Andaluzianët kanë ambicie të mëdha për sezonin e ardhshëm dhe tani ka hedhur sytë nga Serie A, konkretisht te Napoli. Estadio Deportivo raporton se objektivi i Betis është Arkadush Milik.

Sulmuesi polak ka një kontratë deri në vitin 2021 me Napolin dhe drejtuesit as që kanë ndërmend ta shesin. Klubi spanjoll akoma nuk ka bërë një ofertë zyrtare në drejtim të 25-vjeçarit.

Juventusi po merret me Nejmar, por nuk e ka lënë pas dore Ikardin. Bardhezinjtë e dinë që çmimi i tij ka rënë dhe ofertat janë të pakta. Paratiçi është gati ta transferojë në Torino, por pa shpenzuar shumë.

Diçka e tillë i acaron zikaltrit, të cilët nuk duan t’ia shesin Juves. Nga ana tjetër, Napoli vazhdon negociatat me lojtarin, i cili po fillon të marrë në konsideratë transferimin tek ekipi i Karlo Ançelotit.

“La Repubblica” raporton se Napoli i ka ofruar një rrogë prej 7 milionë eurosh në sezon sulmuesit argjentinas. Nënkampionët e Italisë kanë edhe një propozim tundues për Interin.

Ata ofrojnë kartonin e Arkadush Milik në operacionin Ikardi. Konte ka kërkuar Lukakun dhe Xhekon, ndërsa polaku mund të jetë një prej sulmuesve të ardhshëm. Interi po mendohet, ashtu si Uanda Nara, e cila pret Juven por duhet t’i kthejë një përgjigje sa më shpejt presidentit De Laurentis.