Në prag të ndeshjes me Juventusin, 27-vjeçari ka dhënë një intervistë për “Gazzeta Dello Sport”, ku ka folur për forcën e kundërshtarit dhe për përshtatjen në Spanjë.

“Ndeshja kundër Juventusit është e rëndësishme dhe e vështirë. Tani kemi për detyrë të tregojmë sa vlejmë përballë një kundërshtari të madh. Atletiko nuk ka mbërritur në këtë fazë pa meritë”.

“Në Champions ndodhen vetëm ekipet më të mira. Ne besojmë te aftësitë. Nëse shfaqim potencialin tonë të plotë jemi të aftë t’i hapim probleme çdo ekipi, Juventusit s’bën përjashtim”.

“Unë jam i mendimit se në futboll vendos gjithmonë grupi. Skuadra më e përqendruar do të fitojë. Kemi arritur në pjesë të sezonit ku nuk mund të bëjmë më gabime”.

“Futbolli në La Liga është ndryshe nga ai në Holandë. Në Spanjë janë më të kujdesshëm në aspektin e fazës mbrojtëse, por sërish më lejohet që të dal përpara e të ndihmoj sulmin. Simeone po ndihmon shumë. Prej tij po mësoj gjithnjë gjëra të reja”, përfundoi Arias.

Sipas medieve italiane “gjuetia” e Napolit për një mbrojtës krahu është drejt fundit. Pas negociatave të dështuara për Sabalin e Bordosë e Lainerin e Salcburgut, më në fund është gjetur marrëveshja për një tjetër lojtar.

Bëhet fjalë për mbrojtësin e PSV-së Santiago Arias. Transferimi do të kapë vlerën e 12 milionë eurove. Arias është një rival i denjë për Hysajn, pasi është një futbollist titullar i padiskutueshëm si me kampionët e Eredivisies, por edhe me përfaqësuesen kolumbiane.