një zgjedhje e mirë.

https://www.facebook.com/sadikuarmando/videos/273002276741303/

“Corriere del Citino” shkruan se Sadiku është një ide për Luganon, klub që kërkon të mbijetojë në elitën e futbollit zviceran. Huazimi është mënyra e vetme, pasi zor zviceranët do të paguanin për kartonin e sulmuesit, i cili ka qenë pjesë e tyre edhe në të shkuarën.

Levante për të ka paguar rreth 1 milion euro te Legia e Varshavës. Gjashtë muajt e parë në Spanjë nuk ishin të mira për Sadikun dhe “Ferrari” i sulmit ishte nxjerrë në shitje. Klubi spanjoll mund ta marrë në kosnideratë huazimin e sulmuesit, pasi në Zvicër ai do kishte mundësinë të luante dhe të gjente formën. Sadiku mund të jetë gati për lojë në mars dhe deri në fund të sezonit do të kishte një tjetër vlerësim për të. Zërat e parë të merkatos kanë nisur për të.

I duhet të bënte një ndërhyrje kirurgjikale dhe tashmë e ka kryer dhe e ka kaluar me sukses. Vetë mesfushori fierak e ka konfirmuar diçka të tillë, ndërkohë që ka postuar edhe një mesazh ku i falënderon të gjithë për mbështetjen që i kanë ofruar gjatë kësaj periudhe.

Të njëjtin dëmtim si Roshi ka pësuar edhe sulmuesi Armando Sadiku, i cili gjithashtu i ka dërguar një mesazh shokut të tij në kombëtare. Të dy këta lojtarë nuk do të jenë për disa muaj gati për Shqipërinë dhe klubet e tyre.

Sot klubi i Levantes ka dalë me një deklaratë, teksa konfirmon se Sadiku ka pësuar një këputje të ligamentet, që e lë atë jashtë fushave të blerta për gjashtë muaj. Pritet që sulmuesi të operohet dhe më pas të nisë fazën rikuperuese që do të zgjatë goxha.

Një lajm i keq ky edhe për trajnerin e kombëtares, Kristian Panuccin, i cili duhet t’i bëjë llogaritë pa sulmuesin për ndeshjet me Skocinë dhe Izraelin në Nations League, sikurse edhe në miqësore me Jodaninë dhe Uellsin.

Sot përballë kishin holandezët e Fejnordit dhe Sadiku zbriti në fushë me fillimin e pjesës së dytë. Tornstra dhe Robin Van Persie realizuan dy herë për rivalët e Levantes. Xhazon në të 84’ ngushtoi shifrat në 2-1. Bardhi kishte mundësinë të shënonte per Levanten, por pa sukses.

Për Sadikun sërish nuk kishte as një pjesë loje të plotë, pasi është zëvendësuar në minutën e 76-të, duke akumuluar vetëm 30 minuta në fushën e blertë. Edhe me Boateng të dëmtuar, te Levante duket se nuk ka vend për Sadikun.

Ende nuk dihet e ardhmja, por sulmuesi mund të qëndrojë në La Liga, të paktën deri në janar. Së fundmi klubi spanjoll është përballur me një problem. Emanuel Boateng, një nga lojtarët kryesorë të sulmit, është dëmtuar në ndeshjen miqësore kundër Bornemuth.

Boateng ka kryer testet e para mjekësore dhe është vënë re se ka probleme me meniskun. Të martën ai do të vizitohet nga kirurgu Ernesto Fernandez, i cili do të përcaktojë edhe shkallën e dëmtimit dhe mënyrën e rikuperimit të sulmuesit.

Në rastin më të keq ai mund të qëndrojë rreth tre muaj larg fushave të blerta, ndaj edhe shitja e Armando Sadikut mund të rivlerësohet nga ana e klubit, pasi veç tij në ekip ka mbetur edhe Roxher Marti, pasi sikurse dihet italiani Pazini është larguar.

Armando Sadiku është në shitje. Mediat spanjolle e kanë bërë me dije prej kohësh. Levante e ka blerë 1.5 milionë euro nga Legia e Varshavës, ndërkohë që për të janë ofruar 700 mijë euro nga turqit e Rizespor. Duhet rritur edhe pak oferta për të përmbyllur gjithçka.

Sokol Cikalleshi është në dorë të Osmanlispor. Sulmuesi 27-vjeçar ka edhe dy vite kontratë. Në Turqi nuk është se nuk ka para dhe për të siguruar rikthimin në Superligë sa më shpejt, nuk përjashtohet mundësia që kavajasi të bllokohet.

Sindrit Guri është nga ata lojtarë që nuk mendon për të ardhmen e tij, pasi sapo është transferuar në Belgjikë tek Ostende. Për Manajn situata është tjetër. Getafe, Leganes, Selta Vigo dhe Albasete në Spanjë interesohen për të. Në Itali Parma është lakuar më parë. I duhet të luajë edhe atij dhe pret të mësojë të ardhmen, sikurse edhe shokët e tjerë të kombëtares.