Një ndër ndryshimet e shumta që italiani pritet të bëjë është hedhja në fushë nga minuta e parë e mesfushorit venezuelian Aristoteles Romero. Futbollisti i huazuar nga Krotone nuk ka qenë në stol në dy ndeshjet me Karabak, por shansi i 23-vjeçarit për të treguar veten pritet të vijë ndaj ekipit moldav.

Aktivizimi i fundit i Romeros si titullar daton më 4 dhjetor të vitit të kaluar, në takimin e Kupës së Itali, ku Krotone u ndesh me Bolonjën.

Romero aktivizohet si mesfushor qendre dhe në dy vitet e fundit krahas të qenit pjesë e Krotones ka pasur eksperienca në huazim në Segunda Divizion të Spanjës dhe në Slloveni. Ditën e sotme të kuqtë njoftuan ndarjen me Ardit Hilën dhe Romero pritet të jetë një ndër futbollistët që do synojnë të zënë vendin e lënë bosh nga largimi i elbasanasit.

23-vjeçari nga Venezuela u transferua te Krotone në gusht 2017, por shifra reale nuk dihet, sepse në burime të ndryshme ka shifra të ndryshme. Në Itali asgjë, shumë pak minuta, ndërsa 10 ndeshje në Slloveni dhe 5 ndeshje në vitin 2019 në Spanjë Segunda, me Rajo Majadaonda, janë shumë pak për të kuptuar sa vlen një futbollist që para një viti u përfshi në formacionin e dështimeve në Serinë A.

.