“Nuk nidej aspak presion nga ikja e Roben dhe Riberi. Kam luajtur në shumë ndeshje dhe kam pasur një rol të rëndësishëm në ekipin e sezonit të kaluar. Pa dyshim, tani kemi dy lojtarë më pak skuadra në skuadër, kështu që nuk duhet të lëndohen. Për momentin nuk jam në gjëndjen time optimale, por do e arrij atë përpara ndeshjes së parë ne Bundesliga”, u shpreh Koman.

“E kam menduar shumë këtë gjë gjatë javëve të fundit. Siç e dini të gjithë, vendosa të merrja kohë për t’iu informuar mbi vendimin për të ardhmen time pas ndeshjes së fundit me Bajernin. Kam vendosur ta mbyll karrierën time si futbollist profesionist”.

“Ka qenë padyshim vendimi më i vështirë i karrierës sime. Një vendim ku zemra dhe mendja u përplasën me njëra-tjetrën. Kam jetuar 19 vite për këtë pasion timin dhe u përpoqa të merrja ç’mundesha. Dashuria dhe bindja se mund t’ia dalësh u vunë përballë realitetit që është se jo gjithçka është ashtu siç ti mendon. Nuk jam më ai 16-vjeçari që nuk ia kishte idenë se ç’ishte një dëmtim”.

“Për momentin jam në formë dhe i shëndetshëm dhe si një fans i sporteve të ndryshme dua që të mbetem kështu dhe për të ardhmen. Prandaj kam vendosur t’i jap fund përfundimisht, por kjo është rruga e duhur”, tha Roben.

Dëmtimet e shpeshta dhe mosha 35-vjeçare nuk e lejojnë që të vazhdojë përsëri në nivele të larta. Bajernit i mjafton një pikë kundër Ajntrahtit të Frankfurtit për të fituar titullin kampion pas një rivaliteti të egër me Dortmundin dhe Roben është gati të festojë titullin e tetë dhe ta kthejë në të paharrueshme ditën e lamtumirës.

“Po arrij ta pranon faktin që historisë time me Bajernin i erdhi fundi. Dua ta shijoj në maksimum kohën që më ka mbetur dhe, ku i dihet, dua të provoj të arrij shifrën e 100 golave në kampionat. Nëse nuk ia dal fëmijët do të më qortojnë”, shprehet me shaka anësori i djathtë për “Kicker”.

Roben është ndalur te shifra 98 gola në kampionat dhe 143 në total në 306 prezenca me bluzën e Bajernit mbi supe. Ndeshjen e fundit do të zhvillojë edhe Frenk Riberinë. Me francezin e lidh një miqësi e pastër dhe qindra beteja të zhvilluara në fushën e blertë.

“Përshëndetemi si miq, edhe pse kemi patur debate mes nesh. Ndoshta këto na kanë ndihmuar për të krijuar një raport më të thellë. Dua të tregohem i sinqertë edhe në diçka. Ndonjëherë e kam ekzagjeruar me simulimet dhe rrëzimet. Ka disa video ku nuk kam bërë një figurë të mirë”, përfundon Arjen Roben.

Holandezi nuk është ende gati të varë këpucët në gozhdë dhe si pasojë, kanë filluar thashethemet për të ardhmen e tij. Ofertat po mungojnë për veteranin, gjë e kuptueshme për moshën e tij. Pista e vetme, Kina.

“Një transferim në Kinë do ishte diçka shumë e ndryshme për mua. Po të transferohesh atje, do të thotë që karriera jote ka mbaruar”, tha Roben në vitin 2017.

Mbetet për t’u parë nëse sulmuesi holandez do të zgjedhë Kinën për të vazhduar karrierën e tij, ose nëse do të presë edhe për një mundësi të fundit në kampionatet elitare të Europës.

Xhusepe Marota e ka nisur vrullshëm punën me klubin zikaltër dhe po bën maksimumin për të përforcuar kontingjentin e lojtarëve të Luçiano Spaletit. Administratori i deleguar ka dy emra të tjerë në listë, të cilët janë në fund të kontratës me ekipet e tyre dhe mund të vijnë me parametra zero.

Flasim për Arjen Roben të Bajernit dhe Hketor Herrerën e Portos. Strategjia e Interit është marrja e lojtarëve pa harxhuar para, ndërsa kualiteti mbizotëron mbi moshën. Holandezi është 34 vjeç, por cilësitë e tij nuk vihen në dyshim dhe Marota shpreson që ai mund të bëjë dhe rolin e liderit në ekip.

Nga ana tjetër është dhe meksikani, i cili nuk ka rinovuar me Porton dhe do të largohet në verë. Herrera është një mesfushor i kompletuar dhe ai pëlqehet shumë nga zikaltrit.

Marota po monitoron dhe dyshen e Junajtid: Darmian dhe Valencia. Interes ka dhe për Barelën e Kaljarit dhe Milinkoviç-Saviç të Lacios, pavarësisht se ky i fundit kushton shumë.

Por, ka dhe merkato në dalje. Zhoao Miranda ka kërkuar largimin nga ekipi dhe për mbrojtësin brazilian po interesohet Roma. Di Françesko e pëlqen shumë 34-vjeçarin dhe Roma po mendon ta marrë atë në huazim në fund të sezonit, pasi mund të humbasë shërbimet e grekut Manolas.

Arjen Roben paralajmëroi para disa ditësh se ky do të jetë sezoni i tij i fundit ne Bavari dhe ai ëndërron ta mbyllë me sukses. Shorti u tregua i pamëshirshëm me ekipin e Kovaç, por holandezit nuk i intereson shumë.

34-vjeçari po i pret me padurim dy ndeshjet përballë Liverpulit të Klopit dhe tregon se çdo futbollist ëndërron të luajë këto lloj takimesh.

“Një short i madh, Liverpul është zhvilluar shumë dhe ka një skuadër fantastike. Ata kanë lojtarë të mëdhenj, kreativitet dhe një grup solid. Atmosfera në Anfield do jetë e zjarrtë. E përsëris, është një short i madh, çdo lojtar i ëndërron këto ndeshje“, thekson Arjen Roben.

“Kur isha pjesë e Realit, Bajerni më kërkoi dhe unë e pranova ofertën. Në fillim isha pak skeptik dhe nuk e dija nëse ky do të ishte vendimi i duhur për karrierën time.

Por sot mund ta them që kjo ka qenë zgjedhja më e mirë që kam bërë në karrierën time”, tregon 34-vjeçari, i cili kulmin e tij e arriti në vitin 2013, ku Bajerni fitoi tripletën e famshme përfshirë dhe Championsin. Në finalen përballë Dortmundit, holandezi fluturues shënoi golin e fitores dhe kupa me veshë të mëdhenj përfundoi në Mynih.