Ariedo Braida: Nuk rikthehem te Milani, Mesi si… Françesko Toti!

Sport Ekspres — Tue, 04 Sep 2018 07:25:03 +0000

Ariedo Braida, drejtori sportiv i Barcelonës, komenton mbi të ardhmen e Leo Mesit dhe qartëson zërat e rikthimit të tij tek ekipi i Milanit, klub në të cilin ka punuar për 27 vite rresht.

“Mesi është një kampion i padiskutueshëm, është akoma i ri dhe sipas meje, ai do të luajë deri në moshën 40-vjeçare si Françesko Toti dhe ne as që e mendojmë ta zëvendësojmë atë.

Rikthim te Milani? Nuk kam asnjë kontakt për diçka të tillë. Është diçka e bukur për kuqezinjtë që janë rikthyer jashtëtokësorë si Paolo Maldini. I njoh të gjithë, që nga Maldini deri te Leonardo, por nuk kam patur asnjë kontakt për t’u rikthyer te Milani.

Champions? Barcelona është një klub që nuk duhet dhe nuk frikë nga asnjë kundërshtar”, përfundon Ariedo Braida.

Braida, mjeshtri i “minutës së fundit”: Ja pse merkato është e bukur

Sport Ekspres — Fri, 03 Aug 2018 15:13:50 +0000

Në fillim Malkolm e pastaj Vidal. Lojtarët pothuajse kishin mbyllur gjithçka me Romën dhe Interin, por avioni i nisur për Itali përfundon në Spanjë. E njëjta situatë në të dyja rastet. Mjeshtri e Barcelonës në momentet e fundit. Jemi në merkato dhe asgjë nuk përjashtohet. Ariedo Braida, drejtori sportiv i Barcelonës tregon situatën e Vidal, Malkolm dhe flet për Milanin, aty ku ka kaluar pothuajse gjithë jetën e tij. Dashuri për kuqezinjtë dhe fjalë të mira për punën e mirë të Leonardos.

“Jemi në aktin e fundit sa i përket Vidalit. Jemi afër firmës dhe mendoj që nuk do të ketë surpriza. Milani është jeta ime dhe të gjithë e dinë se sa e dua atë klub, por ndihem mirë në Barcelonë. Mund të them që ka njerëz të zgjuar te Milani dhe Leonardo është një nga ata. Ai po punon mirë në merkato dhe marrja e Higuain ishte e domosdoshme. Gonzalo është një sulmues që të siguron të paktën 20 gola në sezon. Kam tentuar ta marr te Milani dikur, por Reali i Madridit kishte më shumë burime se ne dhe ai përfundoi në Madrid. Shpresoj që Milani ti rikthehet lavdisë dhe të paktën të arrijë Champions-in.”

Braida flet për “rrëmbimin” e Malkolm nga duart e Romës dhe i përgjigjet presidentit të italianëve, i cili kërkon Leo Mesin. Në fund e mbyll me Rafinjën dhe CR7.

“Kush e njeh merkaton, i di mirë zhvillimet brenda saj. Ndonjëherë mendon që gjithçka është mbyllur, por jo. Pikërisht edhe prej këtij fakti, merkato është e bukur. Paleta kërkon Mesin te Roma? Leo ndihet mirë te ne dhe të gjithë e duan. Ai është një lojtar unik dhe një person fantastik.

Sa i përket Rafinjës, ai po luan shumë mirë, ka talent dhe kualitet dhe nuk mendoj që do të rikthehet te Inter.

Ronaldo? Një goditje e madhe e Juventusit. Sot po jetojmë në epokën e globalizimit dhe mund të them që bardhezinjtë kanë kryer një goditje tepër të rëndësishme.”