Nisur nga kjo situatë e krijuar, Gentian Stojku pas vetëm dy javësh e mbylli aventurën e tij te skuadra periferike e kryeqytetit dhe nisi punë në krye të Apolonisë. Fierakët larguan Rade Miliç dhe i besuan pankinën elbasanasit, që këtë sezon e kishte nisur në krye të Erzenit.

I radhës që e mbylli ishte Besnik Prenga. Trajneri me origjinë nga Mirdita, pas humbjes 3-0 që Laçi pësoi në Kupë me Tiranën, u shtrëngoi duart futbollistëve. “Nuk ju motivoj dot, iki për të mirën e ekipit”, thoshte ish-sulmuesi i Partizanit, që u pasua te bardhezinjtë nga një tjetër i kuq, Sulejman Starova.

Më pas ishte momenti për të pasur lëvizje te Vllaznia dhe Kukësi, madje në një ditë. Verilindorët njoftuan shkarkimin e Armando Cungut. Ramadan Ndreu ishte zgjidhja momentale dhe trajneri krutan nis një eksperiencë të re. Nga Shkodra erdhi lajmi tjetër. “Jam i detyruar të iki në SHBA, i falënderoj të gjithë te Vllaznia”, thoshte Hasan Lika për SportEkspres.com. Tekniku kryeqytetas u largua duke shtrënguar duart me drejtuesit e kuqbluve.

Ky muaj mori edhe “kokën” e Kristian Panuçit. Tekniku italian u shkarkua nga FSHF pas humbjes me Turqinë, duke e çuar në gjashtë numrin e trajnerëve të larguar nga vendi ynë. A do ketë më lëvizje gjatë marsit? Duhet pritur, zhvillohen edhe katër ndeshje në fundjavë, çfarë nuk ndodh!

“Nuk kam marrë asnjë kontakt nga drejtuesit e Vllaznisë. Së dyti, edhe nëse marr,  vetëm do i falënderoj. Dua të rri pushim. Isha te Vllaznia dhe u largova për situata që mendova se ishin të vështira në ato momente. Mendoj se nuk ka ndryshuar asgjë në këtë drejtim. Kam treguar se jam munduar si shkodran dhe moralisht e kam pasur detyra ta drejtoj Vllazninë në ditë të vështira.

Kam bërë aq sa kam mundur dhe mendoj se deri diku kam pasur një aventurë të suksesshme, duke parë parasysh rrethanat dhe mundësitë që kishte Vllaznia. Për momentin nuk e shoh absolutisht të nevojshme praninë time te Vllaznia. Do qetësohem pak pranë familjes dhe miqve. Vllaznia ka nevojë për ndryshime rrënjësore”, shprehet Cungu për Rozafa TV.

Ai ka komentuar edhe largimin e Likës nga Vllaznia. “Hasan Lika ka bërë një punë të shkëlqyer te Vllaznia. Është një trajner me eksperiencë të madhe dhe meriton respekt”, deklaron Cungu. Lika ka lënë Vllazninë për t’u zhvendosur drejt Shteteve të Bashkuara të Amerikës. 

“Situata e tij është një hemorragji që po ndodh në shoqërinë shqiptare. Ajo që të dhemb më tepër,  është se në vitet e para të demokracisë kanë ikur në masë pjesa jo shumë e rëndësishme e Shqipërisë, ndërsa vitet e fundit kanë zgjedhur të ikin njerëz me reputacion, profesionistë dhe kjo është që nuk më lë shije të mirë. I uroj shumë fat Likës. E njoh personalisht dhe kam raporte shumë të mira. Largimi i tij i bën keq Vllaznisë për mendimin tim”, përfundon trajneri shkodran. 

“Trajnerin e heq kur dua unë. Unë trajnerin e heq kur nuk ka rezultate dhe e heq vetë. Madje kur të thoni ju që e shkarkoj trajnerin, unë do e mbaj dhe dy vite të tjera”, na thoshte Gjici në konferencën e organizuar pas disfatës me Teutën. Tashmë ka ardhur zyrtarizmi i largimit të Cungut dhe si zakonisht tifozët në rrjetet sociale komentojnë pa drojë.

Lexon gjëra nga më të çuditshme, flitet për politikë, tolerime, prapaskena nga më të ndryshmet. Gjithsesi nuk do të thotë se ato që ata shkruajnë janë të vërteta. Nëse shikon në faqen zyrtare të Kukësit, ka zëra pro dhe kundër largimit të Cungut. Gjithsecili ka të drejtë të gjykojë e mendoja ashtu si dëshiron. Më poshtë ju sjellim reagimet e para të bëra nga tifozët.

SHKARKIMI – “Të them të drejtën, edhe e prisja, edhe nuk e prisja. Kjo situatë ishte krijuar edhe thuajse tri javë më parë, kur ndërhyrja e presidentit Gjici bëri që të vazhdoja të drejtoja Kukësin. Dje në mbrëmje m’u komunikua dhe sot në mëngjes shkova në zyrë dhe u takova me presidentin, duke i dhënë dorën njëri-tjetrit. Kam bërë maksimumin tim. Largohem me kokën lart, me një skuadër që është ende në garë për titullin, që lufton për të fituar trofeun e Kupës së Shqipërisë”.

“Rikthimi i mundshëm? Jo, tri herë janë shumë. Mjaftueshëm janë dy herë. Kukësit i uroj të gjitha të mirat e kësaj bote, por nuk do të kthehesha më. Si u ndatë me presidentin? Në mënyrë shoqërore dhe të ngrohtë. Nuk kam asgjë ndaj presidentit dhe ai e di. Siç edhe ai nuk ka asgjë kundrejt meje. E ardhmja? Do të jem tifoz i Kukësit. Dua të pushoj deri në verë, më pas do të shoh se çfarë mundësish do të më ofrohen”.

LOJTARËT – “Patët futbollistë kundër? Nuk besoj, por edhe nëse dikush e ka bërë, mjerë ai. Sepse, grupin e kisha nën kontroll dhe të gjithë ishim për një objektiv. Pakënaqësi të vogla ka, sigurisht, për ata që nuk luajnë. Por, do të ishte e çuditshme po të mos kishte, realisht”.

MERKATO – “Kam folur me drejtuesit dhe sipas nevojave kemi bërë edhe ndërhyrjet e duhura. Si mund të them që Rroca apo Shkurtaj janë dy afrime që nuk doja? Çdo trajner do t’i kishte dashur në ekipin e tij. Edhe Valdet Rama, që ka qenë dikur pjesë e kombëtares, gjithashtu një lojtar që bën diferencën”.

ÇFARË NUK SHKOI – “Nëse ndryshon 2/3 e një skuadre, sigurisht që duhet koha e përshtatshme. Është si një organ i ri në trupin e njeriut. Nuk mund të përshtatet menjëherë. Kishte djem të rinj, pa përvojë për të luftuar për titullin apo për të duruar presionin e ndjekësit. Besoj se bazat u hodhën, thjesht duhet pak kohë. Megjithatë, unë i uroj Kukësit që të luftojë deri në fund për titullin dhe jam i bindur se do ta bëjë. Në të njëjtën kohë, besoj se do të fitojë edhe Kupën e Shqipërisë. Kontigjentin e futbollistëve e ka dhe me disa rikthime pas dëmtimeve do të jenë edhe më të fortë”.

“Besoj se një pengesë e madhe që ka ndikuar ishte fakti që nuk kemi luajtur në stadiumin tonë, që do të ishte arma më shumë, ose futbollisti i 12-të. Shumë skuadra kanë fituar ndeshje që edhe nuk meritonin thjesht prej publikut dhe shtyrjes apo përkrahjes që i ka dhënë. Të luftosh për titull pa stadiumin tënd është tepër e vështirë”.

EPËRSIA E PARTIZANIT – “Strategjia e zgjedhur, ndoshta. Ata nuk ndryshuan aspak grupin. Ndërhynë me pikatore, duke marrë futbollistë funksionalë dhe duke plotësuar grupin. Pastaj, fakti që patën ecuri pozitive dhe vazhdimësi, duke marrë kreun, i dha më shumë bindje. Ndryshe është të jesh i pari, ndryshe të ndjekësh. Por, në një moment, u afruam me 3 pikë dhe aty ndoshta gabuam, duke ngadalësuar më pas hapin”.

TRAJNERËT KOKA TURKU – “Jo vetëm në Shqipëri, kudo në botë ndodh kjo. Është profesioni ynë. Ja shihni Liverpulin. Jurgen Klop ka disa vite aty dhe çdo seksion merkatoje investohen shuma të mëdha parash, por sërish nuk ka asgjë të sigurt edhe këtë vit për të fituar titullin, sepse Siti e ka marrë veten. Duhet kohë, projektim dhe sidomos durim. Ekipet e mëdha ndërtohen kështu, sidomos pasi fitohet edhe eksperienca e futbollistëve”.

NJOFTIMI – “Futboll Klub Kukësi njofton përfundimin e bashkëpunimit me trajnerin Armando Cungu. Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit.

Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë. Që nga dita e sotme në krye të pankinës sonë do të jetë Ramazan Ndreu,
i cili mbante detyrën e drejtorit të menaxhimit te klubi ynë”, njofton klubi verilindor.

Profesor, një humbje që dhemb…
-Asnjë humbje nuk është e bukur, askush nuk e pret humbjen me kënaqësi. Aq më tepër në këto momente ku ndodhet kampionati, apo ku ndodhemi edhe ne duke garuar për titullin. Kështu që nuk duhej kjo humbje. As nuk e mendoja, duke parë rritjen në lojë dhe në rezultate të ekipit. Gjithsesi i tillë është, çështje episodesh.

E nisëm keq në 5-6 minutat e para, ishim shumë të frikësuar. E çuditshme kjo. I dhamë një mundësi kundërshtarit, me një pakujdesi tonën, për të shënuar. Me kalimin e minutave besoj se hymë në rrjedhën e lojës. Pjesa e dytë ishte e gjitha për ne. Patëm mundësi shënimi, si në pjesën e parë me Rrocën, ashtu edhe në pjesën e dytë patëm tre mundësi shumë të mira. Me Shametin, Ethemi dhe Rexhinaldon. E thashë, me këto rivalë vendosin episodet. Ne nuk shënuam dhe të zgjidhnim ndeshjen me momentet që krijuam.

Kjo humbje e komprometon situatën për të ndjekur kreun e renditjes?
-Mund të them se Kukësi duhet të vazhdojë të bëjë maksimumin. Kjo është ajo që na del për detyrë ne. Këtë gjë e kemi bërë që në javën e parë. Jam shumë i gëzuar që ekipi luan futboll, jam shumë i gëzuar që ekipi është i vetëm, luan futboll pa asnjë aleancë apo kompromis. Kështu që kudo shkojmë japin maksimumin kundër Kukësit. Edhe ne jemi munduar të japim maksimumin, siç bëmë edhe këtë herë. Kjo është ajo që mund të them.

Nuk mund të flisni për marrëveshje, Kukësi e kishte vetë në dorë.
-Nuk e di, nuk thashë për marrëveshje., Thashë që luajmë futboll të pastër pa asnjë lloj kompromisi me të tjerët. Për këtë jam krenar shumë për ekipin tim. Nuk më interesojnë ekipet e tjera.

Ku gaboi Kukësi ndaj Skënderbeut?
-E thashë, gabuam tek episodet në momentin e fillimit të lojës. Nuk duhet ta nisnim ashtu, duhej tjetër ritëm, kujdes tjetër. Kjo ishte e gjithë pasqyra e kësaj ndeshjeje.

Kemi parë Shametin për 20 minuta duke tërhequr këmbën zvarrë. Nuk kishit mundësi zëvendësimi?
-Nuk kishim mundësi zëvendësimi të tjera, kjo e para. E dyta, e kam pyetur disa herë Shametin dhe tha që është në rregull dhe mund të vazhdojë lojën.

Shkurtaj dhe Ramaj iu bindën për aq sa luajtën?
-Mendoj se Shkurtaj bëri lojë të mirë, por edhe Rama me ato mundësi që iu dhanë. Ekipi kundërshtar në pjesën e dytë u mbyll krejtësisht dhe nuk la hapësira. Kjo bëri që edhe Ramës nuk iu krijua mundësia të bënte lojën e vet.

NDESHJA – “Nuk e di çfarë të them, as vetë nuk e kuptoj. Ka momente që skuadra shpërqendrohet pa kuptim. E nisim shumë keq ndeshjen dhe kundërshtarët përfitojnë. Sot, gradualisht filluam ta rrisim lojën, doke e dominuar kundërshtarin. Ata nuk goditën më përveç golit, ndërsa ne kishim 3-4 mundësi të mira. Gjashtë minutat e para, ekipi ishte shumë i frikësuar, nuk e di… Kjo është e gjitha ajo çfarë mund të them për këtë ndeshje”.

MUNGESAT – “Po normal që ndikojnë mungesat. Dëmtimi i Cuculit dhe i Rrumbullakut më kanë bërë që të “arnojmë” mbrojtjen. Loja jonë fillon nga portieri dhe mungesat na penalizojnë. Djemtë nuk kanë asnjë faj, pasi bëjnë gjithmonë maksimumin. Kundër ekipeve të mira, si Skënderbeu, Partizani dhe Teuta, vendosin episodet. Sot ndeshja u vendos nga një episod”.

SKUADRA – “Ekipi duhet të jetë më cinik. Për të pasur një ekip cinik, lojtarët duhet të kenë më shumë grintë. Mungesa e Rrumbullakut, Cuculit dhe Musollit e kanë humbur pak pasqyrimin e lojës së ekipit, pasi ata janë shumë lojtarë luftarak. Rroca mund të punojë në mesfushë, së bashku me Dzarian. U mundova të aktivizoj shumë sulmues në minutat e fundit. Limaj bëri një ndeshje shumë të mirë, por më duhej ta sakrifikoja”.

TITULLI – “E rëndësishme është që ne të provojmë deri në sekondat e fundit, pastaj kampionati e vendos verdiktin. Nuk duhej kjo humbje sot, të paktën të merrnim një pikë. Me atë që dha ekipi në fushë, meritonim shumë më tepër. Tensioni është prezent dhe duke iu kërkuar në çdo ndeshje maksimumin, ka pasur shpërqendrim dhe luhatje. Gjithsesi, ajo që duhet të bëjmë ne është të marrim maksimumin në çdo ndeshje, pastaj llogaritë nuk ka takojnë neve”.

RAMA – “Nuk besoj se ka ndonjë problem kundër Vangjelit. Ai shprehet më mirë në krahun e majtë dhe dueli me Vangjelin ishte i paevitueshëm. Ai dha më të mirën në atë pozicion ku luajti”, tha Cungu.

KUNDËRSHTARI – “Skënderbeu ka kualitet, ka brumë brenda përtej rezultateve që kanë qenë jo sikur janë mësuar t’i kenë. Futbolli i tillë është, nuk mund të jesh gjithmonë në maja. Skënderbeu meriton respekt dhe kujdes. Ata kanë vënë emër dhe ia vështirësojnë kujtdo fitoren. Duhet dhënë maksimumi për të marrë tre pikët”.

ÇËSHTJA E STADIUMIT – “Kukësi luan jashtë shtëpie dhe nuk është pak kjo. Jam i bindur që po të luanim në shtëpi do ishim në krye të renditjes përgjatë gjithë sezonit. Gjithsesi të kthehemi te realiteti dhe ky është. Kemi gabuar, si çdo ekip. Me rëndësi të mësojmë prej tyre. Mendoj se edhe me Teutën, 15 minutat e fundit ishin një gabim i joni. Nuk duhet përsëritur më. Janë dy raste kundër Teutës në Durrës, që jemi në avantazh dhe luajmë më mirë dhe në momente të caktuara humbim përqendrimin dhe i japim mundësinë kundërshtarit për të na dënuar. Nuk duhet të na ndodhë më. Deri tani kemi pasur kohë për rikuperime, tani bëhet më e vështirë”.

PËRJASHTIMI I KAMZËS? –  “Këto janë rregullat dhe duhet t’i respektojmë të gjithë. Të gjithë biem dakord që veprime të tilla nuk janë të pranueshme, pavarësisht kush e ka fajin. Nuk kemi dalë të gjykojmë njerëzit e as për t’i vënë para përgjegjësisë. Në stadium shkohet për të parë një shfaqje dhe duhet të mbetet në kuadrin e një shfaqjeje dhe jo të kalojmë në sporte të tjera. Në aspektin e garës nuk mendoj se ka ndonjë ndikim të madh. Kanë përfituar tre ekipe dhe ne të tjerët nuk e kemi pasur të lehtë. Ka ekipe që kanë lënë pikë, ne për fatin e mirë kemi marrë pikët e plota me shumë mund. Skënderbeu përfitoi edhe në Kupë dhe nuk është pak në këtë moment që ndihet lodhja. Nuk i jepet qëllimisht Skënderbeut, por përfitojnë sikurse Flamurtari e Luftëtari”.

“Bëmë edhe zëvendësime, pasi Rexhinaldo u dëmtua pas një ndërhyrje. Nuk ia doli dot. Edhe Ethemi po ashtu, donim ta ruanim. Ishim 2-0 dhe ishte lëvizje logjike. Ndërrimi i fundit nuk ishte për t’u mbrojtur. 3-4-3 nuk është mbrojtje. Duhet të vazhdonte ekipi të luante njëlloj dhe të shfrytëzonim epërsinë që të jep kjo vendosje nga krahët. Kundërshtari përfitoi nga tërheqja e tepërt”.

“Si shpjegohet tërheqja? E thashë, kishim mundësi shënimi. Nuk ishtet momenti ta bënim të tretin. Nuk duhet të tërhiqeshim në atë mënyrë dhe kjo më mërzit. Nuk isha dakord me sjelljen në fushë. Duhet të bënim presing dhe ta bënim kundërshtarin të luante me top atë gjatë. U kënaqëm me 2-0 dhe menduam se gjithçka mbaroi. Ky ishte gabimi jonë”.

“Kur kalon rezultate të tillë duhet të dish të sillesh në fushë. Nuk na ndodh për herë të parë. Kemi disa lojtarë të rinj, por kërkojnë pjekurinë  e vet. Nuk mjaftojnë 2-3 lojtarë me eksperiencë. Nuk mendoj se do të ndikojë psikologjikisht te skuadra për vazhdimësinë. Fundja është rezultat i mirë për kualifikimin. Sigurisht nga 2-0 nuk duhet të ndodhte kjo situatë”.

ULTIMATUMI – “E kemi diskutuar edhe javën e shkuar. Është e drejta e presidentit për të kërkuar maksimumin, sikurse dhe ne duhet t’i marrim ndeshjet një e nga një. Mendojmë për takimin e Gjirokastrës dhe fokusi ynë është tek kjo ndeshje”.

LUFTËTARI – “E kam thënë gjithnjë se ky kampionat nuk është i lehtë për askënd. Nuk mund të parashikosh. Duhet të luftosh dhe të djersish për të marrë 3 pikët. Të gjitha ekipet janë të vështira, nuk bën përjashtim as Luftëtari dhe duhet respektuar. Po bën mirë dhe po merr pikë. Ata kanë nevojë për pikë, por edhe ne kemi nevojë për pikë. Kështu që nesër do të hymë në fushën e lojës për të marrë 3 pikë”.

“Futbolli është i çuditshëm. Mund të luash shumë mirë dhe mund të mos marrësh pikë, por mund të mos jesh në një ditë të mirë dhe merr maksimumin. Kundërshtari duhet të respektohet, kanë lojtarë që luajnë prej vitesh bashkë dhe e njohin lojën e njëri-tjetrit. Edhe në javët e fundit ka pasur rezultate pozitive dhe është një ekip që duhet pasur kujdes. Ne jemi Kukësi dhe duam të marrim maksimumin”.

NDESHJA E SHKUAR – “U gëzova që të tre lojtarët shënuan dhe I dhanë skuadrës 3 pikë shumë të nevojshme, por duke parë këtë aspekt shpresoj që të jetë një impuls apo çlirim për Shkurtajn. Nuk është akoma maksimumi i asaj që unë pretendoj dhe pres nga Kukësi. Gjithsesi jemi në përmirësim. Lojtarët po merren vesh me njëri-tjetrin, por nuk mund të them se ky është maksimumi ynë”.

DERBI DHE RIVALËT – “Pres që lojtarët të fitojmë ndeshjen tonë nesër. Problemi i parë dhe kryesor është fokusimi tek ndeshja e radhës dhe kjo ka shumë rëndësi për ne. Ne nuk kemi në letër asnjë ndeshje të lehtë, si asnjë ekip tjetër. Ne jemi të fokusuar për të marrë ndeshjet tona, nuk shohim çfarë bëjnë kundërshtarët. Të bëjmë punën tonë dhe më pas mund të mësojmë për kundërshtarët. Shpresojmë që Tirana të bëjë detyrën e vet edhe të ndalojë kundërshtarin, Partizanin. Jam i bindur se çdokush do të ndalet. Ka kohë për të gabuar çdokush. Ne duhet të fitojmë ndeshjet tona”.

DËMTIMET – “Mund të kemi ndonjë individ që ka qenë në diskutim, por do të marrim konfirmimin nesër nga stafi mjekësor. Shkurtaj do të jetë në fushën e lojës dhe nuk ka asnjë dyshim për të. Edhe për mua si trajner është hera e parë që kam kaq shumë problem me dëmtime. Nuk kemi pasur asnjëherë një formacion të njëjtë në dy ndeshje rresht. Vetëm 2 lojtarë janë dëmtuar në këto 8 muaj në stërvitje.

Nëse marrim një shembull në botë, Liverpuli kishte 5 dëmtime në një javë e gjysmë, të 5 në mbrojtje. Te ne nuk ka pasur problematika të tilla për stërvitjen. Kemi pasur dëmtime në fushë për shkak të agresivitetit dhe ndërhyrjet e kundërshtarëve. Kjo tregon se kundërshtarët tonë karikohen në maksimum kundër Kukësit dhe është normale se bëhet fjalë për një ekip me emër që do të jetë në krye të klasifikimit. Edhe fati nuk ka qenë me ne për sa i përket dëmtimeve.

Kemi pasur edhe Maliqin që na ka shqetësuar, ashtu si Rroca për shkak dëmtimi. Çdo trajner do ta ketë ekipin e plotë. Në futboll nuk dihet si mund të paraqitet një lojtarë në një ndeshje, ndaj duhet një grup i  plotë. Shqetësimet janë normale”, përfundoi Cungu.

NDESHJA – “Unë kam theksuar dhe herë të tjera që nuk ka ndeshje të lehta. Sidomos përballë ekipeve si Kamza, që ndodhet në fund të tabelës dhe nuk ka asgjë për të humbur. Kjo e bën edhe më të vështirë sfidën. Shto këtu që kishim dhe katër mungesa. Adaptuam lojtarë në pozicione jo natyrale, megjithatë jam i kënaqur me tri pikët.”

RAMA – “Rama ka futboll në këmbët e tij dhe nuk do mend ta thuash diçka të tillë. Kush sheh futboll, i kupton aftësitë e Ramës. Por natyrshëm që ka pak mangësi sa i takon fizikut, por e patë sot se po bën përpara. Ai sot luajti shumë mirë gjatë gjithë 45 minutave. Shpresoj të rikthehet sa më shpejt në 100% dhe të luajë nga minuta e parë.”

RASTET E HUMBURA – “Është e pafalshme të sillemi në atë mënyrë kur ishim 3-1. Kishim raste flagrante për të shënuar, raste shumë të thjeshta, por pashë egoizëm te disa lojtarë. Kjo gjë nuk na ndihmon aspak. Futbollistëve do t’ua bëj të ditur në analizën pas ndeshjes se ku kanë gabuar. Duhet të shënojmë më shumë, pasi futbolli është i çuditshëm. Pësuam 3-2 dhe ishim me siklet deri në fund të ndeshjes. Ligji i futbollit është që po nuk shënove, e pëson. Duhet përmirësim!”

GOLAT – “Natyrshëm, arritëm të shënonim shumë shpejt dhe ky gol na dha disi liri. Por ne vuajtëm dhe i dhamë mundësi kundërshtarit për të na vënë në vështirësi. Shënuam sërish dhe dua të falënderoj Ramën, që me futjen e tij i dha një impuls të ri lojës. Jam dakord që duhet të jemi më seriozë dhe më të thjeshtë në lojë, për të zgjidhur situata të ndryshme.”

RRESHTIMI – “Mendoj që dëmtimet dhe mungesat e Shametit dhe Cuculit na dëmtuan. Ata kanë eksperiencë dhe orientojnë ekipin. Janë shumë të vlefshëm për mbajtur ekipin ngushtë në fushë. Plaku ishte i bezdisshëm për ne, duke parë që ne kishim dhe mungesa. Skuadra u zgjat në fushë dhe kishim hapësira në mesfushë. Sulmuesit duhet të kthehen pas dhe të ndihmojnë mesfushën, e jo të qëndrojnë në një vijë paralele të dy. Megjithatë, kemi punuar gjatë kësaj periudhe me dy sulmues, për të parë se sa do të punojnë së bashku. Kanë bërë progres si çift, por kanë ende punë për të bërë.”

SITUATA – “Kemi një periudhë negative në rezultate, jo në lojë. Kemi dominuar kundërshtarët. Na kanë penalizuar episodet, por edhe fati. Me Teutën mund ta mbyllnim ndeshjen, por futbolli i tillë është. Nuk shoh ndeshje të lehta, as në letër dhe as në fushë. Ato bëhen edhe më të vështira, sidomos ndaj ekipeve si Kamza që nuk kanë çfarë humbin. Ne hyjmë në fushë për maksimumin dhe jam i bindur se nuk do të jetë e lehtë. Shpresoj që fati tani të na buzëqeshë ne. Besimi tek ekipi nuk ka humbur asnjë moment”.

BESIMI I PRESIDETIT – “Me sinqeritetin më të madh them se kam qenë i qetë dhe jam. Jam i bindur te puna që kam bërë, jam munduar të bëj maksimumin. Më kënaq edhe puna e djemve, me gjithë vështirësitë. Rezultatet nuk kanë qenë ato që prisnim. Në futboll ndodh edhe kështu, jo gjithmonë merr atë që meriton. E kam thënë se ekipi po tenton të rigjejë veten. Ndeshja me Teutën më pëlqeu për ekuilibrat dhe më bën të shpresoj për vazhdimësinë. Nuk ka pasur periudhë të vështirë për mua, dy humbje i ndodhin kujtdo. Kemi bërë kampionat të mirë. Mos të harrojmë se luajmë jashtë, por ka ndeshje të veçanta, ku nuk ka pasur dashamirësi të marrim atë që kemi merituar. Na janë dëmtuar lojtarë për shkak të ndërhyrjeve, Kordiero është dëmtuar në fushë dhe nuk është marrë masë ndaj kundërshtarit”.

SPOSTIMI I NDESHJES – “Është një vendim i klubit dhe mendoj se është i drejtë. Nuk mund të luajmë në fushën e tyre, edhe pse në letër quhemi pritës. Gjithë kohen jemi udhëtues. Në Elbasan terreni të mundëson të luash. Të jem i sinqertë edhe terreni na ka penalizuar”.

RELAKS PAS FAZËS NË TURQI – “Nuk ka çështje relaksimi. Kanë ardhur 6 lojtarë dhe na është dashur të ndryshojmë fizionominë dhe vendosjen në fushë. Duhet koha dhe momenti, edhe pse futbolli nuk pret, ashtu sikurse presidenti, unë dhe tifozët. Ishim në Turqi flakë, por jam i bindur se ky ekip do të jetë flakë. Shpresoj që kjo flakë të ndizet që nesër dhe të vazhdojë”.

KATËR FITORE RRESHT – “Presidenti ka kërkesa maksimale. Nuk kam asnjë peng, jam i qetë në punën time. Edhe lojtarët duhet të jenë të qetë për të marrë maksimumin. Do mendojmë për ndeshjet e radhës. Nuk mendojmë dot për 4 ndeshje njëkohësisht”.

DËMTIMET – “Janë shumë të rëndësishëm tre lojtarët që mungojnë. Jemi munduar të bëjmë më të mirën me këta që kemi. Djemtë kanë besimin tim dhe të klubit. E kemi treguar edhe më parë, pasi kemi luajtur me mungesa dhe kemi fituar. Shpresojmë ta bëjmë sërish”.

TITULLI – “Edhe kur kemi qenë 11 pikë pas, nuk jemi dorëzuar. Janë shumë pikë në mes. Me rëndësi është të shohim punën tonë. Kam besim se deri në fund do të jemi për titull. Siç kemi gabuar ne, do gabojnë edhe kundërshtarët. Rëndësi ka çfarë bëjmë ne, jo kundërshtarët. Duhet të ecim përpara dhe të marrim atë që na takojnë. Pjesa tjetër u takon rivalëve, që do të bëjnë kampionatin e tyre”.

GJENDJA PSIKOLOGJIKE – “Ekipi është shprehur për të fituar, jo aq mirë sa në dy fazat e para. Por kemi bërë më mirë se kundërshtarët dhe kemi merituar të fitojmë. Fati nuk ka qenë me ne. Mund të jem i pezmatuar nëse nuk luajmë futboll dhe nuk bëjmë lojë. Kur bëhen 7 raste me Tiranën, nuk besoj se duhet të ketë mërzi. Ka vend për qetësi”.

RAMA DHE SULMI – “Shkurtaj dhe Rexhinaldo kanë luajtur, do aktivizohen edhe bashkë. Duan kohë të japin maksimumin dhe të merren vesh. Sa i takon Ramës, ka progres. Po ingranohet me ekipin. Kam bindjen e plotë se duhet të marrë më shumë minuta”.

DYSHIME MBI POZITAT E TRAJNERIT ? –  “Absolutisht jo, unë i marr vendimet pa ndikimin e askujt dhe nuk pushohet trajneri nga mediat”.

“Kam biseduar sot me trajnerin dhe lojtarët, sepse edhe ata kanë përgjegjësi. Duhet qetësi e madhe për ndeshjet e ardhshme. Kamza nuk duhet nënvlerësuar, edhe pse e fundit”.

“I kam kërkuar Cungut të jetojë në Tiranë, nuk është normale ta bëjë vajtje-ardhje për në Shkodër. Ka pasur jo pak probleme, që do t’i zgjidhim. Skuadra është cilësore, blerjet janë të shkëlqyera. Në Durrës më zhgënjeu mbrojtja, e papranueshme që humbëm ashtu, me 2 gola ne 3 minuta.

PRESIONI PO NDIKON TE SKUADRA ? – “As që bëhet fjalë, skuadra ka eksperiencë, disa lojtarë janë kampionë. Duhet kohë, për të gjetur ekuilibrat e reja. Jemi 3 ekipe për titull, edhe Teuta, pavarësisht se sillet si nëndetëse dhe Partizani merret vetëm me ne”.

MARRËVESHJA ME LOJTARËT – “Sot kemi bërë marrëveshje me lojtarët, duam 4 fitore rresht. Nuk kam vendosur gjoba, do të ketë premio nëse arrijmë objektivin në ndeshet e radhës”.

MBËSHTETJA PËR CUNGUN  – “Do ketë kohën e duhur, ka pasur shumë ndryshime, por rezultatet e largojnë, nëse nuk do kemi, nuk ka nevojë ta heq unë. Unë kam besim të plotë te trajneri dhe te lojtarët, që janë shumë cilësorë”.

MERKATO E JANARIT –  “Gjithçka është bërë në koordinim me trajnerin, ai nuk është ankuar, thjesht ka thënë diçka që dihet, shumë afrime duan kohë” .

Shkurtaj dhe Rexhinaldo në formacion ? – “Unë do luaja me 4-4-2, me dy sulmues, por për gjithçka vendos trajneri. Ne na ka prishur shumë punë Musolli, dëmtimi i tij. Kur të kthehet ai, skuadra do gjejë ekuilibrat e duhur taktike”.

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

NDESHJA “Mendoj që në përgjithësi djemtë bënë një lojë të mirë, ishim në ekuilibër në pjesën e parë dhe cinikë. Si rezultat i kësaj, kaluam në avantazh dhe e mbyllëm pjesën e parë në avantazh. E dinim që do të kishim presion nga kundërshtari në pjesën e parë”.

“Arritëm të dilnim para portë me Rrocën për të siguruar fitoren, por nuk arritëm ta bënim diçka të tillë. Toleruam në mesin e fushë, duke bërë disa faulla në mesfushë shumë të rrezikshme. ekipi i teutës ka shtatlartë më shumë se ne. Lojtarët e qendrës së fushës sakrifikuan: Dzaria me temperaturë dhe Limaj me problem në kavilje”.

KAMPIONATI – “Futbolli i tillë është, por Kukësi ka forca dhe ka fuqi për të vazhduar përpara dhe të bëjë kampionatin e vet. Kampionati nuk ka mbaruar, janë dhe 14 javë. Çdo gjë mund të ndodhi në futboll. Kukësi i ka mundësitë për të luajtur futboll dhe për të marrë pikët e saj. Në fund bëhet bilanci. Për mendimin tim. Kukësi po bën një sezon shumë të mirë deri më tani dhe kaq mund të them”.

RREZIKSHMËRIA – “Sapo e thashë që shkaqet e mesfushorëve që nuk ishin në gjendjne e tyre më të mirë. Nuk kishim alternativa për të bërë lojën më të mirë. Isha i gathsëm për të rrezikuar në 20 minutat e fundit. Pësuam golin e barazimi dhe nuk kisha çfarë të humbja më. Kërkuam të gjenin sërish golin, por i druhesha mesfushës së Teutës. Me situatat dhe mundësitë që kishim, nuk ishim me fat.

PETKU I KAMPIONIT – “Kukësi ka potenciale. Kukësi ka treguar që di të luajë futboll dhe ka bërë një kampionat të shkëlqyeshëm në dy fazat e para. Nuk e kemi filluar mirë këtë gjysmë të dytë, për shkak të ardhjeve të reja. Ekipi ishte i kujdesshëm në fazën mbrojtëse. E theksova dhe më përpara që i druhesha mesfushës së Durrësit, pasi fizikisht janë shumë të fortë, si në tokë, ashtu dhe në ajër. Ne kemi një lojtar prej tri ditëve me temperaturë, si dhe Limaj që u dëmtua në kavilje. Natyrshëm nuk mund të mendonim për të bërë presing lart dhe menduam ta kapim me kundërsulm. Kemi dalë të paktë 3-4 herë me kundërsulme të shpejta. Gjuajtëm shtyllë, humbëm dhe penallti dhe nuk e di se çfarë duhet të bëjmë më shumë”.

“Unë nuk e kam thënë asnjëherë që nuk kam cilësi në skuadër. Kjo cilësi ka bërë që të gjitha ndeshjet të luajmë jashtë shtëpie dhe të luajmë më mirë se kundërshtarët dhe të marrim rezultate të shkëlqyeshme. Nuk e kemi nisur mirë për arsyet që thashë më lart”.

SULMI – “Rexhinaldo e hodha në formacion se isha i bindur se ka gjendje të mirë fizike dhe do të na ndihmonte shumë. Po të luaja me dy sulmues, kemi vështirësi, pasi nuk kemi lojtarë për ta nxjerrë topin në sulm. Luajmë me dy sulmues në momentin kur rezultati nuk është në favorin tonë. E nisa vetëm me Rexhinaldon dhe kjo gjë më dha të drejtë.

SKEMA – “Në fakt, ekipi kishte krijuar një fizionomi loje në fazën e dytë, ku për 6-7 javë nuk pësuam asnjë gol. Arritëm të ngushtonim diferencat me kundërshtarët. Me ardhjet e reja, menduam të bënim një zgjidhje tjetër, për t’iu dhënë mundësinë ardhjeve të ingranohen në fushën e lojës. Të them të drejtën, ndeshja e sotme më pëlqeu. Gjithsesi, ne pretendojmë më tepër dhe e kam thënë dhe herë të tjera që të gjithë lojtarët duan kohën e tyre. Nuk duhet t’i vëmë në presion lojtarët e ardhur dhe kush e njeh futbollin sado pak, e kupton sa kohë i duhet një sportisti.”

PENALLTITË – “Nuk kam asnjë lloj pengu. As kur Rexhinaldo ka humbur penalltinë kundër Tiranës, as për Kordeiron. Ai ka qetësinë e duhur dhe aftësi teknike shumë të mira. Humbja e penalltisë mund t’i ndodhi gjithkujt, por fatkeqësisht na ndodhi neve dy herë rresht. Ekipi ka krijuar mundësitë për t’i fituar dy ndeshjet e fundit, por nuk kemi marrë asnjë pikë. Futbolli i tillë është. Mundësi dhe potenciale reale kemi”,- përfundoi Cungu.

NDESHJA – “Ndodhi ajo që ndodhi në ndeshjet e para. Ekipi nuk po paraqet të njëjtin nivel. Pjesa e parë ishte e dobët, më pas ndryshuam vendosje. Në pjesën e dytë kishte diçka më ndryshe, patëm raste dhe shpërdoruam. Ndaj edhe erdhi ky rezultat. Pësuam një gol ndoshta disi karambolesk, por edhe për përgjegjësinë time. Dërgova Shametin lart për të shënuar dhe mbaj përgjegjësi”.

TITULLI – “Nuk do të thotë se nuk e duam titullin. Duhet të shohim shumë komponentë. Më shumë kemi folur në media, se në fushë, ndërsa ekipet  e tjera nuk i kam dëgjuar të dalin me flamur që të thonë ‘dalim kampionë’. Partizani, edhe pse i pari, nuk flet. Ka disa afrime që nuk kanë ritmin e duhur. Afrimet nuk janë ambientuar me ekipin, që e ndërtuam me mund e me djersë. Prishëm fizionominë e lojës për momentin. Duhet kohë, por kampionati dhe pikët nuk ta japin”.

PRESIONI – “Në futboll nuk fitohet me çdo kusht. Indirekt patëm presion. Do kishte qenë e udhës që ekipet që pretendojnë të luajnë në të njëjtën ditë dhe orar”.

RASTET E HUMBURA – “Deri dje jemi ankuar për raste të humbura. Rexhinaldo dhe Shkurtaj mendohet se janë më të mirët. Shpërdoruan ata, por edhe Rama, Ethemi dhe Kordiero. Këta janë lojtarët. Duhet kohë që këta djem të ingranohen me lojën. Po, kam vështirësi për modulin. Nuk jemi ai Kukësi që bënte lojëra të mira. Janë shumë prurje: Teqja, Rrumbullaku, Shkurtaj, por edhe Rrumbullaku, që është bashkuar më vonë me ne”.

BLERJET E REJA DHE TRONDITJA E PANKINËS – “Nuk kam asnjë presion, edhe nuk e kam problem edhe nëse krijohet presion. Pres çdo vendim të klubit. Kam dëshmuar se di të punoj. E kam bërë edhe në Kukës, ku nuk ndërtohej asnjë aksion. Bëmë një ekip që po luante më mirë se të tjerët. Jam i qetë dhe nuk kam asnjë problem. E thashë, duhet t’u japësh mundësinë afrimeve. Në të kundërt, do të marr vendimet e mia. Do shikoj kush do të luajë. Askush nuk më detyron të fus lojtarë, s’e ka bërë. Unë nuk lejoj asnjë të ndërhyjë, vendos vetë”.

Klubi verilindor ka bërë me dije listën e lojtarëve të grumbulluar dhe bie në sy emri i Valdet Ramës. Sulmuesi anësor nuk ka shumë kohë që është bashkuar me Kukësin dhe me shumë mundësi do të debutojë kundër Apolonisë.

Maliki, Dzaria dhe Uilliam Kordeiro nuk figurojnë në listën e të grumbulluarve për takimin e Kupës së Shqipërisë me fierakët.  Ndeshja luhet në Pezë Helmës prej orës 13:30.

Lista e skuadrës: Frashëri, Shameti (kapiten), Krasniqi, Rrumbullaku, Teqja, Rroca, Çyrbja, Ethemi, Reginaldo, Shkurtaj, Limaj, Basha, Sekja, Dzemailji, Rama, Joti dhe Selimi.

NDESHJA – Futbolli i tillë është, nuk mund të parashikosh kurrë se si do të shkojë një ndeshje në këtë kampionat. Duhet djersitur shumë që të marrësh fitore dhe ne e dinim që kundër Vlorës do të ishte jashtëzakonisht e vështirë. Objektivat që ka Flamurtari bëri që ata të luftonin deri në fund, por jam i lumtur që ia dolëm. Djemtë luajtën me shpirt dhe jam i kënaqur që morëm tri pikët”.

FORMACIONI – “Nuk jam aspak në vështirësi për formacionin. Te Kukësi zbret në fushë ai që është në formë optimale, prandaj nuk ka arsye pse të kemi vështirësi. Ardhjet e reja duan pak kohë që të kapin ritmin. Kukësi është ekip që lufton dhe në fushë futen vetëm lojtarët që vrapojnë shumë dhe luftojnë për Kukësin”.

SKEMA – “Unë në fakt nuk vendosa për të ndryshuar skemën, por isha i kushtëzuar nga gjendja shëndetsore e Cuculit. Ai ka qenë me temperaturë dhe ka vuajtur nga pagjumësia mbrëmë. Vendosa të mos e aktivizoj në fillim të takimit. Kundërshtari shtyu shumë në minutat e fundit dhe u detyrova të aktivizoj Cuculin dhe t’i rikthehem skemës time, duke dalë në origjinë. Cuculi është një lojtar me eksperiencë dhe duhet të mbronim me çdo kusht rezultatin. Rrezikuam me kundërsulme, një shtyllë e Kordeiros dhe një rast i Shkurtajt”.

GJICI – “Të gjithë e njohin presidentin Gjici, për ambicien që ka, për dëshirën që ka për të bërë maksimumin. Kështu jam dhe unë, dua gjithmonë maksimumin dhe besoj se ia kemi dalë. Pas një starti të ngadaltë për shkak të dëmtimeve, tani jemi në luftë për titull. Dëmtimet dhe mungesa e ndeshjeve në shtëpi nuk janë justifikime, por fakte që kanë ndikuar në rezultatet tona. Tani kam besim që lojtarët kanë potencial dhe do të arrijmë te objektivat. Ne konkurrojmë gjithmonë për titullin kampion dhe të gjithë lojtarët duhet të bëjnë maksimumin për këtë skuadër. Mua nuk më shqetëson asgjë, bëj punën time mirë dhe me korrektësi, pastaj gjërat tjera i takojnë presidencës”.

MERKATO – “Kanë ardhur lojtarë cilësorë dhe grupi natyrshëm që është më i fortë. Por thashë më përpara që ardhjet e shumta prishin ekuilibrat, pasi thashë dhe më parë që janë 3 në formacion. Ndoshta do të jenë dhe katër në fushën e lojës dhe duhet të kuptoni se kjo gjë kërkon kohë që të ambientohet skuadra”,- u shpreh Cungu.

NDESHJA – “Futbolli jo gjithmonë ecën me histori, ecën me moment për mendimin tim. Kam thënë që nuk është e rëndësishme se çfarë ka bërë më parë Flamurtari me Kukësin dhe e kundërta. Është një ndeshje që duhet respektuar dhe vlerësuar maksimalisht nga ekipi jonë. Pavarësisht problematikave që ka kundërshtari, është një ekip që ka brumë dhe cilësi. Nuk është e lehtë të për të fituar ndaj Flamurtarit, sidomos kur ata luajnë fushën e tyre. Megjithatë, do të përgatitemi për të bërë më të mirën dhe natyrshëm për të kërkuar fitoren”.

MERKATO – “Ardhjet janë cilësore. Kjo është evidente. Klubi ka bërë mirë me këto afrime. Kërkojnë kohën e vet të përshtatjes dhe shpresoj që të jetë sa më shpejt, pasi është në të mirë të individit e klubit. Objektivat nuk ka nevojë tua bëjmë me dije pasi kuptohen vetë. Një profesionist duhet të dijë ta mbajë presionin, duhet të dijë të reagojë si profesionist”.

REXHINALDO – “Personi që drejton klubin është presidenti dhe natyrshëm kërkon maksimumin nga çdo individ. Nëse një individ, kushdo qoftë ai nuk i përgjigjet klubit me korrektësi, natyrshëm që si në çdo klub të Botës do të ketë penalitete. Unë personalisht nuk i dua, por megjithatë futbollistët duhet të jenë serioz dhe të bëjnë më të mirën e mundshme. Në radhë të parë për veten e tyre, pasi i shërben individualisht dhe më pas për klubin”.

PRESIONI – “Është që nga dita që fillon aktiviteti. Presioni është evident. Jo vetëm te Kukësi, por kudo. Aq më tepër tek ekipet e kreut. Sidomos te Kukësi, që prej shtatë vitesh është faktor në futboll shqiptar. Në këtë aspekt natyrshëm që presioni është normal, jo vetëm brenda logjikës së futbollit, por edhe brenda objektivave të klubit.”

“Rexhinaldo ka pasur një dëmtim, pesë minuta pa mbaruar stërvitja e fundit. Ishte një kontakt. Do bëje një grafi dhe do të marrë përgjigjen përfundimtare nga mjekët. Sot nuk ishte e mundur të ishte me ne për shkak të dëmtimit. Ai ka qëndruar në shtëpi, nuk ka udhëtuar as me ekipin në hotel mbrëmë. Kjo është ajo çka mund të them për Rexhinaldon”, u shpreh Cungu për Sportekspres.com.

Para nisjes së takimit shumëkush ka menduar edhe për një largim të sulmuesit, madje kishte zëra se as nuk i është përgjigjur telefonatave të drejtuesve. Gjithsesi asgjë nuk është e konfirmuar. Para ndeshjes, vetë sulmuesi në rrjetet sociale ka lëshuar mesazhe mbështetëse për skuadrën.

Trajneri i Kukësit është i mërzitur me rezultatin dhe shpjegon shkakun e mungesës së tre pikëve. Selmani i bardhezinjve ishte i pakalueshëm, ndërsa në fund ka një mesazh të qartë për lojtarët e tij.

NDESHJA – “Unë nuk do të thosha që është një nisje e keqe. E donim fitoren dhe si volum loje, nuk ishte një lojë e keqe. Na mungoi fitorja, por për këtë gjë, ka meritë portieri i Laçit, që na mohoi tre gola të sigurt.”

ECURIA – “Normalisht, ndeshjet ikin dhe me pikë nuk po afrohemi. Menduam se me tre pikët sot do të afroheshim me Partizanin, por kam theksuar se nuk është aspak e lehtë. Nuk na lanë hapësira dhe ishte shumë e vështirë për të gjetur rastet e duhura.”

RROCA DHE SHKURTAJ – “Në përgjithësi, bënë mirë, por pres më tepër nga ata dy lojtarë, pasi kanë shumë potencial. Do iu japim kohën e tyre që të ambientohen. Futbolli është i tillë, duhen vetëm rezultate, dhe jo lojë. Ne nuk jemi shtypshkronjë, për të stampuar lojtarë ashtu siç i duam ne. Do punojmë me këto që kemi.”

SKEMA – “Po nuk e di pse, por di të them se koha nuk pret. Kërkohen pikët dhe ne provuam sot se mund të luajmë me sistemin që kemi patur sukses në fundin e vitit të shkuar. Edhe në miqësore, bëmë shumë mirë. Në 30 minutat e fundit, shtova lojtarë në sulm, për t’i dhënë pozicionet e tyre Shkurtajt dhe Rrocajt. Por ishte shumë e vështirë që të çahej kundërshtari, që ishte me shumë forca në mbrojtje. Ekipi krijoi ekipet për shënim, por Selmani ishte në ditën e tij perfekte.”

SELMANI – “Thashë që ekipi krijoi volum dhe krijoi lojë për 90 minuta. Goditëm disa herë, shumë korne dhe bëmë shumë raste të rrezikshme. Por Selmani bëri shumë mrekulli, sidomos te Shkurtaj dhe Çyrbja. Ekipi tentoi dhe provoi golin, si nga krahët, ashtu dhe nga qendra.”

MESAZHI – “Sa i takon lojës, terreni nuk është shumë i vështirë. Që në minutën e parë, kërkuam golin dhe momenti vjen po e kërkove. Ne provuam, por kundërshtari bëri mjaft mirë. Nuk e di çfarë duhet ndryshuar me emergjencë, por në futboll çdo gjë kërkon kohën e vet. Të gjithë duan të bombardojnë dhe të shënojnë gola kundër kundërshtarit, por futbolli është ndërtuar i tillë, me tri rezultate. Kush e përballon presionin, luan, kush jo, hap krahun.”

HUMBJA ME APOLONINË – “E kam thënë se ishte një shuplakë e mirë për ne për të na kthyer me këmbë në tokë. Duhet të kuptohet që futbolli luhet me ushtarë dhe si të tillë duhet të sillemi në fushën e lojës. E bëri Apolonia diçka të tillë. Kështu që nëse më jepet mundësia për të zgjedhur një humbje, ka qenë momenti ideal. Kemi mundësi për të korrigjuar, kupa ta jep këtë mundësi. Kampionati nuk ta jep mundësinë. Erdhi kjo shuplakë  në kohën e duhur për ne. Jam i bindur se do të jetë një ndeshje tjetër kundër Laçit, një karakter dhe një seriozitet tjetër. Natyrshëm që duke pasur parasysh ambiciet tona, futemi për të fituar ndeshjen. Mundësitë janë, forcën e kemi, ndaj ia lëmë fushës nesër”.

SITUATA NË EKIP – “Ka lojtarë që i kanë kaluar problemet, ka që vazhdojnë të kenë. Ka edhe individë që kanë shfaqur probleme. Kemi kontingjent që mund t’i alternojmë lojtarët, por kemi edhe elementë që luajnë në disa pozicione. Kjo na jep mundësinë ne si trajnerë për të bërë zgjedhjet e duhura. Me rëndësi është që kush luan të bëjë më të mirën”.

PARTIZANI FAVORIT – “Nuk kam ndonjë koment, janë mendimet e tyre. Do isha i kënaqur të mos na llogarisnin, të shohim punën tonë. Nuk më pëlqejnë fjalët e tepërta, nuk më pëlqejnë komentet, as fjalët bombastike ‘ne do dalim kampion’. Më pëlqen të flasim në fushë, jo në media”.

KUPA NUK ËSHTË OBJEKTIV – “Nuk mund të them se Kupa nuk është ë objektivat e Kukësit. Do bëjmë maksimumin në të dyja frontet. Nuk është e lehtë, kjo për çdo ekip. Normalisht çdo ekip fokusohet diku më tepër. Do bëjmë më të mirën që të arrijmë sa më larg edhe në Kupë”.

MERKATO – “Klubi ka menduar dhe ka qenë evidente, që kishim nevojë për ndërhyrje. Jam tipi i trajnerit që nuk më pëlqejnë shumë ndërhyrjet, pasi krijojnë oscilacione. Sidomos janari, kur ekipi ka marrë fytyrën e vet.  Ata që vijnë duan kohën për t’u përshtatur me grupin, apo grupi t’u përshtatet tipareve të këtyre sportistëve. Natyrisht që krijohet njëfarë mungese ekuilibri. Tani kërkohet përshtatje. Këto janë minuset e merkato së janari, por megjithatë ishin të nevojshëm. Klubi ka goditur me dy lojtarë cilësorë, të cilët kanë bërë mirë te Luftëtari. Megjithatë këtu është ekip tjetër, një atmosferë tjetër dhe një objektiv tjetër. Gjithashtu edhe presion tjetër, flasim për presion pozitiv. Uroj që të bëhen pjesë e këtyre objektivave. Sa më shumë lojtarë të kesh, profesionistë, aq më mirë është. Kampionati është i egër dhe duhet cilësi dhe alternativa. Kontingjenti është i mjaftueshëm për ta përballuar kampionatin”.

“E thashë, Rroca dhe Shkurtaj kanë bërë mirë atje. Uroj që të përshtaten sa më shpejt. Kanë bërë progres, kanë treguar rritje. Mbetet për t’u parë, por janë lojtarë me kualitet. Jo pa qëllim klubi goditi me ta. E njohin mirë lojën e njëri-tjetrit. Edhe Rexhinaldo e njeh lojën e Rrocës, sikurse edhe e njohin edhe kampionatin. Duan kohën e tyre, nuk duhet bërë presion. Asgjë nuk bëhet me buton”.

TERRENI – “falënderoj drejtuesit që të luajmë aty deri në fund të sezonit. Kjo është pozitive, pasi djemtë fokusohen vetëm te një fushë. Kukësi luan futboll, qarkullon topin dhe ngacmon portat kundërshtare. Fusha e Kamzës është pak problematike. Gjithsesi e pranojmë, këto janë kushtet dhe është bërë zgjedhja më e mirë e mundshme”.

SHAFIK TIGRUXHA – “Cilësitë e lojtarit nuk janë vënë kurrë në dyshim. Ka shuam potencial dhe ka qenë armë e fortë për ne. Ndihemi keq për situatën shëndetësore. Kishim bërë llogari me të, afatgjata. Në futboll ka edhe dëmtime, duhet të përshtatemi dhe të shohim përpara. Rroca e kompenson pak a shumë Shafik. Është në bisedime, kërkohet operim. Kam biseduar me të dhe ia kam dhënë idetë e mia. Do doja të bënte ndërhyrjen dhe të jetë gati në verë. Do humbte kontratën nëse do e shtynte. Unë personalisht do ia jepja një votë që të qëndrojë, pasi ka potencial”.

“Në stol ulem vetëm në shtëpi”, shkruante Rexhinaldo. Një paralajmërim se do të kërkojë të jetë zgjedhja e parë. Sigurisht do të vendosë trajneri Armando Cungu, sikurse edhe është shprehur presidenti Safet Gjici i ftuar në emisionin “Pressing”, që drejtohet nga Gerti Çarçani dhe transmetohet në ABC News.

Numri një i verilindorëve është i qartë për sulmuesi dhe stafin. Nuk ka asnjë justifikim për titullin kampion, ashtu sikurse edhe për Rexhinaldon nuk do të ketë më asnjë tolerim. Madje Gjici tregon se masat kanë nisur të merren që tani.

“Ai është sulmuesi i mirë i kampionatit, ka bërë mirë deri diku. E prisja të bënte edhe më mirë te Kukësi, por aq sa ka bërë ka bërë. Nuk mund të rrimë dot me një sulmues. Një ekip që do të dalë kampion, patjetër që i duhen dy sulmues. Kampionati është i gjatë dhe nuk mund të rrish me një sulmues e të presësh se kur do të bëjë ndonjë gol Rexhinaldo. Ai ka një problem, sa shoh. Një lojtar profesionist duhet ta shohë qetësisht konkurrencën. Një profesionist që nuk e pret qetësisht konkurrencën, do të thotë që ka probleme. Megjithatë them se ata të dy do gërshetohen të dy bashkë. Varet se si trajneri do e bëjë skemën e lojës”.

“Rexhinaldo është sulmues që edhe luan mirë aty ku luan, por edhe kthehet shumë mbrapa. Nuk e di si do luajë trajneri, ai e ka në dorë. E rëndësishme është që këta lojtarët janë kërkuar nga trajneri. Kemi pasur ankesa dhe në fakt me një sulmues nuk dilet kampion, edhe pse profesori ka bërë skema që të ndihmojnë edhe krahët. Por me një sulmues pykë, ne kemi menduar që Shkurtaj e bën mirë atë punë. Kukësi ka pasur gjithmonë një lojtar përpara si Shkurtaj, që na ka dhënë garanci”.

“Rexhinaldo do ulet në pankinë? Nuk e thashë këtë, atë e di vetëm trajneri. Nëse luhet me dy sulmues, nuk ka pse ulet në stol. Ndaj janë në fazë, të provojnë. Nuk dua të rri atje në tribunë dhe të pres kur po vjen goli. Për hir të vërtetës kemi shënuar pak, kjo ka të bëjë edhe për faktin se ka sulmues të dobët në kampionatin tonë. Ne kemi prodhuar lojë, por nuk kemi shënuar. Me Partizanin në Elbasan kishin 6-7 raste dhe nuk shënuam. Edhe kjo ndikon. Nëse prodhon lojë dhe nuk ke sulmues të bëjë golin, normal do vuash”.

“Rexhinaldo jo i qetë, i druheni ndonjë kontradikte? Nuk i frikësohem. Rexhinaldo e ka kuptuar mirë se ka rregullore klubi, ka disiplinë dhe nuk tolerohet më. Nëse është toleruar deri tani, nuk do të ndodhë më. Ka kontratë dhe do e zbatojë kontratën. Nuk do ta tolerojmë. Që tani ka nisur mostoleranca. Nëse Rexhinaldo ka frikë nga konkurrenca, atëherë nuk është profesionist. Pra ai duhet t’i bindet urdhrave të trajnerit, rregullores së klubit. Është nën kontratë dhe do e zbatojë deri kur t’i përfundojë. Nuk ka arsye pse Rexhinaldo, që ende pa parë skemat, të mërzitet”.

“I kam thënë Cungut, po të isha unë do të luaja me dy sulmues. Problemi është se nuk vendos unë, por trajneri. I kam than t’i shohë në miqësore në Turqi. Ai vendos se cila është skema më funksionale. Nuk mund të them, se për shkak se Rexhinaldo do vendosë kushte që o do luaj unë, o plasa, do luhet me dy sulmues. I kam thënë Rexhinaldos, do marr katër sulmues. Nëse do paraqitesh mirë, do luash. Trajneri e shikon, nëse luan me një sulmues gjithmonë. Edhe Rroca. E kemi marrë për lojtar të mirë, por nëse nuk paraqitet mirë, atëherë do luajë tjetri. Po të marrim 22 lojtarë të të njëjtit nivel, çfarë do ndodhë?! Po rrinë rezerva lojtarë të Barcelonës, lojtarë të ekipeve të mëdha dhe nuk rrika Rexhinaldo”.

“Rroca nuk luan në vendin e Shkodrës, luan më para. Shkodra ishte mesfushor qendre. Ai nuk ishte në planet tona, kështu biseduam dhe e falënderojmë për kontributin. Rroca e bën edhe mesfushorin e qendrës, por edhe përpara. Gjithmonë varet nga skema e trajnerit. Na kërkuan këto lojtarë, ia dhamë. Nuk ka justifikime për titullin, fare. Kjo është e prerë. Nuk ka justifikime stafi teknik për titullin. Të gjithë lojtarët i kanë. Madje asnjë ekip në Shqipëri nuk i ka lojtarët njëlloj. Fusha përcakton kush është më i mirë. Ne kemi bërë një investim gjigant, deri tani asnjë ekip në Shqipëri nuk ka blerë dy lojtarë si ne. I kemi marrë jo pa qëllim, pasi mund të merrnim edhe të huaj. Morëm këta që e njohin kampionatin dhe i njohim edhe ne. Kjo do të thotë se trajneri e ka topin”.

“A ka presion Cungu? Nuk është trajner i ri ai. Vitin e parë që shkoi deri në tur të katërt thoshin të gjithë që e ka vënë në presion presidenti. Është kalitur, ka qenë te Vllaznia dhe Laçi. Është trajner me eksperiencë. Vetëm se nuk mund të përcaktojë një lojtar se çfarë blerjesh bën klubi. Të gjithë kanë një kontratë. Trajneri nuk ka pse të jetë në presion. Ku ta gjesh ti një president që të bën dy blerje që i ka zili gjithë Superiorja. Pse Laçi nuk i do? Po t’i kishte këto dy lojtarë do thoshte do dalim ne kampion, 100%. Ja ku e kemi trajnerin (i referohet Besnik Prengës, teknikut të Laçit, që ndodhej në studio), pyeteni”.

Dhe ai nuk i ka thënë jo ftesës së SportEkspres.com për të ndarë me sportdashësit shqiptarë dhe lexuesit tanë formacionin me lojtarët më të mirë që ai ka drejtuar në karrierën e tij si trajner. Interesant është edhe moduli që Cungu ka i përzgjedhur lojtarët më të mirë, ku me renditjen taktike 3-4-3, ai thuajse është fokusuar vetëm te skuadra e Kukësit.

Kështu, portieri më i mirë për Armando Cungun është Argent Halili, vlonjati që bëri histori me skuadrën kuksiane në disa sezone. “Jo vetëm se Halili ishte ndër portierët e parë të Kukësit në Superiore, por edhe për faktin se ai bëri histori më këtë skuadër, në Shqipëri dhe Europë”, të thotë tekniku shkodran kur pyetet pse ka zgjedhur pikërisht vlonjatit.

Edhe reparti i mbrojtjes dominohet nga skuadra e Kukësit, për të cilën Cungu tregohet sa nostalgjik, aq edhe realist. “Tre mosketierët” e repartit të prapavijës janë përzgjedhur Lukas Malakarne, Ylli Shameti dhe Adrian Cuculi, të cilët ai i veçon për karakteristikat e tyre të veçanta në fushë. “Të tre këta mbrojtës ishin lider në pozicionet e tyre. Të fortë, të sigurt dhe pjesë e gjithë lojës në skuadër. Unë i quaja si një garanci, ku skuadra e Kukësit e mbështeste suksesin”.

Mesfusha e përzgjedhur nga Armando Cungu është më e “populluar”, pasi ka vendosur katër të tillë, ku  krahët u besohen lojtarëve të fortë dhe energjikë: Raman Hallaçi në të djathtë dhe Endri Vrapi në krahun e majtë. Besar Musolli dhe Emiliano Veliaj formojnë qendrën e mesfushës më të mirë në formacionin e Armando Cungut.

Treshja e sulmit duket tepër interesante, pasi tekniku shkodran ka vendosur emra futbollistësh që në Kategorinë Superiore kanë qenë faktor me golat e tyre, si edhe më shërbimet cilësore në skuadër.  “Duke vendosur tre sulmues në repartin e avancuar, jam realist të them se të tre mbeten golashënues race, me të cilët garancia e golit bëhej edhe më e sigurt. Edhe pse Kordero Uilliams, Marko Cetkoviç dhe Xhejms Adeniji nuk kanë qenë kryegolashënues, golat e tyre periodikisht kanë dhënë ndikim pozitiv në skuadër”.

KARRIERA – Armando Cungu e ka nisur karrierën e tij në futboll, pikërisht me skuadrën e vendlindjes, Vllazninë. I lindur më 23 prill 1973, në moshën 20-vjeçare Cungu nisi rrugën e futbollistit profesionist, ku më pas ka luajtur me skuadra të tjera, si Luftëtari, Teuta, Etnikos e Pireut në Greqi dhe Flamurtari i Prishtinës në Kosovë.

Rrugën e trajningut Armando Cungu e ka nisur në vitin 2006 me Adën e Velipojës në Kategorinë e Parë dhe prej këtij viti e deri më sot është pjesë aktive në pankinat e skuadrave të Kategorisë Superiore. Gjatë kësaj periudhe 12-vjeçare ai ka drejtuar dy herë Vllazninë dhe po kështu Kukësin, skuadër që edhe e drejton aktualisht. Gjithashtu ai ka qenë në krye të Laçit, ekip me të cilin ka fituar Kupën dhe Superkupën e Shqipërisë.

IDEUAN DHE PËRGATITËN: Vladimir Prenga, Agron Kaja 

Armando Cungu është pjesë e shkollës së futbollit shkodran, ndërkohë që në karrierën e tij si futbollist luajti që në moshën 19 vjeçare me Vllazninë, më pas me Teutën e Luftëtarin, për ta mbyllur në vitin 2005 me Flamurtarin e Prishtinës. Karriera e Cungut është e pasur si trajner që ka nisur në vitin 2006 te Ada, por kulmin e arriti në drejtimin e Kukësit që kaloi deri në turin e katërt UEFA Europa Ligë në sezonin 2012-2013.

INTERVISTOI: AGRON KAJA

Vendi i dytë në renditje për dy fazat e para, ishte në pritshmëritë tuaja?
-Duke parë situatat se si u zhvilluan në skuadrën tonë, them se ky vend është mirë. Sepse unë erdha në drejtimin e Kukësit me mendimin se do të ishte një skuadër e denjë, por gjeta një skuadër të re e të transformuar që e kishte humbur boshtin. Falë punës, skuadra ka bërë progres.

Në dy fazat e luajtura, në cilën prej tyre ishte Kukësi më i mirë?
-Që renditet në vendin e dytë, natyrisht që ka bërë mirë në 18 ndeshjet, por rritja ka qenë graduale. Në fazën e parë kemi dominuar më shumë ndaj kundërshtarëve dhe kemi prodhuar më shumë futboll, por nuk morëm rezultatet e duhura. Në fazën e dytë Kukësi ishte më protagonist.

Në analizën tuaj si teknik, ku mendoni se Kukësi ka gabuar në 18 javët e luajtura?
-Nuk mendoj se te skuadra jonë veçohen individë apo reparte që t’u themi se kanë gabuar. Kur skuadra nuk i ka bërë mirë detyrat në ndeshje, gabimi është i të gjithëve. Edhe në të kundërt, kur kemi fituar merita është e gjithë skuadrës. Pra kemi funksionuar në grup.

Po zhvilimi i të gjitha ndeshjeve jashtë fushe, sa ka ndikuar në këtë ecuri të skuadrës suaj?
-Nëse do të veçoja një mungesë për Kukësin në 18 javë, është tifozeria. Sepse kushte tona e sollën që t’i luajmë ndeshjet të gjitha jashtë. Ky mendoj se ka qenë një nga treguesit që nuk ka ndikuar për mirë në ecurinë tonë në dy fazat e luajtura. Fusha asnjëanëse ishte një minus për ne.

Fazën e tretë e keni nisur me merkato, do të afroni të tjerë futbollistë për gjysmën e dytë të sezonit?
-Nuk ka trajner që të mos dëshirojë më shumë përforcime në skuadër. Aq më shumë që në dy fazat e tjera Superiorja bëhet edhe më e vështirë e ndërhyrjet në merkato janë të domosdoshme. Por ne kemi menduar një merkato me pikatore, por të jetë më shumë cilësore.

Ku mendoni se do të renditet Kukësi në fundin e këtij kampionati?
-Më pëlqen ta shoh situatën e skuadrës gradualisht dhe të fokusohemi javë pas jave. Dëshirat dhe objektivat tona janë të mëdha dhe për fitimin e titullin kampion nuk do të jetë një rrugë e lëhtë. Gjithsesi, Kukësi aty do ta ketë përqendrimin e tij në këto dy faza që do të luhen.

Armando Cungu ka folur pas fitores në emisionin “Gol pas Goli” në “SuperSport”, duke u ndalur te paraqitja e ekipit, rritja e nivelit të lojës dhe sulmuesi Vasil Shkurtaj. Trajneri shkodran komenton dhe afrimin e Eduart Rrocës, blerja më e re e Kukësit.

FITORJA – “Ekipi po rritet nga java në javë, si në lojë ashtu edhe në rezultat. Sot ishte ndeshja më e vështirë. Ndeshjet me ekipet e fundit vështirësohen shumë. Nuk është çështje neglizhence, por ata mendojnë se e kanë më të lehtë, pasi vinim nga ndeshje të mira me Partizanin dhe Skënderbeun. E kisha këtë merak. Kundërshtari luante pa presion, ndryshe nga ne. E pashë që pjesën e parë patëm tension. Kjo vjen prej dëshirës për të fituar. Kastrioti u ka hapur probleme të gjitha. Ky ishte tensioni që unë pashë”.

ECURIA – “Kemi punuar mirë, si në fillim dhe tani. Më kënaq ekipi, kemi bërë progres. Kemi bërë ndeshje të mira që në fillim, madje më mirë se kundërshtarët. Tani po vijnë edhe rezultatet dhe i përgëzoj djemtë. Sistemi na ka dhënë më shumë garanci, por pa karakterin e duhur nuk vlen asnjë sistem”.

“Shkurtaj? Është i joni kur të jetë në rresht në stërvitje. Në futbollin shqiptar kanë ndodhur shumë çudi, nuk i paragjykoj Rrocën e Shkurtajn, por ka ndodhur që kanë dalë dy ditë te ne dhe pastaj ditën e tretë i kemi parë në ekip tjetër”.

RROCA – “Rroca, do ndryshoni skemën? Unë do jap më të mirën dhe për të bërë zgjidhjet më të mira. Më intereson klubi dhe grupi, jo individi. Nuk mund të ndryshoj gjë nëse ekipi bën mirë për hatër të një personi. Rroca është i mirëpritur. Vlen për t’u parë gjithçka dhe do të shohim rezultatet e kësaj zgjedhjeje”.

Cungu komenton sezonin e ekipit deri në këtë pikë, vlerëson lojën e ekipit dhe faktin që u është dashur të luajnë gjithmonë “jashtë fushe”. Trajneri i verilindorëve ndalet dhe te afrimet e Rrocës dhe Shkurtajt, por ai do të flasë më shumë për ta pasi t’i bashkohen ekipit.

Ndeshja me Kastriotin është e fundit. Sa i kënaqur jeni me Kukësin në dy fazat e para?
-Shumë i kënaqur, të jem realist. Kjo nuk ka të bëjë vetëm me rezultatet në ndeshjet e kthimit. Jam shprehur edhe herë të tjera. Normalisht ka disa arsye që flas kështu. E para kam parë progresin e djemve nga momenti që kam ardhur këtu. E dyta, me shumë krenari mund të them se Kukësi ka bërë një kampionat shumë të mirë në fushën e lojës. Kemi bërë ndeshje shumë të mira, madje në aspektin e lojës ka triumfuar mbi kundërshtarët. Ajo që na ka penalizuar është fakti që kemi shpërdoruar shumë. Nuk duhet harruar edhe fakti që luajmë larg shtëpisë. E kam thënë, nuk e di nëse ka ndonjë ekip tjetër që ka 31 pikë jashtë fushe. I bie kampion nëse flasim me këtë gjuhë.

Sa i kënaqur jeni me afrimet e fundit, Rrocën dhe Shkurtajn? Sa ju shtohet përgjegjësia ju si trajner në vijim?
-Di që flitet shumë për këta lojtarë. Në fushën e lojës nuk kanë dale ende. Kur ta dalin në stërvitje mund të ma bëni këtë pyetje. Nëse do të jenë, për mua nuk është çështje përgjegjësie. Normalisht që jam trajner dhe jam për të bërë zgjedhjet e duhura, për t’i dhënë mundësinë lojtarëve që janë më në formë. Nëse do të vijnë, natyrshëm që do jenë në fokusin tim dhe të klubit për të bërë më të mirën në favor të Kukësit. Presim kontributin e çdo lojtari dhe jo vetëm të këtyre që do të vijnë.  Nuk e shoh veten në siklet, ai lojtar që e meriton do të zbresë në fushën e lojës.

Rexhinaldo është një karakter i vështirë, a mendoni se do të përshtatej me Shkurtajn të dy bashkë?
-Ju po më bëni pyetje, po më bëni edhe formacionin. Ndoshta nuk mund të luajnë të dy bashkë, ndoshta mund ta nisë njeri. E thashë edhe më përpara, mua më kërkohet të bëj zgjidhjet e duhura dhe të jeni të bindur që do i bëj, sikurse po i bëj. Profesionistët duhet të sillen si të tillë dhe patjetër që duhet të pranojnë zgjedhjet e trajnerit. Deri tani kemi pasur të bëjmë me profesionistë dhe për këtë arsye jam i kënaqur. Nuk ka ndonjë gjë për t’u shqetësuar, është pjesë e futbollit.

A do ishin të mjaftueshëm Shkurtaj e Rroca të ishin afrimet e janarit, apo do donit edhe ndonjë lojtar tjetër
-E kam theksuar edhe më parë, nuk më pëlqejnë afrimet e shumta. Një klub duhet të organizohet mirë në verë, në dhjetor është e vështirë. Aq më tepër nuk më pëlqen prishja e ekuilibrave. Sa më shumë lojtarë të vijnë, aq më keq është. Jam për t’i shërbyer grupit dhe për t’i mbajtur të lidhur.

Si është gjendja e ekipit para ndeshjes me Kastriotin?
-Gjendja është e mirë, lojtarët janë stërvitur mirë. Atmosfera ka qenë e mirë, falë edhe rezultateve të ndeshjeve të fundit. Aspekti psikologjik duhet të jetë në gjendje maksimale, ashtu sikurse edhe serioziteti dhe përqendrimi. Këtë e kam kërkuar në stërvitje dhe djemtë e kanë kuptuar mesazhin tim. Duhet të futemi në fushë për të marrë tre pikët. Nëse vijohet me sakrificën e bërë deri më tani, besoj se do dalim triumfues.

I druheni një nënvlerësimi të Kastriotit?
-E thashë edhe më parë, jam munduar gjatë javës t’u flas disa herë lojtarëve për këtë. Këto janë ndeshje shumë të rrezikshme, shumë të vështira. Fakti që kundërshtari është i fundit bën që të ketë nënvlerësim. U ka ndodhur edhe klubeve të mëdha në botë. Jo se neglizhohet, por mund të mendohet se mund të jetë pak më e lehtë. Për mendimin tim mund të jetë më i vështirë se Partizani e Skënderbeu Kastrioti nesër. Kështu që jam i bindur, që duke pasur fatin që kemi lojtarë me eksperiencë, do të fusin frymën e duhur në ekip dhe të mos ketë neglizhenca.

Thatë që jeni i kënaqur me ekipin, por sa problematike është fakti që jeni pesë pikë larg vendit të parë?
-Nuk e shoh si një problem. Kanë qenë 12 pikë disa javë përpara, sot janë pesë. Me pak kujdes mund të ishim dy pikë, pasi luajtëm ndeshjen direkte një javë më parë. Është edhe gjysmë kampionati për t’u luajtur. Siç kemi gabuar ne, kanë gabuar edhe kundërshtarët tanë. Kjo ka ndodhur. Kampionati nuk ka mbaruar dhe është e rëndësishme të jemi grup dhe të bëjmë më të mirën. Do rikuperojmë pikë edhe më shumë.

A ka vend për largime në mesfushë, duke qenë se afrohet Rroca?
-Është situatë që duhet diskutuar. Kemi pasur mungesa të shumta, ka pasur raste që kemi shkuar edhe me 14 lojtarë. Sa më shumë lojtarë të ketë, aq më mirë është. Më pyetët edhe për sulmin. nëse jemi profesionistë, duhet të sillemi si të tillë. Nuk e bën ekipin një individ, nuk fiton vetëm një individ, por fiton me një grup. Kemi treguar që është një ekip grupi. Duhet të marr më të mirën nga ekipi. Pjesa tjetër duhet parë se si do të rrjedhë.

/JURGEN ZELA

NDESHJA – “Dëshira ishte për të fituar. Ky ishte objektivi ynë, por edhe mundësitë i treguam në fushë. Ishim pranë fitores, por futbolli i tillë është. E dinim se nuk do të ishte e lehtë, por jam i kënaqur për atë çka dhanë lojtarët. Ndikoi faktori “Hoxha”, i cili ishte në ditën më të mirë të kampionatit, me aq sa kam parë unë.”

BARAZIMI – “Vuajmë të finalizojmë aksionet. Zbritëm mirë me sulmuesit tanë, por elektrizimi apo mos qetësia e duhur për të zgjidhur situatën sa më thjeshtë na ka penalizuar. Jemi solid në mbrojte dhe po mundojmë ta godasim kundërshtarin në ato momente që kemi.”

I LUMTUR PËR PIKËN? – “Ekipi po zhvillon lojtara të mira dhe u afruam shumë me ta. Një fitore do të ishte shumë mirë për ne. Nuk mund të them se nuk jam i kënaqur, pjesërisht. Luanim në transfertë ndaj kryesuesve dhe barazimi është ok. Ky sistem loje kthehet me 5, por duhet të bëhet dallimi kur ekipi ka tranzicion në sulmin e shpejtë. Kur dalim në sulm gradual edhe anësorët dalin para, por dhe ruajnë ekuilibrat. Si Ethemi dhe Çyrbja kanë mundësi për të bërë mirë me shpejtësinë e tyre dhe mund të bëjnë diferencën si në takimet e fundit. Ekipi funksionin dhe kjo më gëzon.

SHAFIK – “Shafik ka kualitet dhe pritet që të sajojmë diçka nga kualiteti që ka. Në mungesën e tij, duke parë situatën nuk duhet të kalojmë në aventura. Ndryshimi që bëmë po rezulton i suksesshëm dhe ekipi po shprehet mirë në fushën e lojës.”

Për “SportEkspres.com” dhe televizionet e pranishme, trajneri shkodran foli për shumë tematika. Mes tyre edhe për rëndësinë e triumfit me Skënderbeun. “Ishte e rëndësishme për pikët, për moralin e ekipit, për të kuptuar dhe besuar më tepër këta djem që kanë mundësi të bëjnë më shumë progres. Tani po shijojmë jo vetëm lojën, por edhe pikët e marra”.

Më tej ai foli edhe për Rexhinaldon, për futbollistët që janë aktivizuar këto javë dhe kanë zëvendësuar mungesat e rëndësishme të verilindorëve. Në fund edhe dy fjalë për modulin, që sipas Cungut nuk është çelësi i suksesit.

REXHINALDO – “Ai është lojtar që është munduar të bëjë maksimumin. E ka bërë mirë deri tani dhe natyrshëm që donim të ishte prezent në fushë. Por nuk ishte i gatshëm përgjatë gjithë javës për shkak të disa shqetësimeve. Kishte 2-3 javë që ankohej. Në këto kushte, gjatë javës nuk u stërvit, dhe e pashë të arsyeshme të mos e aktivizoja nga fillimi. Duke parë situatën, që ishim në avantazh dhe kundërshtari po bënte presion, e aktivizova. Sulmuesi i Skënderbeut na krijoi pak problematika, sepse sistematikisht futej mes linjave me gjithë top. Këtë nuk duhet t’ia lejonim. Tereni ishte i butë dhe i lodh shumë sportistët, ndaj mendova të fus një forcë më të freskët. Askush nuk e bën më mirë se Rexhinaldo, pasi e ka në ADN-në e tij të vrapojë pafund dhe të bëjë presing. Kjo ishte arsyeja pse e aktivizova”.

GRUPI  I LOJTARËVE – “Jam i kënaqur, po mundohemi të menaxhojmë situatën dhe të marrim më të mirën e grupit dhe të çdo individi. Deri tani jam shumë i kënaqur me grupin. E thashë, dhe realisht dhe me shumë sinqeritet dua t;i falënderoj djemtë për atë që po japin në fushën e lojës”.

MODULI – “Janë përshtatur me këtë sistem loje. E kemi provuar edhe në ndeshjen me Karabakun kur kemi luajtur, pavarësisht se ata janë një ekip shumë herë më i fortë dhe nuk u tërhoqëm mbrapa. Ky është një sistem loje që e kemi luajtur edhe më përpara dhe tregon që ekipi është i aftë për t’iu përgjigjur këtij sistemi. Ekipi po dëfrehet në fushën e lojës dhe po marrim edhe pikë. Nuk duhet t’i thurim lavde apo lapidar sistemit, por duhet t’i thurim lavde djemve. Është karakteri i tyre që bën të luhet futboll. Mund të ndërrosh sa të duash sisteme, mund të bësh edhe më perfektin, por pa karakterin dhe shpirtin e garës nuk vlen asgjë. Kjo është pika e fortë, grupi i djemve të Kukësit”.

VLADIMIR PRENGA

MOMENTI – “Do të shikojmë pas rikthimeve. Është herët për të folur për javët e tjera. Po kalojmë një moment të mirë. Duhet të vlerësohet shpirti i garës dhe karakteri, më pas të flasim për sistemin e lojës.”

REXHINALDO – “Është një lëvizje jo e menduar mirë, pasi mund të dilte i vetëm me portierin. Ka pasur shqetësimet e tij këtë javë dhe ndaj nuk e aktivizova titullar. E pashë të arsyeshme gjatë lojës ta aktivizoje, pasi Shpehar harxhoi shumë energji. Rexhinaldo shpresojmë që të jetë në gjendje më të mirë në të ardhmen. Ka pasur probleme, shqetësime prej 3 javësh. Natyrshëm, ka luajtur për 90 minuta në dy ndeshjet para kësaj, edhe sot ishte një terren i rënduar. Pasi folëm me mjekët vendosëm që të mos e sakrifikoj për të mos e rënduar situatën e tij më tepër. Nuk mendoj se duhet të mendojë sportisti për të vonuar lojën, për të marrë ndonjë faull, apo për të marrë ndonjë anësore. Është momenti dhe duhet të marrësh një vendim. Nuk është hera e parë që lojtarët nuk marrin vendimin e duhur në momentin e caktuar. Nuk mund ta vëmë para përgjegjësisë. Ka momente që gabojmë të gjithë.”

NDESHJA – “Si në pjesën e parë edhe në të dytën ushtruam presion. Me pak kujdes edhe mund të shënonim golin e dytë. Ai jep maksimumin në fushën e lojës. Kjo ishte arsyeja pse i dhashë 20 minuta. kalaja është lojtar krahu. Ka pasur minuta dhe do të ketë minuta,m por anësorët kanë treguar se kanë një formë të mirë dhe po marrim frytet e lojës së tyre. Po na japin jo vetëm pikë por edhe ritëm, si Çyrbja ashtu dhe Ethemi.”

EKIPI – “Kemi vështirësi në fakt, por ekipi po luan mirë dhe po argëtohet. Po krijojmë mundësi shënimi. Kishim raste të pastra në pjesën e parë, por nuk ia arritëm. Rëndësi ka që ekipi po luan mirë dhe po marrim edhe pikët. Rëndësi ka të marrim pikët, pavarësisht nëse gabon portieri kundërshtar ajo jo, ne nuk i bëjmë presion askujt. Ne do i marrim ndeshjet një e nga një. E rëndësishme është që të jemi të përqendruar maksimalisht te ndeshja e radhës.”

MERKATO – “Jam i kënaqur nga ky ekip dhe do të mbështem te kjo skuadër. Konkurrenca forcon ekipin dhe nuk i bën dëm askujt, përkundrazi ndihmon për të marrë rezultate. Unë jam për të bërë pak lëvizje, edhe në verë, jo vetëm në dimër.
Vuajmë për të shënuar dhe shihet se ku ka nevojë për të ndërhyrë në merkato.”

NDESHJA ME SKËNDERBEUN – “Jemi rivalë direkt për titull. Pavarësisht ndeshjes së parë, që vetëm rezultati nuk ishte ai që duhet, loja ishte e mirë. Shpresojmë t’i kthejmë reston Korçës nesër. Fitorja është objektivi ynë në çdo ndeshje. Kemi shqetësime të vogla, si zakonisht. E them sërish, kur ke 25 lojtarë çdo lojtar pret momentin e vet. Ekipi po kalon një moment të mirë.

REXHINALDO – “Nuk ka probleme për të kthyer në një situatë. Ai ka pasur një shqetësim të lehtë që para 2-3 javësh, por është stërvitur mirë dhe në fushë nuk kursehet. Nuk më ka pëlqyer aspak që është bërë objekt në faqen e parë të gazetës. Nuk ka lidhje me lindjen e fëmijës, i kemi dhënë leje para se të iknim në Gjirokastër. Pastaj erdhi me dëshirën e vet për të luajtur, gjë për të cilën e kemi falënderuar. Do shohim nëse është i gatshëm fizikisht për të luajtur ndaj Skënderbeut”.

“Konflikt? Si trajner ju them që ai prej 2-3 javësh më ka thënë për shqetësimin e vet. Ai është nga ata që jep maksimumin në fushë dhe në stërvitje. Nuk ka shfaqur problematika serioze. Ka luajtur edhe në Kamzë, në terren të rënduar, ka luajtur edhe në Gjirokastër. Pas ekzaminimeve ka rezultuar një traumë e lehtë, diçka normale për mënyrën e tij të lojës. Mund ta ketë pasur që përpara. Nuk ka diçka serioze, këto janë fjalët e mjekëve. Nesër do shohim situatën”.

“Mungesa e një sulmuesi? E kam theksuar edhe më parë, çdokush ka rëndësinë e vet, vlerën e vet dhe momentin e vet në një ekip futbolli. Nuk luhet me një lojtar, apo dy persona,  por në grup. Kukësi është ekip grupi, jo individësh. Edhe nëse nuk do jetë, ka të tjerë që do japin maksimumin”.

LUFTA PËR TITULL – “Ka kohë, por sa më shumë javë ikin, aq më shumë pikë duhen grumbulluar për të shkuar aty kua duam të gjithë. Ndeshjet me Skënderbeun janë të veçanta. Fokusimi i të gjithëve është maksimal për të marrë fitoren, që është shumë e rëndësishme për ne. Shumë respekt për Skënderbeun, por nuk i druhemi asnjë kundërshtari”.

GJENDJA E SKUADRËS – “Skënderbeut i mungon vetëm Radas, kurse ne që kur kam ardhur te Kukësi na kanë munguar shumë Radas. Shameti është rikuperuar dhe do të jetë në fushë. Rrumbullaku është i rëndësishëm, por nuk ka luajtur prej gati tre muajsh. Këtu është një koncept i gabuar, që kur lojtari fiton formën fizike është gati. Unë mendoj disi më ndryshe. Është tjetër gjë të kesh formë fizike, tjetër gjë të kesh formë sportive. Gradualisht duhet t’i japim minutat për t’u ambientuar. Por edhe nuk duhet të gabojmë si herën e parë, që qëndroi gati një muaj e gjysmë jashtë. Shkodra? Ka marrë një goditje ndaj Kamzës, i kam pësuar edhe unë kur luaja. Duan rreth 5 ditë për ta kaluar. E provoi në Gjirokastër, por e pashë që kishte probleme dhe e ndërrova. Do shohim stërvitjen e fundit dhe me stafin mjekësor do marrim vendimin e duhur”.

TIFOZËT – “Dihet që nuk luajmë në shtëpi. Aty luajmë pasi aty vijnë shumë tifozë. I falënderoj ata që vijnë, pasi janë një shtysë për lojtarët. Ata janë një impuls. terreni nuk na favorizon aty. Kukësi është ekip që luan futboll, nuk tenton të mbajë rezultatin dhe të largojë topin”.

MUSOLLI – “Kam shprehur pak habi. Ishte kërkesë e vetë Musollit, që donte kohë për rikuperimin. Çdo gjë është lënë e hapur, kjo është ajo që mund të them. Fakti që ai vetë më klubin ishin dakord për të qenë sërish pjesë e Kukësit. Ai është një emblemë këtu, shpirtin e ka te Kukësi. Edhe pse i janë bërë oferta nga shumë ekipe, e doja edhe unë kur isha në ekipe të tjera. Ai nuk e ka tradhtuar kurrë Kukësin dhe kjo do të thotë shumë. Jam i lumtur që në janar do e kem nën urdhra. Di të them që ka kërkuar ai ta zgjidhë situatën”.

NDESHJA DHE FITORJA – “Në radhë të parë dua të komplimentoj skuadrën për lojën dhe rezultatet ashtu dhe kundërshtarin, pasi na e bëri shumë të vështirë. Më të lehtë e kishim në pjesën e parë, kur ishim me forca të barabarta, pasi shpërdoruam shumë mundësi. Na mungoi qetësia për të shënuar. Në pjesën e dytë na u bë më e vështirë, pasi kundërshtari mbeti me 10 lojtarë. Është e vështirë të çash kur kundërshtari është në inferioritet numerik. Ai fat që nuk kishim në pjesën e parë na u shpërblye në fund. Kërkova qarkullim më të shpejtë dhe që ndryshimi i krahëve të lojës të ishte më i shpejtë. Treguam dhe momente nervozizmi, pasi mendonim fitoren. Gjithsesi, janë tre pikë të arta”.

ZEVENDËSIMET DHE TAKTIKA – “Kur ka situata të tilla, jo shpesh herë dalin idetë e lojës. Luajtëm kujdesshëm dhe dolëm para në pjesën e parë. Më pas, kërkova më tepër që lojtarët anësor të mos mendonin shumë për detyrat mbrojtëse dhe të sulmonin pak më shumë. Kalova edhe anësorët në qendër. E provuam dhe nuk shkoi siç donim ne. Na e bëri kundërshtari të vështirë. Më pas ndryshuam dhe sistemin, duke kaluar 4-4-2 me Shpeharin, për të futur dhe topa në zonë. Nuk ishte lëvizje e gabuar mbajtja e tepërt e lojtarëve sulmues. Kemi qenë gjatë gjithë kohës me 3 lojtarë para, edhe pse ishte pak e rrezikshme. Kundërshtari mund të na dënonte me një kundërsulm”.

FITORJA – “Ishim përgatitur për një ndeshje të luftuar dhe të fortë. Kamza ka një ekip simpatik, ka kualitete dhe ka agresivitet. Por, edhe fusha dhe terreni është i ngrohtë dhe ishim përgatitur, por fitorja nuk ishte e lehtë. Erdhi si mënyrë e lojës dhe në veçanti e Çyrbjas, që ishte katalizatori ynë nga krahu i djathtë. Në pjesën e dytë u shfaqëm më të kujdesshëm, për të mos pësuar dhe për të synuar kundërsulmet.”

EPISODI – “Pakënaqësia e Rexhinaldos? Ka një keqkuptim, nuk ka asgjë për tu shqetësuar apo për tu diskutuar. Ndryshimi i modulit të lojës? Për shkak të mungesave të shumta, që ishin thuajse gjysmë ekipi, u detyruam të bënim këtë ndryshim, por edhe duke patur parasysh kualitetin e Kamzës në sulm, që mund të na godiste. Ky është një sistem loje, që të bën të kujdesshëm në mbrojtje, por edhe në sulm.”

KUKËSI – “Do ta dëshiroja edhe unë golin e tretë, por më e rëndësishme ishte të mos kalonim në vetëkënaqësi, sepse një gol i Kamzës mund të na e vështirësonte ndeshjen deri në fund. Merkato e janarit? Pyetje të tilla janë shumë të vështira në mes të sezonit, por unë jam maksimalisht i fokusuar te grupi që kam në dispozicion dhe te djemtë. Ka ende vend për përmirësime, por nuk e di sa efikase mund të jenë afrimet e janarit. Edhe me ekipin që kemi do të bëjmë më të mirën dhe të luftojmë të marrim atë që meritojmë, diçka e cila nuk ka ndodhur deri më tani.”

KRAHASIMI  – “Nuk ka skuadër tjetër që ka marrë 24 pikë duke luajtur gjatë gjithë sezonit jashtë fushe. Për këtë arsye them që mund të jemi kampionë moralë, për pikët e grumbulluara jashtë, sepse jemi gjatë gjithë sezonit në trasfertë, edhe kur luajmë si skuadër pritëse.”

GJENDJA E EKIPIT – “Na ka shërbyer pushimi i kampionatit për të rritur disi ritmin e përgatitjeve. Por nuk na shërbeu për rikuperimin e disa futbollistëve, që nuk do të jenë në fushë nesër. Gjithsesi jemi munduar të bëjmë më të mirën me këta që kemi. Shpresojmë të shohim një Kukës luftarak dhe që të kërkojë tre pikët”.

ZËVENDËSIMI I TITULLARËVE – “Natyrshëm që nuk është e lehtë. Nuk është situatë e re për ne, e kemi pasur në vazhdimësi. Jemi munduar ta menaxhojmë situatën. Gjithkush ka mundësitë e veta për të dhënë më të mirën. Nuk duhet të shqetësohemi shumë. Me mungesat që kemi jemi munduar të gjejmë lojtarët e duhur për t’iu përshtatur lojës. Shpresoj që nesër t’ia dalim”.

PRESIONI – “Gjithmonë ka presion, jo vetëm tek unë. Edhe po të jesh i pari ke presion ta ruash. Jam i fokusuar tek ekipi. Do mundohem të bëj maksimumin, si nga ana profesionale ashtu edhe nga ana njerëzore, për këtë klub. Natyrshëm do mundohem të bëj zgjedhjet e duhura për vazhdimësinë e ekipit. Çfarë është në dorën time, padyshim që do bëj maksimumin për të përmbushur detyrat e mia si trajner”.

KUNDËRSHTARI I MOBILIZUAR – “Nuk do të thotë asgjë se kanë bërë ndryshime. Përtej pikëve që ata kanë, Kamza për mua ka lojtarë të mirë dhe duhet respektuar. Nuk janë ekip i lehtë. Në fushën e tyre dinë të shprehen mirë. Edhe ata kanë nevojë për pikë, ashtu si ne. Ia lëmë fushë dhe ekipi që do kërkojë më shumë do të marrë maksimumin. Jam i bindur dhe shpresoj të jemi ne ekipi që do të marrë pikët e plota”.

MERKATO – “Nuk kam bërë ndonjë listë, jam i fokusuar te puna me këta djem. Duhet t’i marrim më të mirën këtij ekipi. Mund të them fjalë të mirë për grupin, por futbolli luhet për pikë. Kemi merituar më shumë pikë me futbollin që kemi zhvilluar. Gjithsesi shpresojmë që në vazhdimësi të kemi një sjellje tjetër edhe në lidhje me pikët”.

KALE – “Kemi diskutuar me presidentin dhe drejtorin që kur kam ardhur këtu. Është përmendur problematika e Kale, gjyqet pafund, pretendimet. Mendoj që natyrshëm ardhja e tij do ishte një vlerë e shtuar, por kishte edhe një kohë të humbur. Ishte shkëputur nga ekipi. Mund të thoni që është stërvitur me Vlorën, por duke ardhur te Kukësi, në një ekip krejtësisht të ri, do të donte kohe për t’u përshtatur. Ne po shohim se kemi një ekip të ri, që edhe po stërvitet së bashku prej kohësh, dhe ende nuk mund të themi se kemi marrë maksimumin e këtij grupi. Drejtuesit e panë të arsyeshme të merrnin këtë vendim”.

SHKURTAJ – “Nuk dua të flas, nuk kam asnjë koment. Përmenden shumë emra, shpesh nga ata që nuk janë as në orbitën tonë, as në idetë tona. Nuk është hera e parë që më ndodh diçka e tillë, më ka ndodhur në çdo ekip që përmenden që nuk kanë lidhje. Kjo nuk do të thotë se është rasti i Shkurtajt që po përmend unë. Thashë edhe më përpara është shumë herët për të folur. Kemi pesë ndeshje përpara, na duhen pikë dhe jemi të fokusuar te puna me djemtë. kur të mbarojë kampionati do bëjmë bilancin dhe do shohim ku mund të ndërhyjmë”.

TIFOZËT – “Patjetër që është e nevojshme të na mbështesin. Këtë e kemi vuajtur, që nuk kemi luajtur në shtëpi. natyrshëm që ata janë impuls shumë i madh për ekipin. Shpresoj të jenë sa më të shumtë dhe ta mbështesin ekipin. Por nuk është vetëm një ndeshje, kemi nevojë për mbështetje të vazhdueshme. I kuptoj ata, jam në krahun e tyre, ashtu si edhe klubi. Natyrshëm ata duan fitore, janë të kënaqur me lojën, por jo me pikët. Shpresoj që nesër të kënaqen edhe me pikët”.

Trajneri ndalet në shumë tema në konferencën për shtyp, duke e nisur nga kundërshtari i radhës, problemet e gjetjes së një stadiumi, Rexhinaldo, arbitrat dhe presioni i rezultateve. Kukësi ndodhet në vendin e pestë, me një pikë më pak se Teuta dhe objektivi i momentit është fitorja dhe parakalimi i durrsakëve në renditje.

KUNDËRSHTARI – “Jo vetëm Teuta, por nuk ka ekipe të lehta në Superiore. Duhet të djersitësh dhe të jesh serioz për të fituar. Natyrshëm nuk do të jetë ndeshje e lehtë, por nuk është e pamundur për ne të fitojmë.”

NDRYSHIMI I STADIUMEVE – “Prish punë, është e disata herë që e theksojmë. Kur nuk ke një stadium tëndin për të luajtur, është një mungesë jo e vogël. Megjithatë këto janë kushtet dhe duhet të shohim përpara. Është konfirmuar që do luhet në “Selman Stërmasi” dhe i ftoj tifozët të na mbështesin. Dy javët e fundit kanë qenë më të shumtë, por ne nuk ia kemi dhënë kënaqësinë”.

TEUTA NË FORMË TË MIRË – “E thashë përpara, nuk është e lehtë të fitosh në kampionat. Po ndërrohet vendet shpesh, çka tregon se ka rivalitet. Lihet dhe merret pikë me çdokënd. Duhet të jemi seriozë dhe të japim maksimumin. Mundësitë i kemi të marrim tre pikët”.

GJENDJA E TAPETIT – “Jemi në një situatë ku nuk na pyet asnjë, duke nisur që nga fillimi i sezonit. Pas ndeshjes me Torpedon deri në 9 të darkës, kur ekipi shpenzoi shumë energji dhe bëri një ndeshje shumë të mirë, për kam ishim edhe në turin e katërt. Pa u bërë dy ditë e gjysmë, luajtëm në 2 të drekës me Laçin dhe nuk u kujtua asnjë për ta shtyrë ndeshjen të paktën me 24 orë. Këto janë situata që nuk i vendosëm ne. Ne na takon të shohim fushën e stërvitjes dhe të ndeshjes”.

REXHINALDO – “Ka dalë në stërvitje dhe do jetë nesër. Jam i bindur se kërkon dhe jep maksimumin në çdo ndeshje. Urojmë të zhbllokohet, pasi ka nevojë. Penalltia? Nuk do ta quaj gabim, sepse është godit më tepër se duhet. I ndodh kujtdo. Ai ka gjuajtur sistematikisht dhe ka qenë pozitiv. Humbi një mundësi, por nuk duhet bërë tragjike. Me rëndësi është të jetë serioz, përkushtohet shumë edhe në stërvitje. Janë momente ngërçi që u ndodh edhe sulmuesve më të mëdhenj”.

ÇFARË I MUNGON KUKËSIT – “Jemi herët për të folur. Ekipi është i ri. Vetëm Shameti është nga vjet, është ekip i bërë . Mbrojtësit janë të ardhur, kanë kualitet. Por kanë mundësi edhe të mësojnë. Edhe stadiumi ka ndikimin e vet, e kam thënë. mentaliteti është se po shkojmë të luajmë jashtë. Po të kishim pasur stadiumin tonë, do kishim 5-6 pikë”.

GJYKIMI – “Ka momente që edhe ne e humbim qetësinë për arsye të ndryshme. Nuk më takon të merrem me ta, por të merrem me ekipin. Pjesa e gjyqtarëve u takon drejtuesve dhe klubit. Ata kanë kompetencat. Natyrshëm mund të ketë kontestime, por i përkasin të shkuarës”.

PRESIONI NË SKUADËR – “Detyrim janë tre pikët në çdo ndeshje. Sa më shumë pikë mbledh, aq më lart je. Dy ndeshjet e fundit nuk ishin ato që duhet sa i takon rezultateve. Ka kampionat përpara, do gabojnë rivalët. Ne duhet të jemi sa më shumë seriozë dhe të gabojmë sa më pak për t’iu afruar dy vendeve të para.

NGËRÇI I FINALIZIMIT – “E thashë që ekipi është i ri. Kur kam ardhur ka pasur edhe ngërç loje, sot flasim për një Kukës që bën lojë dhe krijon raste. Nuk shënojmë dhe janë shumë faktorë që ndikojnë. Duhet kohë. Pse flasim për një Skënderbe kampion? Sepse kanë luajtur për 5-6 vite bashkë. Patjetër që duhet më shumë personalitet dhe më shumë përgjegjësi sa i përket momenteve që na shfaqen për të shënuar. Futbolli nuk është basketboll, të shkosh 100 herë në tabelë. Në futboll ke 2 raste dhe duhet të jesh pragmatist për të shënuar”.

AFRIMËT QË NUK LUAJNË – “Nuk kanë qenë të dubluara pozicionet kur kam ardhur, por ka pasur pozonte të shterpëta. Ka pasur shumë lojtarë për krahët e sulmit. E thashë që kam marr përsipër aq sa më takon. Nuk dua të gjejmë justifikime, por duhet të marrim përgjegjësi për t’u rritur në rezultate dhe në tabelë”.

“Lamë dy pikë. Jam dakord që në 15 minutat e fundit Tirana ishte më e freskët. Disa nga lojtarët tanë po sakrifikojnë, nuk janë rikuperuar. Janë të detyruar të luajnë. Kukësi luajti më mirë se Tirana. Veç penalltisë, edhe në fund mund të shënonim. Ky është futbolli, por pikët e lëna peshojnë shumë.

“E kam theksuar, Kukësi është ekip i ri në përbërje. Ka edhe djem të rinj që kanë punë për t’u rritur dhe për të marrë përgjegjësi. Edhe dëmtimet janë të rëndësishme. Rrumbullaku, Musolli dhe Shameti janë lojtarë kyç që kanë mbajtur peshën e ekipin. Kanë kontribuar maksimalisht. Kemi pasur dëmtime të Shkodrës, Uilliam, Dzarias, Maliqit. Nuk janë pak besoj të kesh një situatë të tillë. Këto janë problemet tona”.

“Protestat nuk lejohen, por më thoni një që nuk proteston edhe me gjeste. Mendova se mos ishte një gjest anti-sportiv. Nuk shoh diçka shumë shqetësuese për të marrë një masë drastike. Është një vendim i gjyqtarit që më duhet ta respektoj. Lojtari ynë flet veç portugalisht dhe më duket pak e ekzagjeruar”.

“Mungesa e freskisë erdhi prej dëmtimeve. Kishim 4 lojtarë të dëmtuar në fushë, për të mos shtuar edhe mungesat e tjera. Këto situata ndikojnë. Çova Shpehar, çova Krasniqin në nxehmje. Nuk kisha garanci se luante Shkodra dhe do fusja Krasniqin. Shkodra luajti me këmbë të ënjtur. Nuk fusnim dot lojtarë të huaj, pasi e kishim plotësuar numrin. I përgëzoj djemtë për lojën, asnjë nuk është i kënaqur për rezultatin. Është e drejtë ajo që thoni se në fund na ranë pak bateritë”.

“Që kur kam ardhur doja një lojtar që mban topin, jep pasin e fundit. Nëse Shafik del nga loja, zbehemi në sulm. Mund të luash me dy sulmues, por nuk u shkon topi. Me Flamurtarin sakrifikova mesfushor, por sërish e mbajta Shafik në lojë. Është i domosdoshëm, po rritet fizikisht. Ka lënë për të dëshiruar në këtë aspekt. Sa më shumë rritet fizikisht, as më shumë kontribuon në lojë”.

“Presioni është prezent kudo, edhe tek unë. Jam mësuar dhe kam ardhur të bëj më të mirën këtu. Ka qenë një ekip me probleme. Tani luajmë futboll. Nuk kam parë një ekip që e ka mposhtur me futboll Kukësin. Këto janë mundësitë, nuk i trembem asgjëje. Jam i bindur se e kam bërë shumë mirë punën time. Sa i takon presionit, jemi profesionistë dhe dimë ta mbajmë atë.”

Një koment në lidhje me këto lëvizje e ka bërë në konferencën e sotme për shtyp edhe Armando Cungu, trajneri aktual i Kukësit. Sigurisht ai është krah trajnerëve, që sipas tij shpesh bëhen “koka turku” edhe kur nuk janë përgjegjës.

“Është modë në futbollin shqiptar prej vitesh, vijon të marrë trend akoma më tepër nga kampionati në kampionat. Nuk më takon mua të flas, janë presidentët ata që vendosin. Ata e gjykojnë vetë, pasi hedhin lekët. Natyrshëm që jam gjithmonë në krahun e trajnerëve, jo sepse jam vetë trajner, por jo rrallë herë bëhen ‘koka turku’ për situata që nuk i përkasin atyre. Gjithsesi shpresoj të jenë sa më të pakta lëvizjet, pasi do të ndihmojnë në mbarëvajtjen e ekipeve dhe të futbollit shqiptar”, është shprehur Cungu.

Armando Cungu ka folur në konferencën për shtyp para sfidës të së premtes. Trajneri i Kukësit kërkon fitoren, ndërkohë që shpreson që stadiumi të mbushet dhe ekipi të shijojë mbështetjen e munguar të tifozërisë.

Cungu ndalet te dëmtimet e shumta dhe dënimi i Arbër Çyrbjes. Ai dhe klubi presin shumë nga durrsaku dhe besojnë që lojtari do të rikthehet në formën e mirë që kishte te Teuta. Vlerësim për Ilir Dajën dhe Flamurtarin, ndërkohë që trajneri i Kukësit shpreson që të vijnë golat, jo vetëm nga Rexhinaldo dhe mbrojtësit, por dhe mesfushorët e ekipit.

Çfarë prisni nga kjo ndeshje dhe a do i korrigjoni ato gabime që bëtë ndeshjen e parë?
-Ndeshjen e parë, edhe pse dominuam me lojë dhe me raste, një pakujdesi në një goditje standarde na kushtoi humbjen. Gjithsesi jemi në një situatë tjetër, në një ritëm tjetër. Kam bindjen për t’u futur në fushë për të fituar si gjithmonë, por edhe fati të na buzëqeshë pak edhe neve. Futbolli dihet që ka nevojë edhe për pak fat. Uroj të jetë në krahun tonë këtë herë.

Mendoni se ju favorizon fakti që luani në Kamzë, ku do të keni mbështetjen e tifozëve?
-Shpresoj të kemi përkrahje këtë ndeshje, nuk kemi pasur deri tani. Ekipi ka nevojë, shpresoj të jenë sa më të shumtë dhe të përkrahin ekipin. Gjithashtu të jetë një impuls edhe për ekipin që të bëjë diçka më tepër në aspektin e ritmit të lojës.

Çfarë po ndodh me Arbër Çyrbjen?
-Nuk ka asgjë serioze për t’u shqetësuar. Thjesht një dënim i vogël, si rezultat i kësaj klubi ka vendosur ta kalojë për një periudhë tek ekipi B. Nuk ka asgjë për t’u shqetësuar as për ta diskutuar më tepër këtë problem.

A prisni më shumë nga Çyrbja?
-Pres të them të drejtën. Pres kontribut të tij, natyrshëm. Të paktën të japë atë që ka dhënë te Teuta. Edhe vetë lojtari nuk është i kënaqur me rendimentin e tij. Si klub kemi bindjen e plotë se mund të jetë një ngërç momental i Çyrbjes, por i ka të gjitha mundësitë për t’u rikthyer ai që njohim të gjithë.

Si është situata me dëmtimet para ndeshjes me Flamurtarin?
-Kjo javë ka qenë e trazuar, kemi pasur probleme jo pak. Kemi pasur probleme serioze me disa lojtarë, plot pesë lojtarë kanë pasur dëmtime. Kemi pasur pak ditë në dispozicion që lojtarët të rikuperohen. Do presim deri nesër për të parë se sa do të jenë të gatshëm.

Shumë dëmtime, por pak kartonë të verdhë për Laçin?
-Kjo është një pyetje që duhet t’ia bëni arbitrave të ndeshjes. Loja në momente të caktuara ishte e ashpër dhe si rezultat i kësaj është kjo problematikë e kësaj jave sa i takon dëmtimeve.

Ju dëmtojnë dëmtimet?
-Normal që na dëmton, pasi janë lojtarë të rëndësishëm. Na mungojnë edhe Musolli e Rrumbullaku, gati një ekip me dëmtime. Gjithsesi stërvitet një ekip me 25 lojtarë dhe e kam theksuar edhe herë tjetër që mundësia po u jepet të gjithë lojtarëve.

Është koha për revansh ndaj Flamurtarit, apo do ju kënaqte edhe një barazim?
-E kam theksuar se nuk futem në asnjë ndeshje për barazim. Këtë gjë jam munduar t’ia injektoj edhe futbollistëve. Fusha mund të prodhojë rezultate të ndryshme, por primare është të synohet fitorja.

Sa e ka hapur fitorja e Skënderbeut me Partizanin kampionatin?
-Normal një kampionat ka problematikat e veta, edhe pse një ekip mund të ketë një ritëm të mirë. Na ndodhi edhe ne, morëm katër fitore dhe dolëm në krye. Dy rezultate jo pozitive me rivalët, bënë që të humbnim terren. Gabuan edhe kundërshtarët dhe është herë për të folur nëse është i hapur apo i mbyllur kampionati. Jam i mendimit se do të jetë i hapur deri në fund.

Dy humbje me rivalët, por rikuperuat. Çfarë pret më shumë nga ky Kukës?
-Presim përmirësim. Jemi përmirësuar dukshëm nga momenti që kam ardhur. Kemi pasur problematika jo të vogla. Shohim një Kukës që luan futboll, që di të marrë rezultate. Nuk kam parë një ekip që me futboll ta mundë Kukësin dhe kjo është një anë pozitive. Natyrshëm ka vend për përmirësim. Kemi lënë për të dëshiruar në finalizim. Dëmtimet penalizojnë ekipin dhe krijojnë jo stabilitetin e duhur. Gjithsesi do vazhdojmë përpara.

Shënon Rexhinaldo dhe mbrojtja. Kur do realizojë pjesa tjetër e skuadrës?
-E drejtë, është një pyetje që më bëhet çdo javë. Me dëshirën e mirë që të thyhet akulli, shpresoj të futen në lojë edhe të tjerët. Shpresoj që edhe mesfushorët të shënojnë.

Përballë keni Dajën, me cilin jeni mik. I druheni ndonjë strategjie?
-Unë kam mik çdo trajner dhe kam raporte të mira. Është trajner që ka eksperiencë dhe duhet respektuar, sikurse edhe Flamurtari. Prej vitesh investon shumë, por nuk i kthehet mbrapsht investimi. Kam frikë se edhe ky vit do të jetë i njëjtë për ta. Gjithsesi nuk i druhem as unë, as ekipi, asnjë strategjie të kundërshtarit.

Prisnit këtë përgjigje të ekipit? – “Normalisht ishte përgjigje, sepse arritëm të kthejmë rezultatin. Ishim shumë të lehtë, ose xhentil me kundërshtarin në pjesën e pare. Në mesfushë kundërshtari ishte më agresiv, kaluan në avantazh dhe na vunë në pozita jo të këndshme. Me futjen e Dzarias u bëmë më agresive dhe pjesa e dytë foli për ne. Mund ta humbnim ndeshjen, nuk flas për rastin e penalltisë, por për dy raste të rrezikshme në zonën tonë. Edhe mund ta thellonim rezultatin, por komplimente djemve për reagimin.”

Presioni – “Kukësi është një ekip që duhet të jetë në krye dhe afër rivalëve. Fitorja ishte oksigjen per në, por terreni linte për të dëshiruar. Nuk bëhej fjalë për futboll të bukur, por luftë sportive. Kush jep më teper fiton. Nuk e bëmë në pjesën  e parë, por në të dytën e kuptuam se duhet të luftonim për të fituar.”

Pikët më të rëndësishme për skuadrën sesa loja ? – “Pikët janë ato që vlejnë, futbolli është bërë më dy porta, kush merr pikët, avancon. Nuk ishim të kënaqur me dy rezultatet e fundit, por më ka gëzuar loja e ofruar. Mund të marrësh një ndeshje pa luajtur mirë, por jo kampionatin. Sot bëhej fjalë për dëshirë, karakter, nerv sportiv dhe ego kundër kundërshtarit, sepse terreni nuk e krijonte mundësinë e një loje të bukur.”

Pse Limaj dhe jo Dzaria nga fillimi? – “Pyetje shumë e drejtë. Në përgjithësi ka luajtur Limaj për ti dhënë theks sulmit dhe për të krijuar situata në repartin e avancuar. Në Korçë dhe kundër Partizanit përdora Dzarian. Mendova se do të ishim më determinantë dhe agresivë në përgjithësi. Ndërrimet bëhen disa herë të sforcuara për shkak të mbingarkesës së lojtarëve të huaj në mesfushë. Nëse nuk do të pretendonim për futboll me Kastriotin, kundër kujt mund ta bëjmë?”

Pësoni në qendrën e mbrojtjes. Pse ndodh kjo gjë? – “Të kuptoj, i pësojmë golat me lehtësi. Nuk është problem reparti. Në përgjithësi si ekip për shkak të tranzicionit negativ. Mesfusha duhet të ofrohet dhe duhet të ngushtojë repartet. Edhe sot një mesfushor mund të ofrohej, Rrumbullaku u detyrua të sforcohej, duke lënë lojtarin e tij të lirë. Atë mbyllje duhet ta bënte mesfushori. Në momente të caktuar humbasim përqendrimin si ekip dhe jo si individë.”

HUMBJA – “Keqardhja është e madhe, ka dhe momente nervozizmi. Kukësi që në fillim dhe deri tani ka bërë ndeshje të mira, ka krijuar raste dhe ka qenë dominues. Ajo që të vjen keq është pasimi i fundi apo ai final, që çon në shënimin e golit dhe kjo po na mungon. Edhe pse kemi raste, nuk po shënojmë gola në mënyrë të çuditshme. Kukësi luan futboll, por vlerë kanë pikët dhe ne na mungojnë”.

MUNGESAT – “Peshojnë mungesat e Musollit dhe Rrumbullakut që janë lojtarë të rëndësishëm dhe kanë vite që luajnë. Ata janë mësuar me fitore, trofe dhe marrin përgjegjësi. Nëse do të dalësh kampion duhet të jesh kampion. Partizani ka dhe lojtarë të rinj që bëjnë diferenca në momente të caktuara dhe marrin përgjegjësi. Mund të veçoj këtu Asanin”.

ECURIA – “Jam i bindur se do të gabojë dhe kundërshtari. Janë dhe tre faza. Kjo pauzë vjen në momentin e duhur që skuadra të kuptojë, që fitimi i titullit duhet të demonstrohet në fushë dhe jo me fjalë. Në jemi kritikuar që nuk luajtëm futboll, por morëm rezultat. Tani po prodhojmë, por nuk po shënojmë. Sërish po kritikohemi. Kur vjen puna në fushë kemi tension dhe gabojmë, ndoshta dhe se kemi një ekip me djem të rinj. E them javë pas jave se kemi shumë afrim, diku tek 13 lojtarë. Janë djem të rinj që premtojnë, por kanë ende për të mësuar”.

SULMI – “Rexhinaldo ka bërë mirë më parë, ai është një lojtar goli. Nuk ka qenë në nivelin që pritet në këto dy ndeshje. Nuk ka munguar kërkesa e llogarisë nga unë, por kemi pak alternativa për të dhe kjo është një problematikë që duhet pranuar, edhe pse presidenti ka qenë mjaft aktiv. Ai e ka bërë detyrën e tij duke investuar, por nuk kanë qenë të suksesshëm ato lojtarë që mund të jenë alternativa për të. Përgjegjësia do ishte më e madhe sikur të kishte pak më shumë konkurrencë.Më mirë të humbasim me një lojtarë vendas që është djalë i ri, që ka dëshirë për të luajtur futboll, se sa me të huajt”.

RASTI I PENALLTISË – “Gjyqtari është shumë afër dhe është vendim i tyre. Nuk mund të gjykoj unë. Përveç këtij rasti gjykimi ishte shumë korrekt. Edhe në Korçë ishin shumë korrekt, 11-metërshi ishte atje. Komplimente për gjyqtarët”.

KONTIGJENTI DHE MERKATO – “Është e nevojshme ndërhyrja në janar, pasi lojtarët që kemi në dispozicion i kemi aktivizuar dhe u është dhënë mundësia. Edhe Partizani nuk është se ka një lojtar që shquhet para porte, por golat shpërndahen. Kundërshtari ka lojtarë me eksperiencë dhe me personalitetin e duhur, por dhe të rinj që marrin përgjegjësi dhe bëjnë diferencën. Ndërhyrja në merkato është evidente. Ne gabuam sapo nisi ndeshja, pasi mjaftonte vetëm ta frynte dhe jo ta godiste. I kemi ndryshuar lojtarët e krahëve për të krijuar diçka më tepër, por kontributi në përgjithësi ka qenë shumë i vakët”.