Pjesëmarrja e klubit futbollistik Lugina në Kupën “Pavarësia”, mbështetje nga FSHF për Klubin Lugina në bazë materiale (uniforma,topa etj), pjesëmarrja në seleksionimet e grupmoshave në FSHF, licencimet e trajnerëve; UEFA C dhe UEFA B në FSHF dhe trajnimet për arbitrat, këto ishin pikat ku Armand Duka, pasi ka ndjekur rezymenë e paraqitur u afroi ndihmë shqiptarëve nga Lugina e Preshevës.

Duka garantoi plotësimin e të gjitha kërkesave që ata paraqitën, e njëherësh ngarkoi një grup pune për të ndjekur detajet e plotësimit të tyre, por edhe garantoi mbështetjen institucionale e personale për zgjidhjen e problemeve që ka futbolli në këtë krahinë. Në fund, ai pranoi me kënaqësi, kërkesën për të vizituar Preshevën dhe për tu njohur nga afër me problematikën e futbollit në krahinën e saj.

Tryeza “Siguri-Reformim-Modernizim” ka 102 ditë që është mbledhur. Nga atëherë ka pasur edhe takime të FSHF-së me Ministrinë e Financave dhe Ekonomisë. Vetë kreu i federatës, Armand Duka, e ka thënë edhe më parë që kërkesat e tyre nuk do të plotësohen nga qeveria. Takimet e bëra e kanë bindur atë.

FSHF hartoi edhe një draft, duke u konsultuar edhe me klubet. Kërkesat ishin këto: “Formalizimi i klubeve profesioniste, duke bërë 0 tatimin mbi të ardhurat dhe sigurimet shoqërore të tyre për sa paku 5 vite. Tvsh 0 për investimet në sport dhe materialet sportive, terrenet sportive t’u kalojnë klubeve pa shpërblim, për çdo investim në infrastrukturë nga klubet qeveria të kontribuojë me 50 %, disa ndryshime në Ligjin për Sportin, disa ndryshime në Kodin Penal për të mbrojtur atmosferën sportive, hartimin e Ligjit të Sponsorizimit në Sport, ku kompanive 30% e taksave u zbriten për investime në sport”.

ÇFARË DEKLARONTE RAMA – Më 11 mars, përpara mediave dhe përfaqësuesve të botës së sportit, Rama deklaronte: “Duhet t’i japim fund teatrit që bëjnë klubet shqiptare në aspektin e deklarimit të pagave të lojtarëve. Boll më me lojtarë që deklarohen paguhen sikur punojnë në fasoneri. Kjo nuk mund të vazhdojë. Jemi të gatshëm ta zerojmë tatimin nga fitimi për lojtarët për disa vite me kushtin që të deklarohen të ardhurat e futbollistëve.

Dhe kohën ta përcaktojmë, 5, 7 apo 10 vjet. Duhet te heqim taksat mbi ndërtimet sportive, njësoj siç kemi bërë për Hotelet me 5 yje, për Agro-Turizmin, s’kemi pse mos ta bëjmë për ndërtimet sportive, si dhe uljen në 6% të TVSH. Nuk është se ne jemi duke ndërtuar stadiume në të katër anët e vendit dhe po na goditet buxheti. Është një fazë që kemi nevojë për t’i dhënë një shtytje përpara futbollit, dhe për ta kthyer futbollin nga një aktivitet të organizuar me pasion dhe tifozllëk në një industri të mirëfilltë”.

SITUATA AKTUALE – Asgjë nuk ka ndodhur. Sot pritej të kalonte ligji që dënon dhunuesit në stadiume, por edhe ai nuk kaloi. Për paketën e re fiskale apo propozimet që FSHF ka bërë në emër të klubeve, ende qeveria nuk është gati të krijojë lehtësira dhe t’i japë “oksigjenin” e nevojshëm sportit dhe futbollit në veçanti. Ardjan Takaj e dinte se do ndodhte kështu, gjithashtu edhe shumë të tjerë e kanë menduar. Fundja nuk është se nga politika ka ardhur ndonjë e mirë për sportin, veç ndonjë stadiumi që detyrimisht duhet të jetë multifunksional. Për të parë të bëhet një fushë stërvitore, ndoshta duhet pritur viti 2354…

VLADIMIR PRENGA

“Do fillojmë punën për pallatin e ri të sportit, pasi keni pasur një skuadër kampione në basketboll, që stërvitej në Durrës dhe luante në Tiranë. Edhe i thonë Apolonia. As nuk i shikonit, as nuk ju shikonin. Pallatin e sportit do e ndërtojmë aty ku ka qenë këndi i vjetër i lojërave. Ndërkohë kemi folur edhe për stadiumin e ri të Fierit. E meriton të ketë një stadium, një stadium të ri, jo aty ku është i vjetri. Do të jetë diku ku do e vendosim me Bashkinë”.

NJOFTIMI I FEDERATËS – Ditën e sotme, kreu i FSHF-së, Armand Duka, ka qenë në Fier dhe njoftohet se qeveria e futbollit shqiptar do të investojë në stadiumin e ti të Fierit. FSHF njofton si më poshtë: “Federata Shqiptare e Futbollit prej vitesh po investon për përmirësimin e infrastrukturës sportive në Shqipëri. Shuma të mëdha janë investuar për ndërtimin e stadiumeve të rinj, ndërrimin e tapeteve në impiantet ekzistuese, vendosjen e sistemeve të ndriçimit si edhe ndërtimin e fushave stërvitore për disa klube.

Në kuadër të projekteve ambicioze që FSHF ka për përmirësimin e infrastrukturës, është edhe ndërtimi i një stadiumi të ri në qytetin e Fierit. Për këtë qëllim, Presidenti FSHF, Armand Duka, ka zhvilluar një takim me Kryetarin e Bashkisë së Fierit, Armando Subashi, dhe Presidentin e klubit Apolonia, Koço Kokëdhima.

Në këtë takim është rënë dakord që të filloj puna për projektimin e një stadiumi të ri me kapacitet 6000-8000 vende, në të cilin FSHF ka marrë përsipër 1/3 e investimit, me pjesën tjetër që do të duhet të investohet nga Qeveria dhe Bashkia Fier. Shumë shpejt pritet të filloj puna dhe për ndërtimin e stadiumit të ri në Kukës, në të cilën Federata Shqiptare e Futbollit ka një rol të madh si investitori kryesor”.

“Ka qenë një kampionat i merituar nga Partizani. Ka pasur pak konkurrencë do të thoja, e ka siguruar disa javë përpara përfundimit. Kjo tregon që ka pasur pak konkurrencë në fitimin e titullit. Kanë qenë bindës nga java e parë deri në të fundit. Tirana në rrezik? Kjo është loja, kjo është gara, futboll do luhet edhe në Kategorinë e Parë. Unë nuk ia uroj kurrë Tiranës që të bjerë”, shprehet Duka mes të tjerash në RTSH Sport.

Presidenti i Federatës foli edhe për fenomenin e tolerimeve të ndeshjeve: “Tolerimi ka ekzistuar, fatkeqësisht. Është i dëmshëm, është një nga sëmundjet kryesore të lojës. Uroj që të eliminohet 100 për qind. Gjithsesi nuk e besoj. Madje për disa duket e pabesueshme pse ky që nuk i duhet lufton kundër këtij që i duhet. Normalisht duhet të luftosh, por që të motivohesh dhe të luftosh pavarësisht se nuk të duhen pikët apo ndeshja, nuk është vetëm çështje ndërgjegje. Janë shumë faktorë në mes.”

FSHF së fundmi ka pasur takime me përfaqësues te Ministrisë së Financave dhe Ekonomisë, por Duka nuk është optimist se paketa fiskale që qeveria do miratojë do jetë ajo që kanë propozuar. “Zhvillimet e deritanishme nuk më duken sikur do të na çojnë në realizimin dhe plotësimin e atyre kërkesave, apo në realizmin e asaj pakete që ne mendojmë që mund të zhvillojë sportin”, shtoi Duka.

Në fund ai flet edhe për dënimin që UEFA ka dhënë për Skënderbeun, duke u shprehur se nëse përdoret i njëjti standard, i bie që të dënohen të gjitha ekipet. “Nëse do të përdorim atë precedent në gjithë gjykimet, qoftë në Shqipëri, apo edhe në vendet e tjera, atëherë të gjitha klubet në Europë duhet të dënohen sipas kësaj prove që është informacioni i kompanive të basteve”, përfundoi Duka.

Së fundmi Duka ka dhënë një intervistë dhe flet në lidhje me Panuçin dhe atë që i mungoi kombëtares gjatë periudhës që ai ishte në pankinë. “E vetmja mënyrë, që një skuadër relativisht e vogël, siç është Shqipëria, për të pasur rezultat pozitiv, është atmosfera pozitive dhe bashkimi i të gjithëve rreth asaj që vërtetë shqiptarët e duan. Panuçi nuk arriti ta bëjë këtë

”, ka deklaruar Duka mes të tjerash në RTSH Sport.

Më tej ai ka komentuar edhe refuzimin që Fiorin Durmishaj i bëri Shqipërisë. “Durmishaj ka qenë pjesë e Shqipërisë U19 dhe U21. Një ditë të bukur u zgjua dhe hoqi nga Instagrami fanellën e kuqe dhe vendosi atë me ngjyrë blu”, është shprehur me ironi Duka.

Diskutimi u soll rreth dhuna së shfaqur në sport në Shqipëri. Dhuna është tentuar të luftohet nga vetë Federatat sportive, por masat e marra  kanë qënë të pamjaftueshme dhe nuk kanë arritur t’i japin përfundimisht fund dhunës.

“Ka ardhur momenti që të ndërmarrim ndryshime dhe masa më strikte për adresimin e këtij fenomeni. Në këtë kuadër, për parandalimin e dhunës në sport, Ministria e Arsimit, Sportit dhe Rinisë në bashkëpunim me Ministrinë e Punëve të Brendshme kanë ngritur një grup pune dhe kanë hartuar disa ndryshime në Kodin Penal”, theksoi mes të tjerave drejtuesja e këtij dikasteri.

DUKA – “Më vjen mirë që jemi mbledhur në këtë tryezë për të folur për minimizimin e akteve të dhunës në sport. Unë nuk besoj se ne këtu jemi ekspert që mund të bëjmë një diskutim mbi nivelet që duhet ndërhyrë në Kodin Penal për të ndihmuar eliminimin e fenomeneve të dhunës. Nuk mund të kundërshtoj asnjë qëndrim të kolegeve të mi. Niveli i ekspertëve që i ka hartuar ka parashikuar disa masa që të përfshihen në Kodin Penal. Duhet të ketë një saktësim, që të mos ngatërrohet kundra-vajtja penale për spektatorët me pjesën sportive. Kodi Penal në asnjë rast nuk duhet të ndërhyjë në drejtësinë sportive. Do doja që të ketë përcaktime më të qarta, që të ketë sa më pak subjektivizëm.

Vëmendja e qeverisë dhe e politikës ndaj sportit nga viti 1990 e deri më sot nuk ka qenë kurrë në lartësinë e duhur, nuk kemi qenë kurrë në qendër të vëmendjes dhe vazhdojmë të jemi në të njëjtën qasje dhe sot. Mënyra sesi Shqipëria do ta drejtojë sportin, nëpërmjet një ministrie që ka brenda Arsimin, Rininë dhe Sportin, më duket e vështirë. Me vetëm një zëvendës ministër që nuk ka një aparat, nuk besoj se mund të prodhojmë shumë. Një zëvendës ministër nuk mund të prodhojë as strategji për futbollin dhe as projektligje, kjo për faktin se nuk ka një administratë dhe nuk ka një buxhet të dedikuar.

Shqipëria duhet të ketë patjetër një institucion që përgjigjet vetëm për sportin, gjithmonë nëse Shqipëria e ka në synim të ketë sport në këtë vend. Nëse e konsiderojmë sportin të rëndësishëm duhet të ndryshojmë qasje. Ka ardhur momenti që asnjë sport të mos vijë në dyert e Ministrisë për të kërkuar lëmoshe, por të ndërtojmë një paketë ligjore që t’i bëjë këto sporte të zhvilluara, të kenë mundësi të mbajnë veten. Realisht kam dyshime nëse e sigurojnë mbijetesën, luftojnë shumë që të mbijetojnë. Duhet një reformë e thellë ligjore.

Ne kemi bërë një draft me propozimet tona për të ndërhyrë në disa ligje gjatë tryezës që zhvilluam me Kryeministrin Rama. Nëse nuk bëhet këto ndryshime në Ligjin për Sportin, Ligjin për Sponsorizimet, Ligjin për të ardhurat personale, Ligjin për TVSH-në dhe nxitjen e investimeve në sport. Ne nuk kemi një strategji të qeverisë shqiptare sesa pallate sporti do të ndërtohet në këtë vend në pesë vitet e ardhshme, sa palestra për peshëngritje apo mundje e fusha futbolli.

Sot në Tiranë luajnë futboll 8 mijë fëmijë. 50 fëmijë është standardi për të luajtur në një fushë, do të thotë që Tirana duhet të ketë 160 fusha futbolli. Kjo tregon situatën ku jemi sot. Eliminimi i dhunës është shumë i rëndësishëm, por janë po ashtu shumë të rëndësishme edhe këto të tjerat për të pasur sport, për të pasur federata, për të pasur klube. Duhet të ndërtojmë një infrastrukturë ligjore që të zhvillohen, të rriten, dhe jo të kërkojnë lëmoshë.

Për t’u rikthyer te futbolli, sporti që unë përfaqësoj sot në këtë tryezë, duhet të them se futbolli është një industri e fuqishme. Një industri që ka dhënë rezultate jo të këqija kohët e fundit, por që mund të shkojë akoma më përpara dhe ndryshime ligjore që ne kërkojmë nuk janë ndryshime për ti falur futbollit. Këto janë ndryshime ligjore ku Qeveria investon për të fituar nga futbolli si industri. Nëse investohet në futboll, ato para rimerren.

Nuk janë para të investuara dhe të falura. Sot nuk kemi klube të mirorganizuara, nuk jemi me një bazë ligjore të fortë. Kjo është arsyeja pse duhen bërë të gjithë ato ndryshimet që unë kam renditur më lart. Besoj se të njëjtën gjë mendojnë edhe kolegët e mi sot në këtë sallë. Duke pasur këtu ministren Shahini, duam që ta kërkoni fort këtë ndryshim në qeveri. Ne duam më shumë vëmendje, ne kërkojmë një institucion të dedikuar për sportin që të ketë strategji të qarta për sportin.

Nëse do të ishte një institucion që ka objektiva të qarta për sportin, gjithkush do të dinte se çfarë do të bëhej. Një nga ligjet që do ta ndihmonte më shumë sportin është Ligji për Sponsorizimet. Unë kam pasur një takim me Ministren e Financave pak ditë më parë, dhe më  vjen keq të them se nuk shoh asnjë mundësi që ai propozim që ne kemi bërë të pranohet. Ju duke qenë nga Kosova, na sillni vetëm Ligjin e Sponsorizimit që aplikohet në Kosovë, asgjë më tepër”, ka deklaruar Duka.

Përveç ligjit që parashikon dënime të ashpra në sport, duhen edhe lehtësira fiskale për ata që investojnë në sport. Në kushtet kur të ardhurat që prodhon sporti janë minimale, nuk ka shpëtim tjetër. Askush nuk dëshiron të hedhë paratë e familjes së tij apo të biznesit në një “gropë të zeze”.

Së fundmi kreu i Federatës Shqiptare të Futbollit, Armand Duka, ka pasur një takim me ministren e Financave dhe Ekonomisë, Anila Denaj. Draft-Projekti për ndryshimet ligjore që kërkohen ka qenë tema e diskutimit dhe tashmë pritet të mësohen konkretisht ndryshimet ligjore. FSHF zbulon detaje të takimit që pritet të prodhojë edhe ndryshime rrënjësore në futbollin shqiptar.

NJOFTIMI – Presidenti Federatës Shqiptare të Futbollit, Armand Duka, i shoqëruar nga anëtari i Komitetit Ekzekutiv Bardhyl Minxhozi, zhvilloi ditën e sotme një takim me Ministren e Financave dhe Ekonomisë, Anila Denaj. Në qendër të bisedës së zhvilluar ndërmjet tyre ishte draft-projekti për përmirësimin paketës financiare që do të ndihmojë reformimin e sportit.

Presidenti Duka diskutoi me ministren Denaj për ndryshimet ligjore në paketën financiare të propozuara nga FSHF në këtë projekt reformim. Prej disa kohësh grupet e punës kanë pasur vështirësi në gjetjen e një gjuhe të përbashkët, ç’ ka ka krijuar një lloj ndalese në vijëmësinë e procesit. Ministrja e Financave dhe Ekonomisë, zonja Denaj, ka shprehur gatishmërinë për përshpejtimin e kësaj reforme dhe ka ngarkuar Drejtorin e Kabinetit, z. Ervin Mete, për të ndjekur në vazhdimësi këtë proces. Ndër pikat e diskutuara ishin Ligji për Sponsorizimet, Ligji për Tatimin mbi të Ardhurat dhe Ligji për TVSH-në.

Të gjitha këto ndryshime do të diskutohen në grupet e punës që janë ngritur më parë pranë Këshillit të Ministrave dhe më pas kjo paketë ligjore do të dërgohet në Komisionin e Ligjeve dhe Komisionin e Ekonomisë për të marrë miratimin përpara dërgimit në Parlament për votim.

Trajneri Xhani De Biazi donte një vend të qetë dhe zgjodhi që skuadra të përgatitej në Peros Girek. Italiani nuk u kundërshtua nga FSHF dhe kështu ikën të ardhura të rëndësishme. Zhurma e Parisit në fakt nuk do të kishte qenë e përshtatshme për t’u përgatitur skuadra.

Kreu i Federatës Shqiptare të Futbollit, Arman Duka, në lidhje me atë që ndodhi në verën e vitit 2016, për ABC News ka sqaruar vendimin e marrë atëherë. “Ne nuk kemi shkuar në një nga resortet që kishte zgjedhur UEFA, por zgjodhëm vetë një resort atje sepse plotësonte disa kritere teknike që kërkonte trajneri dhe stafi i ekipit kombëtar.

Në Francë kemi qenë vetëm më një objektiv, për të pasur performancën maksimale dhe për t’i krijuar kushtet sa më të mira ekipit. Ishte një ëndërr e realizuar, që nuk mund ta shpërdoronim”, ka përfunduar Duka deklaratën e tij.

“I uroj mirëseardhjen trajnerit të ri. Nuk është se ka nevojë për shumë prezantim, ju e njihni dhe i keni publikuar të dhënat e tij. E falënderoj që pranoi ofertën tonë. Padyshim që uroj që së bashku me stafin e tij të bëhet një punë e mirë dhe të kemi një paraqitje të mirë.

Mendoj se kemi elementë cilësorë. Kemi lojtarë që luajnë në ekipe të mira. Kanë nevojë për motivim, për frymë grupi. Reja me eksperiencën që ka mundet t’ua japë motivimin dhe vendosjen në fushë“, tha Duka.

“Jemi takuar pas ndeshjes, patjetër i kam kërkuar një opinion. Shkëmbyem mendime sportive. Nuk e kam menduar atëherë, por pastaj lindi si ide. Kam qenë në Bolonja dhe jam takuar, është thënë në media. Ajo që më ka bindur më shumë është eksperienca e madhe dhe mënyra se si i ka trajtuar problemet në tavolinë. Por edhe njohja e lojtarëve tanë, jo vetëm të atyre që ishin në Shkodër”.

“Lenjani? Në dy këndvështrime nuk do i thosha jo. E para më ka gëzuar mua edhe ju me kontributin e dhënë në këto 7-8 vite. E dyta, nëse do thosha jo,  do kushtëzoja trajnerin në zgjedhje. E treta, po e shtoj edhe këtë, atij i ka shkuar ftesa shumë jashtë afateve të përcaktuara nga FIFA”.

Sky Sport raporton se të mërkurën do të ketë një takim final mes Rejës dhe Armand Dukës. Tekniku italian kërkon që të nënshkruajë fillimisht për një vit, kurse FSHF dëshiron që kontrata të jetë 2-vjeçare. Një zgjidhje do të vijë edhe për këtë pikë.

Pikëpyetje ka edhe për stafin që do e shoqërojë Rejën. Alesandro Kalori është emri më i përfolur, por ka një problem. Së fundmi ai është larguar nga Ternana, klub me të cilin ka një kontratë dhe duhet të gjejë një zgjidhje.

ASAMBLEJA – “Gjëra e rëndësishme në këtë asamble është e qartë, që ne duhet të bëjmë një hap ndryshe sot. Të bëjmë një hap cilësor për ndryshimin e futbollit në Shqipëri. Futbolli ka pasur një zhvillim të jashtëzakonshëm deri më sot. Ka nevojë për një hap tjetër cilësor, për një organizim më të mirë të anëtarëve të tij, për një modernizim të lojës, për një reformin të anëtarëve, gjë që duhet të bëjmë nëpërmjet politikave apo sistemit të licensimeve që ka federata e futbollit dhe nëpërmjet ndryshimeve ligjore për të ndihmuar jo vetëm klubet, por edhe njerëzit dhe individët që investojnë në futboll.”

OBJEKTIVAT E FEDERATËS – “Mendoj që kemi një federatë të konsoliduar. Duhet të kemi anëtarë të organizuar mirë dhe në rast se ndodh kjo gjë patjetër që do të prodhojnë një futboll akoma më të mirë.”

TRAJNERI I KOMBËTARES – “Asambleja ka marrë kohën e vet të përgatitjes, si nga ana ime si nga pjesa tjetër e stafit. Detyra tjetër tashmë që përfunduam asamblenë është të plotësojmë stafin kombëtar gjatë kësaj jave.”

FINANCAT DHE ORGANIZIMI I KLUBEVE – “Kur themi klubet, klubet janë shumë, pasi janë jo vetëm të kategorisë superiore. Nëse do të marrim në këtë këndvështrim nuk janë solide. Nëse mendojmë për të hedhur atë hap cilësor, të gjithë anëtarët tanë duhet të jenë solidë. Futbolli nuk duhet të presë financime nga jashtë, por duhet t’i prodhojë vetë dhe për këtë arsye duhet të jenë më të organizuar klubet. Kur them klubet, nuk flas vetëm për Kategorinë Superiore që janë në nivelin maksimal, por kemi dhe klubet e Kategorisë së tretë. Për këtë arsye duhet të bëjmë maksimumin që t’i rrisim për të prodhuar një futboll sa më të sigurt.”

DHUNA NË STADIUME DHE BASHKËPUNIMI ME POLICINË – “Me policinë e shtetit bashkëpunimi i federatës dhe i klubeve gjatë kësaj kohe ka qenë shumë i mirë. Çdokush ka marrë përsipër detyrat e veta, federata dhe klubet organizimin dhe policia ruajtjen e rendit dhe kordinimi dhe bashkëpunimi mes nesh ka qenë më i mirë. E kam thënë dhe herë tjetër, futbolli është garë dhe emocion dhe herë pas here mund të shfaqen probleme të tilla. Problemi është se si sillemi ne me këto fenomene dhe si duhet t’i eleminojmë. Të gjithë bashkë, jo vetëm federata apo klubet, por të gjithë bashkë.”

LIGA PROFESIONISTE – “Liga profesioniste është regjistruar dhe ka nisur aktivitetin e saj dhe avash avash do të marrë të gjithë atributet që i takojnë.”

ARENA KOMBËTARE – “Edhe dje e kam vizituar “Arenën Kombëtare”, po punohet me shumë itensitet. Objektivi që i kemi vënë Kompanisë është qershori, pra inagurimi i “Arenës Kombëtare” në qershor.”

Pasuesi i Kristian Panuçit përbën interes të madh dhe në lidhje me trajnerin e ri të kombëtares Duka tha: “Kam thënë se në prill do të emërohet dhe sot jemi më 12 prill. Muaji nuk ka mbaruar. Besoj se javën tjetër do të kemi caktuar jo vetëm trajnerin, por krejt stafin”. Fokusi më pas ishte te hallet e futbollit tonë.

Vllaznia dhe stadiumi “Loro Boriçi”, një koment edhe për to: “Nuk ka asnjë diskutim se sezonin e ardhshëm Vllaznia do të jetë në Kategorinë Superiore. Ka bërë një kampionat të mirë, pavarësisht se në situatë të jashtëzakonshme për të. Shtëpia e Vllaznisë është në Superiore dhe madje në vende nderi. Unë uroj që edicionin e ardhshëm të jetë në lartësinë e emrit që ka. Shkodra është vendlindja e futbollit shqiptar, ndaj meriton ta ketë Vllazninë sa më lart. Tradita e futbollit këtu është e madhe, në Shkodër ka pothuajse më shumë interes për këtë sport, dalin më shumë talente futbolli se në çdo qytet tjetër të Shqipërisë. Stadiumi? Jemi në proces për t’ia dorëzuar bashkisë së qytetit. Punë ditësh dhe kjo stafetë do të jetë kryer”.

DHUNA DHE FUTBOLLI I TAVOLINAVE – “Ju më pyesni se po shohim dhunë fizike edhe mes presidentëve të klubeve, rrugëve, apo ka trajnerë që deklarojnë se rezultatet vendosen në tavolinë… Kjo është garë dhe patjetër që ka emocionet e veta. Gjithsekush është mirë t’i kontrollojë ato, madje t’i shfrytëzojë pozitivisht për të mirën e kësaj loje. Është fundi i një kampionati, të gjithë kërkojnë të marrin maksimumin. Ky maksimum merret përmes lojës, me sa më shumë angazhim, organizim dhe respektim të rregullave”, përfundoi Duka deklaratën e tij.

“Gjatë këtyre ditëve do të konkretizojmë ndonjë gjë më shumë. Edi Reja është një trajner shumë i mirë, sikurse janë edhe disa të tjerë. Gjithsesi nuk kam bërë asnjë bisedë konkrete. Nuk duhet të nxitohemi. Kemi një lloj kohe për të vendosur dhe nuk kemi pse të nxitohemi për ndeshjet e qershorit.

Ajo që i jep me shumë avantazh një kandidati shqiptar është fakti që mund ta njohë më mirë mentalitetin dhe mënyrën e komunikimit dhe ambientin. Nuk besoj se ka teknikë të përgatitur, le të themi në nivelin teknik me eksperiencë të futbollit ndërkombëtar, mjaftueshëm në Shqipëri. Por duke pasur parasysh, kur themi trajner shqiptar që jetojnë në Shqipëri dhe jashtë saj, ekzistojnë mundësitë, pse jo”, ka deklaruar Duka.

“Besnik Hasi, Arjan Peço… mund të na jepni ndonjë emër? Rrotull këtyre emrave, pasi të tjerë nuk ka. Pse jo edhe Ervin Bulku, pse jo edhe Sul Mema, pse jo edhe ndonjë tjetër. Nuk e di nëse ishte kundërshtari modest, por përgatitja në një kohë të shkurtër, vetëm dy ditë, nga Bulku dhe Mema, për mua ka qenë maksimal”, përfundon Duka.

“Nuk kam menduar për asnjë emër. Ishim të përqendruar për të përgatitur ndeshjen me Andorrën. E komplimentoj Bulkun dhe Memën. Tanin nisim të mendojmë. Humbëm me Turqinë dhe nuk kemi pse qajmë se humbëm, do humbin edhe të tjerët. Në këtë fushë një nga ekipet do ngecë. Gëzohem që nuk ishim ne”.

“Deklarata e Edi Rejës? E kam lexuar, nuk i referohet emrit tim. E kam takuar dhe kam diskutuar se si e pa skuadrën. Nuk kishte ardhur për të qenë trajner. Më tha që është e vështirë me atë që pa me Turqinë. I thashë që kemi emra të mirë. Nuk ka një propozim  në tavolinë nga ana jonë”.

“Trajner shqiptar? Nuk besoj. Ka bërë punë të mirë Bulku dhe Mema këto dy ditë. Në një situata të tillë, kur vendosa para Andorrës ta largoja trajnerin prisja reagim. Kështu ndodhi. Pati dëshirë në fushë, normal pati luhatje dhe momente stresuese. Me një rezultat 1-0 je gjithmonë në stres. Lojtarët me eksperiencë e morën përsipër ndeshjen”.

“Shkarkimi pas Skocisë? Nuk jam penduar, kam pasur bindjen që nuk kemi mundësi të ndryshojmë. Isha i bindur se Panuçi me stafin mund ta përgatiste më mirë. Pashë që nuk kishte ndryshim dhe duhet të fitonim me Andorrën. Ndaj e hoqa. Mund të ketë edhe shqiptar që ta drejtojnë Shqipërinë. Do ishte mirë që kombëtaret të kenë trajnerë vendas. Kemi marrë disa avantazhe nga të huajt. Duhet të vëmë në peshë trajnerët shqiptarë dhe të huaj. Më pas do vendosim”.

“Afrimet nga U21? Nuk është për të ngrohur lojtarët, por ata që mund ta ndihmojnë ekipin. Nuk ka dallime moshe, krahine apo çdo gjë tjetër. Ishte Lima i Andorrës, 40 vjeç. Ishte në kombëtare se nuk ka më të mirë. Më të mirët vijnë aty, duhet merituar. Çdo trajner duhet të zgjedhë më të mirët. Edhe Turqia kishte Emre, 38 vjeç”.

“Bota e futbollit është zvogëluar, të gjithë trajnerët i njohin ekipet. Edhe ne i njohim, madje edhe klubet, specifikat dhe lojtarët që kanë. Me mjetet e informacionet nuk ka më trajnerë që nuk njohin ambientin. Ndryshimi i trajnerit të huaj me atë vendas është vetëm te njohja e mentalitetit”.

“Trajneri, me plan afatgjatë, apo? Nuk është shumë e lehtë të përcaktosh sa do zgjasë. Edhe me Panuçin e kishim menduar deri në nëntor. Askush nuk do marrëveshje të shkurtër. Ajo vlen jo vetëm për atë, por edhe për ne”.

“Festa në dhomat e zhveshjes? Është e vërtetë që u krijua një lloj stresi, jo artificial. Nëse shikoni ndeshjet e Andorrës, kanë humbur vetëm me Islandën. Më vjen mirë që ekipi e kishte ndjerë përgjegjësinë e ndeshjes dhe festoi sikur të ishim kualifikuar në Europian”.

Gjatë takimit, Presidenti Duka njohu Ambasadorin Balla me zhvillimet e mëdha që ka njohur futbolli shqiptar gjatë viteve të fundit, të cilat njohën kulmin me kualifikimin historik të Shqipërisë në finalet e kampionatit Evropian “Francë 2016”. Ambasadori Balla është një njohës i mirë i gjuhës shqipe dhe shqiptarëve, pasi më herët ka shërbyer edhe si ambasador i Hungarisë në Kosovë.

Presidenti Duka falenderoi ambasadorin e Hungarisë për mbështetjen dhe për kujdesin që ai po tregon në zhvillimin e mëtejshëm të marrëdhënieve dypalëshe në aspektin sportiv, si edhe e ftoi që të jetë edhe ai në stadium për të ndjekur ndeshjen Shqipëri-Turqi në stadiumin “Loro Boriçi”.

Ndërkohë është përcaktuar edhe slogani i këtij bashkëpunimi dhe ai do të jetë “Ne jemi Një”. Vodafone ka qenë edhe në të shkuarën sponsor i kombëtares sonë. Kreu i FSHF-së, Armand Duka, e ka komentuar kështu marrëveshjen e nënshkruar:

“FSHF dhe Vodafone Albania kanë një histori të gjatë bashkëpunimi. Ndoshta jo rastësisht kemi të përbashkët ngjyrën e kuqe, por dhe vendosmërinë për të arritur rezultate sa më të larta. Prej Vodafone Albania, që është sot lider në tregun shqiptar, FSHF nuk do të përfitojë vetëm mbështetjen financiare, por edhe mentalitetin e liderit, e fituesit. Jemi në prag të një edicioni shumë të rëndësishëm, të eliminatoreve EURO 2020. Uroj që të kemi fillimin e mbarë me ndeshjen ndaj Turqisë e që kjo marrëveshje të na sjellë fat”.

Drejtori i Përgjithshëm i Vodafone Albania, Z. Achilleas Kanaris, shtoi: “Jemi shumë krenarë që nisim këtë partneritet me ekipin Kombëtar shqiptar. Në çdo vend ku ne operojmë nuk duam të konsiderohemi vetëm si një kompani e madhe, por edhe si investitorë të vazhdueshëm në gjithçka që ka rëndësi për komunitetin. Për ne ishte shumë e thjeshtë t’i thonim ‘po’ këtij sponsorizimi, duke parë se skuadra Kombëtare e Futbollit është pikërisht ajo që i bën shqiptarët krenarë, të bëhen bashkë, të qajnë, të lumturohen, të brohorasin. Pjesë e bukur e këtij bashkëpunimi është padiskutim përdorimi i teknologjisë, që u mundëson fansave të jenë gjithnjë të lidhur me skuadrën e tyre të zemrës, kur janë në fushë por edhe jashtë saj. Ju uroj suksese në ndeshjen me Turqinë dhe në vijim, drejt kualifikimit”.

STRAKOSHA – “Është një nga lojtarët tanë më të rëndësishëm dhe një nga më kualitativët. Gjithsesi disiplina është lojtar akoma më i rëndësishëm për skuadrën. Nga ajo që kam folur me trajnerin, portieri nuk ka pasur arsye objektive që të mungonte. Humbim teknikisht, por fiton disiplina. Është një mësim për lojtarin, që kombëtarja është mbi gjithçka”, u shpreh Duka.

TENSIONI NË SUPERIORE – Kreu i Federatës Shqiptare të Futbollit komentoi edhe atë që ndodhi në ndeshjen e djeshme mes Kastriotit dhe Tiranës. Duka pranon se kushtet e sigurisë nuk plotësohen të gjitha në stadiumin “Redi Maloku”, por nga ana tjetër thekson se Policia bëri detyrën.

“Në Kamzë thamë pse policia private nuk ndërhyri të ndalonte zyrtarët apo tifozët që shkuan drejt arbitrit, tani themi pse policia ndaloi trajnerin e Tiranës. Me gjithë respektin për të, Mema gaboi që hyri në fushë. Jam i sigurt që nuk do ta godiste arbitrin, por rregullorja të ndalon kur je me karton të kuq. Nuk kishte dhunë në fushë, por thjesht ndërhyrje për ta eliminuar atë që quhet dhunë. Kam pasur një takim me drejtorin e policisë dhe është e rëndësishme që gjërat të ndahen mirë. Do bëhet edhe një marrëveshje për këtë”, tha mes të tjerash Duka.

Me shumë mundësi në fundjavë do të luhen ndeshjet e Kupës, por gjithsesi ende nuk është marrë një vendim. Nesër do të ketë një takim me kryeministrin Rama dhe ministra të kabinetit të tij qeveritar, kurse sot ishte Armand Duka ai që foli në lidhje me vazhdimësinë  e kampionatit.

“Kemi lajmëruar se është një mbledhje ku do marrin pjesë ministra, kryeministra, klubet shqiptare dhe do të diskutojmë për problematikën që kemi dhe çfarë mund të bëjmë për ndryshimet ligjore për të mirën e sportit, futbollit në rastin tonë. Nëse nuk rikthehet policia e shtetit? Do ta diskutojmë nesër në takim. Nuk mund ta di ende”, është shprehur Duka për “Ora News”.

Olsi Rama, drejtori i përgjithshëm i Partizanit, është optimist se kjo situatë do të zgjidhet: “Mendoj se është një proces i cili do të kalojë së shpejti, duke gjetur gjuhën e përbashkët dhe duke vijuar garën në lojën më të bukur, futbollin. Gjithmonë jemi të përgatitur për çdo lloj situate. Do ta kthejmë çdo aspekt të saj në një aspekt pozitiv për klubin tonë”.

Skënder Gega e ka komentuar gjithashtu situatën që ka përfshirë futbollin shqiptar: “Klubet janë pajtuar me këtë vendim. Besoj dhe shpresoj që t’i bëjë mirë. Ditët kalojnë shumë shpejt. Ne jemi stërvitur për shumë arsye. Edhe na ka shërbyer, pasi ka pasur ndoshta edhe probleme, megjithatë duhet ta fillojmë garën bashkë dhe gjërat të mos përsëriten. Duhet të jemi më optimist për të ardhmen.

Unë jam për një shtet të fortë. Edhe Federata brenda shtetit besoj se do të gjej një bashkëpunim dhe secili të marrë përgjegjësinë e vet. Por edhe ne si pjesë e futbollit të jemi shembull dhe duhet të japim edhe mesazhet e “Fair Play”. Sporti duhet të na bashkojë dhe jo të na ndajë”.

Një tjetër personazh që ka folur është edhe Bamir Topi, i cili dikur ishte shpesh në stadium në ndjekje të Tiranës. “Futbolli mos mendoni se është vrarë në 24 orët e fundit. Futbolli ka vite që vritet çdo ditë. Shqipëria nuk e ka luksin që të trajtohet me stjuartë, sikurse janë vendet e tjera. Janë vite drite larg”, deklaroi ish-presidenti i Republikës së Shqipërisë.

“Kemi edhe raste të tilla, si ai që ndodhi në Kamëz. Është një gjë shumë e shëmtuar, por futbolli për nga emocionet që ka, për nga gara, sa më e egër të jetë ajo, aq më shumë bëhen të papërmbajtura emocionet. Këto emocione nuk përmbahen vetëm me shkollë edukimi, por me masa të ndryshme sipas nivelit që ndodhin”, tha mes të tjerash Duka para mediave.

“Kuptohet niveli i shoqërisë shqiptare dhe ne duhet të jemi realistë ku jemi dhe ku është niveli i shoqërisë shqiptare. Ai që është agresori dhe ai që bën dhunën, patjetër që ka peshën kryesore të fajit dhe duhet të marrë dënimin e duhur. Të tjerët duhet të analizojnë dhe të shohin se çfarë faji kanë. Federata e Futbollit, organizatorët e Klubit dhe gjithashtu edhe forcat e rendit, që duhet të ruajnë rendin në Shqipëri”, shtoi Duka, pyetur për shkaqe që sjellin dhunën.

LIGJI – “Në fillim të këtij kampionati çuditërisht u mor një vendim që policia nuk duhet të jetë prezent në stadiume. Po të jesh në zyrë dhe në letër, është një vendim OK, që kopjon disa vende. Thonë kështu e ka Anglia, e kështu e ka Norvegjia. Unë nuk besoj që Anglia dhe Norvegjia kanë nevojë për aq shumë policë sa ishin sot në mëngjes në parlamentin shqiptar, sepse parlamentarët nuk flasin me njëri-tjetrin. Kanë një polici jashtë dhe një gardë brenda. Niveli i futbollit, që është akoma edhe më i gjerë dhe presupozohet se niveli intelektual duhet të jetë pak më i ulët se i parlamentit, duhet të luajë dhe të ruajë vendin vetë, pa policinë”.

ZGJEDHJA NË KOMITETIN EKZEKUTIV – “Çdo garë është e vështirë, sidomos duke parë realitetin që jemi një vend i vogël si Shqipëria. Ky është organi drejtues më i lartë pas kongresit.

FADIL VOKRRI –  “Fadili ka qenë shtysa e parë që të kandidoja dhe dy vite më parë. Atëherë nuk isha shumë i vendosur, por ai më shtyu ta provoja. Do doja që këtë rezultat ta ndanim bashkë. Gjithsesi ka vazhduar mbështetje nga federata e Kosovës dhe  federata e Maqedonisë që tani drejtohet nga një shqiptar”.

DISAVANTAZHET – “Kur je pjesëtar i një federate të vogël me problematikat tona, kur ulesh në tavolinë me drejtues të shteteve të tjera ke një disavantazh. Nuk është thjeshtë çështje lobimi ose raportesh miqësore. Sigurisht këto ndikojnë, por është më shumë çështje serioziteti. Kemi bërë progres të madh në zhvillimin e futbollit shqiptar. Tani kemi pesë shqiptarë anëtarë të komiteteve të ndryshme që ka UEFA, dikur nuk kemi pasur asnjë”.

“Fryma e solidaritet që ka UEFA me federatat e vogla duhet të vazhdojë. Nëse klubet dhe federatat e vogla nuk kanë zërin e tyre atëherë situata mund të ndryshojë. Si federatë nuk do të kemi përfitime ekonomike, por do të punojmë për të mirën e komunitetit”.

“Unë nuk e shikoj si një sukses personal, por si një zhvillim pozitiv për federatën shqiptare të futbollit dhe më shumë për të thënë se jemi dhe ne, ose më shumë për të marrë atë imazh që na takon. Për mua është e rëndësishme që Shqipëria është pjesë e Komitetit Ekzekutiv, ashtu siç ishte pjesë e Europianit. Natyrisht nuk është në nivelit e Europianit, por për aq sa vlen”.

LICENSIMET – “Niveli i licencimit në Shqipëri ka ndryshuar shumë. Çdo vit ne bëjmë ndryshime duke vënë kritere më të forta, në mënyrë që të shkojmë te kriteret maksimale. Besoj në dy vite çdo klub që do të jetë pjesë e Superiores do të duhet të plotësojë kriteret për të marrë pjesë në Kupat e Europës”.

FORMULA E SUPERIORES – “Mendoj se kemi gjetur një skemë optimale për vetë specifikat që ka Shqipëria. Me rrethanat dhe me aq mundësi financiare sa kemi mendoj se kampionati ka skemën e përshtatshme. Donim të bënim ndryshime në formatin e Kupës së Shqipërisë. Më parë tentuam të përdornim një format me grupe. Në teori ishte një ide e mirë, por vumë re se u shtua dukuria e trupimit të ndeshjeve, prandaj u kthyem në formatin me eliminim direkt. Kupa e Shqipërisë është kompeticioni ku hasim më shumë probleme me trukimin e ndeshjeve”.

FORMULA E SUPERIORES – “Mendoj se kemi gjetur një skemë optimale për vetë specifikat që ka Shqipëria. Me rrethanat dhe me aq mundësi financiare sa kemi mendoj se kampionati ka skemën e përshtatshme. Donim të bënim ndryshime në formatin e Kupës së Shqipërisë. Më parë tentuam të përdornim një format me grupe. Në teori ishte një ide e mirë, por vumë re se u shtua dukuria e trukimit të ndeshjeve, prandaj u kthyem në formatin me eliminim direkt. Kupa e Shqipërisë është kompeticioni ku hasim më shumë probleme me trukimin e ndeshjeve”.

KOMBËTARJA – “Mendoj se shumica e lojtarëve të kombëtares janë në një formë më të mirë se në muajt e mëparshëm. Objektivi jonë mbetet kualifikimi në Europian. Do të jetë shumë e vështirë

EMRA TË RINJ –  “Panuçi ka ndjekur 2-3 futbollistë që kanë luajtur me U21 ose me U19, të cilët nuk është çudi t’i shohim në ndeshjet ndaj Turqisë ose Moldavisë. Është një sulmues në Greqi që po shënon shumë (Durmishaj) është dhe një mbrojtës i Veronës, Kumbulla, i cili tani është i dëmtuar. Nuk është çudi që t’i shohim me kombëtaren”.

REKRUTIMET TE MOSHAT – “Në ekip kombëtare do të luajë ai që është më i miri, pavarësisht se i ka prindërit emigrantë ose në Shqipëri. Ne kemi ndërmarrë një politikë që do fokusohemi në Shqipëri. Sigurisht do të merren më të mirët, por nëse kemi modele të barabarta do t’i jepet përparësi lojtarëve që janë në Shqipëri në mënyrë që të japim dhe një model, që ne Shqipëri mund të prodhohen lojtarë të kombëtares”.

“Në ekipet kombëtare do të luajë ai që është më i miri, pavarësisht se i ka prindërit emigrantë ose në Shqipëri. Ne kemi ndërmarrë një politikë që do fokusohemi në Shqipëri. Sigurisht do të merren më të mirët, por nëse kemi modele të barabarta do t’i jepet përparësi lojtarëve që janë në Shqipëri në mënyrë që të japim dhe një model, që ne Shqipëri mund të prodhohen lojtarë të kombëtares”.

“Nuk ka për të ndodhur që talenteve që luajnë jashtë Shqipërisë të mos t’i jepet mundësia për të luajtur për kombëtaren shqiptare. Siç e thash në rast të barabarta do t’i jepet një dorë lojtarëve që jetojnë në Shqipëri, por nëse ka lojtarë që spikasin nuk do t’i mbyllet rruga. Në të shkuarën ka pasur tendenca për të marrë emra që luajnë në kampionate dhe skuadra me emër. E kemi pasur këtë kompleks, por lojtarin nuk e vlerësohet nga fakti që luajnë me moshat e Interit, por nga fusha e lojës”, përfundoi Duka.

FUTBOLLI I MOSHAVE – “Ka nevojë për shumë reforma në organizimin e kampionateve profesionistë e amatorë, por çështja kryesore është infrastruktura. Duhet një ndryshim i madh në infrastrukturë. Nuk mund t’ia dilet më vetëm me investime të federatës duhet të investojë shteti në mënyrë që të bëjmë hapin cilësor. Kam bindje se do ta bindim politikën për të ndihmuar futbollin”.

“Sa mora mandatin e ri dhe nuk po e mendoj, është shumë shpejt”, është shprehur Duka në emisionin “I  ftuari” të gazetarit Endri Xhafo në “A2 CNN”. Në fakt mandati i tij përfundon në vitin 2022 dhe deri atëherë ka kohë mjaftueshëm për të marrë një vendim.

Historik nuk është vetëm zgjedhja e Dukës në Komitetin Ekzekutiv të UEFA, por edhe dënimi që këta të fundit kanë marrë për Skënderbeun. Në raportin e paraqitur në asamblenë e UEFA-s është konsideruar një sukses luftimi i trukimeve dhe mes çështjeve të listuara veçohej edhe dënimi i korçarëve me 10 vite përjashtim nga kompeticionet evropiane dhe me një gjobë që kap shifrën 1 milion euro.

“Dënimi i Skënderbeut është i paprecedent, nuk ka ndodhur asnjëherë. Nuk do isha dakord me një dënim të tillë, pasi dënimi është i përjetshëm nëse e zbërthen tamam. Mendoj që nuk është rasti më i keq, por është bërë për t’u marrë shembull”, u shpreh Duka në emision.

KUALIFIKUESET  E EURO 2020 –  “Franca është kampione e botës dhe është në formë të shkëlqyer sportive, por nuk ka diferenca mes Turqisë dhe Moldavisë, apo Islandës dhe Shqipërisë. Sigurisht që kualifikimi nuk është mision i lehtë, por ne do ta tentojmë”, u shpreh kreu i FSHF-së.

“Objektivi ynë është që të fitojmë çdo ndeshje, dhe nëse e bëjmë këtë do të dalim të parët. Por në futboll jo gjithmonë arrihen ato që ke vendosur si objektiv. Grupi ku ne luajmë mendoj që është i balancuar. Por i kam thënë Panuçit pas shortit, kush llogarit 6 pikë me Andorrën i ka të humbura”, përfundoi Duka.

Kreu i FSHF-së sjell edhe shembuj, madje nuk shkon shumë larg: Kosova. Vëllezërit tanë përtej Drinit kanë një buxhet shumë më të madh se ne, ndërkohë që për shembullin hungarez t’u flasësh pushtetarëve tanë është e vështirë. Duka e ka lëshuar gjysmë fjale, gjithsesi.

Stadiumet nuk janë ato që e rrisin futbollin, duhen fusha ku të luajnë fëmijët dhe të zbulohen talentet e radhës. Por duhen edhe ligje që t’i mbështesin ata që investojnë në sport. Deri më tani ka pasur vetëm fjalë.

FUSHAT – “Qeveria të marrë një vendim dhe të thotë do të financojmë 200 fusha futbolli në Shqipëri. Kush i dëgjon mund t’i duken shumë, por janë pak. Tirana, ku vërtetë luajnë futboll të gjithë fëmijët, ka nevojë për 100 fusha futbolli. Është e vështirë për hapësirat, por duhet t’i gjejmë dhe ato. Buxheti, qoftë i Bashkisë së Tiranës, qoftë dhe i qeverisë, nuk është se varfërohet për kaq pak para për një sport që shqiptarët e dashurojnë shumë”, thotë Duka në intervistën e tij për “ABC Neës”

PREMTIMI I VITIT 2013 – “Kur Rama do vinte në qeveri u mendua, madje mbaj mend që Fidel Ylli bëri fushatë me këtë, që do kishte Ministri Sporti. Ajo do mendonte për sportin dhe realisht kur ka një ministri, kur ka një administratë, që bashkon dhe mbledh grupet e interesit dhe prodhon vërtetë strategji dhe politika të paketave fiskale që ndihmojnë sportin, gjërat nëse nuk realizohen 100% do realizohen 50%”.

PROBLEMET LIGJORE – “Tek ne ka një ligj që është qesharak. Më duket se është i ’94-s. Kanë lindur herë pas here iniciativa, që shuhen shpejt. Iniciativa kemi marrë dhe ne. E kemi propozuar një herë një paketë fiskale, që shkuam ta mbronim dhe në komision parlamentar. Çuditërisht disa njerëz të sportit brenda komisionit i dolën kundra dhe u shua dhe ajo”.

SHEMBULLI NGA KOSOVA DHE HUNGARIA -“Politika kosovare e mbështet sportin më shumë se politika shqiptare, madje në mënyrë strategjike dhe jo në mënyrë spontane. Buxhetet që ka Kosova, qoftë dhe buxhetet për financimin e sporteve, janë 10 ose 20 herë më të mëdha se Shqipëria. Ajo paketë fiskale, që për mua nuk është e plotë, që ka, duhet të jetë dhe më e mirë e Kosovës”.

“Hungaria i detyron kompanitë, shoqëritë e biznesit, të shkojnë të bien dakord me një nga federatat e 4 sporteve prioritare dhe të investojnë nga fitimet e tyre. Kjo pjesë zbritet nga Tatimet. Në tre-katër vitet e fundit janë shifra marramendëse të investuara. Janë ndërtuar fusha futbolli pa fund dhe do ketë ndryshime”.

NDRYSHIMET NË VITE – “Nëse do shohim kolonën e të ardhurave dhe shpenzimeve të 10 viteve më parë me sot, ndryshimi është më shumë se 200% nga sponsorizimet që kanë vetë klubet, që nuk kanë ekzistuar dikur. Ka të ardhura nga e drejta televizive. Ka të ardhura nga shitjet e lojtarëve dhe vetëm të ardhurat e klubeve nga UEFA janë mesatarisht 8-9 milionë euro. 10 vite më parë e gjithë Shqipëria në total kishte të ardhura 700-800 mijë euro”.

KËSHILLA DHE PARALAJMËRIMI –  “Duhet të bëjmë aq futboll sa kemi të ardhurat. Sa prodhojmë në atë lloj niveli gare, aq duhet të jemi. Ekipet e kategorisë Superiore në Shqipëri, me një menaxhim të mirë, mund të jenë me një bilanc pozitiv. Disa prej tyre janë”.

“Deri më sot ne nuk është se kemi marrë ndonjë masë për të përjashtuar nga aktivitete apo për të zbritur nga një kategori më poshtë. Duhet të jemi akoma më strikt dhe duhet t’i ndihmojmë që të jenë me bilanc pozitiv dhe në të njëjtën kohë mos t’i lejojmë për të vazhduar me bilanc negativ”.

TRAJNERËT E KOMBËTAREVE TË MOSHAVE –  “Përzgjedhja sot nuk bëhet nga një individ, bëhet nga i gjithë stafi teknik i Federatës së Futbollit. Sot e them me bindje, në edicionin që jemi, që nuk ka shans që të përzgjidhet një njeri që nuk e meriton. Të gjitha të tjerat, që fëmija im është si Maradona por nuk e thirrin, janë legjenda urbane. Është i gjithë stafi, të gjithë trajnerët, drejtori teknik bashkë me ta, të cilët shkojnë në fushë, japin vlerësimet individuale të pavarur nga njëri-tjetri, pa ia ditur emrin lojtarit, vetëm me numra”.

“Tre arsyet që kam kërkuar të jem: eksperienca që unë kam në drejtimin e FSHF dhe duke qenë anëtar dhe drejtues në disa komisione në UEFA dhe në FIFA. Europa përbëhet nga shumë vende dhe ka nevojë Komiteti Ekzekutiv që të ketë në përbërjen e tij përfaqësuesin e një vendi specifik apo të vogël”, tregon Kreu i Federatës, i cili më tej theksoi se ka pasur mbështetje edhe nga vendet e rëndësishme evropiane.

“Mbështetja ime ka qenë nga të gjitha rajonet, kryesisht nga Europa Qendrore. Të gjithë vendet e mëdha, duke filluar nga Anglia, Gjermania, Italia, Franca, Spanja, Austria, Hungaria, Polonia, vendet nordike më kanë mbështetur pothuajse të gjithë. Vendet nga ish-Bashkimi Sovjetik kanë pasur një lloj skepticizmi ndofta dhe sepse nuk e njohin shumë mirë Shqipërinë, nuk e njohin shumë mirë realitetin”. shtoi Duka.

Kreu i FSHF-së ka pasur edhe mbështetjen e Serbisë. “Ky nuk është votim politik, është votim sportiv. Marrëdhëniet me të gjitha federatat janë korrekte. Luajmë kundër njëri-tjetrit. Hyjmë në fushë që të fitojmë kundër njëri-tjetrit. Ka një lloj solidariteti dhe vendet e rajonit në përgjithësi kanë qenë pozitive, e kanë mbështetur kandidaturën time”, deklaron numri një i futbollit shqiptar..

Më tej ai thekson se nuk është se Shqipëria do të ketë më shumë mbështetje meqë u zgjodh pjesë e Komitetit Ekzekutiv: “Shqipëria nuk ka vuajtur në realizimin e projekteve të veta nëpërmjet FIFA-s apo UEFA-s. Kjo ka qenë dhe arsyeja pse është mbështetur kandidatura e Shqipërisë ,sepse një vend si Shqipëria, të paktën vetëm me dy projektet e mëdha të vitit 2019, stadiumin e Tiranës dhe zyrat, pothuajse asnjë federatë nuk ka finalizuar projekte të tilla. Nuk është ky qëllimi i anëtarësimit në Komitetin Ekzekutiv. Qëllimi është për të kontribuar bashkërisht për të tërën”, tha ai.

“Të qenit pjesë e një organizate shumë të rëndësishme si UEFA apo FIFA, pjesa e të qenit anëtar i një komuniteti europian apo botëror i futbollit, është patjetër pjesa e kënaqësisë, pjesa e lumturisë e të qenit president i Federatës së Futbollit. Pjesa e menaxhimit të brendshëm të garave, e probleme, e pengesave, policia, arbitri, ankesa, kontestime është pjesa e halleve të mëdha”, u shpreh Duka.

https://www.facebook.com/FederataShqiptareeFutbollit/photos/a.350146851751217/1966271376805415/?type=3&theater

NJOFTIMI I FEDERATËS – Sot në Romë është zhvilluar Kongresi i 43-të i UEFA-s që kishte në rendin e ditës zgjedhjen e Presidentit të UEFA-s dhe anëtarëve të Komitetit Ekzekutiv të UEFA-s, pozicion për të cilin kandidonte dhe Presidenti i FSHF, Armand Duka.

Presidenti Duka ka arritur të zgjidhet në Komitetin Ekzekutiv të UEFA-s me 36 vota, duke marrë besimin e delegatëve të shumë federatave të mëdha europiane për një mandat 4 -jeçar. Një arritje shumë e madhe kjo për Shqipërinë dhe futbollin shqiptar që ka arritur të kalojë kufijtë e përfaqësimit në institucionet më të rëndësishme europiane sportive. Për herë të parë në histori, futbolli shqiptar do të përfaqësohet nga Presidenti Duka në qeverinë e futbollit europian. Në këtë Kongres Aleksandër Ceferin u rizgjodh President i UEFA-s duke marrë një mandat për katër vitet në vazhdim.

Detyrat dhe përgjegjësitë e një anëtari të Komitetit Ekzekutiv në UEFA – Komiteti Ekzekutiv i UEFA-s është organizmi ekzekutiv suprem i UEFA-s. Përbëhet nga Presidenti UEFA-s dhe 16 antarë të tjerë, nga të cilët të paktën një femër, që zgjidhen nga Kongresi i UEFA-s, dy antarë zgjidhen nga Shoqata e Klubeve Europianë (ECA) dhe një antar që zgjidhet nga Ligat Europiane, të ratifikuara nga Kongresi, të gjithë me të njëjtat të drejta dhe detyra si të gjithë antarët e tjerë të Komitetit Ekzekutiv.

#uefacongress

A post shared by Armand Duka (@armand_duka) on Feb 7, 2019 at 2:37am PST

Anëtarët dhe zëvendëspresidenti – Komiteti Ekzekutiv nuk mund të ketë më shumë se një anëtar nga një federatë që është anëtare e UEFA-s. Ky rregull nuk aplikohet për anëtaret femra ose për anëtarët e Komitetit Ekzekutiv të zgjedhur nga ECA dhe Ligat Europiane. Çdo anëtar i Komitetit Ekzekutiv, me përjashtim të Presidentit dhe anëtarëve të gjinisë femërore, ka një rol aktiv (për shembull president, Zëvendëspresident, sekretar i përgjithshëm ose administrator i deleguar) në Federatën respektive. Komiteti Ekzekutiv zgjedh një zëvendës president të parë, katër zëvendës president të tjerë nga propozimet e Presidentit të UEFA-s. Presidenti mund ti japë funksione specifike ndaj cilitdo nga zëvendës presidentët.

Zgjatja e mandatit – Mandati i Presidentit dhe i anëtarëve të Komitetit Ekzekutiv të zgjedhur në Kongres ka një kohëzgjatje katër vjeçare. Tetë anëtarë dhe presidenti, zgjidhen çdo dy vite. Zgjatja e mandatit të dy anëtarëve të Komitetit Ekzekutiv të zgjedhur nga ECA dhe nga Ligat Europiane është katër vjeçare. Asnjë person nuk mund të jetë president ose anëtar i Komitetit Ekzekutiv më shumë se tre mandate, si radhasi por edhe të ndarë. Nuk mund të zgjidhen anëtarë me moshë mbi 70 vjeç. Nëse një vend lihet vakant, në Kongresin e zakonshëm të radhës zgjidhet një anëtar zëvëndësues deri në fund të mandatit të atij që largohet. Nëse vendi lihet vakant gjatë vitit të fundit të mandatit nuk zgjidhen anëtarë zëvendësues.

Mandati i presidentit dhe anëtarëve të Komitetit Ekzekutiv fillon me mbylljen e kongresit në të cilin zgjidhen dhe përfundon në mbyllje të kongresit në të cilin zëvendësuesit zgjidhen dhe ratifikohen.

Congratulations to:

Sándor Csányi ??

Armand Duka ??

Fernando Gomes ??

Jesper Møller Christensen ??

Andrii Pavelko ??

Luis Rubiales ??

Davor Šuker ??

They have been elected to the #UEFAExCo for a four-year term. #UEFACongress

— #UEFACongress (@UEFA) February 7, 2019

Pushteti – Komiteti Ekzekutiv mund të adoptojë rregulla dhe vendime mbi të gjitha çështjet që nuk kanë të bëjnë në juridiksionin legal ose statutor të Kongresit të UEFA-s ose të një organi tjetër. KE administron UEFA-n, me përjashtim të rasteve kur të tilla aktivitete janë deleguar, ose disa detyra menaxhimi i janë deleguar nga Statutet e UEFA-s presidentit të UEFA-s ose Administratës UEFA.

Detyrat – Komiteti Ekzekutiv kryen këto aktivitete që kanë karakter të patransferueshëm:

*Kontrolli i përgjithshëm i UEFA-s dhe komunikimi i udhëzimeve të nevojshme
*Përcaktimin e strukturës organizative
*Monitorim dhe supervizim i (Regolamentazione e supervisione della contabilità
*Zgjedhjen e pesë anëtarëve të Komitetit UEFA për administratën dhe disiplinën si edhe komunikimin e termave referues.
*Zgjedhja e një Sekretari të Përgjithshëm dhe një zëvendës sekretari të përgjithshëm nga propozimi i Presidentit
*Shkarkimin e Sekretarit të Përgjithshëm ose zëvendës sekretarit të përgjithshëm pas propozimit të Presidentit ose pas një vendimi të mbështetur nga të paktën dy të treta e antarëve të Komitetit Ekzekutiv.
*Supervizim total të administrimit të UEFA-s, përfshirë Sekretarin e Përgjithshëm dhe zëvëndës sekretarin e përgjithshëm, lidhur me respektimin e ligjit, të statuteve, të rregulloreve dhe të urdhëresave; aprovimin e biznes planit vjetor për administrimin e UEFA-s.
*Realizimin e një relacioni të shkruar për tu prezantuar në Kongresin e zakonshëm

Komiteti Ekzekutiv mund të delegojë përgatitjen dhe zbatimin e vendimeve të saj, ose aktivitetet e supervizimit tek një ose më shumë anëtarë. Komiteti është gjithashtu i autorizuar të delegojë aktivitetet menaxhuese, të gjitha ose pjesërisht, te Presidenti i UEFA-s, te një ose më shumë anëtarë të Komitetit dhe te administrata e UEFA-s.

Mbledhjet – Si rregull i përgjithshëm, Komiteti Ekzekutiv mblidhet çdo dy muaj dhe thërritet nga Presidenti. Presidenti mund të ftojë palë të treta në mbledhjet e Komitetit Ekzekutiv në cilësinë e konsulentëve. Komiteti ka një kuorum të barabartë me gjysmën e anëtarëve votues përfshirë Presidentin e UEFA-s ose, në mungesë të tij, një zëvendës president.

Vendimet – Vendimet e Komitetit Ekzekutiv kanë efekt të menjëhershëm me përjashtim të disa dispozitave të Komitetit Ekzekutiv. Një anëtar i Komitetit Ekzekutiv ose Presidenti nuk marrin pjesë në çështje ose pika problematike që kanë të bëjnë me Federatën ose skuadra të vendit të tij, ose në raste të tjera që mund të përbëjnë konflikt interesi.

Nuk mund të mungonte edhe presidenti Armand Duka, i cili është ngacmuar në lidhje me hetimin që UEFA po bën për Luftëtarin. Sigurisht nuk pritej që të lëshonte ndonjë “bombë” kreu i FSHF-së.

“Nuk e di a ka një hetim në lidhje me Luftëtarin, por është normale. Për sa kohë ka aktivitet sportiv, çdo klub apo individ edhe mund të hetohet, edhe mund të dyshohet”, është shprehur për mediat kreu i FSHF-së.

Presidenti i Shqipërisë, Ilir Meta
“Për një njeri të madh si Mikel Janku, fjalët sot janë të vështira për t’u thënë. Por ai ishte një figurë e madhe e futbollit shqiptar dhe më pas e gazetarisë sportive. Mikeli ishte njeri me integritet në shoqëri, një njeri që sot nuk mund të përshkruhet me pak fjalë. Figura e tij le të jetë një mesazh për gjeneratat e reja të shoqërisë shqiptare, të cilat duhet të mësojnë më shumë nga historia që Mikel Janku la pas”.

Presidenti i FSHF-së, Armand Duka
“Mikeli ishte dhe do të mbetet një nga figurat e shquara të futbollit shqiptar. Ai ka qenë model i një sportisti shembullor, i një njeriu me kulturë e qytetari, një drejtues pasionant në sport, por edhe një gazetar që sportit i mbeti besnik deri në fund të jetës së tij. Sot ai po ndahet vetëm fizikisht nga jeta, por historia e tij do të mbahet mend nga brezat. Federata Shqiptare e Futbollit gjendet pranë familjes së tij në këtë dhimbje”.

Fatmir Mneri, ish-kryeredaktor i Sport Ekspres
“Kam kaluar momente të vështira, por edhe shumë të bukura me Mikel Jankun. Ai ishte bashkëthemelues i gazetës Sport Ekspres dhe më pas u bë një kontribuues i vlerave më të mira të gazetarisë sportive. Qielli e tërhiqte shumë Mikelin në ëndrrën që ai kishte për t’u bërë aviator. Dëshira për të fluturuar e bëri të tillë edhe si portier të madh te Partizani dhe te Kombëtarja. Sot ai qiell e mori përgjithmonë”.

Momentalisht synimi është të organizojnë Botërorin për femrave U17, gjë që vetë Duka e ka zbuluar në një intervistë të dhënë për “A2 News – CNN” së fundmi.

“Ne nuk kemi mundësi të bëjmë kampionat evropian të ekipeve të para, por kemi mundësi të bëjmë këto kompeticionet e tjera për U17, U19 apo edhe femrat, për të cilat kemi aplikuar për një kampionat botëror. Tani ne e vëmë gurin për çdo lloj kompeticioni. Dikur nuk llogaritnin për asgjë, tani themi që duam të organizojmë dhe Botërorin e femrave U17”, është shprehur Duka.

“Unë besoj se Panuçi do të bëjë më mirë në kualifikueset e EURO 2020”, shprehet Duka mes të tjerash, ndërkohë që është pyetur edhe në lidhje me stadiumin “Arena Kombëtare”, që pritet të përfundojë së ndërtuari gjatë vitit 2019.

INFRASTRIKTURA – “Stadiumi kombëtar në kryeqytet është projketi më i madh i futbollit shqiptar. Ne vazhdojmë punën për të përmbyllur punimet. Hapja e stadiumit do të bëhet në vitin 2019, ëshët drejt përfundimit. Synojmë të luajmë në stadiumin tonë në kualifikueset e Europianit, por me Turqinë do të luajmë në Shkodër”, u shpreh Duka. Më Turqinë do të luhet më 22 mars.

ZHVILLIMI I TURQISË – “Turqia ka evoluar në çdo aspekt, ka një zhvillim të jashtëzakonshëm. Nëse shikoni infrastrukturën, ka nivele spektakolare në gjithë Turqinë. Organizimi është shumë i mirë dhe kjo vlen për të gjitha klubet. Nëse shikoni shifrën e shitjes e së drejtës televizive, ka arritur në nivele rekord në tre vitet e fundit. Futbollistët turq luajnë në ekipe shumë të mira për momentin, ndërkohë që edhe në Turqi po luajnë futbollistët më të mirë të Europës. Ekipi kombëtar turk meriton më shumë në renditje dhe në arenën ndërkombëtare”, janë fjalët e kreut të FSHF-së për televizionin turk “AA”.

NDESHJA – “Për t’i marrë tre pikët kundër Turqisë duhet djersitur shumë, duhet të punosh shumë. Do të luajmë në shtëpi dhe qëllimi ynë i vetëm është që të fitojmë kundër Turqisë. Është një ekip, një kundërshtar që duhet respektuar nga skuadra që ka, nga përbërja e futbollistëve dhe në gjithçka tjetër. Objektivi ynë është kualifikimi në kompeticionet e rëndësishme evropiane dhe kombëtare”.

GRUPI KUALIFIKUES – “Është një grup i hapur, një grup për t’u luajtur. E thashë edhe më parë, një grup me favorit në letër Francën, Turqinë, Islandën dhe pastaj vjen Shqipëria. Nuk kemi bërë rezultate pozitive në vitin 2018, nuk mund ta konsiderosh një vit të mirë për rezultate”.

RAPORTI ME KOSOVËN – “Me Kosovën kemi marrëdhënie shumë të mira, ndihmojmë në mënyrë reciproke njëri-tjetrin. Duke qenë se Federata Shqiptare e Futbollit ka qenë e pranuar më parë në FIFA E UEFA, ka pasur të organizuar kurset UEFA për trajnerët, kurset e arbitrave. Pothuajse të gjithë trajnerët e Kosovës janë përgatitur këtu. Kam shumë besim se do të bëjnë më mirë akoma në kualifikuese”.

Infrastruktura është një tjetër fushë ku ka patur zhvillim dhe përmirësime, ashtu si dhe hapësira për lojtarët e rinj dhe talentët që po dalin në pah. Problem mbeten dënimet kolektive, për të cilat Duka kërkon bashkëpunimin e të gjithëve. Kreu i FSHF komenton dhe situatën e arbitrave dhe tregon se pse skema me 10 ekipe në Superiore është më e mira… për momentin.

PERFORMANCA E SKUADRAVE NË EUROPË – “Ndoshta ekipet patën mungesë pati. Shorti ishte jo shumë i përshtatshëm për skuadrat tona. Por, duket të jemi të vetëdijshëm, se pak vite më parë, maksimumi i klubeve tona ishte kalimi i turit të parë. Tani klubet tona synojnë dhe meritojnë më shumë. Pse jo, dhe pjesëmarrje në kupat e Europës.”

KAMPIONATI – “Është zbutur shumë diferenca e faktorit fushë. Çdo gjë është e hapur, pavarësisht se Partizani e ka mbyllur si kampion i dimrit. Ata kanë qenë bindës në dy fazat e deri tanishme, sidomos në fazën e parë. Titulli mbetet i hapur deri te Flamurtari i vendit të gjashtë.”

TALENTET – “Kemi disa emra që po spikasin shumë. S’dua ta përmend emra, por disa prej mund të jenë alternativa për ekipin kombëtar. Janë lojtarë të skuadrave të ndryshme, qoftë te Partizani dhe deri te Luftëtari.”

ARBITRAT – “Gabimet e arbitrave kanë qenë pjesë e lojës. Nuk ka pasur dëshirë për cenimin e lojës. Gabimet janë të pashmangshme dhe po shohim se po ndodhin edhe tani në epokën “VAR”, por uroj që të mos jenë vendimtare për fatin e kampionatit. 6 Arbitra dhe VAR? Është çështje financash. Me kaq shumë ndeshje se zhvillojmë, nuk mund ta përballojmë”.

DHUNA DHE DËNIMET KOLEKTIVE – “Edhe mua nuk më pëlqen dënimi i stadiumeve pa tifozë. Por, si institucion nuk kemi gjendur një zgjidhje alternative. Kështu e parashikon kodi i disiplinës. Një bashkëpunim më i mirë midis klubeve dhe forcave të policisë do të bënte të mundur identifikimin e tifozëve problematikë. Për momentin nuk kemi arritur ta bëjmë këtë, por po punojmë me stafin e federatës dhe policinë për ndalimin e individëve dhe penalizmin e tyre për t’i thënë jo dënimeve kolektive. Është një punë që duhet bashkëpunim nga i gjithë sistemi i drejtësisë shqiptare.”

STRUKTURA E KAMPIONATIT  – “10 skuadra është numri optimal për nivelin e futbollit tonë sot. Për paratë që hidhen, kaq mund të mbajmë. Ideale do të ishte një kampionat me 20 skuadra, por nuk e përballojmë dot këtë lloj formule. Me 10 skuadra kemi luftë deri në fund dhe minimizojmë fenomene negative si: paracaktimi ose lenia e ndeshjeve.”

INFRASTRUKTURA  – “Kemi pasur progres në numrin e stadiumeve, mbas “Arenës Kombëtare” do të fillojmë një stadium me gjashtë mijë vende në Kukës. Na duhen më shumë fusha. Duhet të kemi 50 fusha të reja në Tiranë, nëse synojmë një futboll modern.”

Ai komenton dhe ofertën e Romës për trajnerin e kombëtares, ndërsa zbulon dhe diçka që i ka kërkuar Panuçit për të përmirësuar në daljet e tij publike.

LIGA E KOMBEVE – “Rezultatet e “Nations League” do të konsideroheshin të mira sikur të kishim fituar të gjitha ndeshjet e të ishim në fazën play-off. Por, futbolli nuk është matematikë. Nuk është se luajtëm keq. Ndaj Izraelit luajtëm shumë mirë. Patëm mungesë fati dhe ndaj Skocisë kartoni i kuq ndryshoi ndeshjen. Në grupe me tre takime, një gabim kushton shumë. Gjithsesi në letër, Skocia mund të konsiderohet më i fortë se Izraeli dhe Shqipëria.”

PANUÇI TE ROMA – “Lajmin e lexova sot. Nuk mund të flas për vërtetësinë e këtij lajmi. Më bëhet qejfi kur dëgjoj se e kërkon një klub i madh. Por, duke e njohur, mund të them se s’mund të jetë në bisedime me Romën, pa folur me mua.”

SJELLJA E TRAJNERIT ME MEDIAN – “Personalisht i kam bërë vërejtje Panuçit për sjelljen e tij me median. Ai është një person që reklamon më pak se çka. Ai nuk kujdeset shumë për imazhin e tij, pasi fokuson gjithçka të skuadra e tij.”

I pranishëm ishte dhe Armand Duka, presidenti i FSHF. Kreu i futbollit shqiptar preku dhe punimet në stadiumin e Kukësit, duke zbuluar dhe kapacitetin e tifozëve që do të përmbajë. Duka flet dhe për të ardhmen, duke treguar kushtin e klubeve për ndërtimin e stadiumeve të reja.

“Ne kemi filluar një projekt të ri, projektin e stadiumit të Kukësit. Do të jetë një stadium me 6 mijë spektatorë, pastaj për vitet e ardhshme ne do të kemi disa projekt-ide. Do të bëjmë një lloj studimi fizibiliteti, kush rikthen, jo vetëm nga pikëpamja financiare, por edhe nga ana sportive, më të mira për futbollin shqiptar do të ketë përparësi në përzgjedhje“, theksoi Armand Duka.

“Asnjë lojtar nuk vlen 100 milionë euro”. Këtë fjali e kemi dëgjuar shpesh nga drejtuesit e kampionëve të Gjermanisë. Jo se nuk i kanë milionat, por politikat e tyre janë të qarta. Të tilla duhet t’i kenë edhe klubet tona. Boll me shpenzime pa kriter, me kontrata milionere për lojtarë që i kanë parë vetëm në “Youtube”, ose që në gjashtë muajt e fundit kanë qenë me pushime.

Armand Duka, presidenti i FSHF-së, në një intervistë që dha ditë më parë për “Top Channel”, ishte i qartë dhe u dha një mesazh të rëndësishëm drejtuesve të klubeve.  “Klubet nuk duhet të tentojnë të paguajnë më tepër se sa i kanë kapitalet e tyre. Ky është një gabim i madh. Çdo klub duhet të ketë një buxhet të parashikuar dhe të mbulojë shpenzimet me vetë të ardhurat që vijnë nga klubi nga vetë futbolli, nga të ardhurat e të drejtës televizive, nga të ardhurat e biletave e sponsorëve, etj. Ka qenë një lloj periudhe tranzicioni e cila forcohet vit pas viti, për të ardhur në idealen që ne nuk do të lejojmë më klube me bilance negative”.

Kreu i qeverisë së futbollit shqiptar di shumë sa i takon biznesit dhe si i tillë ka ardhur në futboll. Pikërisht me këtë sy duhet ta shohin edhe presidentët e klubeve. Nuk është një shpikje e Dukës, e bëjnë klubet europiane, pjesa e shëndoshë sigurisht.

Në njoftimin e bërë, tregohet edhe programi i takimit, teksa Theodoridis, së bashku me përfaqësues të Federatës do të vizitojnë Shtëpinë e Futbollit dhe Arenën Kombëtare, që janë në dertim e sipër. Sekretari Përgjithshëm i UEFA-s shoqërohet edhe nga Zoran Lakoviç, Drejtori i Federatave Kombëtare në UEFA.

“Përshëndetje, Federata Shqiptare e Futbollin ju njofton se nesër, e enjte, datë 20 Dhjetor 2018, vjen në një vizitë zyrtare në Shqipëri Sekretari Përgjithshëm i UEFA-s Theodore Theodoridis. Takimi zyrtar fillon me një vizitë tek Shtëpia e Futbollit pranë Liqenit Artificial, në orën 09:30, vazhdon me vizitën tek Arena Kombëtare dhe përmbyllet me një drekë me Kryeministrin e Republikës së Shqipërisë, Z. Edi Rama. Z. Theodore Theodoridis shoqërohet në këtë vizitë nga Zoran Lakovic, Drejtori i Federatave Kombëtare në UEFA”, thuhet në njoftimin që FSHF ka bërë për mediat.

Nuk mbetet jashtë analizës së Dukës edhe kombëtarja, ecuria dhe të mirat që erdhën nga Nations League. Kreu i FSHF-së beson se shumë shpejt edhe trajnerët shqiptarë do të mund të drejtojnë Shqipërinë, ndërkohë që flet edhe në lidhje me kandidimin për në Komitetin Ekzektutiv të UEFA-s.

SUPERIORJA – “Është një garë akoma më e fortë se e edicionit të kaluar dhe e organizuar edhe më mirë, në të gjitha këndvështrimet është një kampionat më i mirë se i mëparshmi. Stadiumet bosh? Kushtet e stadiumeve, ndoshta është edhe transmetimi i drejtpërdrejt i të gjitha kampionateve të tjera, qartazi më të forta se i joni. Kështu, nëse do të luhet një ndeshje Real-Barcelona, njerëzit preferojnë të rrinë në shtëpi e t’i shohin të dyja, pasi edhe Superliga transmetohet drejtpërdrejt. Menaxhimi dhe promocioni nga vetë klubet dhe mënyra se si duhet t’i afrojnë ata, të gjitha këto nuk janë bërë mirë”.

SKËNDERBEU – “Nuk shoh asnjë cedim në kampionat nga Skënderbeu. Ka pasur angazhim maksimal dhe është shumë i interesuar për të patur një klasifikim sa më të mirë. Nëse do të lejohet të marrë pjesë në sezonin e ardhshëm në kupat e Europës apo jo, do ta vendos KAS-i”.

AKUZAT E NICËS – “Nuk është asnjëherë një gjë e mirë kur krijohen shkëputje nga fillimi apo nga fundi, duke e bërë më pak të interesuar. Ekipet duhet ta vlerësojnë maksimalisht ndeshjen, në fund të fundit kjo është një lojë për të cilën kanë bërë maksimumin për t’u ngjitur në Superligë”.

TIRANA – “Më vjen keq për pozitën që është Tirana, pasi ka mundësi më shumë se sa të tjerët. E përsëris që më vjen keq, por kjo nuk mund të përmirësohet me urim, e nuk mund të përmirësohet me dëshirë nëse nuk do të ketë një menaxhim më të mirë, që i mungon Tiranës. Nëse nuk do të ketë një menaxhim më të mirë, Tirana do të vazhdojë të vuajë”.

PROBLEMET ME PAGAT – “Klubet nuk duhet të tentojnë të paguajnë më tepër se sa i kanë kapitalet e tyre. Ky është një gabim i madh. Çdo klub duhet të ketë një buxhet të parashikuar dhe të mbulojë shpenzimet me vetë të ardhurat që vijnë nga klubi nga vetë futbolli, nga të ardhurat e të drejtës televizive, nga të ardhurat e biletave e sponsorëve, etj. Ka qenë një lloj periudhe tranzicioni e cila forcohet vit pas viti, për të ardhur në idealen që ne nuk do të lejojmë më klube me bilance negative.

NATIONS LEAGUE -“Në ambientimin e stafit teknik, pas një stafi të suksesshëm që arriti me Shqipërinë të hymë në Euro 2016-të, evidentimin e disa futbollistëve të rinj që do të kemi edhe për eliminatoret e ardhshme të Europianit”.

TRAJNER SHQIPTAR NË KOMBËTARE – “Shkolla shqiptare e trajnerëve ka filluar rreth vitit 2004 e njohur ndërkombëtarisht e nga UEFA dhe me licencë që mund të punosh në çdo vend të Europës. Por mund të konsiderohet një shkollë e re, 2004-2018 janë pak vite, por gjithsesi, produktet e asaj shkolle janë trajnerët e rinj që ju sot shihni në pankina dhe që jam i bindur që janë të gatshëm sa më shumë eksperiencë të marrin, të drejtojnë edhe ekipin kombëtar A”.

KANDIDIMI -“Ka qenë i njëjti qëllim edhe tani si dy vite më parë: të shoh Shqipërinë në Komitetin Ekzekutiv të UEFA-s. Sinqerisht nuk e kam menduar ndonjëherë të shoh Armand Dukën si anëtar të komitetit, por në çdo lloj vendi të shoh Shqipërinë një pozicion më lart. Ky ka qenë qëllimi, qoftë herën e parë qoftë edhe tani. Gjithsesi edhe këtë e shoh si sport”.

“Sa i kënaqur jam nga 1-10? Shtatë. Më i kënaqur, se i pakënaqur mund të them. Kualifikohesh në fushë, jo nga shorti. Duhet derdhur djersë. Është short pozitiv. Imagjino që mund të ishte grupi i katërt me Gjermaninë dhe Holandën. Duke menduar atë grup, mendoj se është shumë mirë”.

“Pasi u hodhën dy skuadra e para, doja vetëm të mos kishim Holandën dhe Gjermaninë. Të gjitha janë të forta dhe është e vështirë. Janë ndeshje të forta për të gjithë. Franca është e fortë për të gjithë konkurrentët”.

“Kosova? Jam në tavolinë me stafin e Kosovës dhe janë të kënaqur që do luajnë me Anglinë. Mendojnë se do e fitojnë ndeshjen edhe në “Wembley”. Zëvendëstrajneri po qesh, ndërsa presidenti Ademi e ka shumë seriozisht”.

“Stadiumi i ri? Do luajmë në këto kualifikuese në stadiumin e ri. Janë ngushtuar disi ditët dhe them se luajmë në qershor”.

Komiteti Europian i Rajoneve dhe UEFA, nëpërmjet këtij takimi kërkojnë të ndërtojnë një urë lidhëse nëpërmjet instrumentit financiar të UEFA-s për investimet dhe Fondeve Europiane Strukturore, të cilat janë dhe pjesa më e madhe e buxhetit të Qeverisë europiane të futbollit. Presidenti Duka mori pjesë në cilësinë e zëvendëspresidentit të Komitetit HatTrick.

Në këtë takim u nënvizua impakti pozitiv që futbolli ka në ekonomi, socializmin e rajoneve, shëndetin publik, dhe bashkëpunimin intensiv që UEFA ka me të gjitha strukturat e Bashkimit Europian. Gjatë takimit u diskutua edhe mbi rëndësinë e Fondeve Strukturore Europiane, të cilat janë një mundësi konkrete për të forcuar financiarisht jo vetëm UEFA-n, por edhe federatat anëtare.

Ky proces, nëpërmjet shtimit të fondeve për Federatat anëtare, si edhe ridimensionimin e influencës së UEFA-s, krijon kushtet e një bashkëpunimi me struktura të mirëfillta politikbërëse, si Komisioni Europian apo Komiteti Europian i Rajoneve.

Të gjithë pikat e diskutuara sot në Bruksel, do të jenë në axhendën e mbledhjes së radhës të Komitetit Ekzekutiv të Investimeve, për të çuar përpara këtë nismë të përbashkët europiane që i jep një dimension të ri lojës së futbollit.

Marrë nga FSHF.org

“Pas kompeticionit kam bërë një minianalizë me trajnerin dhe stafin teknik të Federatës, në mënyrë që të ketë rezultate më të mira. Më 2 dhjetor kemi shortin dhe duhet të ndërtojmë gjithçka mirë nga pikëpamja organizative. Por edhe një strategji taktike. Vlerësimi për Panuçin?  Në perceptimin tim, nga 1 deri 10, njeriu është i kënaqur vetëm me veten. Kështu që notat maksimale që mund t’i jepet një tjetri, nuk shkojnë më shumë se 6 ose 7. Nuk mund të japë njeri më shumë, thashë vlerësimin që japin njerëzit”.

EKSPERIMENTE ME KOMBËTAREN – “Absolutisht, kombëtarja është gjëja më e shtrenjtë që kemi dhe nuk mund të ketë eksperimente, as nga ana e trajnerit. Të tentosh dhe të guxosh nuk është eksperiment. Guximi për t’i dhënë besim disa emrave na dhënë disa lojtarë. Jam i bindur me atë që kanë dhënë në fushë në pak ndeshje, qoftë Ismajli, qoftë Uzuni, apo Binaku, janë alternativa për të qenë titullarë në kualifikueset e Europianit. Nuk janë pak tre lojtarë në 11. Janë 30% e skuadrës”.

BLEDAR KOLA – “Më vjen keq ta quaj thashethem diçka që shkruan një media. As e kam menduar dhe as e kam kontaktuar Bledar Kolën kohët e fundit. Kam marrëdhënie me të, e kam kontaktuar dikur dhe i kam ofruar një nga ekipet kombëtare. Kjo ka ndodhur shumë vite më parë dhe ai nuk ka qenë i gatshëm për shkak të angazhimeve në Greqi. Gjatë kësaj periudhe nuk e kam menduar. Pas ndeshjeve vendosëm që të vazhdonim me të njëjtin staf. E kam thënë që nuk kemi luksin dhe nuk do të përfitojmë ndonjë gjë nëse bëjmë ndryshime. Në mars do futemi në fushë në një ndeshje zyrtare. Do ishte një eksperiment shumë më i madh”.

PRITSHMËRITË – “Kombëtarja e ka fajin vetë, në kuptimin që e ka vënë stekën shumë lart dhe ne kërkojmë ta kalojë atë stekë. Në momentin që nuk shkohet në Europian, themi se janë të dështuar. Në fakt nuk janë të dështuar. Unë vazhdoj ta them se kombëtarja është gjëja më e mirë që kemi në Shqipëri, pavarësisht se nuk jemi të parët e grupi, por ishim me Skocinë dhe Izraelin. Ndaj Skocisë nuk e ka të lehtë as Gjermania, apo kampionia e botës Franca. Mund të kishim bërë më mirë, ka gjëra për t’u përmirësuar, por prapë them se kombëtarja është gjëja më e mirë që kemi. Nuk e di nëse kemi ndonjë gjë tjetër me të cilën mund të matemi me Skocinë. Me tradita kulturore, po”.

GJYQI ME BRAÇEN – Duka më tej ka folur edhe për gjyqin që ka nisur me Erion Braçen, deputetin e Partisë Socialiste. “Është e vërtetë, nuk e kisha menduar ndonjëherë. Më pyesnin pse nuk i përgjigjesh, por jam shumë i impenjuar me punë dhe nuk kam kohë të merrem me njerëz që nuk kanë çfarë të bëjnë tjetër veçse të flasin. Vendosa të angazhoj njerëzit e duhur për ta ndjekur në mënyrë ligjore këtë çështje. Nuk e di sa kanë kërkuar juristët dëmshpërblim. Njerëzit duhet të jenë etikë ndaj atyre që kritikojnë. Nuk e kisha menduar këtë padinë, por dëgjova kryeministrin për këtë punën e shpifjeve dhe thashë ta provoj. I kam dëgjuar këto shprehet e fundit të kryeministrit. Ai thotë ‘qentë le të lehin, karvani shkon përpara’, kurse unë them “konet le të lehin, karvani shkon përpara”, deklaroi Duka.

APELIMI I FINOS NË CAS – “Gjykata i ka njohur të gjitha vendimet e Asamblesë. Gjithsesi në çdo rast unë i zbatoj vendimet e marra”.

STADIUMI I RI – “Objektivi ynë ishte të përfundonte në mars. Kemi shumë pengesa dhe e kemi shprehur edhe publikisht, edhe pengesa financiare. Është mëngjes dhe nuk është e përshtatshme të flasësh për ‘TVSH’-ra. Në buxhetet tona dhe të partnerëve ishte parashikuar që TVSH-ja duhet të rimbursohej, por papritmas nga Ministria e Financave, nga një komision me një përbërje të çuditshme, mjafton të shikosh emrat për të kuptuar pse nuk është rimbursuar. Por që të pengohet një projekt kaq madhor, për cinizma apo interesa të anëtarëve të komisionit, është shumë e padrejtë. Ëshët abuzive. Komisioni ka lidhje me shijet personale, por nuk ka lidhej nëse do apo nuk do Dukën. Stadiumi duhet të përfundojë, është një vepër që do të qëndrojë. Uroj në një reflektim të Ministrisë së Financave, me qëllim që stadiumi të përfundojë brenda vitit 2019. Qeveria ka paguar “0 lekë” për atë stadium dhe nuk mund të na e mohojë të drejtën e rimbursimit të TVSH-së apo ta pengojë ndërtimin”.

KOSOVA – “Është e vështirë të bësh krahasime. Kosova është për t’u përgëzuar, pasi në kompeticionin e dytë zyrtar u paraqit mirë dhe zuri vendin e parë në grup, pavarësisht se në një kategori inferiore. Por është për t’u përgëzuar. Të krahasosh është e vështirë, nëse doni t’i krahasoni në renditje, mund të shikohet ajo e FIFA-s. E vështirë të ketë derbi. Nuk e imagjinoj dot përballjen tonë zyrtare me Kosovën, por ekzistojnë mundësitë. Jemi në vazon e katërt, ata në të pestën”.

KANDIDIMI PËR BASHKINË E DURRËSIT – “Nuk e kam menduar të përfshihem në politikë. E kam thënë dhe do e them, kurrë mos thuaj kurrë. Në kohë të ndryshme njeriu merr vendime të ndryshme. Nuk kam ndonjë plan, më pëlqen kjo që bëj, më pëlqejnë sfidat e futbollit, më pëlqen të realizoj ato projekte që ne kemi: kompleksi i ri “shtëpia e futbollit” dhe stadiumi”.

“Kjo nuk do të thotë që tani nuk duhet të marrim vendime të nxituara. Trajneri ka të mirat dhe të këqijat e veta gjatë këtij edicioni. Ne nuk kemi luksin të bëjmë asnjë lloj ndryshimi tani që jemi vetëm për ndeshje zyrtare në mars”, është shprehur Duka fillimisht në TV Klan.

Numri një i Federatës theksoi se duhet mbështetur trajner Panuçi, nëse duam të kemi rezultate pozitive. “Ne mbetemi skuadër modeste. Mund të bëjmë mirë nëse të gjithë mendojmë pozitivisht dhe të vazhdojmë ta mbështesim trajnerin dhe stafin për kualifikueset e Europianit”.

Tani nuk ka më justifikime për italianin dhe në njëfarë mënyre Duka e thotë diçka të tillë: “Ka pasur kohën e mjaftueshme stafi për të bërë le të themi shumë eksperimente dhe për të fituar disa lojtarë si Uzuni e Ismajli. Besoj se është konsoliduar skuadra, është konsoliduar dhe në mendjen e stafit se çfarë duhet bërë dhe si duhet bërë”.

Në fund ai foli edhe në lidhje me bisedën e bërë sot me Panuçin. “Diskutimi me trajnerin sot pas ndeshjeve zyrtare dhe miqësore për ato gjëra që mund të mos jenë bërë mirë dhe që mund t’i korrigjojmë për të ardhmen. Flas në pikëpamjen organizative, pasi nga pikëpamja teknike nuk është se unë mund ta ndihmoj atë”, përfundoi Duka.

Gjithsesi mes palëve ka pasur bisedime dhe Panuçi ka premtuar se do të arrijë objektivin për t’u kualifikuar në “Euro 2020”. Sigurisht një tjetër Europian dëshirohet nga të gjithë në vendin tonë dhe Duka në fakt e ëndërron diçka të tillë.

Një nga kushtet që Panuçi duhet të plotësojë ka të bëjë me qëndrimin në Shqipëri. Nëse më parë shihej rrallë në vendin tonë, kjo gjë do të ndryshojë dhe pritet që trajneri i Kombëtares të jetë më shpesh në stadiumet tona për të ndjekur ndeshjet e Superiores.

Nëse kjo do të ndikojë në rritjen e numrit të lojtarëve që luajnë në vend në kombëtare, mbetet për t’u parë. Gjithsesi lajmi është konfirmimi i Kristian Panuçit në krye të kombëtares për kualifikueset e Euro 2020. Më 2 dhjetor, së bashku me Dukën pritet të jetë i pranishëm në hedhjen e shortit.

I pyetur në lidhje me Panuçin, kreu i Federatës ka shtuar: “Para ndeshjes jam munduar ta mbështes atë dhe ekipin. Duhej paraqitje dhe rezultat pozitiv. I shërben atmosferës”.

Sa i takon rëndësisë së fitores, Duka në fund shtoi: “Ndikon në moralin e djemve, u kthen besimin atyre dhe të gjithëve. Kjo fitore nuk mund të themi se e ben ekipin më të mirë. Duhet më shumë besim, jepini më shumë besim. Me më pak mungesa dhe më tepër impenjim mund të bëjmë më mirë”.