Të dy mbrojtësit tashmë janë lojtarë të rinj dhe do u duhet ta vijojnë karrierën diku tjetër. Lika dhe Ajeti u bashkohen listës së legjionarëve shqiptarë të cilëve u ka mbaruar kontrata së fundmi.

Lista e legjionarëve pa ekip

Bekim Balaj

Arlind Ajeti

Bujar Lika

Naser Aliji

Ivan Balliu

Hysen Memolla

Migjen Basha

Sabien Lilaj

Enis Gavazaj

Shkëlzen Gashi

EDI REJA – “Trajneri i ri më duket shumë mirë, kemi bërë stërvitje me intensitet. Atmosfera me lojtarët dhe stafin është shumë mirë. Një gjë e tillë mungonte prej kohësh”.

PRAPAVIJA – “Nuk kam përgjigje, nuk e di pse ishte ashtu. Ne mundohemi të japim maksimumin, pavarësisht trajnerit ne luajmë për kombin tonë. Ka ndeshje që nuk luajmë mirë, por jemi të gjithë fajtorë, shpresoj në ndeshjen e radhës të përmirësohemi”.

FORCA – “Forca jonë është të luajmë me zemër, me mbrojtje të mirë dhe trajneri i ri na ka dhënë disa gjëra ekstra. Do mundohemi të përcjellim ato çfarë do trajneri”.

Sigurisht që dëmtimi ka bërë të veten dhe Sadikut i duhet ende kohë të jetë në maksimumin e tij. Ditën e sotme ai nuk u preferuar nga stafi teknik i Luganos, që fitoi 1-0 ndaj St. Gallen. Sadiku deri më tani ka shënuar vetëm dy gola, ndërkohë që si titullar ka luajtur vetëm 6 ndeshje. Tetë herë të tjera është hedhur në fushë nga stoli.

Arlind Ajeti në Zvicër është rikthyer të luajë titullar. Mbrojtësi i kombëtares nuk arriti të përballonte sulmet e Jang Bojs, që shënuan gjashtë herë në portën e Grasshopers. Bujar Lika e nisi nga stoli dhe u fut në fraksionin e dytë të ndeshjes. Në minutën e 22-të, pas një dëmtimi të Cvetkovicc, zbriti në fushë edhe mesfushori Gjelbrim Taipi.

Egzon Binaku ka nisur të marrë minuta te Norrkonpinbg. Anësori i majtë debutoi kundër Elsborg, ndërkohë që sot në transfertën kundër Orebro u aktivizua gjashtë minuta para përfundimit të kohës së rregullt. Mbrojtësi doli kryelartë nga fusha, pasi ekipi i tij fitoi me rezultatin e ngushtë 1-2.

Flasim për vitin 2019, kur ai që po shënon më së shumti është Myrto Uzuni. Te Lokomotiva e Zagrebit është parë të luajë në disa pozicione, së fundmi si sulmues i dytë. Ka luajtur edhe në majë, dhe nga krahët, ndërkohë që numëron 3 gola në 6 ndeshjet e zhvilluara deri më tani.

Shënuesi i dytë më i mirë është një mbrojtës: Arlind Ajeti. Futbollisti ka realizuar dy herë me fanellën e Grasshopers. Në total lojtarët e grumbulluar nga Panuçi për dy ndeshjet e radhës kanë shënuar dhjetë gola. Shijen e golit e kanë provuar Kristi Qose, Armando Sadiku, Bekim Balaj, Ardian Ismajli dhe Kristal Abazaj.

Skuadra e Zyrihut është kthyer në ekipin me numrin më të lartë të shqiptarëve në Superligën zvicerane. Në takimin e sotëm kundër Lucernës, Zyrihy kishte tre shqiptarë në formacionin titullar: Beniamin Kololli, Hekuran Kryeziu dhe 19 vjeçari Lavdim Zumberi, ky i fundit u aktivizua për herë të parë si titullar, një javë pas debutimit në kampionat.

Zhvendosemi në Zvicër ku përballjen e vëllezërve Ajeti, doli i fituar sulmuesi i Bazelit, Albian Ajeti, ndërsa mbrojtësi kuqezi Arlind Ajeti la Grasshopersin me 10 lojtarë në minutën e 26-të, pas ndëshkimit me dy kartonë të verdhë.

Sulmuesit shqiptarë Xhakomo Vrioni dhe Sokol Cikalleshi kanë dalë kokulur nga fusha e lojës. Venecia e Vrionit është mundur me rezultatin 3 – 0 në transfertën ndaj Beneventos, ku 20-vjeçari luajti 23 minuta. Me të njëjtin rezultat është mundur dhe Akhisarspori i Sokol Cikalleshit nga Bashakshehiri kryesues. Sulmuesi kavajas luajti për 90 minuta në këtë takim.

Prestigjiozja “Blick” e ka përfshirë mbrojtësin e kombëtares në formacionin më të dobët dhe në “Flop Team” ai nuk është i vetmi shqiptar. Grasshoper u mund në shtëpi nga Lucerna me rezultatin 2-3, ndërkohë që edhe Zyrihu është thyer nga Bazeli 2-0.

Lojtari i shënjestruar ka qenë Mirlind Kryeziu. Në mbrojtjen me tre lojtarë i riu ka vuajtur dhe është përfshirë në formacionin më të dobët të javës. Ai ka luajtur vetëm 45 minuta, ndërkohë që skuadra e tij kishte pësuar një gol nga Albian Ajeti.

Leotrim Kryeziu  i është dashur të presë diçka më shumë se tre muaj për të debutuar në kampionatin zviceran me skuadrën e Luganos. Sulmuesi 19-vjeçar u aktivizua në minutën  83-të, në ndeshjen kundër Ksamaksit, që përfundoi me rezultatin 2 – 2 .

Benjamin Kololli vazhdon të jetë vendimtar në kampionatin zviceran. Lojtari polivalent i përfaqësueses së Kosovës shërbeu asistin e golit të parë në fitoren 2 – 0 të Zyrihut në derbin ndaj Grasshopersit. Arlind Ajeti luajti për 90 minuta për Grasshopers në këtë takim, ku u ndëshkua me një karton të verdhë.

Sot, është publikuar dhe formacioni i javës, ku jo pak por 4 lojtarë shqiptarë janë në ekipin më të mirë. Arlind Ajeti dalloi nga pjesa tjetër e skuadrës në suksesin e Grasshopersit ndaj St.Gallen. Nuk kishte si të mungonte Hekuran Kryeziu, i cili shënoi 2 gola fantastik në barazim 3-3 që Zyrihu regjistroi me Ksamaksin.

Bastian Toma po ashtu ishte vendimtar me golin e tij, duke i dhënë fitoren Sionit ndaj Thunit. Shkëlqim Demhasaj po ashtu ishte protagonist në barazimin 1-1 që Luzerna arriti me Bazelin, duke dhënë asistin e golit.

Edhe pse Sioni ishte në epërsi 0-2 në 45 minutat e para, kampionët në fuqi të Zvicrës arritën ta kthenin gjithçka në favor në fund. Gjithsesi prestigjiozja “Blick” e ka përfshirë Lenjanin në formacionin më të mirë javës.

Encore une magnifique passe de Bastien Toma pour Lenjani #fcsion pic.twitter.com/51HdEC0v3a

— Lucas ?? (@Lucasisback1909) October 27, 2018

Anësori i majtë është i vetmi shqiptar i përzgjedhur mes më të mirë, ndërkohë që në më të dobëtin është përfshirë Arlind Ajeti. Mbrojtësi i Grasshopers u aktivizua vetëm 45 minuta kundër Bazelit dhe la fushën e lojës i dëmtuar. Tani i duhet të operohet dhe të rikthehet në janar i gatshëm.

Mbrojtësi i Grasshopersit u përplas me të vëllanë, Albianin, në ndeshjen e së shtunës kundër Bazelit dhe në pushim mbeti në dhomat e zhveshjes. Ajo përplasje ka qenë fatale dhe tashmë Ajeti do t’i mungojë edhe kombëtares shqiptare.

Mbrojtësi kishte nisur të aktivizohej rregullisht dhe trajneri Kristian Panucci sigurisht që ishte i lumtur për diçka të tillë. Gjithsesi as në ndeshjet e radhës me Skocinë dhe Uellsin Ajeti nuk mund të jetë. Shpresohet në rikuperimin e tij sa më të shpejtë, pasi ai është një lojtar i rëndësishëm për kuqezinjtë.

Titullarë ishin edhe Arlind Ajeti e Nedim Bajrami, kurse për Bujar Likën dhe Gjelbrim Taipin, nuk pati asnjë minutë me Grasshopersin. Qendërmbrojtësi i kombëtares luajti vetëm pjesën e parë të ndeshjes, duke mbetur në dhomat e zhveshjes.

https://twitter.com/FootballSwiss/status/1056243527204700160

Qendërmbrojtësi 25-vjeçar, pas largimit nga Krotone, nënshkroi me Grasshopers në Zvicër për dy vite. Ende nuk ka ardhur momenti i debutimit për të dhe problemi është se ka pësuar një dëmtim.

Duke shtuar faktin që nuk ka kryer një fazë përgatitore të rregullt, Ajeti edhe nëse do të rikuperohej gjatë këtyre ditëve nuk do të mund të jepte më të mirën e tij për Shqipërinë. kështu që gjasat janë që t’i humbasë edhe këto dy ndeshje me kombëtaren.

Sezonin e fundit ai e mbylli te Krotone në Serinë A, ndërkohë që i njëjti klub e donte mbrojtësin edhe në B. Në Itali ndërkohë kanë listuar lojtarët e lirë që mund t’u bëjnë punë shumë ekipeve dhe Ajeti është ndër ata me vlerën më të madhe.

Miguel Veloso është ai që kushton më shumë, 3 milionë euro, kurse mbrojtësi i kombëtares vlen 1 milion euro, po aq sa sulmuesi Xhuzepe Rosi. Më poshtë është lista e lojtarëve të lirë dhe vlera tyre në treg.

1.Miguel Veloso (Mesfushor) – 3 milionë euro
2.Xhuzepe Rosi (Sulmues) – 1 milion euro
3.Arlind Ajeti (Mbrojtës) – 1 milion euro
4.Aleandro Rosi (Mbrojtës) – 900.000 euro
5.Aleksander Tonev (Sulmues) – 700.000 euro
6.Hrvoje Milicc (Mbrojtës) – 500.000 euro
7.Xhanluka Gaudino  (Mesfushor) – 500.000 euro
8.Boukari Drame (Mbrojtës) – 400.000 euro
9.Daniel Pavlovicc  (Mbrojtës) – 400.00 euro
10.Nikola Burdiso (mbrojtës) – 300.000 euro
11.Mariano Izko (Mesfushor) – 300.000 euro
12.Rafaele Paladino (Sulmues) – 200.000 euro
13.Marko Storari (Portier) – 100.000 euro
14.Rikardo Piskiteli (Portier) – 75.000 euro
15.Simon Laner (Mesfushor) – 50.000 euro
16.Leonardo Rivoira (Mbrojtës) – 50.000 euro

Jo vetëm kaq, por thuhet se së fundmi ai ka refuzuar edhe një ofertë nga jashtë Italisë. Klubi më i përmendur është Legia e Varshavës. Gjithsesi pak rëndësi ka tani. Torino nga ana tjetër e kishte shpallur të “padëshiruar” dhe largimi i tij është një lajm i mirë për ta.

Ndërkohë që ai që gëzon është trajneri i kombëtares, Kristian Panuçi, i cili pret që Ajeti të luajë rregullisht këtë sezon dhe të jetë një nga pikat më të forta të mbrojtjes kuqezi. Te Leçe hapësirat sigurisht që nuk do t’i mungojnë dhe mbrojtësi duhet të tregojë cilësitë e tij.

Kur jemi në fund të merkatos, për mbrojtësin e kombëtares ka një tjetër mundësi transferimi dhe lajmi vjen nga specialisti i merkatos, Alferdo Pedula. Sipas tij, Leçe është klubi që është futur në tratativa për ta afruar në ekip.

Krotone nuk e ngroh më si pistë Ajetin dhe tanimë shanset janë reale që të arrijë një akord me klubin e ngjitur në Serinë B. Orët e ardhshme janë vendimtare për mbrojtësin, i cili ka edhe një vit kontratë me Torinon, por “demat” nuk e kanë në plane dhe do ishin të lumtur nga largimi i tij.

Fillimisht duhet të largohet mbrojtësi aktual i polakëve, Mikel Pazdan, ky i fundit kërkohet nga Kaljeri në Seria A. 30-vjeçari dëshiron të largohet, por ende nuk ka diçka konkrete.

Në rast se futbollisti aktual i Legias mund të largohet, atëherë në listën e zëvendësuesve është shqiptari Arlind Ajeti së bashku me Milosh Kosanoviçin. Lojtari i kombëtares shqiptare duhet të fitojë dhe konkurrencën me serbin, me pak fjalë, shumë e vështirë dhe shqiptari mund të digjet.

Kampionët e Polonisë janë në kërkim të një mbrojtësi qendre dhesi alternativë vlerësohet kuqeziu Arlind Ajeti, që nuk është në planet e Torinos për sezonin e ardhshëm. Drejtuesit e klubit në Varshavë e kanë përfshirë mbrojtësin në listën e dëshirave, sepse ai mund të afrohet pa shpenzuar.

Kjo u konfirmua nga klubi i Legias, që për këtë pozicion ishte interesuar edhe për Milosh Kosanoviç të Standard Liezhit, madje nisën negociatat me homologët e këtij klubit, por marrëveshja nuk u realizua, për shkak të pretendimeve të larta financiare të belgëve.

Duke qenë se aktualisht te Legia e Varshavës mungojnë fondet për merkaton, Ajeti është një alternativë me “kosto të ulët”. Ai shihet si një lojtar që do të kompletonte repartin mbrojtës, ku konkurrenca nuk mungon, pasi në dispozicion të stafit teknik janë edhe katër futbollistë të tjerë.